أخبار السودان

برلماني يهاجم وزير المالية : القرار سيزج بالكثير من الأعضاء في السجن

31 مارس، 2016

البرلمان: سارة تاج السر
هاجم النائب البرلماني المستقل أبو القاسم برطم، وزير المالية بدر الدين محمود، بعد إلغائه قراراً بتمليك نواب البرلمان سيارات بتقسيط جمركي على 4 سنوات، وقال إن القرار سيزج بالكثير من الأعضاء في السجن.
وأعرب برطم عن استغرابه من تراجع الوزير عن قراره، وقال: (بي جرة قلم لغى القرار)، وأشار الى أن محمود يتصرف كما يشاء، وتابع: (كأن البلد دي إقطاعيتو).

الجريدة

31 مارس، 2016

تعليق واحد

  1. والله يانوام الغفلة سويتو المحرية فيكم وكل زول بسوى البشبهو وانتو اصلكم زى تيس الزبيدية جابوه يعشر الغنم لقوهو برضع فى الغنم . الله يقرفكم ويقرف الرقاص وحزبه حزب الفضايح والمصائب والكوارث تفوووووووووووووووووووووووووووووووووووعليكم.

    رد

  2. وده القالوا نائب مستقل وسيقيف مع الشعب ؟!!! عايز عربية و بالاقساط كمان ما كفاك البيت الابيض بتاع كافوري وبعدين انتوا ما قلتوا دستوريين و عندكم حصانة خايفين من السجن ليه

    رد

  3. خليهم ينوموا هناك .دي ماشغلانية. جايين يعني
    للفنكهة. مفروض يسرحوهم لاعمال للإفادة وليس الاستفادة.شيء عجيب.وحارمين المغتربين المهمومين.
    يحيا سوار.

    رد

  4. ما هو السجن مكانهم الطبيعي. بعدين انتو برطم دا مش الوجع رأسنا بأنه نزل في دائرة أبو حمد متحدياً مرشح المؤتمر الوطني و حزبه و يفتخر بأنه هزمهم و اللا أنا غلطان في العنوان؟ بعدين دا مش صاحب البيت المبني على طراز البيت الأبيض و يحتوي على 35 غرفة؟ طيب هو ما زيهم واحد عايز يدعي لينا الشرف مالو؟

    رد

  5. إن لم يسحب البرلمان الثقة عن وزير المالية بسبب زيادة أسعار الغاز غير المبررة ورغما عن أنف رأس الدولة فالبرلمان برلمان خيخة ودلدول أكثر مما قال عنه إسحاق أحمد فضل الله …أما أن البرلمانيين فاسدين فهذه لا تحتاج إلى دليل … عدم فسادهم هو ما يحتاج إلى دليل. هذا البرلماني الذي يهاجم وزير المالية دليل عىل فساد البرلمانيين … لماذا تعطي الحكومة البرلمانيين سيارات بتقسيط جمركي 4 سنوات وهم يتلقون الأموال الطائلة على تمرير قرارات الحكومة الظالمة دون أي مجهود شريف يُحمد لهم؟

    رد

  6. ودا كلوا على حساب الشعب بدل هذه العربات ما تشترى الحكومة ماكينات غسيل كلى او تستورد ادوية وتبيعها بما يناسب جيب محمد احمد مصيبة السودان نائب مستقل قآل قلنا ليكم مهاتير السودان هيجى بعد مئة سنة نائب من واجبه ان يدافع عن جيوب الشعب مش ينفخ ليزيد جيبه لهيبا وسعيرا يا حليل السودانيين استغفر الله ربنا ىغاضب عليهم ولا شنو شوف جنس البلاوى دى المحدفة علينا ما كان قولك هكذا يا برطم فى دعايتك الانتخابية الله يريحنا من امثالك جابوهو فزع بقى لينا وجع دا يا خوف فات تيس الزبيدية بمراحل مستعد يرضع فى العندو لبن وما عندو لبن يعنى الضكور والاناث

    رد

  7. يعني الناس انتخبوكم عشان تدافعوا عن مصالحهم ولا عشان تركبوا عربات علي
    حسابهم ؟

    رد

  8. وبرطن دا مالو ؟ قصتو شنو زملاءهو كلهم نايميين .عندو أرق و لا شنو ؟.طبعا الايام في دلاله كبري عربات و بكاسي في واحدات جديده بتاعت مغتربين مساكين محجوزه من مدة في موانى بحرية و بريه .ربنا يلطف بينا..

    رد

  9. يا برجم شنو القرار الشجاع الذي تبنيته لخدمة من انتخبوك خاصة والشعب السوداني عامة
    الستم من تصفقون لرفع الدعم عن المحروقات
    انتم لم تكن لكم وقفة الا لزيادة مخصصاتكم يا عبدت الدرهم والدينار
    عليكم لعنة الله لماذا لم تسألوا وزير المالية عندما رفع عاز الطبخ ثلاثة اضعاف سعره وفاتورة المياه ضعفين
    لا يهمكم الا مصالحكم الشخصية فقط
    نفوض امرنا لنتقم جبار

    رد

  10. انت عندك بيت زى البيت الابيض و فيهو 35 غرفة عايز بالاقساط شنو و ولا المثل كان دار ابوك خربت شيليك منها عود و بعدين اذا كملت قروشك فى البيت بيع ليك غرفتين و ادفع تمن العربية

    رد
جميع الحقوق محفوظة، لصحيفة الراكوبة© 2025 .. تعبر المقالات المنشورة عن رأي أصحابها، ولا تمثل بالضرورة وجهة نظر إدارة الراكوبة
زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..