فيديو: محمد الحسن والد طفل الساعة الأميركي و المرشح الرئاسي السابق يترحم على أرواح شهداء الطلاب ويطالب الحكومة بتسليم السلطة
الهادي بورتسودان
في حديث نشره أمس على صفحته الرسمية بفيسبوك قال محمد الحسن الصوفي والد طفل الساعة الأميركي و المرشح الرئاسي السابق عن حزب الاصلاح الوطني في دورتي 2010 و 2015 إن حكومة المؤتمر الوطني سبق أن تعهدت بإيقاف الحرب وإرساء الديمقراطية و كفالة حرية التعبير والأكتفاء الزاتي ورفع الحصار ، ولكنها لم تنجز أي من تعهداتها ، بل أزداد الأمر سوء ، لدرجة أن يتم تصفية الطلاب في الجامعات لا لسبب إلا لرفضهم لممارسات السلطة
وترحم الصوفي على شهيد الجامعة الأهلية محمد الصادق ، وشهيد جامعة كردفان أبو بكر الصديق وكل شهداء الجامعات السودانية وطالب الحكومة بكفالة حرية التعبير للطلاب ، وطالبها بتسليم السلطة لحكومة إنتقالية إستجابة لمطالب الشعب والأنتفاضة التي تجرى الآن فالشعب قد ضاق الآلام والويلات والحصار وآن له أن يعيش كريما حراً مثل كل شعوب الدنيا . وختم حديثه بالمطالبة بإطلاق سراح جميع المعتقلين وخاصة معتقلي الحركة الطلابية
الرابط :
[SITECODE=”youtube uEB7W-WIOAE”].[/SITECODE]
شخصيه انتهازيه متسلقة وبس
يريد ان يكسب زخم في الساحه
وباسطة هذا الاسلوب الرخيص يا رخيص
خليك مع ولدك وساعته وقرط علي كده
واضح انه زول بتاع فرص و انتهازية … بالامس كان مرشحا” كالكمبارس في دراما الانخابات الرئاسية … قبض الثمن وهرب .بالامس ذهب بابنه لمقابلة القاتل البشير .
بالامس هرب لقطر مستقلا فرصة دراسة ابنه بها كمنحة ..
اليوم … عايز يصبح لنا بطل و ثوري ….. قوم لف ياخ
ما في اسوأ من الاتجار بالوطنية والتملق والزول ده بالجد ظاهر عليه انه متملق
هرب بأبنه من امريكا لرعونته و تعريض الابن للهلاك بسبب مصافحتك لعمر البشير و الحضور لاخذ عطية من لا يملك لمن لا يستحق و اليوم تريد تسلق دماء الكادحين و طلاب العلم و ابناء ستات الشاى الصامدات الذين اتوا بهم الامريكان فى شخص عوضية و كرموهم و انت نبذتك امريكا
شى غريب
هل القانون فى السودان يسمح لسودانى حاصل جنسية دولة اخرى ان يترشح لرئيس الجمهورية
واذا فشل ان يذهب لدولته المتجنس منها وكانه جاء ليجرب حظه لعل وعسى واذا فشل يقول باي باي للسودان
يعنى لازم يجينا رئيس او ما عايز السودان .
اثبت لكل الشعب السوداني الذي تعاطف فخورا بإبنك أنك شخص انتهازي لا قيم ولا مواقف لك بهرولتك لالتقاط الصور التذكارية مع قاتل شعبه قوتا وسحقا !!! وحرمت ابنك من كثيييير من الفرص التي انهالت عليه بإنحدارك لمستوي البشير !!! والآن تأتي مترحما علي الشهداء ومطالبا بتسليم السلطه !!! ألم تبصم علي نهج البشير من شهور مبتسما مهرولا ومصافحا ومعانقا !!!!
( بالجد الإختشوا ماتوا ) … نصيحة لوجه الله ركز علي رزقك في أمريكا وانسي من أعطيته ظهرك يوم أقبلت عليك الدنيا ( بالصدفة ) !!!!
إنتهازي إنتهازي إنتهازي ثم إنتهازي.
إنتهازي إنتهازي إنتهازي ثم إنتهازي.
الزول ده يا جماعة داير ليه 5 رجال يكونون في استقباله عند اول محاولة مقبلة له لحكم السودان: 4 يشدوه من اليدين والرجلين افقيا، والخامس يحلدو بسوط عنج لامن جعباته تجيب الدم، ويقول الروب، ويحلف بان يقلع عن فكرة حكم السودان نهائيا. وبعدين الرجال ال 5 يسلموا نفسهم للشرطة، ويفتحوا ضد انفسهم بلاغ مشاجرة. السودان كله حيضمنهم، وحكم المحكمة حيكون غرامة ندفعها بالتدافع.
بس الزاتي دي بيكتبوها الذاتي يالسيد المرشح
لراااااسة الجمهورية وغايتوا.
دا ما خلا مرت مساج في امريكا حايمة
ههههه ياخي دا لمان كان شغال دلفري بيتزا
كان يوصل للخواجيات البيتزا ويرفرف ليهن
واول ماجا جديد في امريكا حاول يفرش المنديل
في وسط البلد وعمل مديح بالطار جاهو البوليس
قام صوف اسالوا ناس امريكا دا زول مسلط..
بس عايز اعرف الناس العمل تعليق دي موتمر وطني والا معارضة ولو معارضة نقول علي الدنيا السلام ولو موتمر وطني علي الدنيا سلامييين
شكرا أستاذ محمد الحسن محمد الحسن علي وقفتك مع الطلبة و الشعب وربنا يكترث من امثالك وننصح كل من لم يتابع فتره ترشحه ضد الرئيس العسكري البشير ننصحه بأن يتابعها لا نها مهمه في تاريخ السودان الحديث وان المعارضة ليس حكر3 علي أحد كمل حكومه السودان