سخط وسط المواطنين على استمرار قطوعات الكهرباء
الخرطوم: تواصلت شكاوى المواطنين من استمرار قطوعات الكهرباء من الأحياء السكنية، وأبدوا سخطهم على إعلان وزارة الكهرباء بتواصل برمجة القطوعات حتى نهاية الشهر الحالي.
وانقطع التيار الكهربائي في عدة مناطق بولاية الخرطوم يوم أمس، منها الكلاكلة الوحدة جنوب الخرطوم، الشجرة، والسجانة والديوم، كوبر، السلمة والأزهري ومايو والإنقاذ، وحارات بالثورات بأمدرمان، وأمدرمان العرضة، وأمبدة الردمية والسبيل، وسوبا غرب.
وقال مواطن من الكلاكلة الوحدة بمحلية جبل أولياء إن استمرار قطوعات الكهرباء حتى نهاية الشهر الحالي أمر غير محتمل.
وأضاف أن المرضى في المنازل يعانون أشد المعاناة عند انقطاع التيار بسبب ارتفاع درجات الحرارة، ولفت الى وجود أعداد من السكان خارج المنازل اتقاء لارتفاع درجات الحرارة، كما نوه إلى المعاناة في الحفاظ على الأغذية.
ومن جهته شدد مواطن آخر من حي الزهور بالخرطوم على أهمية التفكير في حلول أخرى خلافاً لقطع التيار، باعتبار أن ذلك هو من واجب السلطات التي تتحصل على قيمة الكهرباء مقدماً.
وكشفت متابعات (الجريدة) عن معاناة مرضى السكري والقلب والأزمة من انقطاع التيار الكهربائي، كما اشتكى أصحاب صيدليات من انقطاع التيار باعتبار أن ذلك يؤثر على الأدوية، كما أبدى أصحاب بقالات سخطهم ولفتوا إلى تأثر بضائعهم، وتخوفوا من حدوث خسائر نتيجة لاحتمال تلف البضائع.
وكان وزير الكهرباء معتز موسى أعلن أمس الأول، استمرار برمجة القطوعات حتى نهاية الشهر الجاري، وأرجع القطوعات المبرمجة لتقليل الآثار السالبة في شهر رمضان، وأبان أن الهدف الأساسي من القطوعات تقليل التوليد من سد مروي حالياً على أن يكون أفضل الشهر المقبل.
الجريدة
انتو البشير مش قال حنصدر الكهرباء لي اثيوبيا هسي قاعدين نستورد منها ومش قال ح نلبس مما نصنع وناكل مما نزرع اها هسي لا كهرباء ولا اكل ولا لبس ولا ولا ولا امس في برنامج علي قناة امدرمان وطبعا هي برضو تبع الجماعة االحمار كمال عمر قال انحنا عملنا وعملنا وقال لو ماكنا جينا نحنا كان جاء اكعب مننا يعني هم كعبين سجم ورماد ياجماعة والله الشعب السوداني حيشوف ايام ماشافه قبل كدة ح نرجع للعصر الحجرى مع انو ماطلعنا منو من 1989 حسبي الله ونعم الوكيل
آلو السيد/ وزير الكهرباء: أنا الشافو خلو، من فضلك راجع برمجتكم يمكن في خطأ و اللا كدة، 12 ساعة بالتمام و الكمال و كهربتنا لم تقطع في الفتيحاب ـ عشان ما نأخد لينا شيةً ما بتاعتنا. و شكراً
حكومة المشروع الاسلامي بتاخذ حقها مقدم من المواطن ولا تقوم بتقديم الخدمة في وقتها وهذا لعمرك امر عجيب كيف دولة تاخذ حقها مقدم ولا توفر الخدمة في الزمان والمكان المحددين وبالتالي عذا اكل اموال الناس بالباطل فاذا كان ليس لديك القدرة لترفير الخدمة اترك لي فلوسي وانا اتصرف واشوف اجيب مولد او احتفظ بها لنفسي
وهذا ما لم يتطرق اليه علماء السوء للانقاذ والمنظرين
الان خلي السودانيين يوفروا حق ستة اشهر كهرباء ومستعد ان استورد لهم محطات توليد من اي دولة وشوفوها تاني لو تقطع
لكن قروش الغلابة تمشي حوافز للفاقد التعليمي للانقاذيين
خريجو اداب ومدراء اقسام في الكرباء والتشغيل
(وأرجع القطوعات المبرمجة لتقليل الآثار السالبة في شهر رمضان، وأبان أن الهدف الأساسي من القطوعات تقليل التوليد من سد مروي حالياً على أن يكون أفضل الشهر المقبل)..
عذر اقبح من ذنب
والله ما ممكن لي متين يا وزير الكهرباء نحنا حنظل كدي إنت شخصيا مرتبك ماش ومن المعروف أنو الناس مع الابنيه شبه الحضاريه الحاليه ما بتقدر تستحمل اي عطل في الكهرباء وفي نفس اللحظه في ناس والله ما زيك ما بتقدر تمشي امورها مع انقطاع الكهرباء ممكن يكون عندك عشرة وسائل تانيه كان طاقه شمسيه او او او بس والله أتقوا الله فينا حقو بي كلامك ده الشهر ده تقبض مرتبك ناقص بالنص بس للاسف الحق شئ والواقع شئ ءاخر حسبي الله ونعم الوكيل
وزير الكهرباء يكذب على الشعب لماذا لا يقول الحقيقة وهي أن بعض التوربينات في سد مروي معطلة ولذلك قل الانتاج الكهربائي وطبعا ده كله شغل الصينيين ومن المعروف أكثر الدول الكبيرة فسادا هي الصين وروسيا ومن المؤكد سيظل انقطاع الهرباء حتى في شهر رمضان وهل تصدقوا بدلا من تزويد أثيوبيا من كهراء مروي ذي ما قال البشير السودان بيأخد الكهرباء من أثيوبيا حاليا …
إنشاء الله ما يكون في كهرباء ولا موية ولا هواء ذاته تستاهلوا كل شي بحصل ليكم قاعدين في بيوتكم تولولوا زي النسوان والله النسوان الزمن ده احسن منكم . الحكومة أرجل منكم العاوزه تعملوا بتعملوا وانتو اقعدوا اشتكوا ولولوا ساكت لو فيكم رجالة داك الشارع ، زمن نميري لم زاد السكر قرشين الخرطوم كلها ولعت انتوا قاعدين في بيوتكم وعاوزين كهرباء وموية ، تشموها قدحة . شعب خانع جبان .