عبد الله زكريا يتنبأ بتراجع النفوذ الامريكي والاوربي العام المقبل
الخرطوم (سونا) تنبأ المفكر المعروف عبد الله زكريا مدير المركز العالمي للدراسات الافريقية أن العام المقبل 2014 سيشهد انكفاء الولايات المتحدة الامريكية واوربا علي اوضاعهما الداخلية بسبب الازمة المالية في امريكا وفي اوربا مما يتيح لافريقيا وبلدانها فرصة الفكاك من التأثير الامريكي الاوربي .
وقال – ان المرحلة الحالية التي تمر بها الدول الافريقية تشهد ارتباط بعضها بدوائر غربية فرانكفونية وانجلو ساكسونية علي خلفية الاوضاع في مالي وافريقيا الوسطي وانها ستزول وتصبح افريقيا منفصلة تماما عن أي تأثير خارجي.
واشار الي ان امريكا واوربا تسيران بسرعة من الانكماش الاقتصادي وتتجهان نحو الكساد الاقتصادي منوها الي ان اسيا وامريكا الاتينية يتجهان سريعا نحو خيرات افريقيا اما بالنسبة للسودان فقال هناك فرصة كبيرة له للانطلاق .
وحول العلاقات السودانية الخليجية علي ضوء الموقف من ايران قال علي السودان ان يقوم بتقريب وجهات النظر بين دول الخليج وايران وبدون ادنى حرج وان لا يكون متفرجا خاصة وهو يحظي بقبول الطرفين ويقنع بالمنطق لالغاء هذا الخلاف بين الخليج وايران .
وعما اذا كان السودان مستعد نفسيا للاضطلاع بهذا الدور اجاب أن السودان مؤهل اذا فهم الاسلام بصورة صحيحة .
هذا الرجل صديق شخصى للقذافى واول سودانى يبيع اهل السودان كمرتزقة للقذافى واستخدامهم فى الحرب الليبيه التشادية تبا لك ولافكارك, قذافى وافكاره ماتوا انت قاعد تسوى شنو .
أن السودان مؤهل اذا فهم الاسلام بصورة صحيحة .
الفاهم حاجة يشرح لينا الكلام الفوق دا.
واشار الي ان امريكا واوربا تسيران بسرعة من الانكماش الاقتصادي
———————————————————–
نعم كلامك صاح لأنها تنشكح بالحراره وتتبربر بالبروره
والكتاب الاخضر لحق امات طه
شوف جضومو تقول ماكل لقيمات
خلي نظرياتك دا واتكلم عن السودان كم تتوقع كوم البامية في بداية العام الجديد
كنت تتنبأ لولي نعمتك المقبور القذافي عشان يتفادى مصيره الأسود الذي لقيه يا أبله
واحد يفهمنى يعنى شنو مدير المركز العالمى للدراسات الافريقية يعنى هو المركز الوحيد فى العالم؟ واذا كان المركز متخصص فى افريقيا الدخلك انت شنو فى امريكا واوروباعشان تقعد تقول لينا تنكمش وتنفرش وما عارف شنو غايتو ذكرتنى يونس شلبى فى مسرحية العيال كبرت. اكون معاك واضح انا خريج مدارس ثانوية فى السبعينيات لكن من بكره استلف لى بدله كاربه واخش ليك اقرب تلفزيون ولا جريدة ولا معهدك ده زاتوواقعد اخرمج ليك باى كلام يعنى فى زول عارف حاجة فى البلد الهامله ده. بعدين المفكرين فى البلد ده احسن منى فى شنو ما اهو امين حسن عمر مفكر فى زول قال ليه حاجةوانت ذاتك مفكر فى زول سألك وكان موضوع شهادات وكده اهى ديك قاعده فى الدولاب بتسمع فى كلامى من دكتورة وانت طالع مختمة وجاهزه قال ايه امريكا واوروباالعام القادم حتبرد من الصقت الشديد