بعد زيارة الشريف الى الخرطوم..صباح ومنار وزهرة مدني في رحلة الى نيجيريا..!!
عادت السرية المفرطة حول سفر المغنيات السودانيات إلى نيجيريا إلى الواجهة مرة أخرى بعد إن غادرت فجر أمس الأول ثلاثة مطربات شابات إلى نيجيريا تلبية لدعوة وصلتهن من هناك ولم يكشفن عن مصدرها وفضلن السفر بعيداً عن أعين وسائل الإعلان ، وفي رحلة لم يعلن عنها غادرت المطربات زهرة مدني وصباح ومنار إلى نيجيريا لإحياء عدد من الحفلات وحطت الطائرة التي أقلت الفنانات رحالها بجمهورية مصر ثم واصلت رحلتها إلى نيجيريا..
وتفيد مصادر فنون أن الفنانين الذين أطلقوا تصريحات تؤكد مشاركتهم في تلك الرحلة الفنية لم يكونوا ضمن الفنانين الذين غادروا وأن هناك أسباب أدت إلى تأجيل سفر اؤلئك الفنانين ومن المؤمل أن يغادروا نهاية الأسبوع الجاري وتخلف الفنان حسين شندي لارتباطه بمناسبة زواج على أن يغادر مع بعض الفنانين في نهاية الأسبوع الجاري وتحفظ المصدر عن ذكر أسماء الفنانين المشاركين في الرحلة القادمة وتأتي عودة السرية إلى رحلات نيجيريا بعد وقت قصير من زيارة على الشريف حاكم ولاية مايدوغري إلى الخرطوم التي شهدت محاولة كثير من المطربات مقابلته فيها إلا أن حاكم الولاية النيجيرية صد كل تلك المحاولات ورفض أن يلتقي بأي منهن ..يذكر أن المطربات صباح ومنار سبق لهن السفر في آخر رحلة لنيجيريا بدعوة من الشريف للمشاركة في حفلات زفاف ابنته وهى الرحلة التي اتصفت بتصريحات واضحة لبعض المشاركين بأنهم سوف يغادرون إلى نيجيريا وأكدت منار صديق وقتها في تصريح لها أنها تثق في نفسها جيداً وإنها تدرك جيداً ما تفعله بينما كانت على العكس منها المطربة صباح التي أذاعت ساعتها أنها سوف تسافر في رحلة فنية إلى الإمارات لإحياء عدد من الحفلات للجالية السودانية..
صحيفة فنون
أين فتاوى الكودة وهيئة علماء السودان من جكم سفر المرأة من غير محرم بدعوة من أجني لإحياء حفل غنائي؟ أم أن فتوى الواقي الذكري أهم
التعليق لصاحب التعليق الاول المسمي أبو الرجال ، أرجو أت لا تتدخل في سياسة الدوله العليا ، يسافروا بمحرم أو بدون محرم ده ما شغلك ، لو في طريقه تأكل وتلبس تتعالج وتنوم باطمئنان كفايه كده عليك ، حاي لا تزعج نفسك باشياء لا تخصك أرجو أن تحدد عدد سكان السودان في عام 1989 العام الذي وصلت فيه هذه الحكومه الصالحه الاسلاميه للحكم وكم كان عدد الفنانين والفنانات وقتها وقارن ذلك باليوم سوف تجد نسبة ارتفاع عدد السكان حوالي 33% أما نسبة ارتفاع الفنانين والفنانات علي أقل تقدير سوف تكون 1000% (الف في المائه) أو أكثر ، شوف في تطور اكثر من كده وفي تنميه أكثر من كده لانه تنمية الموارد البشريه أهم من تنمية الوطن ، خاصه اذا كان هذا التطور في الفن لانه هذه دليل علي اسلامنا ونوع من انواع الجهاد في سبيل الله ، ومع احترامي لكل أهل الفن رجال ونساء ، والهجوم علي من كان السبب والسلام
دى الشريعة اللهم لا شماته – وعداً سوف تسألون يا عمر البشير عن هذا الفساد العلني والأخلاقي لهذا الشعب المغلوب الذي فسدت أخلاقه بالفقر والحاجة 0 وده غير فساد طالبات الجامعات – اللهم أستر على حالنا أين الغيوريين أين شهامتنا السودانية فيجب على كل رب أسره المحافظة على شرفه وأهل بيته حتى لو يموت فداء ذلك 0
الحكومه بقتت تغض الطرف مالها وين المشروع الحضاري
اصبحت ….. على شرف بناتها
معليش عندي تعليق بسيط علي موضوع الشريف دا بقول ياحبذا لو الحكومة خصصت قطعت أرض سكنية للشخص المسمى الشريف دا عشان يسكن معانا وننفك من سفر الفنانين والفنانات والله سمعتنا صارت في التراب وين ابوات المطرطشات ديل ماعندهم كرامة يخس يخس على الوساخة والعفن وقلة الحياء
ياابو الرجال كان ما عمل فتوي للواقي الزكري ماكان جو زي البيسافرو ن نيجريا
الواقي اهم من السفر لانو عدم الواقي بجيبلينا بلاوي زي ديل البيسافرو ديل
البناات مااشاات يغنن ما عملن حااجه غلط
والله شر البلية ما يضحك ..
فنانين وفنانات صاروا في مزبلة في التاريخ …
قال مشروع حضاري قال ..
هذه هي بنات السودان فارقات وماعندهن موضوع:mad: :mad: :mad: :mad:
انتو واجعكم في شنو خلو الشريف ينبسط مش بي حقو اسي الوحد منكم لو عندو حق كان انبسط
وين اسد افريقيا و العرب مشغول بجمع المليارات ما هاميهو العروض جعلي اخر زمن
ياأخوانا الشريف ده مافى واحد قادر يربطوا ! بعد كده الفلاتى ده مابخلينا نحنا زاتو !
اذا كانت الامور سايبة كده انا لو في محلو بعمل اكثر من كده , المهم انو انا ميسوط منو لانو شغلو نظيق و اختياراتو 100%
بس العمايل دي هي البتخلصنا من المشروع الاسلامي المزعوم كل اموالهم غسيل وربا,عجل يارب
والله يا حلو مافي زول فاارغ غيرك :mad: :mad: قال فارقات قال
هسع دي لو جابو وااحده تغني تلقااك تنقز زي الاطرش يا وهم
ياخي خلو الناس تترزق
خليكم من الحسد
اصلوا شغل مافي
خلوا الوحدة تترزق بجملها
فيها شنو يعني
الحكومة ساكتة
معناتوا نحن كمان نسكت
دي سياسة البلد الجديدة:mad: :mad: :mad: :mad:
الشريف ده عوير عواره جد طالما عندو قروش كتيره زي دي مالوا ومال السودانيات ممكن يستورد لبنانيات وطالما عندو دولارات بيقبلو بيهو بس المشكله الله معاهم لانو الزي ده بيكون شايل ليهو حرامي عدييييييييييييييييل كده
اما بالنسبه لحكومة الاسلاميين فحاجه غريبه ان تنهار الاخلاق في عهدهم وبدل ما نصدر قطن وقمح وكركديه وصمغ عربي بقينا نصدر بلوم انشاء الله البلاء اللي ياخدهم جميعا
اه كدى انسعلكم , نيجيريا دى ما فيها حاكم بتاع غلمان ? عشان الطراوة تضرب اولادنا الفنانيين الشباب , من باب المساواة وكده !!!!!!
حقا أنا محتار من هذه الحساسية المفرطة بشأن ذهاب المغنيات السودانيات الي نيجيريا أو غيرها من الدول أؤلا سفر السودانيات الي الخارج هذا أمر ليس بالجديد ولكنهن من العوام لذلك لم يلفت سفرهن نظر ناظر ومنهن من شرفن السودان ومنهن غير ذلك . بعض الاراء تتعامل مع الأمر وكأن شعب السودان هذا شعب طاهر ونقي ولا ياتيه العيب من يمينه أو من شماله فنحن يا ناس ناس يجري علينا مايجري علي الناس بغير مزايدة وتنطع.ثم بعض الأراء تتهم المسافرات صراحة بممارسة الدعارة وهذا يعتبر قذف صريح لانها ظنون ولم يثبت مثل هذا الأمر فعلينا بالظاهر وهو رحلات فنية كسائر الرحلات التي تتم في هذا المجال فلا أظن عندما جاءت أصالة نصري وأدت حفل غنائي في السودان أتهمت بمثل هذه التهم في صحافة بلادها!!. ثانيا سمعنا من الذين سافروا الي بعض دول الجوار الأفريقي أن الفن السوداني له سطوة علي أذن المستمع في تلك الدول أم إستمرأنا أن نكون دائما في خانة المعجب وليس خانة المعجب به . في تقديري مثل هذا الامر لا علاقة له بالعرض والشرف لانه هناك سفريات كثيرة جديرة بان ينظر لها بهذا المنظور.وأخيرا راعوا شعور أسر المشاركات في هذه المناسبة .
اخونا جمال صاحب التعليق الظاهر في البدايه ؟؟؟ والله كلامك عين العقل عشان ناس حماده بت وطه سجيمان ديل كمان يدخلو اللعب :lool:
يا جماعة الشريف دا ما شاف ناس هيفاء وهبي واليسا .. الخ
ولا عندو مزااج في السودانيات وبس
يمين يمتعن ويدلعن دلع عمرو ما شافو الوهم دا طالما عندو الكاش
بيقلل النقاش واللبنانيات همهن الكاش واكيد شروفي هيدا بدفع بسخاء
بس زي ماقال اخينا الله يعينهن عليو .. الزول دا .. ماسورة قوية
يخص علي فنانات السجم والرماد زاكات بقن جاريات ورا الدرهم والدولار مايهم لو الواحدة انداست المهم الدولار ومايهم الشرف مادام الشريف مبسوط مني !!!!!؟؟؟؟؟
آلناس التكورك لبنانيات لبنانيات ياشريف مفتكرين الشريف ماعارف حلاوة اللبنانيات عاااااااااااااااااااااف بس كل الحكايه الشريف بخيل وارث البخل وراثه و اللبنانيات مقيمات نفسهم يعني مثلا لوفكر في هيفاء ولا اليساء اول خطوه المفاوضات تبداء من مليون دولار و فوق الغالي بي غلاتو يضوقك حلاتو الزول جلده شاف السودانيات ارخص ركز علي الرخيص يعني زي الزول يشتري بضاعة صينيه لبسه لبستين و طوالي الزباله
آل لبنانيات آل اتشهو ساااااااااااااااي انتو و البدفع مبسووووووووووط بي هناك
نحمدالله كثيراً انو الشريف طلع ما بتاع غلمان يعني ساب لينا ربع سمعتنا الفضلت نغاشم بيها مع الاجانب :lool: :lool: :lool: :lool: :lool:
يا اخونا سودانئ طافش ولا شرد اذا كان شريف فلاتي هو سودانئ كلنا فلاتة يا فلاتي ارجع لتاريخ اشن كده نسكوت سي بدون لف ودوران واذا ما تصدق بان عمر البشير فلاتي اسال الخبراء
الوجع
يا أخوانا الفلاتة أصبحوا قبيلة سودانية وهنالك حقائق يجب أن نسلم بها فعلي عثمان محمد طه من قبيلة الكرفاب وجدها من الفولاني , والترابي من الصلحاب وهم من غرب أفريقيا ,وأحمد هرون (بتاع الترمس ) من البرقو(من حي فلسطين – ود عكيفة بالأبيض), وحاج ماجد سوار(بتاع الأقاشى ) فلاتي من حي رايد بالأبيض ,والحق يقال هم أي الفلاته وغيرهم من قبائل غرب أفريقيا أناس متدينون وعمليين -وبالنسبة للفنانات السودانيات ربما رغب فيهن الشريف بسبب الجنس للجنس رحمة -وربما تطبيقا للمثل WHEN YOU GO BLACK YOU WILL NEVER GO BACK
يا طافش اذا كان شريف تشادي اذن عمر البشير البقول هو عربي هو ما عربي هو نيجري
الشريف بحب الفن السودانى ممثل فى الفنانات وفنانات السودان بيجبن نيجيريا ممثله فى الشريف,, الماعاجبو ياكل بطيخ,,, الناس الخايفين على السمعة والشرف ما سمعموا بدار المايقوما,, انتاج وطنى مية فى المية,,يمكن الهجين يكون أحسن.
الله ينتقم منكم ياكيزان خليتو بناتنا يشتغلن فنانات ورقاصات
شكلو الشريف ده من بيت ال ككو مش شرفاء الاشراف حاشا لله ده شريف هجيج ساكت
قال رسول الله صلي الله عليه وسلم ( دعوها فانها منتنة) يعنى القبلية .. الناس لو علقت علي موضوع تعلق بدون التطرق للقبلية والله تعالى قال( ان اكرمكم عند الله اتقاكم ) ولم الناس ما تعمل بكلام الله وكلام الرسول عليه السلام وتعلن الفاحشة ربنا بسلط علينا الكيزان يسوموننا سوء العذاب وبعدين الشريف دا حكايته حكاية حكومة نيجيريا اتغيرت كم مرة والشريف قاعد الناس ديل ما بغيروا حكام الولايات !!