التتار..!ا…أنا شخصياً لا أجد إلا رفع الفاتحة على بلد يدار بمثل هذه العقلية.. التركي المستعمر الغاشم في القرن التاسع عشر ما فعل بشعبنا مثل هذا الفعل

العجز بتاع الميزانيه بتاع بعد شهر يوليو دا يغطوا من وين

عثمان ميرغنى هذا ما توقعناه قبل 22 عاما ماذا كنت تتوقع ايها الصحفى العملاق نحن شعب بسيط و توقعنا ما يحدث الان لماذا انت مندهش؟ انا شخصيا غير مندهش لماذا تستغرب الان فقط و صديقك الافندى عرف بالسفينة الغارقة مبكرا . والدى رحمة الله عليه رحل عن هذه الفانية 1987 ةقال لى والله اذا الكيزان ديل استلموا السلطة انسى السودان و شوف ليكم بلد. مع ان والدى لم يكن مشهورا مثل عثمان ميرغنى انتوا يا عثمان ميرغنى ابواق سلطة و جزء من هذا الدمار لكن برضوا اعتراف متاخر و البقنع نافع و البقية منو؟؟؟؟؟؟؟؟؟

اصلهم اتشقو نصين وطنى وشعبى….
انت ما عرفناك تبع منو فيهم ….
مشكلة الصحفيين الكيزان انهم يمارسون تطبيلا تتخلله (حردات) ؟؟؟
ونحن المساكين يجو يحردو عندنا وبعد شوية يرجعو سمن على عسل ونحن يانا نحن لا حصلنا عسل ولا بصل ،تانى واحد فيكم يحرد ما يجينا……
بعدين سمعنا تحت تحت اى واحد يحرد وللا يرفع قرنو فى الجمهورية الثانية؟؟ حا يلحقو صلاح قوش (؟) (؟) (؟) (؟) (؟)

إن كان هذا حالنا في كل المقالات فلم الإنتظار ؟
البشير يسفه نفسه بكلماته
والمحليات تسفه نفسها بالجيش
والضرائب تسفه نفسها بغنتهاك القوانين
ونحن نسفه أنفسنا بالسكوت على كل ذلك
(نعم السودان في حالة لاتمكننا من الفراغ الإداري لأن أي مظاهرات ستكون سلباً علينا في ظل التهديدات الخارجية ) لكن …..
أين أصحاب العقول في البرلمان هل من منتقد ؟

ياعتالة ياشماشة يابتاعين صفيح الموية ، كم وفرتو لينا عشان نطور ليكم الخدمات
يالموساعدي ياالسواق في كم اردب بلح في اللوري شان الحسبة تبقى عديل وبالحق ناخد الدمغات
ياعمال وياصناع ويامزارعين كما قال الاله في كتاب عزيز مافيهو من شبهات
اضربو الارض عشان تديكم الرزق الحلال وبلال ولكن قال وحتما زكو مالكم بالتلت- وضريبة الدخل التلت- والباقي تسهيلات
ونواصل في الحلقة القادمة

ود الاريقط

والله يا أخوى عثمان .. أنا مغترب عن بلدى لأكثر من 15 عاما حضرت إلى السودان فى هذه الفتره 3 مرات لا لأننى جافى ولكن السبعة سنه الأولى كنت بدفع فى الضرائب ومعى عائلتى والراتب حد الكفاف ولكن الفرق فى بلد الغربة أن الحياة سهلة باليسير بتعيش بدون توفير وبدون كتائب القذافى ! وبصراحة فى هذه السنة قررت العودة إلى البلد نهائياً ولكن كان فى أحد ضيافتى إثنين دكتور ومهندس كمبيوتر حضروا من السودان بإقامات جديده بصراحة تساءلت فى نفسى هذا دكتور يعنى لو فتح عيادة فى زقاق الحلة بستفيد ومهندس الكمبيوتر كذلك لماذا خرجوا من السودان؟ إتضح لى نفس كتائب القذافى يقومون بنفس الدور معهم الضرائب العوائد وإكتشفت أن دخل العيادات أو المستشفيات أو المستوصفات خارج العاصمة الدخل ضعيف للغاية لعدم وجود السيولة لدى المواطنين وغالبيتهم من الفقراء لا يقومون بتسديد ماعليهم بالكامل وقد تجرى إليهم العملية مجاناً إنسانية تكن قلوب الأطباء .. فى الحقيقة تراجعت عن قرار العوده نهائى .. ولكن إلى متى ؟

ياخي ديل الما وقفو شنو من المشاريع كان زراعية ولا صناعية
وهم قاصديييييييين الجزيرة بدو بي مصانع النسيج الكانت فاتحة بيوت ارامل وايتام
وتموها بي موت مشروع الجزيرة الزراعي
اللهم لا نسألك رد القضاء ولكن نسألك اللطف فينا

يامرغبي المستعمر التركي الغاشم لم يفل شي للمواطن والا نجليزي ايضا لم يفعل كثير وخرج من السودان عزيز مكرم بعد الاستفتاء واحترم راي الشعب السوداني =من قتل وزبح وشرد الشعب السوداني هم نفسهم السودانين الثوره المهديه ثورة الانقاذ ثورةالدجاج وكل السودانين يعرفو ن جيدا مافعله عبدالله التعايشي

عثمان ميرغني الكوز قال "ارفعوا أيديكم وادعوا مليكاً لا يقفل بابه من أحد.. وقولوا: اللهم من شقّ علينا.. (شقّو نصين)..!!

و الله يا ابن ميرغني الكوز رفعنا ايدينا الي الله حتى تعبنا و تعبت ايدينا،
أيها الشعب السوداني
لا تحفلوا بكلام عثمان ميرغني فهو كوز مثلهم تماما و دعوته لكم لرفع الايدي الي الله هي من باب التخدير……………….

يا من تسمي نفسك ود كرار انت لا تعرف شيئا عن تاريخ السودان وسطورك هذه عبارة عن فضيحة لك , فالطلاب الذين تخطوا الصف الثامن يعرفون انّها غير صحيحة .

المستعمر المصري التركي لم يخرج باستفتاء بل خري بعد انّ هزم عسكريا , الم تسمع بمعارك المهدية التي وحدت قبائل السودان ؟!!

والتعايشي هو من افسد في الارض وليس قائد الثورة المهدية الذي لم يشن اي حرب علي اي قبيلة سودانية .

سطورك هذه امّا محاولة بائسة لتزوير التاريخ او جهل فاضح لتاريخ السودان .

للتحاص من هؤلائى الشرزمة يتوجب على الاحذاب من الان تكوين كتائب على قرار ثوار ليبيا
وان تقوم بالتنسيق التام مع ثوار دارفور وكردفان والنيل الازرق وان تترك عملية

التفاوض الان لايجاد مخرج لازمات البلاد لان الوقت قد تجاوز هذة المرحلة وهم بدورهم

غير مستعدين لوضع حلول لمشكلة البلاد تاتى بغيرهم

وفى هذا المنعطف الخطير للبلاد تجد ان رئيسهم البشير يتفوة بكلام غير مسئؤل

خلال اللقاءات الجماهيرية وما بقى لة الا ان يقول للشعب السودانى من انتم

ولذى نريد بعد تاريخ 9 يوليو ان يتم اقتلاعهم من جزورهم قاتلهم اللة

انا والله كلام السيد عثمان ميرغنى ان كان صادقا فى دعوته لرفع الايدى اوهو تخدير كما قال البعض الا اننى اسف جدا على هولاء الذين تركوا الموضوع الاساسى للمقال وبدوا فى مناقشة الاتراك والمهدية مالنا وللمهدية الان تعالوا انظروا لحال هذه الحكومة التى اصبحت دولة جباية لتعويض فاقد البترول لجنوبى على خزينة الدولة وبدات وقبل التاسع فى فتح اعين الناس على ظلام الايام القادمة على السودان الذى بلقت ديونه الخارجبه 37 مليار وتعطلعت مشاريعه الزراعيه الكبرى وبلغ فيه الانفاق الحكومى مبالغ طايله لاتتحمل خزينة الدولة الخاليه سداد التزاماته والاسواق المفتوحه كل يوم فى غلاء فاحش ولاتوجد حلول فى ايدى شرزمة الجبهة بل انهم يوعدون الشعب بان الايام القادمه سوف تكون صعبة على الجميع وهم طبعا لن يشعروابهذا الغلاء لان اموال الجبايه من المواطن المقهور تسد احتياجاتهم (نتوقع ذيادة فى السكر والمحروقات وذياده فى الضرائب والعوائد والمرتبات تقف محلك سر)اين يذهب هذا المواطن المقهور فى بلد بلغ فيه الفساد واختلاس المال العام ان وصلنا الى الدولة الثانيه عالميا ونكافح لنصبح الدولة الاولى(هل نجد لهولاء اللصوص العزر ام نقطع الايدى)صدقوا ان هناك احد هولاء ذو صلة باحد قواد ثورة الانقاذ هذه قد اختلس مليار عندما اخبروا هذا الانقاذى قال دعوه لو اتينا باخر لاختلس هو ايضا( خلوا الشبع ده تانى مابسرق عجبى؟؟؟؟)والله يااخوان انا لكم من الناصحين البقدر يغترب حتى لو عمروا 70 سنة احسن ليهو يطلع بره البلد دى انشاء الله يشتغل غسال صحون فى مطعم احسن ليهو لانو بعد عام من الان سوف يصبح السودان دولة طبقتين احدهم فى القمة والاخرى تحت القاع يعنى مافى عديل كده البسرق وبتابع الانقاذ يرتفع الى القمه والببقى نذيه ومايتابعهم بيندفن تحت الارض(واقع مرير انفصال الجنوب ودارفور فى الطريق وكردفان وحرب اباده والشرق والوعود الكاذبه والشماليه وكهرباء تقف على جزوع اشجار محروقه وارض جدباء وعوائد تنتظر من يحاول ان يزرع ولو فسيله الخرطوم والحريق المنتظر والجزيرة والارضى التى سلبت قسرا بلا تعويض مجزى)هذا حال بلادنا وحكام الانقاذ لاحلول عندهم فاموال الترضيات صرفت بلا جدوى والعالم الخارجى تركنا من كان منهم معنا فى منتصف الطريق ويلملم من تبقى منهم فى اطرافه ينوى الهروب بعيدا(بطلب كاتب المقال ان نرفع الايدى)

والله انو موضوع يبكى ويضحك فى نفس الوقت والمراز واحد من اتنين يالسودانيين يرفعو يدينم لى الله يا يرفعو يدينم لى الله يلطف بيهم
من المعلوم ان تعطى شى ثم تاخز مقابله لاكنك لاتعطى وتاخز مقابل
والله الواحد قدر ما يشتاق لى بلدو قدر ما ما يحب يرجع ليها
اللهم احسن من حاله السودان

يا جماعه انتو عاوزين الناس تشتغل بالمجان لازم يطلعوا بطاقه عمل وتكون المهنه عتالي ولو قبض وهو يعمل بمهنه أخري تسحب بطاقته منه لمدة كم شهر كده عقابا له وبعد انتهاء مدة الايقاف يدفع قيمة البطاقه مضاعفه والعاجبو عاجبوا والما عاجبو يشرب من البحر وناس المصانع ديل محافظة الجزيره ومسئوليها كيف يسمحوا ليهم بنهب ضرائب الشعب لانه النهب مسموح به فقط لناس الحكومه، والباقي يفع كل ارباحه ويستلف عليها عشان يكمل الضرائب وبرضو الماعاجبو يشرب من البحر ، وبعد شويه سوف تفرض ضريبه علي عدد الرءوس في البيت أقصد عدد الافراد ، والمولود الجديد لا تستخرج له بطاقه الا بعد دفع ضريبة الانجاب ، لكن مش مفروض من اجل عدالتهم هذه يفرضو ضريبه علي الرقيص والعرضه حسب عدد المشاهدين الذين يشاهدوها عشان الريس يطلع مطلوب بعد كل الذي ينهبه وحاشيته ، والله بس قولوا يمهل ولا يهمل ويارب عجل بعقابهم وذهابهم وارحمنا بمن يخافك ويخشاك ، ويا بنوك بالله لا تفتحوا حساب لحرم الرئيس أرملة ابراهيم شمس الدين ، ودي كمان جابت الفلوس من وين عشان تفتح حساب في لندن ، وكلنا نعرفها بعد وفاة زوجها الاول كانت حالتها كيف وحالة بيتها كيف ، والله أكبر عليكم يا ناس الانقاذ

لااله الا الله
الهم اشقق عليم … كما اشقو علينا

احد العتالة فى السوق الشعبى امدرمان قبل سنة قال لى انه يفكرفى الهجرة لاسرائيل سالته عن السبب فقال احسب فى اليوم الواحد بيشرب مويه بمبلغ وقدره وبيمشى حمامات المؤتمرالوطنى علشان يبول ايضا بيدفع اكثر من ثمن الموية وقال انه بعد صلاة الظهربيقفل الضبة الى ان يصل مسكنه وهذه هى عقلية واخلاق الجبهجية حتى البسطاء من ابناء الوطن فهموا ان الصهاينة ارحم من الكيزان وبالنسبة للعوائد من دون اى خوف حتى لو كان الكوز دقنو ربع متراعرض عليه الرشوة وسوف يسجد لك فهذا هو دينهم المال وليس غيره ومندوب النفايات زبلتو كذا مرة يعنى رشيتو يوم جانى مركب مكنة الترابى الله قال والرسول قال وبعد ذلك طالبنى بحق الشهرفذكرت له انى مفلس اليومين ديل فهددنى بالنيابة والقضاء فقلت له مرحب سوف اذهب واحلف المصحف انى زبلتك كذا مرة وعندى شهود فذهب وحضرالشهرالثانى ذليل اما دمغة الجريح فسوف يتم تاليف مجلدات عنها