عبد الرحمن الصادق يدشن برنامج منظومة حمايتي لحماية المغتربين

وقالت نجاة عبدالله حسب الله مدير شركة التسنيم للأعمال المتقدمة الوكيل الحصري لمنظومة حمايتى إن الشركة ستكون الوكيل الحصري بالسودان..

لاحظوا معى الإسم التسنيم ..هذه الأسماء الدينية التى يتدثر بها عصابة الكيزان لكى يخدعوا بها البسطاء..لمزيدا من السرقة ..
طول عمرهم المغتربين عايشين بالبركةوما عندهم عوجة ..الله يعوج رقبة كل من يريد سرقة شقى عمرهم..

الحقوق لا تتجزأ يعني المظلوم يتم تصنيفه برونزي ولا فضي ولا ذهبي وعلى حسب الصنف يكون الدفاع عن حقو دي مجرد مأكله جديدة لا غير بطاقات طبعاً بقروش وشوفوني تاني بعد تدفع وتعمل بطاقه يجيك حقك بعدين القروشالبتدفع دي لشنو ياخي في سفارتكم دي كوز مويه مجاني ماف … تقول ليه تجيبو حق زول سمسره وشغل السوق العربي طبعاً المال تلتو ولا كتلتو والجاتك في مالك سامحتك وبالاتفاق مع صاحب العمل يروح فيها المسكين … الله ينتقم من كل ظالم عاجل غير آجل يارب

نظام القتلة واللصوص والمحتالين والمتملقين والدجالين والسماسرة وتجار الدين … عليكم لعائن الله والملائكة والناس أجمعين

ما هذا التهافت ؟!!! ما فضل لينا حاجة عشان تاخدوها .. المغترب كان زمان عندو قروش مش هسي .

لا يوجد سوداني يصدق كذب ودجل الكيزان خاصةً المغتربين . ولن يرتاح الوطن والمواطن إلا برحيل آخر كوز عن الساحه السودانيه (وليست السياسيه). فالى الجحيم يا كيزان .

المغتربون ديل زى نوق أبو طالب لهم رب يحميهم
سيبهم يا ود المهدى عامل قميصك الأحمر دا
كدى شوفوا ناس الداخل

هع هع هااااااع..بقيتوا على المغتربين…انحنا مهاجرين…

خليهم المغتربين احمي الجوه يا غبي
المغتربين ديل ياسيادتو من زمان عينن طلعت جاي تحميهن اسي
بعدين مالك انت وعيد العمال بتعرف ليو شنو… قال لواء ركن قال

ههههههههههههههههههههههههههههههه إمام الضلال في مسوي نفسه في المعارضة وإبنه شراه الشاويش عطيه وإخوان الشيطان
مالقلنا ليكم بلد عجيبة وكل عجائب الدنيا السبع موجوده فيها بالله عليكم دي يفهموها كيف هل هي تثيلية قذرة أم أم نعتبر الأبن
عاق والده سياسياً أفتونا ياأخوان الشيطان يامنافقين !!! إستخدمتم مال الشعب لشراء الذمم بأبخس الأثمان !!!!!! وهل يا إمام
الضلال ترضي أن يكون إبنك مساعداً لشاويش !!! والله لو إشتغل مساعد لوري كان أفضل ليه هيييييييييييييع المال يذل
النفوس وبرضو تقلوا أنصار !!!!!!!!!!!!!!!!

عاجل جدا جدا جدا لجميع المغتربين

فتحوا عيونكم كويس زي الريال. دي شركة مدغمسة ومشبوهة وما عندها موضوع وبتاعت ماكلة جديدة .قاطعوها من البداية ولا تلدغوا من جحر العقارب مرة ثانية .

وااله البعد عنهم غنيمة والتجارب تشهد . وقد حصل لي معهم مرتين مرة عندما جاء وفد عشان يبيع لينا مزارع غرب امدرمان ودفعنا عشرة الف ريال لموها مننا في السفارة في جدة من عدد كبير وبعد شهرين تلاتة جو قالو الارض غير صالحة للزراعة وفيها ملوحة زائدة وووو . أمشوا استلموا قروشكم في الخرطوم جينا الخرطوم كل حسب اجاوتة السنوية لقينا القروش تساوي فقط نصف المبلغ !!!! ليه ؟ قالوا دي بالسعر الرسمي ! وراحت الفلوس وكل واحد يرجع في اجازته ياخد الفيها النصيب ويبعزقها في الاجازة وانتهى الموضوع . ولايلدغ المؤمن من جحر مرتين إلا اننا لدغنا منه كتير لعدم المامنا بالمعلومات في وقتها . ثم جاءوا مرة اخرى وقالوا عندهم أكشاك للبيع في سوق الحصيحيصا الشعبي وباعوا لنا في السفارة في جدة عدد ( 2200 ) أي الفين ومائتان كشك بسعر الكشك خمسة الف ريال وتبرع للمحلية خمسمائة ريال ليصبح اجمالي قيمة الكشك ( 5500 ريال سعودي ) وبعد فترة نزلت انا شخصيا اجازة ومع العلم اني اسكن حلفاية الملوك سافرت الى الكشك في الحصيحيصا ووجدت البدع وضاعت ال( 5500 ) ريال وطلع لي تعويض 975 جنية بالقديم اي أقل من مليون بالجديد , وذهبت هناك ثلاثة مرات في ثلاثة اجازات ودون جدوى لم استلم شيئا لان هذا المبلغ يساوي الان فقط ( 275 ) ريال تخيلوا من ( 5500 ) ريال كم نقصت ( 5225 ) ريال راحت . طبعا في ناس استلموا وقتها كان السعر احسن شوية . بس عندما نضرب عدد الاكشاك 2200 في سعر الكشك ( 5500 ) ريال يساوي كم حوالي 12 مليون ريال . بالله ده حلال .فكرت اشتكي بس والله ماعرفتة اشتكي وين ولمين ؟ وهل اشتكي هنا في السعودية أم في السودان ؟ وهل أنا فاضي للكلام ده !!!!! حسبنا الله ونعم الوكيل .

كل السفارات فيها اقسام قانونية تحفظ حق المغترب…خذ على سبيل المثال الفلبين وتركيا وحتى مصر…ماهو دور السفارة السودانية اذن؟…فاذا كانت السفارة لاتعمل على حفظ حقوق المغتربين فهل يحفظ الغرباء حقهم؟…نعم ان الاستهانة بالشعب السودانى وصلت لدرجة لاتوصف

المغترب لقى شنو من حكومة الانقاذ من يوم ما استولت على السلطة بالغدر والخيانة؟؟؟؟؟ أتحدى أي مغترب يقول إنه حصل على أي ميزة أو خدمة خاصة أو عامة أو أي شيء بس لأنه مغترب؟
الكيزان ديل ما بتحركوا أي تحرك إلا عندهم وراه هدف مشبوه ووسخان.
عبد الرحمن الصادق ينفذ سياسات أسياده وأولياء نعمته، المهم هو يكون في السلطة وطظ في البلد كلها، ومن شابه أباه ما ظلم.

تشموها قدحة ياكيزان الشوم

السودانيون يقيمون في دول تحكمها قوانيين واضحة من غير لف او دوران..

دي مأكلة جديدة منكم –

دي المفروض وظيفة المستشار القانوني للسفارة السودانية ولا حسنة منو!!!

ما وريتونا كيف “تم أرساء العطاء على شركة (التسجيم)؟ وهل طرح الأمر في عطاء شفاف؟

هههههه مخير الله

مٱكله جديده لنج دايرين تعوضوا منصرفات مقاومه المظاهرات

لا أعتقد هناك مشاكل كتيرة للسودانيين للدرجة التي يتعاملون فيها مع مكتب إستشاري أجنبي + شركة مجهولة إسمها التسنيم للأعمال المتقدمة المحدودة .

لنسأل مجموعة المزين هي للمحاماة والإستشارات القانونية فما هي شركة التسنيم للأعمال المتقدمة وأي أعمال تعمل فيها ؟ وطالما أنها شركة فهي بعيدة كل البعد عن المحاماة والقانون. ما الذي يجمع بين مكتب محاماة وقانون مع شركة.

مهما كان الأمر بالنسبة للسعودية هناك مكتب عمل يحفظ حقوق العاملين , والإجراءات التي قام بها مكتب العمل مؤخرا تصب في مصلحة العامل الأجنبي وحفظ حقوقه وذلك وفق برنامج حماية الأجور , حيث تقوم الشركات بإيداع الأجور في البنوك ويتم صرفها للعمال في مدة محددة مع رفع ملف شهري بمسير الرواتب لمكتب العمل حتي يراقب حقوق العمال بالشركات وكل قد أخذ حقه.

كما أنه يوجد في مكتب العمل مكتب خاص بالبلاغات والتظلمات خاص بالعمالة الأجنبية. ويوجد بمكتب العمل السعودي مكتب أولي خاصة بالخلافات وهو أشبه ( بالجودية) حيث يتدخل للتوسط بين الطرفين الكفيل والعامل ومحاولة التوفيق بينهما والتوصل لإتفاق وإن فشلا يحول ملفهما للمحكمة للفصل بينهم, وإن تم الإتفاق بين الكفيل والعامل يرسل صورة من هذا الإتفاق إلي المحكمة وحفظه هناك

كما أن القانون السعودي ينص علي أن كل النزاعات والخلافات لا تكون إلا للمحاكم السعودية وليست المحاكم الخارجية أو تدخل طرف أجنبي كشركة التسنيم وغيرها.

لا للمزين ولا للتسنيم مكتب العمل السعودي فقط , والله لو أُخذت حقوقي كلها لن ألجأ للسفارة أو مكتب التسنيم المجهول هذا.

يا عبودي دى الحمرة اللباها المهدى بالله عليك الله استحى و احسن تشوف ليك مرا

تلمك من الهوان الانت فيه يمكن تهديك بأفكار انت فاقدها

ما كان يجب لمكتب محترم مثل مكتب المزين للمحاماة ان يدخل مع امثال هؤلاء في صفقة خاسرةوالمزين يعلم تماما ان قانون العمل السعودي قانون عادل ومنصف وان القضايا العمالية يتم الفصل فيها سريعا وبدورة قضائية عادلة ومنصفة وان القضاء السعودي عادل مع القضايا العمالية وشفاف ولا يحتاج الى مكتب محاماة لا مزين ولا تسنيم ..

والوجود السوداني في الخليج يفوق نصف قرن وغالبية السودانيين والجنسيات الاخرى تعمل وتحول لبلادها بكل عدالة وانصاف ..

ان الكيزان بتدخلهم في شئون المغتربين يفسدون ولا يصلحون .. اتركوا المغتربين وشأنهم وعليك بأصلاح احوال الناس في السودان فإن السودانيين بالخارج لا حاجة لهم لمساعدتكم اطلاقاً

بل ان اكبر مساعدة تقدمها الحكومة للمغتربين السودانيين الكف عن التدخل في شئونهم لا عن طريق الحكومة مباشرة او الشركات الكيزانية التابعة لهم …

لا يعقل ان تكون الحكومة هي السبب في تشريد الناس من وظائفهم والتضييق عليهم ودفعهم للهجرة واصدار قوائم الصالح العام والتمكيين ثم تأتي الى المفصولين والمضيق عليهم بالخارج وتقول انا جاي اساعدهم ؟

ما نطلبه من الحكومة ان تحترم عقول الناس والكف عن التدخل في شئونهم.. ونحن نعلم كيف تتعامل سفاراتكم مع المغتربين بالخارج ولعل ما حدث لاسعد التاي ليس ببعيد عن الاذهان

“منظومة حمايتي”…الحامي هو الله ..خلاصة الامر الدعوة فلوس..لقد اخطات هذه الشركة لانها تلحفت باسم المذكور اعلاه..لا مصداقية لا ثقة تاتي من اي مسئول يمثل هذا النظام التعيس……………………..

وقالت نجاة عبدالله حسب الله مدير شركة التسنيم للأعمال المتقدمة !!!!!!!!!

كوزة وشركة كيزان،، خلينا ليهم البلد عايزين يلحقونا هنا والمشروع مجرد مأكلة.

أعملوا حسابكم يا المغتربين،