( إستغنينا عن خدماتك )….!!
إليكم
الطاهر ساتي
[email][email protected][/email]
(إستغنينا عن خدماتك )….!!
** قبل كذا سنة، عندما قررت الحكومة طباعة العملة بالسودان، أرسلت وفدها الي إحدى الشركات العريقة بدولة غربية لاستجلاب خبير في هذا المجال..هناك، تفاجأ الوفد الحكومي بمعلومة مفادها بأن مهندسا سودانيا مشهودا له بالكفاءة عمل بتلك الشركة في إحدى مراحلها، ولذلك أوصت الشركة الوفد الحكومى بالبحث عن هذا المهندس السوداني، فهو خير خبير.. بعد البحث، وجدته الحكومة يشغل موقعاً رفيعاً بالطيران المدني السعودي نظير راتب يساوي أضعاف راتب وزير بحكومة السودان، فأرسلت له خطابا مختصراً مفاده : ( البلد محتاجة ليك، ساعدنا في تأسيس مطابع السودان للعملة)..استلم المهندس السوداني خطاب البلد، وذهب الي مديره بطلب إستقالته..ثم توجه في اليوم الثاني الي مطار الرياض، أي قبل أن يرد المدير على ذاك الطلب بالرفض أو بالقبول..وفي اليوم الثالث من استلام خطاب ( البلد محتاجة ليك)، سلم نفسه لإدارة مطابع السودان للعملة ومديرها العام – المغفور له باذن الله- إبراهيم الدسوقي، براتب يساوي خُمس راتبه السابق ..واليوم، تشهد كل تفاصيل مطابع السودان للعملة للمهندس تاج الدين شمو بالوفاء قبل الكفاءة ..!!
** لم يكتف شمو بدور المهندس التنفيذي، بل بدور الحراسة أيضاً، وذلك بأمانة لاتزال على ألسنة العاملين بتلك المطابع.. كان يشحن المعدات بنفسه في بورتسودان، وبدلا عن الحضور الي الخرطوم بالطائرة أو بالبص السياحي، كان يرافق المعدات في ذات الشاحنة أسبوعا ونيف، ليطمئن قلبه على سلامتها..هكذا كان وفيا وامينا حتى اكتمل المشروع وطبع السودان عملته لأول مرة في تاريخ السودان والعملة..تم ذلك بأيد وعقول وطنية اجتهد في إدارتها فنيا شمو وإداريا الدسوقي..بعد الإنتاج بأشهر، تم إعفاء الدسوقي، فجاء حسن عمر مديرا للمطابع ليفصل شمو تعسفياً..إذ خرج من مكتبه ليصلي الظهر، وعاد ليجد خطاب فصل – بلا توقيع – فحواه : ( استغنينا عن خدماتك، سلم بطاقتك لاستقبال الشركة)..!!
** هكذا تم فصل شمو الذي ركل نعيم السعودية ليلبي نداء : (البلد محتاجة ليك)، إذ ضنت لغتم وأخلاقهم – على خطاب الفصل – حتى ببعض مفردات الثناء والشكر لهذا الخبير السوداني..سألت شمو بعد الفصل : ( هل ندمت على إنجازك بسبب فصلك تعسفياً؟)، فرد ضاحكاً : ( والله يا ود ساتي أنا ضعيف قدام البلد، و الليلة لو قالو لي البلد محتاجة ليك تكون غفير في أي ثغرة طوالي بشيل عكازي وبأجرى على الثغرة)..ثم أضاف بحزن : ( نفوسنا زائلة يا أخوي، لكن سودانا ده هو الباقي لأحفادنا، ولازم أي زول يساهم بالعندو عشان مستقبل أحفادنا يكون أحسن من واقعنا ده)، وصمت قليلاً ثم تساءل : ( بس نفسي أعرف فصلوني ليه؟)، وإفترقنا بلسان حال قائل ( فصلوك لإنك ود بلد وعندك أخلاق).. واليوم، بفضل الله، يعيش شمو حياة سعيدة تحفها نجاحات أنجاله الذين ساروا على دربه تفوقا ونبوغا داخل وخارج السودان، ولم يعد خطاب : ( إستغنينا عن خدماتك، سلم بطاقتك لإستقبال الشركة)، إلا محض ذكرى محزنة..هكذا القصة..!!
**والقصة الأخرى، مؤلمة – أيضاً – للغاية..يوم الإثنين الفائت، إتصل حسن ساتي، المدير العام لمصنع سكر النيل الأبيض، بالمهندس يوسف أبوستة، مدير المصنع، قائلاً بالنص : ( راجعنا كل الوظائف بالمصنع، ولم نجد وظيفة تستوعب خبراتك العالية ومؤهلاتك العلمية الرفيعة، ولذلك إستغنينا عن خدماتك)، هكذا الحدث، فتأملوه..الفصل لعدم الكفاءة معلوم، ولكن الفصل لغزارة الكفاءة بدعة حكومية مراد بها إبعاد المخلصين كما فعلوا في عهد الصالح العام ..والمهندس يوسف المشار إليه هو المهندس التنفيذي الأول في هذا المصنع، منذ مرحلة الدراسات والتصاميم والى مرحلة الإنتاج، طوال الخمس سنوات الفائتة..فصلوه، بعد أن حصدوا ثمار خبراته ومؤهلاته العلمية، لأن وظائفهم لاتستوعب كل تلك الخبرات والمؤهلات التي ( أسست المصنع)،أوهكذا يبرر المدير العام للمصنع ثم يطالب العقول بتصديق تبريره..صدقوه، ولكن بعد أن تجمدوا عقولكم ..ومن هذا الفصل يجب أن يتواصل سرد أقذر ملف في تاريخ الصناعة بالسودان ..!!
يا طااااهر
هذه سياسة هؤلاء الأقذار..المتأسلمين..لا يعجبهم أن يتخذ أحد قراراً عن تركهم ليحظى بتقديم الإستقالة بمحض إرادته إذ هم يعتبرون من يستقيل من تلقاء نفسه قد أساء لنهجهم وتسلطهموأهانهم وديكتاتوريتهم..أنظر الأمثلة أمامك لتحصى كم من متمكنى الإنقاذ قدم إستقالته وكم منهم تمت إقالته؟
سياسة التشفى والعنجهية..ولوى الأذرعة..وغداً سترى إقالة وزير التجارة من العمارةإن لم يسارع هو بتقديمها حفظاًلماء وجهه إن كان أصلاً به ماء ليلحق بمدير سوق الأوراق ( الماليها قيمة) والتى ذيلوها بأنها إعفاء..
طــنون ..جاب أورنيك 15 حق قروش الإسعاف الإتبرعوا بيها لي ناس غزة؟؟
لم يخسر شمو ذلك الزاهد المتواضع شيئاً أمام جبروت سلطة الأفاكين… وارجو أن تكون وصلتك السيرة الذاتية للمهندس أبو ستة (لمزيد من الأسف).. هل تأكدت يا صديق ــ يوماً بعد يوم ــ بأننا أمام نظام يجب علينا أن (نصلي) بعكس قبلته؟!! أعوذ بالله.
هل هذه بلد يرجي منها خير أو أن تقوم لها قائمة؟ ومن أين اكتسب الكيزان هذا المستوى الخلقي المنحط ان لم تكن بعض جيناته تجري في دماء السودانيين؟
يا راجل ديل يدهنسوا حتى تكتمل الصوره ثم يكسروا الكام والكام هى اى سودانى مؤهلاته غير موجوده عند اتباعهم وبمجرد ان يستلموا الصوره محمضه باى باى بدون حتى شكرا
وموقف النظام الاخير من جماهير الشعب السودانى التى وقفت مع الحكومه بمعزل عن الانتماءات الحزبيه فى احتلال هجليج واضح ومعروف ومفهوم من النظام فبمجرد مادفع الكل وتبرعوا وازروا قوات النظام ضد الحركه الشعبيه وبعد هلع حكومة الجنوب من التوحد الذى انتظم الشعب حول هجليج سحبت حكومة الجنوب قواتها من هجليج وبدلا من ان تكافئ الحكومه الشعب وهى تعرف تماما ان معظمه ضدها لكنه مع الوطن بدلا من ذلك بدأ رئيس النظام فى شتم الشعب ووصفه مره بشزاز الافاق ومره بالشماسه
وضرب المتظاهرين بواسطة مليشياتهم بالعصى والخراطيش بل بالرصاص الحى واعتقال حرائرنا والزج بهم فى متقلات الامن والتى يسمعن فيها ابشع الالفاظ ولا يتوانى قط اتباعهم من التحرش الجنسى بهن هؤلاء لا لاقة لهم بالشعب فهم مستعمرين لنا ليس الا.
..ومن هذا الفصل يجب أن يتواصل سرد أقذر ملف في تاريخ الصناعة بالسودان ..!!
When was that Sudan clean, Sudan has been أقذر
Country in the the world and will remain so as such as Uma, DUP and NCP are at the top of it
و الله ما استاذ تاج الدين شمو و بس…. ( اجمل التحايا له و اعطرها ) … انا كمان عايز اعرف فصلونى ليه … مع انه راتب الحكومة ما كان يكفينى 4 ايام … بس المغصة و حرقة القلب كاتلانى …فصلونا ليه ….فصلونا ليه ….فصلونا ليه …. حكمهم بالفصل عنده معنى واحد …شككوا فى ولاءنا لبلدنا …. شككوا فى سودانيتنا …. القومة ليك يا وطنى …العزة ليك يا وطنى …و الصبح قريب … و راح تنزاح الغمة …. و نرجع ليك يا وطنى ….. تعلمنا فى جامعاتك … علمونا عزة النفس و الكرامة قبل العلم …. وبعدها اتوا ناس الجبهة و طلعونا بدون كرامة …. القومة ليك يا وطنى …. العزة ليك يا وطنى
انا اعرف قيادى فى الانقاذ ظل يعمل منذ عام 1979 عام المصالحة مع نميرى ز ماذا قدم هذا القيادى سوى المشاركة فى تفتيت السودان
آآخ انا مرارتي حتفقع وريني بيتو عليك الله عشان اأدبو بألله ماقال ليك سبب الفصل شنو انا عارف والله عشان راجل نضيف ماوسخان زيهم .
عادي هو مسلسل الفساد والفصل التعسفي
الم تسمع يا ابن ساتي بقصة ترحيل حديقة الحيوانات
اسمع يا ابن ساتي حفظك الله
يحكى حينما تم ترحيل الحيوانات من الحديقة لعيون برج الفاتح تم نقل الاسد بعربية كارو
وتم نقل التيس بي عربية لانكمكروز مكيفة قام الاسد زعل وقال للتيس اخر زمن ملك الحيوانت في كارو وانت في لاندكروزر
التيس ضحك ومسك دقنو واشار اليها وقال للاسد جبهة يا جبهة يا اسد انت مع شنو هههههههههههههههه
كفاءة بتاعت فنيلتك يا ابن ساتي ديل الكيزان هسي قالوا للمغتربين الكان اغلبهم فصلوهم من الخدمة او ما وظفوهم بسبب التمكين قالوا ليهم شراكة مثمرة هههههههههههههههههههههه هاك الثمرة دي من شجرة مسوسة هاك
ياها طبيعة الانقاذ ومنذ مجيئها وهنالك امثال كتييييييرة على ذلك بس انت ديل اللقيتهم في دربك ولكن فتش ستجد ما هو افظع من ذلك …وللاسف بعض من استعانو بهم ..اليوم يمدون اياديهم للناس ..وشاهدتها بنفسي …
اعزائى المفصولين تعسفيا فلنردد جميعا مع بقيه المتظاهرين ( فصلونى ليه , ليه ,ليه ورونى اعرف غلطتى ) على لحن خواطر فيل للرائع النور الجيلانى ……………………………………………..
والله امرك عجيب يا بلد .. لكن يبدو ان هناك خبراء اكثر من هؤلاء في كفائتهم يا الطاهر ، الا كمان سوء المعاملة ما في ليها داعي ، المعاملة بالحسنى وهل جزاء الاحسان الا الاحسان (ان كانت دولة شريعة صحي صحي) الا كمان المسألة يمكن تكون شعارات ومسح احاسيس الناس بافيون الدين ، سيدنا رسول الله (ص) قال الدين المعاملة … طيب في شريعة بدون معاملة .. سبحان الله
الله ينتقم منهم اليوم قبل بكرة ديل لا يرحمو لا يخلو رحمة الله تنزل
الله في
الاخ الطاهر ساتي لك التحية
لماذا لم تتحدث عن فساد اراضي منطقة دنقلا تلك المشكلة التي وصلت الى ابعد زاويا في الدولة
حيث ان اضلاع ذلك الفساد قضاء ثم موظفين في المحكمة العامة بدنقلا نرجو التحري والكتابه عن ذلك
يا طاهر
رغم أنني أعرف أنك تلحس من ناس الأمن وتأكل معهم في صحن واحد ولكن حديثك هذا صحيح عن خسة النظام وحقارة من يديره وقلة احسانهم وانعدام وفائهم
ولكن السؤال كيف تكون عندهم كل هذه الصفات الشيطانية ويعاملوا أبناء السودان كبشر إذا كانوا لا يعاملون وطنهم إلا كحشرات طفيلية تمتص منه ولا تعطيه حتي الوفاء والوطنية
إنهم بشعين وقد فقدوا صفاتهم الانسانية
ولكن الثورة التي ترصدهم لا تعرف حتي الآن كيف ستتعامل مع المنافقين الذين لحسوا وأكلوا مع الجماعة ثم يحاولون مغادرة السفينة الغارقة
وأنت منهم
صحابك الصحفين في جريدة السوداني ما سمعته بيهم
الحكومة الانقاذية من راسها الراقص الذي لا يعرف شئ غير حت القرض و الى متنفذيها الناشطين في الهبر … جميعا ينتمون لحزب اعداء النجاح … الشخص الناجح غالبا يتصف بالامانة، و وجود شخص امين بين مجموعات الفاسدين الفاشلين المتنفذة سيعرقل مشاريع النهب و الهبر و اقل ما يفعله سيعكر مزاج الناهبين..لذلك كل ناجح و كل وطني غيور و كل مواطن امين و يتق الله تم التخلص منه بطريقة ما …. و لذلك نرى الآن ما نرى من فشل في كل شئ و دمار لكل شئ … جميع مشاريعنا الزراعية و الصناعية و الانتاجية فشلت بعد ان تم التخلص من الكفاءات و الامناء و الناجحين و حل محلهم اعداء النجاح من اللصوص الفاشلين فشلعوها و ” دخلوها و صقيرا حام”
اعرف كثير من القصص لكثير من الاطباء المميزين الذين عادوا من مهاجرهم ليساهموا في تقديم و تطوير الخدمات في البلد المنكوب بحكومته و اهلها الفاشلين، جميع هؤلاء و اعرف منهم العشرات فوجئوا بسوء الاوضاع و سوء الادارة و الفساد حتى في عملهم المهني وجدوا جميع انواع العوائق و التي اقلها عدم وجود وظيفة و حتى مكتب! .. فرجعوا جميعا من حيث اتوا بعد ان ظلوا شهورا و سنوات يمرمطهم اعداء النجاح….
الا لعنة الله عليك يا عمر البشير وانت تسمح بهذا ،وبعلمك تدمير الكفاءات لعنة الله عليك حيا وميتا
هذه حكومة الولاء فبل الكفاءة وفعلا نفذت تلك المقولة بحذافيرها لانه لا توجد رقابة ولا محاسبة فى البلد هذه حكومة التمكين بسرقة كل شئ سوف يجير نجاح المندس ابو ستة لاشخاص لا علاقة لهم بالهندسة بتاتا بل ليس لهم علاقة بالعلم والتعلم من اساسه.
ما هي المؤهلات العلمية لرئيس الجمهورة : الرقص في كل المناسبات
إسهال في فمه من كثر الكلام وهو يذكرني بالكاروري يعتقد أنه عبقري زمانة وحواء السودانية لم تلد مثل ــ شهواني جنسي متزوج من ثلاث باسم الإسلام والدين وهو وأسرته مجمع حرامية في كافوري
كذاب وفتح مدرسة لتعليم رؤساء العالم فنون الكذب ــ كلامه بذيْْء يدل على تربية في بيئة حقيرة
خائن للعهود وناكر للجميل ــ ينقلب على أعز الناس إليه إلا المنافقين المداحين أمثال علماء الشيطان عبد الحي وعصام أحمد كوفته عضو جماعة أنصار الدولا ر الإسلامية منافقون
انا لا اسف علي فصل المهندس القدير يوسف ابو ستة وافضل له الف مرة ان يخرج من هؤلاء البعبع وقول له هنئيا لك باشمهندس يوسف
حسن ساتي لا يساوي مسمار او خيط في حذاء ابو ستة
لك الله يا سودان لك الله ايها الشعب الفضل
يا امة ضحكت من جهلها الامم !!!!! ايه يعني مجرد مهندسين تم طردهم!! ماهو البلد استغني عن ثلث البلد , فاي بلد هذا البلد يا انت يا ولد .برضو خير ما قتلوهم كما قتل الالاف (بالمناسبة :هو لو عندنا عقول بنقرا لامثالكم ديل)
واللة يمكن ان تكون مسلم لكن اوكد عدم صدقك ولو عندك شوية عقل وضح لنا الحقيقة او اتلم وبطل الكلام الفارغ ونحن ما ناقصين امثالك من المرتزقين المنتفعين
لماذا لايخرج هؤلاء المفصولون فى المظاهرات – ماذا يفعلون – من يريدون ان يرد لهم حقوقهم – اذا خرج كل المفصولين للصالح العام وانضموا للمظاهرات سيسقط هذا الطاغوت – اخرجوا ياهؤلاء وانضموا للثوار – فانتم من اكتوى بنار الانقاذ .
صحي الفهم قسم!!
يا سيد الطاهر الناس ديل فصلوا تلت البلد بكل مواردو وناسو وتاريخو وثقافتو … ما سمعنا رايك في الفصل ده … وبعدين كتابتك عن المفصولين والمحالين للصالح العام والمستغنى عنهم بطريقة باب لدي مشلكة دي محلها الصفحة الاجتماعية مع الاحترام والتقدير لمن اوردت قصصهم في كلامك الفوق ده،الآف ولربما الملايين لديهم لديهم نفس القصة بسناريوهات مختلفة ، فبالله ارتقي لمستوى المرحلة ، ولا انقل نشاطك للصفحة الاجتماعية للصحيفة التي تعمل بها.
قاعدة العمل مع لصوص الانقاذ والمؤتمر الوطني
اذا كنت لصا وعديم وطنية وعديم اخلاق
ومستعد ان تبيع زوجتك وبناتك وامك لو جابت ثمن
واذا ومستعد لبيع اخرتك كي تكون معنا في جهنم
فأنت من اهل الانقاذ والمؤتمر الوطني
واذا كنت نزيهاً وطنياً مؤهلا وأميناً فلا مكان لك معنا
كي تفضحنا غدا
الكلام معاد يا أستاذ لقد سبق وأنشر في 1997 الدسوقي مهندس فني طيران ولم يفصل بل تم تعينه في سودانير بواسطة الدكتور حسن عمر ( ياريت تراجع حسن عمر – رئيس المجلس الهندسي حاليا )كما تم ذات الأمر مع أبوقناية الذي حول للمالية ولا أحد ينكر دوره مع آخرين في التأسيس وليتك تتحري عن يس علي عبدالله مدير العلاقات العامة بالشركة وما تحصل عليه نتاج إخلاصه للشركة علي يد المدير الحال محمد حسن الباهي
كل التحية