السودان يستجلب خبيراً أجنبياً لترتيب الوظائف الحكومية
الخرطوم:ناقش اجتماع مشترك للجنتين العليا والفنية لتقويم وترتيب الوظائف الحكومية في المركز والولايات ترأسه النائب الأول للرئيس الفريق أول بكري حسن صالح، خطة عمل مرحلية في الإطار تضمنت استجلاب خبير أجنبي من منظمة العمل الدولية.
واستعرض الاجتماع خطة عمل فريق العمل المركزي، قدمها تاج السر إدريس أبوبكر مدير ديوان شؤون الخدمة رئيس الفريق.
وتضمنت الخطة برنامجاً لحصر العاملين بالحكومة الاتحادية والولايات، بجانب إجراء زيارات خارجية بهدف التعرف على تجارب الدول في هذا المجال، فضلاً عن استجلاب خبير أجنبي من منظمة العمل الدولية متخصص في هذا المجال بالتنسيق مع وزارة العمل لمساعدة رئيس وأعضاء الفريق في مهامهم.
الصيحة
نرغب في معلومات مفصلة وافية عن هذه الاعجوبة…الفلتة الاسمها (م.منتصر اسماعيل محمد احمد)…القوي الامين (الفرد الاحد الصمد…أستغفر الله…استغفر الله…استغفر الله)
السودان في حوجه ماسه إلي خبير في تنظيف الضمائر.
طيب الخبير الوطني ربيع عبد الواطي عبيد ازيرق الكرفابي…ابن عم فار الفحم شيخ على عثمان محمد طه ازيرق الكرفابي…وابن عمة د. عبدالله على ابر اهيم ازيرق الكرفابي…ما ممكن يقوم بالمهمة
والخبير الوطنى محمد الناير …مابينفع
ووزير المالية السابق بتاع الكسرة وينو
والدكتور مهندس سواطير قمصان كبريت انقلابات something آدم خبراتو طلعت أوانطة
وزارة التخطيط…والعمران…والبنى التحتية
وبالمناسبة بروفيسور تيتاوي….وانا ما بفسر وانت بتقصر الاسمو البونى…أها ديل شنو من موضوع الخبرة وحاجات زي كدة…ما تشوفوهم…خاصة والدفع حيكون بالمحلى…والدولار زانق الامة….ولا شنو يا ناس
جامعة الخرطوم…النيلين الجزيرة..بحرى…أم الطيور…جامعة أم دق أرسي…جامعة الحشرو عباس…والشتحوها بالت…والمرابطين…وجامعة القرآن الكريم الذي فيه نبأ ما قبلكم…وخبر ما بعدكم…وشيخكم صايم ديما…وشيخ الجكسي المحايتو بيبسي…وبلة الغايب…والامام البحلم يوماتى…وحسونى المرغونى الحسيب النسيب…والدكتور القال نستعين بالجن المسلم لحل قضايا الاقتصاد السودانى…أظن اسمو عمر محمد صالح….والزولة المشلخة الجابوها نايبة لابراهيم احمد عمر برضو ممكن نستفيد من خبرتا في التعامل مع الصالحين وأولياء الله الميامين..وكدا
يبقى مافي داعى لخبرة اجنبية…ما ذكر سابقا كلو…آى والله…دا كلو مواعين تتفر فيها الخبرة والموضوع بسيط…ايه يعنى ترتيب موظفين في درجات واسكيلات…كلنا بنعرف الكونكان..والهارت والويست…والله نرتبا ليكم وهي طايرة…أبو الزفت.
هل وصل الأمر لهذا المستوى ؟ والله اصبحنا كل يوم جديد تشرق فيه الشمس فى عهد هذا النظام نسمع ونرى ونتأكد بفساد جديد يطل علينا . خلاص اكتملت كل حلقات الفساد والخراب والدمار والفشل والهلاك ولم يتبق الا رحمة ربنا فى ان يخلصنا من هذا النظام الذى تفوق على ابليس والشيطان الرجيم . اللهم بفضل هذا الشهر المعظم , شهرك الذى وعدت فيه العباد بالعتق من النار واستجابة دعواتهم , اللهم انا نسألك ان تزيح وترفع عنا هذا البلاء وهو هذا النظام الفاسد الفاجر الذى اذل عبادك واعمل فيهم بكل معاول الهدم والفساد وقطع الأرزاق وفساد الأخلاق والبعد عن الدين الخ … من ما لا ترضى , اللهم انزع منهم وعنهم الحكم واذلهم كما قلت فى آياتك وقرآنك , وصلى اللهم على حبيبك محمد .
قمة الانانيه والتخلف يجب ان تعلم ان الوظائف تكليف وليس تشريف وانها امانة في الاعناق وقطعه من النار .ولقد علمت ان الانسان الورع يتبرأ منها وي فضها وانت ايها الضعيف تسعي اليها علي حساب الاخرين بالنميمه والتعرصه ولمذا خبير اجنبي ونحن خبراتنا عمت العالم البعيد والقريب شردتموهم بالتمكين وانتم اجهل واشر عباد الله .قاتلكم الله
ابلد حكومة مرت علي السودان
شردوا افضل الخبراء وجارين بره عشان يشهدو العالم علي بلادتم
إنعدام القدرات،،، هذه هى المشكلة.
زمان الخبراء السودانيين كانوا هم الأساس فى بناء قدرات دول السعودية والخليج أما فى عهد الكيزان والتمكين وتعريب الجامعات والقبيلة فقد صرنا اليد السفلى نستجدى خبراء أجانب لكى ينظموا لنا وظائفنا.
الخدمة العامة إنتهت يا جماعة ووصلنا للحضيض.
البنيان اصبح بالى كيف الحلل ياناس الترميم ام الهدم؟
* لا تقل ترتيب الوظائف!..بل “تصنيف الوظائف”(Job Classification)
* و المقصود اصلا, هو تقييم الوظائف (Job Evaluation), بهدف تحديد مستوياتها, و من ثم “تسعيرها”!
* و منظمة العمل الدوليه ليس لها فى هذا أو ّذاك!..و ليس معنية بتصنيف و تقييم الوظائف فى الدول!
* لا تحطوا من قدر الوطن اكثر مما فعلتم! ف”تجارب الآخرين” فى هذا الجانب, هى تجارب خصوصيه, تتماهى مع نوع “النظام السياسى و الاقتصادى و التشريعى و العدلى”!
* أنتم تحبون الترحال و الدولار فقط!..لكن دونكم تجارب دول تماثلكم, من حيث الفوضى السياسيه و التمييز بين المواطنين و غياب حكم القانون و غياب حقوق الإنسان, كالصومال و افغانستان و ليبيا..
* ماذا يفعل ديوان شئون الخدمه اصلا!..و ما فائدته, و هو يعجز عن القيام بأهم واجباته فى تقييم و تصنيف الوظائف و تسعيرها فى الدوله!
*
خبير واحد؟
مواضيع زي بتحتاج بيت خبرة كبير جدا ، ده نمرة واحد
نمرة 2 ، بيت الخبرة لازم يحصل على بيانات كاملة ومكملة عشان يقدر يشتغل شغلوا ، نمرة 3 ، الدراسة والتوصيات الحا يصدرا بيت الخبرة غير قابلة للتنفيذ تماما لانها ستقضي على عصر التمكين والفساد الاداري والمالي نهائيا والحكومة مش ممكن تعمل كده لان المؤتمر الوطني هو عبارة عن طفيل وسرطان ومش ممكن يعيش فيي بيئة سليمة ..
كلام فارغ
لو جابو خبير اجنبي وشاف حاله الخدمه المدنيه ح يبكي..
دي أحسن حاجة وعقبال كل الوزارات ووزراء من جميع العالم وكمان رئيس لأنو أنحنا السودانيين عندنا الأنفة وعدم الأحترام للغير, لا الوزير بحترم العامل ولا العامل بحترم الوزير ولا العامل والوزير بحترمو المهنة وزيادة علي ذلك عقدة الرجل الأبيض. عشان كدا الخدمة العامة إنتهت. نجيب الأجنبي الأبيض عشان يحل للشعب عقدتو ويسمعو كلامو وينفذو قراراتة عشان نمشي لقدام.
منتهى الضعف ومنتهى الخيابه .
لعنة الله تغشاكم يا فاشلين .
***** السودان يستجلب خبيراً أجنبياً لترتيب الوظائف الحكومية ******
0 نحن السودانيين بلا فخر قادريين نرتب ونظم دول بس منو بقنع الدّيك 0
الفقرة الثانية من الخطة “إجراء زيارات خارجية بهدف التعرف على تجارب الدول الأخرى في المجال”
هذا إذن بيت القصيد
إذا حتجيب خبير اممي ما هو سبب الزيارات الخارجية؟
هذا الخبير لا بد آن تكون له خبرة وتجارب مستقاة من دول كثيرة وإلا ما كان خبيرا
بعدين السودان ناقص خبراء في هذا الجال؟