“قلبك ليه تبدل” الحب في الأغنية السودانية.. أشجان ودموع وذكريات

الخرطوم – أماني شريف
احتفل العالم يوم الأحد الماضي بعيد الحب، وانقسم الناس هنا في بلادي ما بين مستهجنين ومؤيدين ومحايدين، ولكل وجهة نظره ورأيه الخاص وتبقى البدعة ومحاكاة وتقليد الغرب وأسلمة الأمر هي المحك.
الهوى والعشق والوله والوجد كلها معانٍ تدور حول مفردة الحب وتتفاوت في درجاتها ومستوياتها، ويبقي القلب هو الوعاء الذي يتحمل كل هذه المستويات بكل زخمها وحلوها ومرها، وهو المصب والمكمن لها.
اهتمام كبير من الشعراء
وقد اهتم شعراء الأغنية السودانية بمفردة الحب وأفردوا لها حيزا كبيرا واحتفوا بها أيما احتفاء بمختلف مذاهبها، فقل أن تجد شاعرا لم يتفنن في إبراز مفردة الحب ما بين تحنان وحنين وأمل في الحب ومعايشة له وفقدانه والتحسر عليه، وقد حاولنا من خلال هذه المساحة التجوال في مختلف هذه السوح، ويبقى الحب هو لحن الحياة وقدسيتها.
الحب كده والغرام كده
أجمل معاني الحب وأروع ما يكون ما يجلب السعادة ويحيل طعم الحياة شهدا مقطرا، وخاصة بين حبيبين مخلصين يحملهما طائر الحب السعيد على جناحيه إلى دنياوات الهناء والمنى والتمني على شاكلة “لما سألنا العاشقين قالولنا أصلو الحب جميل أول بدايتو في أولو” و”يا حبيب ورد الأماني الحلوة في أعماقي فتح وابتدا القلب اللي عاش العمر في آهاتو يفرح” و”الشوق والريد والحب ألبان في لمسة إيد” و”قالوا بتحب وقلت ليهم مالو ؟ إيدي على ايدو الهوي مشينالو – حققنا أحلامنا وكل عاشق عقبالو” و”من زمان بحبو وهو لي حبيب ما خان عهودو وجاء كان لي قريب” و”الحب كده الغرام كده بالشكل ده” و”بحبك حب ماحباهو جن لي جن ولا حباهو زول لي بشر” و”حبك حبك ياجميل ساهر بي والدنيا ليل” “انقل اليها وفايا ليها وحبي الأكيد” و”نور حبو قلبي ونور بين ضلوعي” و”الهوي الجنبك عرفتو” و”كنت عايز عايز اقول بحبك ياوحيدة” و”بحبك والله عالم ده حب احترت فيه” و”يا أول حبيب من دون الأحبة أظهر لي غرامو وبادلني المحبة” و”الحب ظهر في الوش دسيتو أبا يندس دخل الفؤاد وجلس” و”لو أحبك أنا العمر كلو برضي شاعر ماكفاني” و”حبك حبك ياجميل ساهر بي والدنيا ليل” و”ياحبيب العمر” و”ماعرفت الحب كنت تسأل عنو.. تلقي ناس في الحب في سبيلو بجنو” و”حبيبي جنني وغير حالي حير فكري ده الشغل بالي”.
العشق الضائع
ومن بعد صفو الوداد وحلو الغرام والهوى والمنى والتمني قد يتبدل الحال وينسى الحبيب حبيبه والصفي صفيه وتحل اللوعة والآهات محل الضحكات والسعادة و”الحبايب بيني بينم قطعوا العلايق” و”في ربيع الحب كنا نتساقي ونغني – نتناجي ونناجي الطير من غصن لغصن ثم ضاع الامس مني وانطوت في القلب حسرة? و?حبي أنا ليكا كان زادي – كان جوه الحنايا دفين” و”كيفن قدرت تنسي حبيب صبر راجيكا ستة سنين” و”لو كان يا قلب حبيت بعدو بعد حلفت يمين ماينتم ليكا مراد لاتضوق لاحلو لازين” و”حبيب العمر يااغلي الحبايب مالو حبك وراني العجايب” و”هل كان حباً يا ترى، أم كان وهم الواهمين ؟” و”ليه ياحب بتدق على بابي ؟ حرام ياحب ضيعت شبابي” و”أنا المظلوم جفاني حبيب.. أنا الحبيت وما خنت ولي عهد الوداد صنت” و”حبيتو من نظرة وهو قلبو خالي.. كيف الطريقة البيها يتم وصالي” و”حبيتو ماحباني.. اتذكرتو راح نساني” و”لا وحبك ياوحيدي مستحيل تبقي النهاية” و”الحب العشناهو ليالي ذكرياتو في خيالي” و”أول حب وآخر حب.. حبك نار وكلو ودار منو بقول أنا آه يارب” و”كلمة حب خدعتني بيها” و”لو بهمسة قول أحبك ولو ترسل لي سلامك قول أحبك” و”حبيناك من قلوبنا واخترناك ياحلو ماتبادلونا العواطف ليه تتدللو ؟

اليوم التالي