منصور خالد يطالب السياسيين بالاعتذار للشعب
الخرطوم:أحلام الطيب
قال المفكر السياسي، منصور خالد، إن النخب السياسية فشلت في حل مشاكل البلاد منذ استقلالها، وحذر من مغبة وقوع الدولة في الهاوية بسبب فشلها، مشيرا إلي أن أي فشل آخر سيودي”إلي ذوبان الدولة ،ويقود بالتالى الي طريق الهاوية”، ووصف خالد السياسيين السودانيين بمن فيهم شخصه بـ”المستهبلين”، لأنهم فشلوا في تحقيق أمنيات السودانيين و استمرارهم في إنكار ذلك، وطالبهم بالاعتذار للشعب السوداني،
ونوه إلى أن مصدر الأزمة السودانية ليس هو أن آباء الاستقلال والجيل الذي أعقبه كانوا قوم سوء بل يتمركز سوءهم في فقدانهم للرؤية الصائبة للازمة السودانية، وأضاف ” لم يستطيعوا حل مشكلة الجنوب الذي انفصل، والآن البلاد تعاني من حروب في دارفور وجنوب كردفان والنيل الأزرق”. وقال خلال محاضرة قدمها في حفل تكريمه بالنادي الدبلوماسي إن البلاد تعيش في أسوأ فتراتها منذ الاستقلال بعد تردي الأوضاع الاقتصادية إلى مستويات سيئة، مشيراً إلى ارتفاع معدلات الهجرة، وعدم توفر الخدمات لأكثر من (62%) من السكان.
آخر لحظة
بس نقعدو زي النسوان في بيت البكا زي دا وب علي وكر علي ماتخشو في الحل علي طول راجين منو حركو الشارع ولا نجيب المصريين إعارة لسته شهور يسقطو لينا الناس ديل وكان نجحو نعمل ليهم عقد احتراف عديل وندوهم الجنسية زي الحضري زي ماقال المسطول الحكومة هي مقلوبة جاهزة البطلع الناس ديل من تحتها شنو وانت يامنصور قصتك شنو مع علي الحاج غيب وتعال ظهرتو بعد موت الترابي بالتحديد في الفترة دي ليه شايفين ليكم شوفه ولا شنو ماتكونو جايين شايفين أجل النظام قرب وجايين تركبو الموجة وتضيعو دم الشعب هدر لو كان دا هدفكم يبقي احسن يقعد بشة ورقصني ياجدع
طيب !! وماذا بعد الاعتذار ؟ هل سيعيد لنا وطننا الذي فقدناهوووواااا؟؟؟
زي ما بقولو العرب تو تو تو جاي تقول هالكلام تو من زمان كنتا وين
يجب على جميع الاحزاب المتعاقبة منذ الاستقلال سوى كان حزب الامة وحزب الاتحادي والشيوعي والمؤتمرين الوطني والشعبي وكل الاحزاب الهلامية والحركات المتمردة هي اساس البلاوي في السودان وان الاوان ان يعترفوا بانهم فاشلين ويفسحوا المجال الي القوى الحديثة ان تقود البلد والشخصيات الوطنية غير الحزبية
نعم اتفق مع الدكتور منصور خالد ان علي النخب السياسية ليس الاعتذار للشعب السوداني فقط بل ان يتنحوا جانبا ويعطي المجال للشباب من الشعب السوداني ليحكم البلد بعيدا عن الجهوية ,القبلية والعنصرية , فقط ان يكون سوداني مؤهل علما وخبرة وهمه وانتماءه الأول للسودان .
كلام ممجوج ومستهلك يقال عند الشبع يامنصور الله لانصرك كنت في سبعينات القرن الماضي وزير البلاط النميري ثم مستشار زعيم الحرب قرنق ثم مستشار القصر الملكي البشيري. والان جالس بمزرعتك الملكيةتبيع طماطم القرين هاوس وتبيع لنا هذا االهراء
لماذا لم يعتذر هو بعد اقراره بذلك
يبدو انه كلام والسلام
النخب السودانية (تعميم ليس في محله)
الماسك بتلابيب الحكم و مكنكش فيهو هو البشير
قول ليهو في عينو إنت أعور
قول ليهو فك السلطة يا مستهبل
أعظم الجهاد كلمة حق تقولها لسلطان جائر
.
ما قيمة الاعتذار
انت اول حاجة قدم اعتذارك وكنت ستكون من خيرة ابناء السودان لو اقتصر دورك على منصور خالد الاديب والكاتب والمثقف لكن دورك كسياسى ينبغى ان تعتذر عنه بشدة وبابلغ عبارات الاعتذار منذ ان كنت سكرتيرا لعبد الله خليل مرورا بفترة مايو وتحالفك مع قادة الحركة الشعبية ونيفاشا وما ادراكما نيفاشا فقد كان دورك السياسى سلبيا وهذا بشهادة الكثيرين ولا يتفوق عليك فى هذا الدور الا الترابى .
الاعتراف بالحق فضيلة ومنصور خالد من السياسيين القلائل في السودان من اعترفوا بغلطهم وكتب في ذلك الكثير فله مني كل التحايا.وياريت عندنا مثله كثيرين كان البلد اتصلحت ولكن للاسف الاغلبية من ساستنا همهم الاول والاخير مصالحهم الحزبية والشخصية وليس الوطن.اما الوطنيين الذين يعشقون هذا الوطن حتي الثمالة فمكانهم السجون او القبور لك الله يا وطني
محن عالم ما تستحي
وكمان عايز ينظر
بكل اسف منصور خالد لا يتنفس الا فى الحكومات العسكرية
جاءت ثورة ابريل الا أنه اصر ان يبقى مع قرنق مما ساهم
فى تقويض الثورة .
ويسأل نفسه لماذا حضر السودان الآن ؟
والاجابة مفهومة .
ظللنا نكرر دوما ان منصور نموذج للمثقف الانتهازى الذى ظل مشاركا فى تدمير البلاد وتضليل العباد وظل البعض يدافع عنه باستماتة حتى اعترف بنفسه انه من زمرة (المستهبلين) بعد فوات الاوان ومازال بعض المثقفاتية يدافع عنه. وأمثال هؤلاء البعض الذين يرون الاشياء بعين واحدة يعجبهم حديث الرجل المنمق فيلوكونه دون النظر لافعاله !!!!!!!!!!!!!!!!!!!!! يعنى لو بكرة نافع قال كلام منمق سيعدونه عبقرى ومفكر.
دكتور منصور ما معنى مستهبل فى قاموسك . يعنى نحن ما عارفين كوعنا من بوعنا
انا اعرف مستهبل غشاش وهذه صفة الحرامى و بمعنى اخر غير الأمين فى كل .يعنى دكتور منصور كتبك ومؤلفاتك التى تذخر بها المكتبات كانت من صنع سياسي مستهبل
يعنى الديمقراطيه فى الميزان كتاب قراته كثيرا وكان من تأليف مستهبل .يعنى جون قرنق ومناصرتك له استهبال . هذا لا يحق لرجل بقامة منصور خالد ان يصف
السياسي مستهبل نحن فينا من صنعوا استقلال السودان ومنهم أجيال تخرجت من دور سياسيين لهم دور فى الوطنيه . نقول للدكتور منصور بيننا عمر زمنى طويل ولكن رددت على ما قلته أرجو إيضاح اكثر
ما انت واحد من النخبة دي بل مستشار الطاغوت البشير والطاغوت سلفاكير وفي ذات الاوان …تنجر يمين شمال!
طيب وين اعتذارك إنت شخصياً. عشان يكون عندك مصداقية في كلامك كان لازم تبادر بالاعتذار على الاقل للمحتفين بيك في النادي الدبلوماسي
من السودان والشعب السوداني الي د منصور خالد ومن عناهم في الخبر أعلاه من السياسيين:
【ﺑﻌــﺪ ﺃﻳــــﻪ .. ﺭﺍﺋﻌﺔ ﺇﺳﻤﺎﻋﻴﻞ ﺣﺴﻦ
ﺑﻌﺪ ﺃﻳﻪ ﺟﻴﺖ ﺗﺼﺎﻟﺤﻨﻲ .. ﺑﻌﺪ ﺃﻳــــﻪ
ﺑﻌﺪ ﻣﺎ ﻭﺩﺭﺕ ﻗﻠﺒﻲ ﺍﻟﻜﻨﺖ ﻓﻴـــــﻪ
ﺟﻴﺘﺎ ﺗﺒﻜﻲ .. ﺟﻴﺘﺎ ﺗﺸﻜﻲ .. ﻟﻲ ﻟﻴـــــﻪ
ﺇﻋﺘﺬﺍﺭﻙ ﻣﺎ ﺑﻔﻴﺪﻙ .. ﻭﺩﻣﻮﻋﻚ ﻣﺎ ﺑﺘﻌﻴﺪﻙ
ﺍﻟﻌﻤﻠﺘﻮ ﻛﺎﻥ ﺑﺈﻳـــﺪﻙ ﺃﻧﺎ ﻣﺎﻟﻲ ﺫﻧﺐ ﻓﻴـــــﻪ】
وأخيراً دكتور منصور خالد يعترف بان السياسيين السودانيين مستهبلين وكلمة مستهبل معروفة للكل وليست ساهلة كلمة كبيرة جداًجداً ان يوصف اى شخص او ينعت بها المهم الاعتراف بالذنب فضيلة فقط اتمني من الدكتور المحترم ان يقدم شرح تفصيلي لكلمة المستهبل السياسي وحبذا لو وضع النقاط فى الحروف او سمي الأشياء بأسمائها علماً بان كل كوارث السودان كانت ولا زالت من الحركة الاسلامية السودانية وعلى راسهم كبير المستهبلين الهالك الترابي و تلاميذه
ينبقي للشعب السوداني ان لايثق في اي سياسي اسلامي ولا ما اسلامي كفاية الخوازين فقط اتمني ان يتوافق الشعب على الدستور الدائم واستقلال القضاء وقومية ومهنية الجيش والشرطة والجهزة القومية بحيث يكون الرئيس والوزارة وكل موظف عارف حدودة والذي يتعدى صلاحياته يحاسب بالقانون مهما كان سلطته لان الاستقرار السياسي هو اساس التنمية وخير شاهد على ذلك امريكا دستورها منذ 200 عام وخلال الفترة السابقة لم يتغير و محاكمة خمسة رؤساء ثلاثة منهم استبعدوا من السلطة واثنين اعيدوا للسطة منهم كلنتون
أولاً لايوجد في السودان نخب وإنما رمم ولصوص وفاسدين ومرتشين وهم السبب الرئيسي في بلاء السودان وأنت أيها المنصور
تعتبر واحداً من تلك الرموز النتنه العفنة !!! ومن المفترض لوكان في السودان شعب واعي ويدرك حقوقه تماما لأحرقكم
كلكم في ميدان عام أولكم الشاويش المجرم وبطانته من إخوان الشيطان!!! لعنة الله عليك وإذا كان هذا رأيك لماذا الصمت لأكثر من نصف قرن والشاويش ولصوصه من إخوان الشيطان نهب البلاد وقسم العباد …. أخرس !!!!
الفشل الذي اصابالسودان سببه أولا هو الشعب السوداني نفسه للأسف الشديد لان هؤلاء السياسيين هم من صلب هذا الشعب للأسف يعني الفشل متاصل فينا منذالخليقة وإلى يومنا هذا العيب فينا وليس هناك عيب سوانا ثم لأننا اتينا بفاشلين .
أمثال منصور هذا لانه ناصر قرنق طوال حروبه ضد الشمال كان يجب محاسبته لو اهل السودان يحاسبون من يخطيء في حق الشعب مهما كان ومن كان؟ وامثال منصور خالد كثر في هذه الحكومة والتي سبقتها كان يجب محاسبتهم بل الدولة تكافيء من يحارب الوطن للأسف الشديد كما نشاهده اليوم في دولاب حكومة البشير للأسف الشديد بدل محاسبة كل من حمل السلاح الوطن اصبحنا نكافئه وهذا لم نر له مثيل إلا في حكومة البشير التي قضتت على كل شيء بالسودان حتى الخلق .
منصور ان لا تتحدث من يعتذر للشعب السوداني من النخب السياسية انت اولهم قاتلت الشعب السوداني إلى ان وساعدت في فصل الجنوب الشمال ودي حقيقة يعلم بها الجميع وربنا سياحسبك على ذلك فقط انتظر الموت قادم .
اذا الدولة ليس بها بقانون يحاسب المخطئين حساب الله موجود ومنتظر كل السياسيين الذين عملوا ضد مصلحة المواطن والبلد عامة إلى سقط الآن .
حسبنى الله ونعم الوكيل فيك وفي امثالك من ساسة اهل السودان وحسابكم واقع لا محالة فقط يوم تقبرون .
فشلتونا امام كل الدنيا يا ساسة السودان وانت اول يا منصور يا خالد .
.
رجل منافق وكذاب وانتهازي وهو سبب من اسباب انهيار النظام الديمقراطي وعامل فيها مغكر وسياسي
هذا هو الاعتراف الذين ننتظره
نعم البيوتات البرجوازية والنخب السياسية الانتهازية المتنطعة و من خلفهم الدجالين المتسلقين الى السلطة بأسم الدين هم سبب بلاوي السودان منذ الاستقلال
نستثني من ذلك على الترتيب
الدكتور جون قرنق واسماعيل الازهري ومحمد أحمد المحجوب الشريف زين العابدين الهندي طيب الله ثراهم
الاعتراف بالحق فضيلة يادكتور خالد
الناس دي حصلها شنوا بعد ذهاب الهالك الترابي احمد بلال يعترف بان حزبه يتعاطي معونات وتمويل من حزب الحكومه دون ان يسأله حد علي الحاج ياتي مهرولا ويعلن انه مستعد للمساءلة في قصه خلوها مستوره
والان يعترف منصور خالد بانه وزمره الساسه السودانيين هم مجموعه من المستهبلين ليس الا ياربي في حاجه حتحصل ونحن ما عارفنها مع موجه الاعترافات دي النزلة علينا يبدو ان الأيام حبلي بمفاجاءت ربك يستر
مستهبلين دي لغة العامة والبسطاء لكن رجل في قامة منصور خالد يجب ان لا يخفف رتبة الخيانة العظمى للوطن والمواطن الي درجة مستهبل فقط … مستهبل ده ايه أنتم خونة ومجرمون وأنت أولهم تقتاتون بالوقوع في احضان الحكومات الدكتاتورية أحياناً وبالارتماء في احضان الحركات المسلحة أحيايين أخرى .. أنت رجل ميكافيلي ولا تختلف عن الترابي الا في الاتجاه والتوجه .. أنت مجرم يا منصور ولست مستهبل وصدق النميري حين قال أنك مهزوم بائد وهذا هو عكس اسمك تماماً . تتمتعون بثرواتنا وتقتلوننا وتهجرون من بقي على قيد الحياة ثم بعد الثمانين أي بعد الخرف تقولون أنكم مستهبلون ؟! مستهبلون فقط أيها المجرم الكبير ؟! . أنت والترابي درستم الحقوق واستوليتم على حقوق الناس بالباطل حيث لا عدل ولا حقوق في السودان ونحن ننتظر حقوقنا في الآخرة عند مليكِ مقتدر .. يوم لا ينفع مال ولا بنون الا من أتى الله بقلب سليم . موعدنا هناك .