الحلو : شمس الحرية ستشرق من جنوب كردفان ولابد من توحيد المهمشين لهزيمة المركز.

يا ناس اجراس الحرية مسؤؤلين من الخير وين السيد باقان لا حس لا خبر

بصراحة انا كرهت حاجة اسمها معارضة اكتر مما بكره حاجة اسمها حكومة لانو دايما حججهم واهية وضعيفة وان دلت فانها تدل على ضعف المعارضة وانا في الحقيقة تألمت لهزيمة الاخ القائد عبدالعزيز الحلو وكنت متأكد من فوزه في الانتخابات وحزب الحركة الشعبية بالرغم من انه حزب جديد في الساحة السودانية الا ان به كوادر قوية جدا ومحترمة أمثال ياسر عرمان وعبدالعزيز الحلو والرجل القوي البطل الهمام مالك عقار والذي استطاع ان يهزم الكيزان واصبح واليا للنيل الازرق برغم أنف الكيزان ويا ريت لو جوا كل واحد منا مالك عقار لكنا بخير ومأمن من كيد وخباثة أبالسة اللإنقاذ
الكيزان .
حقيقة المعارضة ضعيفة واذا هم بزوروا الانتخابات نحن ما نزور ليه ؟ يعني الحرامي بيسرقك وانت بتعاين ليهو , لا لازم تحمر ليه عينك ولو ما خاف تقدها ليهو ما حرامي ولع شنو يا أخوان , ما تبقوا زي احد ابناء سيدنا أدم لما قال لأخوه( إذا بسطت يدك إلي لتقتلني فما أنا بباسط يدي لأقتلك ) الأية .
لازم نقلع حقنا من الكيزان لأنو حقك تقاويه وتقلعوا
المرحلة الجاية يا أخوان مرحلة الرجال واكد مرة تانية الرجال وبس أخوات نسيبة ما معانا وأحزاب تحاورني وأحاورك ما دايرنهم ومعروفيين حزب أمة وإتحادي والتحية للحزب الشيوعي لأنو نقد براهو الراجل الطلع الشارع من الأحزاب التقليدية ومشا ساحة المظاهرة وما لقى أي واحد لا سيدي ولا الإمام عشان كدا يا ناس الاتحادي الأوفياء ما تأكلو فتة مع سيدي تاني لأنو ما زولنا ولا بيجيب لينا حقنا وانتو برضو يا ناس حزب الأمة الإمام ما ياهو رجل المرحلة الحالية لأنو لكل مقام مقال ولكل زمان رجال وهو ليس رجل المرحلة الحالية عشان كدا ما تمشو دار الأمة وتسمعوا ندوة الأربعاء والأنصار يا جماعة كانو أهل دارفور وياهم حسعي شايلين السلاح .
رجال وأحزاب المرحلة القادمة :
الرجال هم اي مواطن سوداني شريف همو مصلحة بلدو وحمايتها من التمزق والشتات الذي يقوده إليه هذا الأبله البشير وهذا ليس كلامي لأنه كلام العدو قبل الصديق .
اما الأحزاب فهي اولا الحركة الشعبية وحركات دارفور وجبهات الشرق والحركات النوبية وحركات الاحتجاج الشعبية قرفنا وزهجنا وحركة العطاشى في بري واللاماب وامبدة والشباب العطالة .
وفي النهاية أقول هبوا يا شباب السودان نحو التغيير لانو ناس الجبهة يقودوننا إلي الهاوية وما أدراكم الهاوية نار حامية والنار ولعت يا شباب السودان والنار بتحرق الواطيها والكيزان والكوزات عشان يقعدوا في السلطة مستعدين يحرقوا كل الفضل والباقي من الشعب السوداني وبعد داك يبيعوا الأرض البكر البور وكمان محسن برماد الشعب السوداني اللي اتحرق وأتكوى بنار الجبهة الأسلامية.

انت كنت واليا على الولايه ماذا فعلت لاهلك من تنمية وماذا فعلت لكم الحركه الشعبية استغلتكم فقط لتحيق اهدافها فى الجنوب والان وجدتم نفسكم فى العراء السياسى 0 انسان هذه المنطقه عانى كثيرا من الحروب وقاتلتم الحكومه فى صفوف الحركه فى الولايه مما ادى الى تدمير البنية التحتية وقتل انسان المنطقه وفى الاخير تخلت عنكم الحركه والان جاى تقول ما تنمية وتحاول اعادة نفس الفيلم