صاحب عربة يفاجأ بسرقة عربته عند نزوله لشراء خبز
ام درمان – إبتسام
تمكن شابان يستقلان دراجة بخارية من سرقة عربة ( سوناتا) عند انشغال صاحب العربة بشراء خبز ، وتشير الوقائع إلى أن الشابين وهما في العقد الثالث من العمر كانا يستقلان دراجة وتوقفا بالقرب من مخبز بمنطقة بانت بام درمان وعندما ترجل صاحب العربة لشراء خبز انتهز أحدهما الفرصة وصعد إليها وأدار محركها وفر بها بينما فر الآخر بالدراجة البخارية و عند خروجه فوجئ صاحب العربة بفقدانها ما دفعه لأن يدون بلاغاً تحت المادة (174) من القانون الجنائي المتعلقة بالسرقة
اليوم التالي
والله يا ناس الخرطوم الجنجويد داخل الخرطوم وربنا يساعدكم بس أحظرو المواتر
دا كلام هسي الزول دا زمن نزل من العربية مايبطل العربية ويشيل معاهو المفتاح ولا تقيل عليهو والله يااهل الخرطوم الله يكون فى العون زى ماقاعد تحصل لينا فى دارفور والاخص فى الفاشر سوف تحصل ليكم .احنا زمان قلنا ليكم تعالو نقعدو سويا ونحلو المشكلة دى وللاسف لاحياة لمن تنادى واحنا الان عملنا عقودات وعلاقات مع الحرامية ومافى تانى زول يسرق حق زول فى دارفور عامة .
وياخرطوم عليك السلام .زمان احنا نتعب ونشقى وانتو تضحو والليلة انقلب الطاولة عليكم
والحكومة بيعرف الحرامية واحد تلو الاخر والاقرب من كدا تزكرو زمن سرقو عربية التلفزيون القومى فى الفاشر وانا احلف ليكم انا شخصيا رسلنى الوالى كبر وادانى العنوان بالكامل واسم الزول السرق العربية ومشيت وقلت ليهو الحاصل قال لى انت جاى من طرف كبر .وقال لى جبت القروش معاك قلت ليهو اى جبتو ووصف لى مكان العربية ومشينا سقنا العربية من دون مقاومة .
اخر نصيحة منى ليكم انو الحكومة ماقادرة تحمى نفسها ناهيك من ان تحميك انت وكل زول يعمل حسابو