فتاة تسدد طعنات إلى شاب لأنه (قليل أدب)
أوقفت شرطة أبوسعد بأم ردمان فتاة في الثامنة عشرة من عمرها في اتهامات وجهت إليها بطعنها لشاب بسكين على ظهره أدت لإصابته بالأذى الجسيم.
وقالت الفتاة من خلال التحقيق معها في الحادثة إن المتهم حضر إليها بمنزلها وأخذ يعاكسها مما أغضبها، خاصةً وأنها منعته من ذلك، وعندما واصل غزله لها أخذت سكينة وطاردته ونجحت في تسديد طعنة له في ظهره، واعترفت المتهمة بأنها فعلت ذلك لأنه (قليل أدب) كما قالت.
وكان شقيق المجني عليه قد عرف بأن شقيقه أصيب بجرح غائر داخل أحد المنازل، فأسرع للاتصال بالشرطة التي هرعت إلى مكان الحادث، وقامت بإسعاف المجني عليه للمستشفى، حيث أمر الأطباء بإبقائه تحت الرعاية الطبية، فيما تم توقيف المتهمة معترفة بجريمتها.
الاهرام اليوم
عفيت منك بت رجااال واخت رجااال والمطعوون يستاااهل اكتر من كده;) ;) ;) ;)
ده الكلام ولا بلاش عفيت منك …. اشكال الذئاب ديل ما بجي معاهم غير الجقييد
…الله يرحم الرجوله , لو انك في زمن غير زمنا ده كان خطابك بالكوم, انا جدي اتزوج حبوتي , بسبب كلب نبح فيها وشبا مسك في توبا مسكتو من خشمو شرطتو علي اتنين
الحله كلها تتكلم بيها سئلمنها قال وروني بيتا مشي طلب ايدا للزواج هههههههههه
دا الكلام لاي واحد ناقص رجولة وما اخو بنات الفريق والحلة وروني بيت اهلها
لاشك انه تصرف سليم وان ماتت باذن الله تكون شهيدة .
وياريت كل من تتعرض لموقف كهذا يكون تصرفها كما فعلت الاخت .
ويبقي السؤال كيف دخل البيت واين الاسرة ؟
بنت رجال صحيح وياريت كل البنات زيك
ويجب عدم محاكمتها
انت يا دودي شنو سايقنا كده لقيت البلد خلا وما صدقت لقيت ادارة المنتدى ناس مساكين وصدقوك ونشرو كلامك
لكن انت نسيت كان تجيب مقدمة بالصوره والقلم وامرأه تنجو من الموت باعجوبه
اها ونت لقيت ليك واحده شرطت ليها كلب على اتنين ولا لسه عزابي زي انا
والله زعلتني
والتقليد طوالي ظهر عند ميسي يعني مافي جديد
ونا جدي اتزوج حبوبتي لانها ………………………………………………
والله حضر الي منزلها وعاكسها نفهمها كيف انا ما عارف لكن الموضوع فيه حاجات ما واضحة:lool: :lool: :lool: :lool: :lool: :lool:
بت رجااااااااااااااااااااااااااال والله الله اكتر من امثاااااااااااااااالك ونعمة التربية
علي الطلاق بنت رجال ياريت كل مثلك
يا جماعة الرجل قد من دبر الموضوع معناه فيه ان
يا صاد ميم بعد رفعت عليهو السكين عايزو يقيف يعااين ليها !!!!!
اكيد ح يجري وهي لحقتو وضربته عشان كده( قد من دبر)
يامسي …جدي الاسد زاتو , هندسة في خبر وفي ظل الخبر ….اها انت وقفت في ضل الخبر يا خوي ….ههههه
شكلك بتركز مع التعليقات اكتر من الخبر تعليقات دي علي وزن عصيرات ههههه
ما لقيت لي زول بعاكس جوى بيت البت الموضوع فيه جوانب لسه
لكن التطريز سمح عافي عليك طرزتيهو زين
بت قوية والله وعافيت منك
لو في عداله صحي حقى يدوها وسام شجاعه
تستاهل احلى تحيه والله ربنا يحفظك
عفيت منك يا بت الرجال