تسقط تماثيل الحجارة
تسقط تماثيل الحجارة
عقيل حسن
[email][email protected][/email]
تسقط تماثيل الحجارة
فى برك مليانة طين
ومسكونة بالجن من سنين
وفى هوة ما بنعرف قرارة
ما اصلو تمثال من حجر
ما ممكن يحيا مع البشر
ويستلم دور الصدارة
لو كان نقول انو الزهور
ممكن تقوم فوق القبور
يانعة وموشحة بالنضارة
لو كان نقول انو الظلام
حا يكون دوام
ماسح الصبح بلون قبح
وتحيا الشمس فى جوف مغارة
لو كان نقول انو الحنين
يشرد سنين
من لهفة الام للجنين
ومن قصة الحب والاثارة
ممكن نقول
انو الحجر
غلب القدر
وساد البشر
لا ..اكيد ده كلام عوارة
ما هو الحجر
مهما كبر
حايكون جماد ما مقتدر
وحا يعيش حقيقتوا المستعارة
ما هو الحجر
مهما كبر
حا يكون جماد ما مقتدر
وحا يعيش حقيقتوا المستعارة
