اعتقالات غامضة فى الامارات .. الصادق صديق ودعة وشيخ الامين
حيدر المكاشفى
حكايات غامضة في الامارات.. الصادق صديق ودعة وشيخ الأمين
رغم مرور عدة أسابيع على اعتقاله بواسطة السلطات الأماراتية، إلا أن حكاية الشيخ الصوفي المثير للجدل الأمين عمر الأمين ما تزال غامضة، إذ لم يعرف بعد مصيره بل قبل ذلك لم يعرف حتى الآن سبب توقيفه، إذ لم تقطع أية جهة رسمية أماراتية بالسبب الحقيقي الذي حدا بالأمن الاماراتي لإيداعه الحبس بأحد السجون الأماراتية. هذا الغموض الذي اكتنف عملية اعتقال هذا الشيخ؛ فتح الباب أمام بعض التكهنات التي اجتهدت لتفسيره، فمن قائل أن الاعتقال تم بسبب عمليات دجل وشعوذة تورط فيها الشيخ، ومن قائل بل بسبب معاملات تجارية، كما نأت الحكومة بنفسها عن هذه القضية ونفت أية علاقة لها بها بحسب إفادة وزير الخارجية غندور الذي أوضح لإحدى الصحف أن اعتقال شيخ الأمين تم لأسباب خاصة ولا علاقة للحكومة بها، ويشار هنا الى أن شيخ الأمين قد ظهر غير ما مرة في الآونة الأخيرة في معية نافذين حكوميين والتقط معهم الصور التذكارية، وكان من أبرز مظاهر علاقته بالحكومة هو ظهوره في وقت سابق الى جانب مدير مكتب الرئيس الفريق طه عثمان وهما يجتمعان الى بعض كبار المسؤولين الأماراتيين في مهمة حكومية رسمية.
هذا الغموض الذي ما يزال يكتنف قضية هذا الشيخ بعدم تفضل أية جهة رسمية أماراتية أو سودانية بكشف حقيقة الاعتقال الذي جرى له، يعيد الى الأذهان حكاية المهندس الشاب الصادق نجل رجل الأعمال المعروف صديق ودعة، إذ اختفى منذ أواخر العام 2007م الصادق صدّيق ودعة الذي يقيم في المملكة المتحدة، إثر القبض عليه في مطار دبي ومن بعد إيداعه الحبس في أبو ظبي. وكان الصادق صديق ودعة عائداً إلى لندن من رحلة عمل قام بها إلى سيدني عندما قُبض عليه لدى وصوله إلى مطار دبي، وتم نقله إلى حجز شرطة الإمارات في أبو ظبي، وكان المسؤولون الأماراتيون قد ادّعوا الإفراج عن الصادق صديق ودعة بعد وقت قليل من التحري معه، غير أن أحداً لم يتمكن من تحديد مكان وجوده حتى اليوم. وكان الصادق صديق ودعة قد تحدث إلى عائلته من هاتفه النقال عدة مرات بعيد توقيفه، وكان واضحاً أنه يتحدث في حضور أشخاص آخرين ولا يستطيع في وجودهم الكشف عن مكانه، ومنذ ذلك الوقت لم يعاود الاتصال مرة أخرى، ومايزال الغموض يكتنف مصيره. والحكايتان معاً تعيدان للذاكرة حكاية الصحافي الأمريكي الذي توغل داخل الأراضي السودانية قادماً من تشاد بطريقة غير شرعية، وألقت السلطات السودانية القبض عليه، وما إن سمع حاكم الولاية الأمريكية التي يتبع لها الصحافي حتى حلّ ضيفاً على الرئيس السوداني ليظفر منه بعفو رئاسي لمواطنه، غير أن حكومتنا لم تأبه حتى لمعرفة مصير الصادق ودعة ولا سبب اعتقال شيخ الأمين.
[email][email protected][/email]
ياحيدر عاوز ليهم عفو رئاسي هم فعلا مقبوض عليهم
يا ولدى هم عارفين البير وغطاها ما غبيانين
بس انت احسن بدل ما تهبش فى ناس ديل هبشوا عن الغاز والحاجات التانيه ديييييييييك
حد يغالط الحكومه فى اسمه
يحطو اليحطو ويخلو اليخلو
خليلووووووووو
ونحن القراء المساكين ديل ماذا يهمنا من قصص هؤلاء الحرامية والمحتالين والدجالين ؟ أكيد لديك مصلحة خاصة فى هذا الامر والا لما سودت به عمودك .. ضنب الكلب عمره ما بيتعدل ياحيدر ( خسارة الاسم)
وليه نحن مستعجلين على الكشف عنهم.. بالمناسبة الحكومة ما عندها اي صديق ممكن تتخلي عنك في اي لحظة وكل واحد يقول نفسي نفسي حكومتي حكومتي .. وغندور نفسه سياتي اليوم الذي يقوم والله الجماعة ديل ما عندهم صديق.. نحن خدمناهم ودسينا من الشعب اخبار ووقعنا اتفاقية مع هلال في الجنينة وخدعنا العالمين وبرضوا شوف رفونا كيف .. زي عمك الترابي طردوه من الباب عايز يدخل بالشباك .. قول ليه تحلم ..
ستبدي لك الايام ما كنت جاهلا
ويأتيك بالاخبار من لم تزود
الأمن الإماراتي امن منضبط وليس هنالك أغراض شخصيه كما يحدث عندنا
نتمنى ان يختفى الى الابد حتى يرتاح الناس من شره وشعوزته الله لايعيده ونتمنى ان تريحنا الامارات من الباقين وان تكون مقبرة لهم جميعا .
صديق ودعة وابن عمر قصتهم معروفة فى الامارات وحكومة السودان اعطتهم وسام ابن السودان البار وطبعا ابن عمر قتل فى تشاد وشيخ الامين قال بعضمة لسانه انه طلب منه تصليح العلاقات مع الامارات بحكم علاقته بالامارات وان الدبلوماسية الشعبية اصلحت العلاقات بين اليابان وامريكا بلعبة بينق بونق(شوفوا الجهل ده الموضوع كان بين الصين وامريكا بعد زيارة نيكسون للصين)!!!
من هم صديق ودعة وابن عمر والشيخ الامين هل هم اصحاب زراعة وصناعة وتصدير واستيراد كونوا منها ثروتهم وشغلوا سودانيين وفتحوا بيوت زى ما بيقولوا اسر سودانية مثل ناس عثمان صالح والشيخ مصطفى الامين وابو العلا وود ملاح والقائمة تطول من ابناء السودان البررة؟؟؟
يا جماعة انتو ناس الانقاذ ديل جو من وين؟؟؟؟؟
معقول ده سودان الازهرى والمحجوب ومبارك زروق والشريف حسين الهندى وغيرهم من السياسيين الافذاذ؟؟السودان الآن هو سودان الحركة الاسلاموية لا هم لامين فى اسلام زى الناس ولا حتى بيشبهوا العظماء المذكورين اعلاه من سياسيين ورجال اعمال!!!
اعوذ بالله زى ما بيقول شبونة!!!
وسلام يا احمد بلال ياهو ده السودان زمن الانقاذ والاسلامويين!!!
كسرة:انا ما قلت ليكم من زمان ان الانقاذ او الاسلامويين بيوجهوا خطابهم للرجرجة والدهماء والدلاهات والفاقد التربوى؟؟؟؟
يصدرون لنا الخير ونصدر لهم “زبالتنا”…
و انت عايز بيهم شنو يغوروا حسب عنايلم مافى زول بيقبضوا فى الامارات ظلما و بعدين اوعا جماعة كينيا يطلعوا اولاد اهلك تقوم برضو تكتب مقال عنهم
حاجه غريبه لمن يقبضوا واحد منكم يا البتكتبوا ديل إمارات شنو وخليج شنو وقوانين شنو كدى لايعيشون ليهم واحد امريكى ولا انجليزى هسع الأمريكان غطسوا بالبترول من 115 الى 32 خليهم يقبضوهم ديه كم دولار فى اليوم
المحصله نحن دوله خايسه على الأقل نعرف التهمه وهل يمكن توكيل محامى ده حقوق البشر المتحضر ده كله عشان يدونا 300 الف درهم بلد عانس .
بيني وبينك كده يا،،،حيدر كتبته هذا المقال
مهنيه منك ولا ،،،عشان سواد عيون الدجال ولا،،،ولد الكوز المحتال
ولا،،،غامتين ليك غمته ،،،سؤال بريئ .
ود المكاشفي سامعني
وحات الله اليوم غير موفق !!
وجبتا لنفسك هواء
لا حاجة غريبة لا حاجة انه ذهب السودان الذي يذهب الي هناك ويتاجر فيه هؤلاء طه وشيخ الأمين والحكومة انه الذهب يكاد عقلهم يذهب عشرات الاطنان تذهب لدبي وستبدي لك الأيام ما كنت جاهلا
انت زول ماعندك موضوع تكتبوا
حاول أن تتعلم إحترام القراء لتكسب إحترام لنفسك ، هذا ليس المقال الأول عن الدجال الأمين ، و نفترض إنك هبطت من المريخ! من تعليقات القراء و ردود أفعال المجتمع ، لم تصل لنتيجة أن الناس أجمعت إنه هذا الدجال ليس له أي علاقة بالأدب الصوفي ، إلا إن كان قصدك نهج الصافي جعفر.
كان الأجدر بك أن تطرح موضوع إبن السودان البار (وليد الدود حسين) ، لتكسب إحترام نفسك ، و أتفق مع رأي الأخ [الداندورمي]
اعتقال المذكورين امتداد لتوقبف نجل عوض الجار بالدولارات اياها اتبان عملية خم الرماد عندما شاع ابعاد الجاؤ نافع واخرين
رد على ابو جاكومة
يا ابو جاكومة انت انسان طيب انت ما عارف الناس ديل لو تصادقهم مليون سنة عندما تاتي الحارة كانهم ما بعرفوك وامثلة كتيرة جدا علاقتهم بابن لادن وكارلوس
فهم ناس وصوليين اي عندما يصلوا لاهدافهم يتخلوا عنك ببساطة وهذا اسوا نوع من البشر حتى الانجليز في ثقافتهم لا يحبون هذا النوع من البشر
It is unfait to treat people as means dont treat them like that
Treat people as ends
انت مالك بيهم اكيد هم عملوا اشياء فتم ايقافهم بواسطة السلطات الاماراتية وناس الامارات ما بمسكوا من طرف و الا اكيد كان مسكوا الاف السودانيين الموجودين هناك بما فيهم السودانيات اللاتي شغلن المنابر قبل فترة
شيخ الدجل كان مع الريس الحجل بالرجل ليه إتملص منه الشغله واضحه … والما عارف يقول عدس .ههههههههههاي
نحن بنستفيد شنو حتى لو زبحوهم علك الله خلينا منهم شوف لينا البشير بطير متين شوف لينا المعيشه بترخص متين شو لينا السودان بتقسم تانى متين
رد على ابو جاكومة
يا ابو جاكومة انت انسان طيب انت ما عارف الناس ديل لو تصادقهم مليون سنة عندما تاتي الحارة كانهم ما بعرفوك وامثلة كتيرة جدا علاقتهم بابن لادن وكارلوس
فهم ناس وصوليين اي عندما يصلوا لاهدافهم يتخلوا عنك ببساطة وهذا اسوا نوع من البشر حتى الانجليز في ثقافتهم لا يحبون هذا النوع من البشر
It is unfait to treat people as means dont treat them like that
Treat people as ends
انت مالك بيهم اكيد هم عملوا اشياء فتم ايقافهم بواسطة السلطات الاماراتية وناس الامارات ما بمسكوا من طرف و الا اكيد كان مسكوا الاف السودانيين الموجودين هناك بما فيهم السودانيات اللاتي شغلن المنابر قبل فترة
شيخ الدجل كان مع الريس الحجل بالرجل ليه إتملص منه الشغله واضحه … والما عارف يقول عدس .ههههههههههاي
نحن بنستفيد شنو حتى لو زبحوهم علك الله خلينا منهم شوف لينا البشير بطير متين شوف لينا المعيشه بترخص متين شو لينا السودان بتقسم تانى متين
يا أخ حيدر من الأفيد ان تكتب وتسأل عن احوال صاحب هذا المنبر الذى اعطاك مساحه للكتابه فيه لأنه إنسان مفيد للبلد بدلا من تلك الحثاله والنبت الشيطانى.
تخريمه
رجل الأعمال المعروف صديق ودعة…ما هذا الهراء يا أخى برضو من الأفيد لنا ان تكتب عن السلمابى وعبدالمنعم محمد وعثمان صالح ومحمد حسين ومحمد احمد عباس وعمر عوض الكريم…. وعمر عوض الكريم هذا عاش فى هدؤا ومات فى ريعان شبابه بهدؤا..ليس معروف مثل صديق ودعه ولكنه معروف لمن ضاقت بهم الدنيا وهبه الله ثروه لا يمتلك منها إلا مايكفى قوت يومه.
أنا في رأي الموضوع فيه إنه
لا غامضة ولا من هم يحزنون . شرذمة من الدجالين واللصوص وتم اعتقالهم . وسيقول القضاء فيهم كلمته فلستوب .
الشعوذة والدجل دائما ما يؤديان الى هذا المصير
اعتقالات غامضة فى الامارات .. الصادق صديق ودعة وشيخ الامين
الامارات قررت تنظف البلد من الدجالين و المشعوذين نيابة عنكم؟
طيب الكيزان البيكنسهم ليكم منو؟ برضو حننتظر الامارات؟
سيبكم من شيخ الامين والصادق انا معتقل بالصين منذ اربعة سنوات حتى الان وتتلخص قضيتى باننى اعمل فى شركة تجارية صاحبها سودانى عجزت عن سداد مديونية لصالح مصانع صينية تم القبض على وموظف اخر حيث تخطرنا الحكومة بأننا لم ناخذ بضاعة من هذه المصانع واعتراف اصحاب المصانع نفسهم بأننا لم ناخذ منهم بضاعة بل البضاعة اخذها صاحب الشركة بنفسة فتطلب منا ان نساعدهم بان نحضر لهم صاحب الشركة على ان يتم إطلاق صراحنا وبعد جهد جهيد مع الاهل حضر صاحب الشركة وتم اعتقالها ولكن طلبت السفاه ( السفاره )السودانية بان نظل داخل الصين لحين صاحب الشركة يقوم بتسديد مديونيتة لان صاحب الشركة قريب السفيه ( السفير ) السودانى والى الان لا حكومة ولا سفاه ولا صحافة عاوزه تدخل ما نطلبه من الاخوان السودانين التدخل وتحريك الموضوع إعلاميا حتى يفرج الله كربتنا
انت قايل هم مقبوض عليهم فى السودان عشان يفتشوا ليهم عفو رئاسى ؟؟؟
بعد حكومتنا تهتم بالابرياء فى السجون داخل وخارج السودان تانى تفتش لمخارجة الدجالين ..
الامارات دولة بها قانون ومحاكم عادلة وسلطات نزيهةللاتجروء ولاتقدم ان تعتقل انسان مهما كانت جنسبته مالم تتاكد بانه خطر عليها وصاحب سوابق ولكن للاسف متل ماعلقت الاخت ام مسيمس هم يصدرون لنا الخير بكل اشكاله ونحن للاسف الشديد نورد لهم الاشرار من المحتالين والمتشعوذين فهل جزاء الاحسان الا الاحسان
ناس قسمة عملوا نايمين وناس ترباس السهر قدد عينهم!!!!
المحير في الأمر هو احتفاء الحكومة السودانية بصديق ودعة و متصوف زمانه الأمين لدرجة توسيط الأول مع متمردي دارفور و الأخير مع شيوخ الأمارات !!!! ؟ ؟
يا المكاشفى اولا على حكومة او عصابة الرقاص ان تشكر حكومة الامارات على عدم اعتقال الرئيس الرقاص ذات نفسه لانه مطلوب للعدالة الدولية اما الجوز المحتجز لدى سلطات الامارات ديل عاملين عملة سودة كما يقول اولاد بمبة والما بتاكلوا ما بخنقك .
يا حيدر المكاشفيّين
أمثال المُفكّر شيخ الأمين عمر الأمين
جنّدهم إخوان الصافي جعفر لإنتحال كيان الذاكرين
كما صنعوا صادق وصديق الودعة وأبا قِردة والسيسي وآخرين
لإنتحال أنّهم أحزاب وكيانات سودانيّة وأنّهم قيادات الواثبين
فلتعلم أنّ قوانين الإمارات و سائر قوانين دول الخليجيّين
لا تسمح لأحزاب المُتصوّفين والشيوعيّين والمُتأخونين
بأن تزرع نفسها في تراب الخليجيّين
وتنقلب على الحاكمين
ثمّ تستغل ثروات أجيال الخليجيّين
لتمويل صناعة دولة خلافة حزب الإخوان المُسلمين
على أنقاض دولة خلافة الخليجيّين وحلفاء الأميريكيّين
لكنّنا كسودانيّين لا نملك إلاّ أن نلتمس من بشيرنا طليق المُتأخونين
أن يلتمس من حُلفائنا الأصليّين فكاك أسر السودانيّين
وأنّ يفرج هاهنا عن جميع المُعتقلات والمُعتقلين
ثمّ يعيد أموال أجيال السودانيّين
ثمّ بعد ذلك يتفاوض مع المُتفاوضين
المعنيّين بإعادة توحيد دولة أجيال السودانيّين
غير الماردة على حُلفائها الأصليّين
الشخص المحترم يحافظ علي جنسيتة وعلي سمعة عائلتة اولا ونفسة واولا واخير الجنسية التي يحملها والا يكون اشان لسمعت مواطنية هذا م تربينا علية من البيت والمدرسة والشارع ف هؤلاء لا يمثلوننا ولا نتشرف بحمل جنسيتنا نتعاطف معهم غير ان نشمت فيهم ومن خلق منهم نجوم ووجهاء مجتمع ف النهاية نقول يعيش المربي اما حكومتك لحوم اكتافهم منها مشكورين ادوا الدور المكلفين به لا تهمنا م حصل لهم لكن نتاسف علي مرمطة سمعتنا التي لا تعوض
اولا لا اعرف سر اهتمامك ب جوز الصقور امثالهم مكتظة بهم السجون داخليا خارجيا وبشتي التهم دعارة احتيال دجل تسلل ترويج وتهريب مخدرات سلاح سلع شيكات اغتصاب لواط قوادين للاسف بددت وقتنا الثمين ف الاطلاع من اجل ان نوضح راينا فيهم صناعة الانقاذ
الشخص المحترم يحافظ علي جنسيتة وعلي سمعة عائلتة اولا ونفسة واولا واخير الجنسية التي يحملها والا يكون اشان لسمعت مواطنية هذا م تربينا علية من البيت والمدرسة والشارع ف هؤلاء لا يمثلوننا ولا نتشرف بحمل جنسيتنا نتعاطف معهم غير ان نشمت فيهم ومن خلق منهم نجوم ووجهاء مجتمع ف النهاية نقول يعيش المربي اما حكومتك لحوم اكتافهم منها مشكورين ادوا الدور المكلفين به لا تهمنا م حصل لهم لكن نتاسف علي مرمطة سمعتنا التي لا تعوض
يا حيدر إيش جاب لجاب، و عيب عليك تسأل سؤال زي دا. إنت رئيسك حرامي و على علاقة وطيدة بالشيخ النصاب و بصديق ودعة الوالد. ما أصله مدفع الدلاقين و زوجاته و نسوانه و نسيبه و ولاته و وزراؤه لازم يكونوا طرف في أي قضية فيها قروش زي القضيتين اللي انت ذكرتهم ديل.
أقسم لك بالله بأن أجهزة الأمن الأماراتية لن تلقى القبض على شخص دون ( دخان ) ! أقول لك ذلك ولقد عملت فيها أكثر من عشرين عاما وأعرف خباياها جيدا ولولا مهنيتى التى تمنعنى أن أشرح لك الكثير ولكن تأكد أن أى شخص لعب ( بذيله ) سيأخذ نصيبه حتى ولو ( البشير ) نفسه !
بسم الله الرحمن الرحيم
الاخ : حيدر السلام عليكم ورحمة الله وبركاته
قال الله تبارك وتعالى : (( لا يغير الله ما بقوم حتى يغيروا ما بانفسهم ))
فنحن لو رجعنا الى الله تبارك وتعالى كبتابه وهو القرآن الكريم وسنة نبيه صلى الله عليه وسلم لكنا الان فى احلى نعيم وعزة وكرامة
لكن للاسف الشديد بعدنا من الله تبارك وتعالى فصرنا كما ترى الان
ذلة وفقر وعوذ وبؤس ومعيشة ضنكة
فعلينا الرجوع الان قبل الغد الى الله تبارك وتعالى
لان البشير واعوانه الظلمة سلطهم علينا ربنا تبارك وتعالى بذنوبنا ومعاصينا
فنقول ونردد دوما فى الصلاة اللهم لا تسلط علينا بذنوبنا من لايخافك ولا يرحمنا
اخوكم فى الاسلام : ياسر عبدالله محمد طه
الجماعة السلفية // ليبيا // بنغازى
الظاهر التهمة كبيرة فقد تملص غندور وانكر علاقة الامين بالمؤتمر الوطني
لماذا تتنكر الانقاذ من احد كلابها وقد اعترف شيخ الامين بانه كلف من رئاسة الجمهورية بأعادة العلاقات وقد تم تكليفه بالقيام بدور دبلوماسية شعبية
للأسف كان مريدو هذا الأهبل الدجال الأمين اساتذة جامعات ومثقفين ،، بدعوا الثقافة،،
وسجون الإمارات ملئية بالسودانيين في مشاكل شيكات ومنهم من أفضل وأشرف من هذا النكرة الأمين ،، الاولى الحكومة تشوف وتحل مشاكلهم ،، لكن الجيفة بتكم عليها الذباب ،،، والحرامي ده الا يتلب علي بيت او يكسر محل ،،، الحراميه من القصر الي اصغر مسؤل الا الفقراء. ،،،،
“المتغطي بالكيزان عرياااان”
البشير سلَم شيخ للامين للامارات تسليم مفتاح.
علي ما اعنقد ان الامارات امرت البشير في اخر زيارة للامارات ان يقوم بتسليمهم شيخ البيبسي عن طريق مسرحية إيهام شيخ البيبسي ان يأتي للامارات مع وفد رئاسي وهمي لاستعادة العلاقات مع الامارات.
في واحد واعي عنده جرائم نصب مفتوحة في بلد يمشي ليها برجليه لو ما غشوه بوفد رئاسي و نفشوا ليهو ريشه؟ وهو عمل فيها اب عرَام و مشي وشرب بيبسي لما شبع. عرفت انه “المتغطي بالكيزان عرياااان” دا اسمه تسليم رئاسي.
انت الجن بتاعك ما قال ليك اي حاجة قبل ما تمش يا شيخ؟ طلعت شيخ اي كلام.
الاخوه الكرام سبب انحطاط هذا الشعب هو عم التوكل علي الحي الذي لايموت واعتمادهم علي الدجالين والمشعوذين حتي علي مستوي رأس الدوله نسأل الله الهدايه
انت بتدافع عن الباطل … واحد حرامي معروف وابوه حرامي والثاني دجال معروف … ثم ثانيا الاول ليه ابوه ما موجود مايمشي الامارات ويجيب ولده والكل عارف ابوه ما بيمشي الامارات ليه؟؟؟ لانو حرامي كبير هو والمدعو سوداكال ..
عملتها ظاهره يا المكاشقى وقرعتك دى احسن تمسكا عليك او شوف ليك جامع واحجز مكانك في احدى البوابات !! وبالنسبه لحكاية الامركانى الجا طاشى وإستضافو رئيس الجمهوريه وعفا عنه الاريحيه دى كان أولى بيها أبناء وبنات بلده البيدعى بأنهم بينتخبونه هو وزمرته ويجددون لهم البيعه والامريكى على الآقل ماعندو حق الانتخاب والتصويت !!و!ذا كان راسم على الامركان وعشمان فيهم فاليتأكد الامريكان ما حيطلعوا اصابعهم العشره من داخل فتحة شرج النظام !!.
إعتقال شخصين : أحدهما دجال معروف .. والآخر لا نعلم عنه شئ ويسافر بين لندن وسيدني .. ما الذي وراءه حتى يسافر هكذا .. هل الإمارات أوقفت الصادق هذا من تلقاء نفسها أم بطلب من جهة أخرى (الإنتربول مثلاً) .. أو أية حكومة أخرى لأسباب جنائية ؟؟ لا ندري !!
هذا لا يوصف بـ “إعتقالات غامضة كونه شيء غير متكرر .. والأجدى أن تفتش عن سبب اعتقال المذكورين بدلاً من الغمز واللمز على سلطات الإمارات ..
يا جماعة الخير عله ما طلع منها اهل الامارات لهم الحق في القاء القبض عليه لانه عمل شيء خطأ …. وجزاء من يخطا العقاب واصلا ما بكون سجن هذا الرجل دون سبب
إن كان مذنبا على حكومة الامارات ضربه بيد من حديد حتى يكون عظة لمن غيره.
ولو كان البخطا في بلدنا بيعاقب لما حصل الخراب والفساد الذي نراه اليوم في كل وزارة او ادارة بالسودان … اهل الامارات ما عندهم اخوي واخوك من يخطأ لازم ينال عقابه ولو ظل مائة سنة في السجن لا احد بتخدل في تطبيق القانون على الجميع وعلى المفسدين امثال هذا الرجل ومن معه .
لو كان في السودان كان ادخلوا زمان الجودية الحرامية الفاسدين وطلعوه لكن لو في السودان قانون لما تدمر بلدنا كما نراه اليوم والفساد تجده على قارعة الطريق . لاننا عندنا المحسوبية وقانوننا ضعيف كضعف حكومته.
يا اهل الامارات عليكم بمحاسبة كل مفسد ياتي لكم من اهل السودان اضربوا بيد من حديد ولا تاخذكم رأفة بالمفسدين مهما كانوا .
… النظام الابليسي تملص وانسحب وشتم الايرانيين الذين بنوا له المصانع الحربية الا يتملص من هذا الامين الغير أمين .. مخير الله !!!
الاغرب كلاهما الشيخ وودعه مسرح عملياتهما الامارات
وكلاهما كلف بمهام دبلوماسيه وسياسيه ومقرب من اهل النفوذ بالحكومة وله اتباعه وحيرانه واحدهما نال وسام ابن السودان البار
يبدو انه سوق الدجل والشعوذه في الامارات منتعش ولا شنو ما عارف
غايتو جنس فضايح الواحد يودي وشوا وين ياعيب الشوم
الواحد يجيك منفوش في السودان مال وجاه وحكام واقعين تحت رجلينه وفي النهايه يطلع لاطش ليهو لطشه من الامارات يجوا جاريين وراهو
السودانيين قبل 25 سنه كانوا امينين وشرفاء وما بتسمع واحد خائن ولا فاسد ولا اكل ليهو قروش زول وقام صوف وجاء السودان وعمل فيها عنتر بن شداد وهو حرامي وكمان احترامات وتلفزيونات ومقابلات في الجرايد وواجاهات وتنعم بالديباج والحلي والحلل وفارهات السيارات والقصور والفلل والصحافه وياكل قروش الصحافيين يخليهم البوش ما يلموا فيهو والادهى يقابل رؤساء دول ويقوم ويقعد كدبلوماسي وسياسي وكمان تصريحات صحفيه ومهام دبلوماسيه
ما عارفين نقول شنو الحكايه دي دايره فهامه
القمار والميسر الخممور والدعارة والعهر غسيل الأموال وتجارة السلاح والمخدرات القتل والاغتيالات ثم محاربة الدين بناء الكنائس والمعابد والبيع والصوامل
الشجون والاضهاد والمؤمرات الاعتقلات والسجون ثم تصدير الفتن والمؤامرات يعني ماذا بعد كل هذا
صارت بلاد العرى عاصمة لكل ما ذكرت مسكونا في المارات
كلهم إستفادو من خدمات النظام الإجرامي لتخريب سمعه السودانييين في الخارج وخصوصا الامارات وجميعهم اصحاب معاملات مشبوه واموال غير معروف مصادرها لذلك هنالك تحفظ كبير علي مصادر اموالهم وحركتهم وتنقلهم بين الدول وبغطاء حكومي لذلك هم اساؤا لنا مرتين مره بصفه رسميه حكوميه ومره بصفتهم رجال اعمال سودانيين لذلك يجب فضحهم حتي يعرفوا قدر نفسهم ويكونوا عظه وعبره للاخرين
2
غير أن حكومتنا لم تأبه حتى لمعرفة مصير الصادق ودعة ولا سبب اعتقال شيخ الأمين
يا جماعة ماداموا معتقلين وفي يد المحاكم والقضاء يجب انتظار نتيجة الحكم وترك الحكم عليهم مسبقا فهم جميعا ابرياء حتي تثبت المحاكم ادانتهم اوحتي تبرأتهم-المتهم برئ حتي يثبت ادانته..
يا كاتب الغفلة.دا حبسوه لاسباب عدة ..
اولا الصور اللي انت تتكلم عنها فهو عنده مدبلجين محترفين
وثانيا الدجل والشعوذة والاستهبال واكل مال الناس بالباطل
ثلاثة مديون 35 مليون
يعني عايزهم يفرشوا ليهو سجاد احمر وبالاجناب زهور؟؟
هنا بلد السلام والامن والامان وما ترسلوا كل من هب ودب عشان يشوهوا سمعة السودان والسودانيين لان سمعتهم ما زالت ولا تزال زى الدهب الاصلي منذ فجر التاريخ او بداية الاغتراب .
المعروف أن دولة الامارات لا تعتقل او تتحفظ على شخص جوراً فمطار دبى وأبوظبى حركة المسافرين لا تتوقف 24 ساعة ولا أحد يتعرض لك بل تمر بكل احترام وتقدير وفى اوقات وجيزة فهى دولة قانون والقانون فيها يسرى حتى على ابن البلد وبلد للحق لا تضيع فيها الحقوق .. يا أهل الامارات أضربوا بيد من حديد كل من تسول له نفسه العبث بهذه البلاد الآمنة أياً كان جنسه أو معتقده .. ذهبنا الى الامارت كثيراً وأقمنا فيها لم نر غير الاحترام والابتسامات التى تحفك فى المطارات وكل دوائرها الحكومية وغير الحكومية .
الاخ المحترم : (( فى التنك ))
السلام عليكم ورحمة الله وبركاته
جزاك الله الف خير على تصحيحك لى بالنسبة لكتايتى للآية الكريمة خطاء
فانا بشر مثل غيرى من البشر
اخطىء واصيب — انسى واتذكر— اسهى واعى
والجماعة السلفية فهى منهج وليس اشخاص
وقولك لى بان اتقى الله تعالى
ارد عليك ب :(( اللهم اجعلنا جميعا من المتقين ))
ونسال الله تبارك وتعالى ان يجمعنا فى جنات الفردوس الاعلى
اخوكم فى الاسلام : ياسر عبد الله محمد طه // الجماعة السلفية// بنغازى // ليبيا
الاخ المحترم : عصام
السلام عليكم ورحمة الله وبركاته
جزاك الله تبارك وتعالى الف خير على تنبيهك وتصحيحك لى فى الخطأ الذى ارتكبته فى الاية الكريمة
وربنا يكثر من امثالك
والسلام عليكم ورحمة الله وبركاته
اخوكم فى الاسلام ياسر عبد الله محمد طه // الجماعة السلفية // ليبيا // بنغازى
الاخ المحترم: (( Amir ))
السلام عليكم ورحمة الله وبركاته
لقد نعتنى باننى من جماعة (( داعش ))
هل لديك دليل واضح وبين باننى من جماعة (( داعش )) ام هذا ظن منك فقط
فاذا كان ظن فاذكرك بقول الله تبارك وتعالى : (( ياايها الذين امنوا اجتنبوا كثيرا من الظن ان بعض الظن اثم )) سورة الحجرات الاية 22
وانا هنا اصفك بانك اخطأت فقط وما دمت من ابناء الاسلام فانا ارى فيك الخير للاسلام والمسلمين
وعفوت عنك لوجه الله الكريم
فكل من على الارض زائل وفانى والباقى وجه الله الكريم
كما قال الله تبارك وتعالى :(( كل من عليها فان 26 ويبقى وجه ربك ذى الجلال والاكرام 27)) سورة الرحمن *** اللهم بلغت فاشهد
والسلام عليكم ورحمة الله وبركاته
اخوكم فى الاسلام : ياسر عبد الله محمد طه // الجماعة السلفية // ليبيا // بنغازى
في سبب
الاخ المحترم : (( فى التنك ))
السلام عليكم ورحمة الله وبركاته
جزاك الله الف خير على تصحيحك لى بالنسبة لكتايتى للآية الكريمة خطاء
فانا بشر مثل غيرى من البشر
اخطىء واصيب — انسى واتذكر— اسهى واعى
والجماعة السلفية فهى منهج وليس اشخاص
وقولك لى بان اتقى الله تعالى
ارد عليك ب :(( اللهم اجعلنا جميعا من المتقين ))
ونسال الله تبارك وتعالى ان يجمعنا فى جنات الفردوس الاعلى
اخوكم فى الاسلام : ياسر عبد الله محمد طه // الجماعة السلفية// بنغازى // ليبيا
الاخ المحترم : عصام
السلام عليكم ورحمة الله وبركاته
جزاك الله تبارك وتعالى الف خير على تنبيهك وتصحيحك لى فى الخطأ الذى ارتكبته فى الاية الكريمة
وربنا يكثر من امثالك
والسلام عليكم ورحمة الله وبركاته
اخوكم فى الاسلام ياسر عبد الله محمد طه // الجماعة السلفية // ليبيا // بنغازى
الاخ المحترم: (( Amir ))
السلام عليكم ورحمة الله وبركاته
لقد نعتنى باننى من جماعة (( داعش ))
هل لديك دليل واضح وبين باننى من جماعة (( داعش )) ام هذا ظن منك فقط
فاذا كان ظن فاذكرك بقول الله تبارك وتعالى : (( ياايها الذين امنوا اجتنبوا كثيرا من الظن ان بعض الظن اثم )) سورة الحجرات الاية 22
وانا هنا اصفك بانك اخطأت فقط وما دمت من ابناء الاسلام فانا ارى فيك الخير للاسلام والمسلمين
وعفوت عنك لوجه الله الكريم
فكل من على الارض زائل وفانى والباقى وجه الله الكريم
كما قال الله تبارك وتعالى :(( كل من عليها فان 26 ويبقى وجه ربك ذى الجلال والاكرام 27)) سورة الرحمن *** اللهم بلغت فاشهد
والسلام عليكم ورحمة الله وبركاته
اخوكم فى الاسلام : ياسر عبد الله محمد طه // الجماعة السلفية // ليبيا // بنغازى
في سبب