وزير المالية : الجنوب حذرنا بعدم بيع «ولو جالون واحد» من البترول..نستهلك مليوني طن والناتج من القمح لايتجاوز «4» الاف طن،..«المركزي» :المنتج من النفط يكفي الاستهلاك ولا يستبعد ان يعود السودان للتصدير.
البرلمان : علوية مختار:
عزت وزارة المالية، نقص السيولة في السوق الى شروع بنك السودان في شراء الذهب المنقب عشوائيا لتوفير العملات الصعبة ،واعلنت عن ترتيبات لتصدير مليون طن ذرة لتوفير مبلغ 265 مليون دولار.
وكشف وزير المالية ابراهيم محمود ،في اجاباته على مداولات نواب البرلمان حول اداء موزانة الدولة في الربع الاول من العام الحالي، عن تسلمهم لخطاب من حكومة الجنوب يطالب بإيقاف عمليات بيع النفط بعد «9» يوليو المقبل.
واوضح ان وزارته تسلمت اخطاراً من حكومة الجنوب يحذر من اقبال الحكومة على بيع «ولو جالون واحد من البترول بعد «9» يوليو نيابة عن الجنوب»، الى جانب التهديد باللجوء للمحكمة ،واكد الوزير ان الحكومة ،بعد «9» يوليو لن تقوم بتسويق البترول «وسنأخذ حقنا القانوني من خطوط الانابيب «، مشيراً الى ان الجنوب ليس لديه خيار الا خطوط انابيب الشمال.
وارجع وزير المالية العجز الذي ظهر في اداء موزانة الدولة في الربع الاول لزيادة اسعار البترول ورفع نصيب حكومة الجنوب من ايرادته المحددة في الموازنة من مليار و197 دولار الي اثنين مليار و117دولارا، الي جانب التزام الحكومة بتسديد ماعليها من التزامات سابقة للجنوب و تسديد الدين الداخلي، واكد ان هناك تجاوزاً بسيطاً في العجز جاء نتيجة للمنحة الشهرية حيث حدد الاعتماد بمبلغ 392 وارتفع الي 475 بسبب ادراج الجامعات فيها ،واضاف «حتى المبالغ التي جاءت نتيجة لرفع الدعم عن المحروقات والسكر، 76% منها ذهبت للمنحة.
ودافع الوزيرعن نسب التضخم ،وقال ان استيراد كميات كبيرة من القمح والسكروالجازولين تسبب في نسبة كبيرة من التضخم، مبيناً ان الاستهلاك المحلي للقمح يبلغ مليوني طن بينما لايتجاوز الناتج المحلي منه «4» الاف طن، مبيناً ان ذلك ينسحب ايضا على السكر الذي يزيد فيه الاستهلاك عن المنتج ،كما دافع عن دخول الحكومة في شراء الذهب، واعتبره مصدراً للعملة الصعبة ،مبيناً ان البنك المركزي دخل مشترياً للذهب مما احدث» ضغطاً مؤقتاً للسيولة في السوق «.
وكشف ان الدولة تصدرحاليا مليون طن من الذرة بسعر 265 مليون دولار، وقطع بإيفاء المالية بكافة المطالبات القانونية للاطباء ،وذكر انها دفعت في الربع الاول للموزانة مبلغ 35 مليون جنيه ،وقارن بين الحوافز والمستحقات التي دفعتها المالية لصالح الاطباء مقابل الايرادات التي قال انها وصلت لاربعة مليارات ،وقال «لايوجد شئ مستحق لم ندفعه «.
كما كشف الوزير عن دفع مبلغ 30 مليون دولار لصندوق دعم الزراعة، واكد التزام المالية بسداد كافة الديون الداخلية التي عليها، وقال ان هناك لجنة جاهزة للديون الداخلية وقال «اي شخص له ديون لدى المالية فليأتِ وليبرز ما يثبت «، واشار الي ان المالية سددت خلال الربع الاول مبلغ 274 مليون جنيه مقارنة مبلغ 638 مليون خلال العام الماضي .
وفي السياق ذاته، انتقد النواب سياسات الدولة لضبط سعر الصرف ،ورأوا انها دون الطموحات، وطالبوا بإحكام الرقابة على التعامل مع النقد الاجنبي واحتجوا على تخصيص اقل من نصف في المائة فقط لقطاع الزراعة ،ودعا بعضهم لاعادة تقييم سياسة تحرير الاقتصاد، واحتجوا على تراكم الديون الداخلية واسهامها في افلاس واعسار الشركات الوطنية وتشريد العاملين، وانتقد النواب عملية تغطية عجز الموازنة في الربع الاول من حساب تركيز البترول، الذي اكدوا ان الاحتياج اليه سيكون اكثر بعد اعلان دولة الجنوب في يوليو ، وطالب النائب البرلماني عمرادم رحمة الحكومة باتخاذ سياسات تقنع المجتمع الدولي بتخفيف عبء الديون على الدولة واستبعد ان يتم اعفاء كامل للديون ،وقال ان قضية الديون لاتقل خطرا عن الاستعمار.
من جانبه، شكك رئيس كتلة المعارضة، اسماعيل فضل في صحة النسب التي حددتها وزارة المالية بشأن التضخم، واشارلارتفاع اغلبية السلع الضرورية للنصف ووصف الديون الخارجية والداخلية بالسرطان ،والبطالة بالقنبلة الموقوتة، وشدد على ضررورة زيادة خفض الانفاق الحكومي .
[COLOR=blue]«البنك المركزي» :المنتج من نفط الشمال يكفي الاستهلاك المحلي بعد الانفصال[/COLOR]اكد محافظ البنك المركزي، الدكتور محمد خير الزبير، ان المنتج من النفط في الشمال سيكفي الاستهلاك المحلي بعد انفصال الجنوب، منوها الى ان هناك اكتشافات جديدة لا يستبعد ان تجعل السودان مصدرا للنفط من جديد.
وقال الزبير في تنوير قدمه للوفد الاوروبي الزائر للبلاد أمس، ان الحكومة اعدت برنامجاً اسعافياً يرتكز على النهوض بالقطاعات الانتاجية والاستعاضة عن البترول بسلع نقدية مثل القطن والذهب والزيوت واللحوم والصمغ العربي .
وردا على تساؤل اعضاء الوفد عن العملة المزمع اصدارها في الجنوب، ذكر المحافظ ان هناك لجنة مشتركة بين الشمال والجنوب للترتيب لموضوع العملة الجنوبية، وأكد ان الشمال سيقدم الدعم والعون للجنوبيين في عملية استبدال العملة، مشيرا الى فترة انتقالية متفق عليها يتم خلالها سحب الجنيه السوداني وطرح العملة الجنوبية الجديدة، لكنه شدد على انه لم يتم حتى الآن الوصول الى حل فيما يتعلق بطلب الجنوبيين منحهم مقابلا لعملة الجنيه المستردة بعد الفترة الانتقالية. وطلب الزبير من الوفد الاوروبي دعم السودان في جهوده للتخلص من ديونه والحصول على المساعدات الخارجية.
الصحافة
[ALIGN=CENTER]
[/ALIGN]
بالنظر الى سياسة الدولة المالية و ما قدمه وزير المالية من موازنة للنصف الاول من العام الجارى و نبة التضخم المالى و العجز اناجم عن ضعف الموارد و ما يتوقع من حسم العائد من صادر البترول بعد الانفصال سيكون سببا فى رفع السلع الضرورية من المواد الغذائيه و على راسها الخبز و السكر و الزيت و المحروقات و دون وضع اعتبار الى رفع دخل الفرد لكى يكون هناك قوة تحمل للزيادات و المستفيد الاول فى حالة وضع سقف محدد الى رفع الاجور من نصيب موظفى القطاع العام فقط .
و الديون الخارجية ما زالت فى محطة قف ؟
بانتهاء العام الجارى ستضاف الفوائد و يرتفع الدين و نحن ما زلنا نبحث و ننتظر الاعفاء من الدوله المانحه و الاعفاء مرهون بسياسة الدولة و تنفيذ اتفاقية السلام و قيام الدوله الجديده فى جنوب الوادى .
نسأل الرحمه و المغفره للمرحوم الشريف الهندى الذى كان مشهودا له بفعل المعجزات و اصدار ميزانية خاليه من العجز الانى و المستقبلى .
مما يفسد السياسة المالية الانقاذية ان وزارة الماليه اصبحت كالمعهد العلمى يدخلها الوزير و لا يمتلك المقومات الاساسية لادارة الوزيرة و يفتقر الى البرامج المدروسه لوضع سياسة الوزارة المالية و فتح منافذ وروافد لتغذية الموارد و رفع المعاناة من المواطن و الدعم الممنهج للسلع الضروريه .
لذا تجد ان السوق ملتهبه و الشكوه لا تجد من يستمع اليك و التاجر هو الذى يتحكم فى السعر .
اللــه يكون فى عونا و يرحمنا بوزير قدير و يتككيف مع الوضع الراهن .
You are realy very beutiful
ودافع الوزيرعن نسب التضخم ،وقال ان استيراد كميات كبيرة من القمح والسكروالجازولين تسبب في نسبة كبيرة من التضخم،
( مبيناً ان الاستهلاك المحلي للقمح يبلغ مليوني طن بينما لايتجاوز الناتج المحلي منه «4» الاف طن،)
تخيلوا ياناس….المفارقات فى بلد تجرى فيه عشرات الأنهار و75% تقريباً من أراضيه بكر ..وقيل بأنه سيكون سلة غذاء العالم ينتج 4 آلاف طن من القمح ويستهلك 2 مليون طن!!! ياناس أنا فى حلم واللا فى علم.
زمان نحنا لما دخلنا المدرسة ورونا فى الرياضيات إنو 1 1 = 2
الظاهر إنو الرياضيات قد تغيرت و1 1 بقت تساوى صفر والله أعلم
طيب إنت ياوزير السجم ومعاك وزير الرماد المتعافى قاعدين تعوسوا فى شنو؟؟
ياناس الراكوبه تصدقوا صورة اسحق دى انا معلقها فى حوش البيت عشان الحرامى لما يدخل يقول البيت ده ساكنو جان ..
قيل لاحد السودانين عرف حيكومة السودان ؟؟..
قال : هي غلطه وورطه …
وطول العمر ربطه …
يا تصيب يا تخيب …
يا تجيب جلطه …
ياناس الراكوبة ……………. عليييييييييييييييييييييكم الله وكان بتعزو النبى والذمممممممممممممة فوقكم
أعفونا من صور إسحق وأبوالعفين وأبوريالة والجاز ووزير المالية داك
نحن بعيدين من البلد والدنيا خميس وما إتغدينا والمصران بقوم علينا …………..
جيبوا لينا الخبر سليقة سااااااااااااااااااااااكت من غير صور علييييييييلكم الله
;( ;( ;(
يا أخوان
الجاب البعاتى ده شنو فى صورة الخبر ده؟؟؟أوعايكون عينوه وزير مالية؟؟
تبقى مصيبة
أعوذ بالله
يا جماعة الزول الشين الماسك الموبايل دا غير الصورة السمحة دي ما عندكم ليو غيرها
تلقي بيرقي ساكت في التلفون كلام كلو كضب ونفاق :rolleyes: :lool:
شوفوا يا ناس الراكوبة ياحلوين
يا انا يا اسحق احمد فضل الله دا
نبذة عن اسحاق :-
اسحق احمد فضل الله اكبر مهوس فى القرن العشرين اكبر منافق
بعضمة لسانوا قال كا ن هو وامين حسن عمر من كبار الشوعيين
كان بيفتكر نفسوا انو من المبعوثين الجدد لنصرة الاسلام
معروف عنة الكذب والدجل وفبركة الاحداث بدم بارد
اكبر مصيبة انو بشبه الكدروك وقال انو عربى وبكرة غير العرب
حتى لو حسن اسلامهم اكثر منه
اكبر سقطاتة هى عندما قال لما اردنا ان ندفن الشهيد
ووضعناه فى ود اللحد وكنا نقراء علية سورة يس ان الشهيد اتمها معنا
كيف لميت يتم سورة يسن هل سمعتم بمثل هذا الهراء
اشهد انا (الجهلول )) ان هذا الاسحق كذاب اشر وانا خصيمة يوم القيامة
سوال قبل الفرمطة
هل اسحق هذا عربى حر
الم يكن له ان يظل رجل مسلما يعتز بنفسة وبا اسلامة وسوادتةة وسوداني
يبدو أن أهل السودان سيبدأون الصيام من 9 يوليو ، هذا إذا وجدوا خبزاً يسدون به رمقهم أو حتى تمراً يحللون به صيامهم !!!
لك الله يا وطناً بلا وجيع ..
تخريمة : يا ناس الراكوبة عليكم الله أرحمونا من الصور الكريهة دي ، المدام بتتوحم !!!
،وذكر انها دفعت في الربع الاول للموزانة مبلغ 35 مليون جنيه ،وقارن بين الحوافز والمستحقات التي دفعتها المالية لصالح الاطباء مقابل الايرادات التي قال انها وصلت لاربعة مليارات ،وقال «لايوجد شئ مستحق لم ندفعه «.
متبقي مخصصات بدل العيد واللبس لسعادة عدد 90 وزير من وين وكم ياتري هي اذا كان موظف سوق الخرطوم للاوراق المالية عاوز 45 مليون بدل عيد رمضان الجاي 76 مليون بدل اللبس واللة حكومتكم دي بعد البترول تاني الا تجيبوا ليها حاوي يكفيها بدلات ومخصصات جيش الوزراء بدون عمل علما بان مخصصات الوزير الاقليمي من فم البشير بيكفي لمخصصات عشرون طبيب وهناك اكثر كم 300 وزير اقليمي و90 وزير اتحادي و 19 مشتشار لرئيس الجمهورية صدقوني عاوزليكم حاوي يكفيكم خاصة اذا علمنا ان اكثركم من الفاسدين وناهبي المال العام لاحول ولا قوة الا باللة 0 مش برضوا حكومتكم مصنفة الخامسة عالميا من حيث استشراء الفساد – سوف نري الحروب بينكم من اجل الغنائم بعد نضوب البترول
هيا لله هيا لله
ياربى نافع ده عمارتو يتمها بى شنو
بالغت ياسليفاكير مارعيت حق الجيرة
والناس ديل اهلك يعنى شنو لو اديتم جالون جالونين
ياخخخخخخخخ
استغفر الله الدنيا قبائل جمعه
وزير غبي نواب بجم رئيس دلاهة
المحصلة انهيار دولة
وكشف وزير المالية ابراهيم محمود )الوزير غيره بقرار وما عندنا علم ولا شنو
يا اخوانا انتو شادنها كدى لية ببساطة كل وزير يتنازل عن بدل اللبس و الميزانية
تتصلح (تفتكروا ح يفكروا فى الحكاية دى)ما اظن -استعدوا لوجبة فى اليوم
وسيادتوا يا خد بدل عيد الضحية ما يعدل الميزانية
اسحق فضل الله الشبح يتحدث مع العفريت لخبر ابليس الانقاذ بان جميع الشياطين و على راسهم الجان بان الشطحات الاقتصادية تسرد بدم بارد؟؟؟؟
والله عجبني تعليقك ايها الجهلول عن اسخ مسخو الله اعتقد انو من فيصلة الشنباني بس سبحان الله الذي جعل له الحواس بجد اسخ سخطو الله دي قمي ومش من فصيلة البشر
يعنى لازم تتحفونا كل مرة بى صورة الفيس بريسلى دى. الواحد كان قاعد ياكل بطنه تطم و يرمى الصينية. خلو عندكم ذوق ياخى.
بسم الله
البعاتى ده شنو الجايبين صورتو
"لالوب بلدنا ولا تفاح لبنان".. بدل ما تصدرو الذرة لاستيراد القمح ما تضربو الفتريتة ساكت بلا وجع راس!! ولا دا كمان داير ليهو فتوى?!!.
كدابين كدابين وسودان زاتو بقي كلوا كداب مليون فنان مليون كداب مليون كوزومليون مشرد سودان لازم يعمل ثوره دسيس عشان يرجعوا سودان زمان وبهدي سلامي لااخوي ملوال في ملكال وسلامي ل اتوم في كرتوم ولكرستينا في انجمينا وبقول للبشير ماتجي ناكل كيب سالون (شاورما) هنا في لاهاي في واحد هنا جمب محكمه بتاع عدال دوليه بعمل اكل دسيس
افتكر بعد دا مافي سكات يعني كدا حرام ولا سيبوا ليهم البلد افضل يعيشوا فيها براهم
قال إستيراد السكر وقال القمح 2 مليون طن الإستهلاك والناتج المحلى 4الف طن سبحان الله ولسه المتعافى وزير وزارة الزراعة ما يعملوهو وزير طب الاسنان — بعدين البترول ده دايرين تعملوا شنوا فيهو — الجنوبيين محقين فى بيع بترولهم وانتوا كمان تشبهوا السناريو عكسه وهو دس بترول الشمال
يا أخوي لا أحد يثق فيكم
حاناثين للقسم الذى أداه عساكركم فى تخرجهم ومدنينكم فى الجمعية التأسيسية
تظنون أنكم تخدعون المولى عز وجل وتقولون أنكم تعملون لنصرة الدين !!!!
نسأل الله عز وجل أن يعاملكم بإلحادكم وظلمكم وقسوة قلوبكم
إقتباس من المقال:- (عزت وزارة المالية، نقص السيولة في السوق الى شروع بنك السودان في شراء الذهب المنقب عشوائيا لتوفير العملات الصعبة) إنتهى
ماقرينا إقتصاد لكن زول يفهمنا كيف إنه شراء بنك السودان للذهب من السودانين يساهم فى نقص السيوله فى السوق ؟؟ إن كان مقصود بالسيوله العمله الصعبه .. طيب بنك السودان ده بشترى الدهب من السودانين بالدولار ولا الفهم شنو عشان تنقص السيوله … ؟؟ ولو كان مقصود بالسيوله العمله المحليه .. طيب الناس البشترى منهم البنك الذهب ديل القروش البياخدوها من البنك بعملوا بيها شنو ؟ بياكلوها ولابتتبخر عشان يكون فى نقص فى السيوله ؟ مش من الطبيعى إنه قروشهك دى تمشى السوق تانى لأنهم ماحايبروزوها .. غايتو يا الوزير الحرامى تبريراتك زى تبريرك بتاع ( يسألنى قدام الناس يقول لى ده توقيعك) …
بعديم شايف ناس البرلمان المخجوج فى تحسن المره دى ماصفقوا .. لمن وزير الماليه المره الفاتت أعلن زيادة الأسعار قاموا زى النسوان يصفقوا …
جالون كتير قول قارورة ومنع كل أبقار الشمالية بالوصول الي المراعي في فترات
الصيف الي الجنوب وعدم شراء أي بضائع قادم من الشمال وبناء جدار عازل بين الحدود.
هل تعلموا ان السيد وزير الخارجية علي كرتي سوف يقوم بي سداد 30 مليون دولار بعد 4 شهور من المبلغ الذي تم فية شراء فندق قصر الصداقة بحوالي 58 مليون دولار وسؤالي هو ؟ من اين ياتي بي هذا المبلغ وسوداننا في هذة الحالة المؤالمة !!!
لولا النظرة العنصرية وحكم القبلية والغباء بدون روية لراو الفهم من غير بندقية وجمعونا في حب الوطنية ولعاشت وطنا بدون شقاقية انني احترم من يحمل عقلا بدون حماقة وبي روية فياريت شعبي ينظر ويحكم عقله لمن يحمي الهوية ويرجع الحق الباعوه عشان الغوية بس تقول شنوا للاحمق والعبيط والاهبل اتجمعوا في اغبي مخلوق في البرية
يا قدو قدو
إنت ناسي إنو السنة باقى ليها 4شهور وتنتهى؟؟؟ال30 مليون دولار دى بتكون حافز 2011 …يا بوى البلد ده فيهو ناس بتصرف بلاوي متلتلة على قول عادل إمام.
لكن…..ماذا سيكون مصير الفندق بعد الطوفان؟؟؟؟ نحيا ونشوف
السودان بقي ما فيها ناس الا الهيكل العظمي دة؟ عليكم اللة شيلوا الصورة دة برة عشان الناس تقدر تقرا المقال دة:lool: :lool: :lool: :lool:
اسحق احمد فضل الله شخصيا…… ايه الوجاهات دي …ما عرفتك وانت ماسك الموبايل والله تامر حسني بس…. حلاتو يا ناس
ودافع الوزيرعن نسب التضخم ،وقال ان استيراد كميات كبيرة من القمح والسكروالجازولين تسبب في نسبة كبيرة من التضخم، مبيناً ان الاستهلاك المحلي للقمح يبلغ مليوني طن بينما لايتجاوز الناتج المحلي منه «4» الاف طن، مبيناً ان ذلك ينسحب ايضا على السكر الذي يزيد فيه الاستهلاك عن المنتج ،كما دافع عن دخول الحكومة في شراء الذهب، واعتبره مصدراً للعملة الصعبة ،مبيناً ان البنك المركزي دخل مشترياً للذهب مما احدث» ضغطاً مؤقتاً للسيولة في السوق «.
……………………………………………………………………………………………………………………
نرجو من وزير المالية الاستقالة الفورية بدون أى تأخير
كيف نصدق ياسعادة وزير المالية . الاستهلاك المحلى للقمح مليونين طن والناتج المحلى أربعة الاف طن ويزيد أستهلاك السكر عن المنتج فى بلد مليون ميل مربع بالكامل قابل للزراعة وشعار دولتك المرفوع نأكل مما نزرع ونلبس مما نصنع سياسة الطبلة المغفولة والعين العورة طيب وكت إنتاج القمح والسكر ما كافيانا ما تدعم مشاريع الزراعة فى القمح والسكر وتوقف تصدير الذرة ونشبع منه أكل وشراب ونصدر الفائض ونوفر العملة الصعبة بدل شراء الذهب وتصديره مرة أخرى والله أنا ما أعرف فى الاقتصاد لكن تفكيرى ناقش أحسن من وزير المالية اللامى شهادات كرور بدون فهم . ليك الحق إذا بتدفع لمدير سوق أوراق مالية
راتب شهرى 90 مليون جنية كيف تسطيع توفير قوت للشعب وأنت وزير مالية السودان .ونحن حقيقة فى مشكلة نوعية الساسة فى السودان لا كمية أو مشاكل أقتصادية . أنظرو إلى الشعب اليابانى بلد تحفه جزر جبلية فى أراضى غير قابل للزراعة هم قدرو يكونو أول دولة فى الاقتصاد العالمى بعد الولايلت المتحدة الامريكية بلد أجرد من المساحات الصالحة للزراعة . العقل السليم هى التى ترقى بالأمم مصاف العالمية ?