نظام البشير : قرار وضع دارفور تحت الفصل السابع محاولة لإنقاذ ودعم الحركات

هههه الصين عند عهدها! امال لو ما عند عهدها كان عملت ايه يا ابو عهد انت!

إنشاء الله دارفور وجبال النوبة والنيل الازق ديل ينفصلو عشان نرتاح من ناس مثلث حمدى ديل

ماهذا التناقض ؟ البند السابع يخول لمجلس الامن استخدام القوة ولذلك انتم تسعون (لتخفيف اثاره) ثم مرة اخري ( القرار في مضمونه العام ليست فيه مشكلة)!! والصين (صوتت لصالح القرار) (لكن الصين لازالت عند عهدها في الوقوف مع السودان)!!!!!!! ذي ماقال الرباطابي ( والله كلامكم دا أردب ويكة مايلايقو)!!

الصين لا تقف اطلاقا مع السودان … الصين تقف حيث مصالحها .. تقايض السودان بمصالحها حيث تكون المقايضة..هي وروسيا وغيرها من الدول الكبرى دائمة العضوية في مجلس الامن..

ان الحل الوحيد حل داخلي وحل يقوم على الشفافية والعدل وعدم الظلم .. ان اعتماد المؤتمر الوطني على روسيا والصين واصدقاء الخرطوم خطأ فادح ترتكبه الحكومة لانه تربط مصيرها بمصالح غيرها في السودان..

قلنا ولا زلنا نكرر ان الحل هو بسط العدل وإعطاء كل ذي حق حقه وفق قيم العدل والمساواة والاخاء وكل القيم والاخلاق النبيلة .. وقد بدأت فرنسا ثورتها بقيم الحرية والعدل والاخاء والمساواة فكانت فرنسا وكانت اوروبا ..

لقد رفع هلتر وموسوليني لواء العنصرية الآرية والبطش والنار فكانت عاقبتهما خُسرا وعلى الكيزان الاستفادة من سيرورة التأريخ وان دولة الظلم الى زوال لا محالة وذلك وعد الله فهو وعد غير مكذوب..

والله الهادي الى سواء السبيل

ان لم يفيق البشير من حماقته و فرعنته فليستعد لنيفاشا الثانية و تفكيك السودان الفضل .. رضي أم أبي .. و التاريخ لا يرحم .

سجم امك و الرمادة تكيل خشيم الوزرك لمن ما تفضل!يا وزير الغفلة:اجراءات تحت الفصل السابع معناها دون لف او دوران استخدام القوة العسكرية مع كل توابعها من حظر تحريك الة الحرب البرية و الدولية…و هو نفس قرار العراق….اصحي يا بريش…

القرار 2265 يمهد للتدخل العسكري ياوزير الدولة بالخارجية ماعارفك بقيت وزير بالخارجية كيف ذاتو مشكلتكم في الحكومة السودانية بتستهونو باي حاجة استهونتو في التسعينات ودعمتوالجماعات الارهابية ختوكم مع الدول الراعية للارهاب زدتو قلة الادب فرضو عليكم عقوبات اقتصادية دخلت عليكم بالساحق والماحق اقعدوا اتهابلو وقلو ادبكم عشان نشوف المارينز الامريكي بيتجول في كبري الانقاذ والقصر الجمهوري ومطار الخرطوم ان شاء الله غايتو عالم بهايم عندكم غباء وانفصام شخصية لايوصف الصين وروسيا دول تحكمها مصالحها ولو مالقو مصلحة علي بالايمان يبيعوكم في اقرب لفة و عندكم مشروع قرار 11 سبتمبر الامريكي لمعاقبة الحكومة السعودية وهي من حلفاء الولايات المتحدة..الكيزان ديل شكلهم عايشين في المشمش بالمناسبة

إقتباس:
(وكشف إسماعيل عن تحركات مكثفة لتخفيف تأثير القرار (2265)،) .

هاهاهاهاهآآآآآآآآآآي .
فعلاً شر البلية مايضحك .
تخفيف شنو يا وزير الهناء , هو قرار إتعمل و اصبح معتمد و نافذ , تحركاتكم دى كانت تكون قبل إصدار القرار و ليس بعده يا فيلسوف زمانك ,

يعنى دايرين ناس مجلس الامن ال أصدرو القرار عايزنهم يتراجعو عن قرارهم الإجماعى عشان سواد عيونكم ؟؟
أم انكم منتظرين يقولو ليكم القرار دة ما ليكم , ل دولة جنوب السودان ؟؟
و أبقو إتحركو زى مادايرين يا وهم .

حكومتك يا سيادتو غير جادة فى حل اى مشكلة من مشاكل السودان و إنما دايرة بس الكنكشة فى السُلطة و الثروة و بناء الفلل و العمارات و الشركات الخاصة . و حكومتك دايرة تجيب ليها مشكلة جديدة مشكلة تدخل عسكرى أممى تحت مسمى حماية المدنيين .

و القضية إنكم يا سيادة الوزير إنتو ماناس دواس , خططكم جاهزة للهروب لخارج البلاد و معكم المال الوفير من الدولار الاخضر , تهربون بجلدكم و تتركون البلاد و شعبها يأكلون نارهم لوحدهم .

حقو يا اسماعيل تفهمها صاح الاوضاع ما أتحسنت فى دارفور ومجرم دارفور لا يزال طليقا ولا يزال متحديا للمجتمع الدولى . القصد يا وزير الخارجيه باﻷنابه هو الخطوة التاليه وهى مصادرة كل ارصدة الكيزان فردا فردا زى ما عملوا مع صدام والبعثيين فى العراق . الم تلاحظ تصويت الصين مع القرار؟ طبعا الصين بقت ما عندها مصلحه فيكم زى ما صرحوا للجنوبيين انو لم يبق لكم ما تتقاتلوا عليه . يعنى شوفوا شغلكم براكم وما تجونا تتجاروا .

Lol NCP nothing happen yet why guy panic

Conservative owyeeee

يلا بعد دا الكم بقى خطير والحشاش يملأ شبكتو وكل زول يحضر عودو وبالمناسبة المرة دي الدايرين العيدان كتتتتتار . نهاية يني كوز الهاينة مصاصي الدماء وسارقي قوت الشعب الويل ثم الويل لكم الصين يارجل تنظر لصالحها ومصالح مواطنيها من الدرجة الاولى ولا تغامر مثلك بثروات مواطنيها
رسيا نفس الشيء هذه دول تراعي مصلحة وطنها بصرف النظر عن علاقتكم الهشة ياكب .

استغرب من حاجة واحدة وهي أغلبنا يتحدث عن القرار وكأنه قرار فقط لسحق نظام العصابات ولكن القرارات الدولية لازم تجي مغلفة لحماية المدنيين ودائما ما تاتي بعد الدمار وقتل وتهجير الملايين من المدنيين لياتو بعد ذلك لتدمير ما تبقى لكي لا تقوم لهذا البلد قائمة.
هل نحن ننتظر جميعا للتدخل الدولي لحمايتنا وإزالة نظام العصابات واقامة العدالة والمحاسبة؟
لولا تعاون المجتمع الدولي مع نظام العصابات وقبول المجتمع الدولي بنظام انقلب علي الشرعية لتحقيق اهداف بعض دول المجتمع الدولي والإقليمي لما حدثت المجازر والابادات الجماعية.
فإذا لا يمكن تحمل المسؤولية فقط للمجتمع الدولي ونظام العصابات وكان هذا البلد لا يوجد فيه شعب.
أليس هذا البلد الاسمو السودان الشعب السوداني ام سلمنا أمرنا للعصابات وأصبحنا ننتظر المجتمع الدولي لتخليصنا من هذه الآفة..؟
المسؤولية تقع علي عاتقنا جميعا من اجل تحرير الوطن من العصابات المحلية والدولية لان هذه القضية تعنينا نحن كشعب سوداني فعلينا الوحدة والتماسك لمواجهة نظام العصابات وتوابعها وهزيمتهم وهزيمة مشاريعهم التدميرية.
لكم جميعا ودي واحترامي.

يقول هذا الكوز الساذج أن الصين صوتت للقرار لأنه لا تأثير له!! الصين تعلم أنكم – إدارة الرئيس العميل عمر البشير – تسعون لفصل دارفور عن بقية أجزاء السودان. رغم كلام هذا الكوز، الحكومة ستسعى وقد تنجح إن لم يطيح الشعب بها، في تنفيذ مقتضيات الفصل السابع في دارفور بفصلها عن بقية السودان وسترون في مقبل الأيام مدى خنوع البشير ونظامه للأمم المتحدة فيما يتعلق بدارفور

ههههها يا كيزان يا حلوين ما تخافىو ناس مجلس الأمن ديل غلطانين مجرد خطأ مطبعى قصدهم جنوب السودان