وزير المالية : تحسبنا لانفصال الجنوب قبل عام..سنزيد الإيرادات بالتوسع الافقي في تحصيل الضرائب والجمارك ..محافظ بنك السودان : انفصال الجنوب سيرمي بظلال سالبة.

حولوا جميع الولايات إلى محافظات و تخلصوا من مئات الوزراء الذين يتمتعون بالرواتب و المميزات دون مقابل يؤدونه للوطن و المواطنين
.
الحدّ من النفقات الحكومية هو السبيل الوحيد لمنع الانفجار . و عليكم بالاتجاه للزراعة و الرأفة بالمزارعين و أعيدوا مشروع الجزيرة سيرتها الأولى لنكون بخير كما كنا حين لم يكن هناك نفظ ..
بم كانت عملتنا( الجنيه السوداني) أقوى في العالم ؟؟؟ هل كنا نصدر النفط ؟؟

ولفت إلى إمكانية الوصول إلى الاستقرار الاقتصادي المنشود وتخطي آثار الانفصال حال تطبيق الوصفة الاقتصادية المتبعة دون خلل،

انتو لما كانت عندكم موارد البترول كان في خلل وذلك من عام 99
تقول سيكون هناك استقرار اقتصادي غذا طبقت الميزانيه دون خلل
الخلل من وين سوى منكم يا اخرق

الحل بسيط اذا رغبت الحكومة .. دمج الوازارات المتشابهة : مثلا وزارة الكهرباء والسدود وزارة التعدين ووزارة النفط لماذا لا تعود وزارة الطاقة والتعين فقط … وزارة التجارة وزارة الاستثمار وزارة الصناعة ( تكون التجارة والصناعة ) … وزارة الزراعة ووزارة الثروة الحيوانية ووزارة البيئة ( كلها انشطة متساوية ) … الاستغناء نهائيا عن وزراء الدولة والاكتفاء بالوزير ووكيل الوزارة … دمج كثير من المحليات وتصبح لكل ولاية اربع محليات فقط … لا يعقل أن تكون هناك محلية ومعتمد ولا توجد مدينة اصلا .. اذا خلصت النوايا هذه بداية الحلول .. وإلا لن تجدي زيادة الضرائب .. والله من وراء القصد ….

نعم يجب زيادة الضرائب والجمارك لكى تتمكن الدولة من دفع الحوافز والبدلات لهذا الكم الهائل من الوزراء ووكلاء الوزارات والدستوريين وايضا لابد من رفع الدعم كاملا عن الوقود والسكر لانه بالجد مافى اى داعى المواطن العادى يسوق عربية او يشرب بارد او حتى يحلى فكل هذه رفاهيات
هو الموت دا الا بالقصف والمدافع ما هو نحنا بنموت كل يوم هنا فى الشمال بسبب هولاء الكيزان تجار الدين اللصوص اللذين يسرقون اموال الشعب يوم يوم ساعة ساعة دقيقة دقيقة ثانية ثانية لو حتى عاوز تمشى فى الشارع لازم تدفع حتى حج بيت الله الحرام ما سلم من سرقتهم

يا رااااجل …يرنامجاً إسعافياً حتة واحدة كدة؟؟؟ لرجل أفريقيا المريض الذى أوشكتم على دفنه وهو حى؟؟ظ

تانى عائدات المغتربين؟؟ المغتربين خلاص ما عاد لديهم در للحليب كما فى السابق

المغتربين حالياً يا دوبك ملحقين على معيشة أولادهم الذين ترعرعوا خلال سنوات قحط نهجكم فى ديار الغربة..

الحل كما ذكر أحد الأخوان هو تقسيم البلد الباقى بعد الأنفصال إلى أربعة أو خمسة محافظات وكنس جميع من مكنتوهم فى مفاصل الدولة ..

أقعد يا تور الله الأنطح مع الإقتصاديين والماليين خليهم يعملوا ليك دراسة كاملة عن هذا الإقتراح وشوف وزارتك الجابوك ليها بفقه الإنتساب دى حا يكون فائض خزينتها كم مليار ..عشان تغطى بيهو العجز فى الميزانية دون فرض الضرائب والتوسع أفقياً والفلسفة البيزنطية بتاعتكم دى.

ربنا ينتقم منكم حقنا فى الدنيا قبل الآخرة

المواطن ما حيتعب شديد لكن التعب حيكون من نصيب المنتفعين والحرامية لأنهم لن يجدوا ما يسرقوه….وعشان كده حللتو القروض الربوية ما كان اخير ليكم تكون مع اخوانكم الجنوبيين وطلبم كان بسيط جدا (المواطنة اساس الحقوق والواجبات) لكن ركبتو راسكم اها حتعملوا شنو يا حرامية:confused: :confused: :confused: :confused: :confused: :confused:

حرااااااااااااااااام عليكم يا كيزان ؟؟ نعمل شنو يعني كل سنة قااااعد ادفع زكاة و خدمات و ضرائب تقول هم موفرين لي فرصة شغل في السودان طلعنا من السودان و أغتربنا علشان نحسن وضعي ؟؟ تمشي السودان يقولوا ليك المغتربين تعبانين بس ما خلونا في حالنا

برنامج إسعافي يستمر لمدة ثلاث سنوات. دة ليكم ام الى الشعب الجائع الفقير المريض
مادام الحالة كدة هل فى داعى على كرتى يتزوج اجمل موظفة بالخارجية وىرسها سفيرة للسودان باسبانياعلى طول يعنى شهر العسل فى اوربا مع بداية الاجازة
نحن دايرين نعرف هل وافقت على الزواج منة بعد ان وعدها بان سوف يتم تعيينها سفيرة ام بعد ان تزوجها تم تعيينها لانها زوجتة لاتوجد اجابة ثالثة

قال تعظيم مساهمة المغتربين !..بدل دا اقترح ليك تمكين المغتربين كما تم تمكين غيرهم بالآتي : أعمل حاجه
أسمها دولار المغترب بتحديد منافذ بنكيه خاصه ووفق ضوابط ليبيع المغترب دولاراته بضعف السعر الذي يعمل به بنك السودان وستجد كل المغتربين سيسلمون دولاراتهم في تلك المنافذ ويختم علي جوازه بما يؤكد البيع حتي لا يجد السماسره فرص للبيع عبر المغتربين طبعا مع تقديم الاقرار في المطار بالمبلغ الكلي الذي يحمله.. الغاء مساهمة المغتربين تماما بعد ذلك..ينفع الكلام دا معاك يا علي محمود ؟

انتو ما محتاجين تتوسعوا ، انتو اصلا موسعين من زمان –