شوية برطمة وكدا.!! كاريكاتير ود ابـّـو‎

هههههه.. برطمنا طوالي يا ود أبو..

قال باني بيت أبيض عشان بحب الشغل الكلاسيكي!!آآآآآآآآآآه يا بلد..

و الله وقعت فى شر اعمالك بهذا الاسم الكركاتيرى و كان احسن تاكل سكم بكم زول عارفك مافى امس واحد طلع تاريخك من ليبيا و قال انت كنت لجان ثورية ..حنكت الليبيين القذافييين اها جيت عامل مؤتمر وطنى غير معلن و سألك من وين جبت قروشك دى و انت 89 كنت طالب فيزياء فى ليبيا بس هناك اكييد يعرفون من اين اتيت بها و لا انت قايل ناس الشيخ مصطفى الامين كانوا خاتين بردعة الحمال فى المكتب لى ؟؟عشان يكسروا عين اى زول يسأل سؤال زى دا

الكوز ومن يشايعه يحسبون دائماً أن أمورهم مستورة فيحاولوا بأن يظهروا للشعب وكأنهم أبطال يدافعون عن الشعب ولا يقبلون بظلمه

ها ها ها المفروض ان شخصيو برطم دي تكون الشخصية ال كرتونية بتاعتك

يا اخوااااااااااااااانا انتو مواهيم ولا شنووو!!

برطم رجل اعمال وبنى بيتو من مالو الخاص

الراجل شغال تجارة وزراعة معانا في الشمالية
وبيقيق مع المساكين وبيدفع من جيبو

اطبل لي منو واطبل لي شنو
برطم اعرفه وبيتو مفتوح للجميع

عندو فلوس واتحدااكم لو جنيه واحد من مال الشعب

ربنا رزقو بي حلالو بدأ من الزيرو ومشى

هو ما كوووووووز

نائب مستقل وفاز ى ممثل المؤتمر الوطني بلال عثمان بلال

برطم دخل البرلمان ليه سنة

البيت الابيض شغال فيه قبل دخلو للبرلمان

اتقوا الله في نفسكم
انا اعرف برطم من قرب
رجل نزيه
قروشو مال حلال وليس مال حرام زي قروش المؤتمر الوطني او الشعبي او الحركة الشعبية

والله النائب البرلماني دا برضو كتر خيرو يعني قاعد يقول الحق مش زي الجماعة اياهم شغالين صفيق طول السنة ونؤيد ياريس طبعاً الصفقة تأتي بعد الخلعة والاحلام النرجسية داخل قبة البرلمان علي الاقل النواب المستقلين مرة مرة بعترضو مش زي جماعة احزاب الفكة

خلافنا مع الحكومة خلانا نخلط الحابل بالنابل وابعد عنا قيمة اساسية في دين الحنيف وهو التثبت قبل القذف

الراجل دا نضيف ونازل ضد المؤتمر الوطني وشبعان من امو وابو ومافي حد يقدر يمسك عليه حاجة لو بني قصور من ماله هو حر.. ركزوا لينا علي النهابين ليل نهار ديل …

وياريت نساعد العايزين يساعدونا بدل ما نشوت كلنا في اتجاه واحد

نقول في عاميتنا فلان طرم و مطرم. و طرم هي تحيف لكلمة برطم.و برطم تعني زعل ز مد بوزه.