أكاد لا أصدق…!! كاريكاتير ود أبـّـو‎

أيوه صدق وعلى كيفك ما تصصدق
دي كلها كانت بعض عمايلي
وأنامللي ..
أقلب الصفحة وشوف ضنب الككو
أنا صاحب فكرة نمشوا أم فكو
أمَّال إيه ..
أنا جهبذ، أنا أفكاري عظيمة
بالشاكوش بالمرزبة وبالريمة
وبالزردية …
بدل الشاي ما الناس تشرب بنقو
بدل السكر الشفع يمشوا الكنغو
ون واي …
وأنا جني وجن ناس البتطالب
شوف صفينا كم شاب وكم طالب
دي أنناملي ..
ما بنهظر ما بنسامح أو نتسامح
حققنا الوحدة وأبداً ما بنتصالح
قلناها من الأول ..
حققنا كل مطالب الشعب الرائع
مافيش عريان لا عطشان لا جائع
ددارفور كمثال …
أهاا شوف ليك فينا واحد فاسد
كل الشعب السوداني شاكر حامد
وهامد …
نحن القشة المرة وحسكة وحسكنيت
والزارعنا غيرالتنظيم ذي الصيت
يجي يقلعنا أو بس يهبشنا
ديل قايلننا مسكيت؟

فكرة والله أنتو فعلاً زي المسكيت
بكرة بنقلعكم ياجهبذ جهبوذ
وبالجزمة وبالذات بالبوز
وبحديدة ..صدئة
سيكون الإستئصال

رهييييب يا ود ابو…ومشكور على تفاعلك الدائم مع تعليقات القراء ” من وحي تعليقاتهم”..تخرج لنا الابداع..