الطائرة عادت الى ايران بعد تحليقها فوق اراضي تركمانستان .. مركز حزب البشير الصحفي يوضح أسباب تأخر وصول البشير الى الصين

دى حاله دى ؟ سلم نفسك وارتاح وريح الملايين من العالم

يا اخوانا دة رئيس يسافر من بلد لبلد زى الحرامي و لعمرى هو كذالك يخس و الف يخس و يغور الحكم فى الف داهية مع الذل دة يا اخوانا انا صدقتة انو البشير و زمرتة ما عندهم ما نع يلبسو ثياب بس يحكمو ماعندهم اى حياء و لا عزة كفانا فضائح و ارجو من اللة ان يقع فى يد العداالة الالاهية امام الخلق و العالم

بإذن الله باطن الأرض سيصبح أرحم لك من ظاهرها يامجرم ياكضاب

يعني لمتين الرعب دا؟؟؟

حرام عليكم عملتو للراجل إرهاب

ملك الدنيا كلها واموالها وذهبها لا تساوي عندي لحظة خوف واحدة

نحن الرؤساء والرئيس هو الشعب

يا سيدي عندك سيد

أشااااااااااان تيآآآآآآآمنو

اوكامبو …جاكم جاكم …. تروح وين من قضاك , ما قلت جعلى …. الجعلى كب الزوغة

راعوا حرماني وراعو عامل السن يا ناس لاهاى

آ آ آ ه … يافرحه ما تمت .. كنا عايزين نشمت ونشيل الطار ونفرح فرحا قدر الدنيا ..

لاهاي

الشاعر : شمتان بن منتظر الفرج الديمقراطي

يا سايق البوباي

أووب على وواي

أنا الغبيان رجيت ال Veto من شنغهاي،

وفي ساعات،

أنا الرقاص

أنا الممنوح هدية عيد وسام قناص،

أنا الحوطني شيخ كدباس

أنا الغناي

بقيت بكاي

أخش بي جاي

أكورك واي

وحلقيdry

كلامي كبار

كلام خرخار

كلام خارم

كلام بارم

كلام زول شارب نبيذ تسفاي

أسوي شنو؟

من أمريكا،

من بلجيكا،

من موسكو،

ومن طوكيو

وصلني اللوم

جفاني النوم

قعدت براي

ِحردت الشاي

ندهت الفقرا من سنار ولي السقاي.

ينجوني

يغتوني

ويلغوا السفرة لي لآهاي

يا تو زعيم بيدور لاهاي؟

والله العظيم، و الله العظيم، والله العظيم

وحرم ما بزورا براى

لابد من خمسين يسافروا معاي

فينا فلان

Plus علان

وموسى هناي

نقول للصولجان باي باي

نسيب السلطة وآ أسفاي

تسيب عرس الشهيد والعرضة يا مولاي

وتمشي عديل سجون لاهاي؟

ود أم زقده يا الحداث وما سواي

ود أم زقده يا العند المحن جراي

ود أم زقده يا مارشالنا

يا حاكمنا

يا تيس بانقا الخراي

ود أم زقده يا سارق الخزن

حراق بنوك

زوار صكوك

معدوم الضمير و الرأي

واللهِ الليلة ود أم زقده:

كان يرقص ال Flamingo

كان يسطل شهور بالبنقو

كان يطلب لجوء في الكونغو

لابد من لاهاي

ياسايق البوباي

لالفة جاي لاجاي

ودى الزعيم لاهاي

ــــــــــــ
منقوووووووووووووووووووووووووووووول

يا الظافر نعم ونعم بالله ,,,, وكل الامور بيد الله , وبالسلامة إلى لاهاي .

الله يجازي محنك يا اوكامبو
ماجهجهته باكات الفريق !!!!!!!
اقصد المشيييييييير !!!!!!!!!!!!!!

ههههههه الدول الموقعة علي الإتفاقية بقت ليهو زي الإلغام لا بد وأن يدوس علي واحد من هذه الألغام
خلوه يضوق طعم الخوف وشم رائحة الموت .
هذه دعوة التي ظلموا نسأل ألا يرجع سالماً أبداً.

أنا على كل حال رهنت دقنى الما دقن الجماعة (دقنى نظيفه وعفيفة وماهى للبيع) ودقن الجماعة كل سبيبة معلق فيها ذنب فى حجم جبل احد وملوسة بالنجاسة !! المهم أنا رأيت فى المنام إن الطائرة التى تقل (الرئيس السابق بإعتبار ما سيكون ) ستختطف (كف من الجو كما تفعل الجوارح مع طرائدها وأن اوكامبو لا يخلف وعده وكان يقول قول الواثق من نفسه وتجاربه التى لم تخذله من قبل ،ويجب ان لا ننسى دعوى المظاليم ،من ابناء هذا الشعب الطيب ولا يوجد بيت فى ارض السودان لم يلحقه ظلم واجحاف وعزائهم دائما كان ان الله يمهل ولا يهمل ،المهم أنا نذرت دقنى خالصا لله إذا رجع (الرئيس السابق بإعتبار ما سيكون)سوف اقوم بحلقها (ظلبطه) ومرة اخرى (أهى دقنى إذا رجع!!)- غيرو –

رغم اختلافنا مع الحكومة وسياستها التي تدير بها البلد الا اننا لانرضي في رئيس السودان ان يلاحقه اليهود والكفرة وان كان للحساب نحن كشعب نقدر ان نحاكم ونقلع اي رئيس اذا اردنا ذلك نتمي السلامة للرئيس بالعودة سالما الي ارض الوطن رغم كيد الحاقدين والاعداء فغالبية الشعب مع سيادة الدولة المتمثلة في قائدها ربنا يحفظه من كل مكروه

هههههه كان تركب دنقل بتاع مارسدس ويكون ياي مقلوب وتخش حارق كده تكون فجرتها لي اوكامبو

البشير شاف الموت
الزول قل اربي ارجعون لعلي اعمل عملا صالح
البشير اول مايوصل الي وداد اقصد البلاد حيتوب ويستقفر ويطلب العفو من الشعب :D :mad: :lool: :rolleyes: :cool: ( ) ;) ;) ;) ;) ;) ;) ;) ;)

يا عبد الواحد المستغرب جدا

كان دا كلامك جهز موسك ساكت؟؟؟؟ دقنك ياها المحلوقة..انت وكتين واثق من نفسك ما تحلف بي شنبك وحواجبك:cool: :lool: :lool: :lool:

اخى كمال مصطفى
هذا الرئيس اصبح رمز اذلال للبلد وليس رمز عزتها… انت شفت الشعوب بتعمل ايه فى الرؤساء
الطغاة .. بفهمك دا ممكن نقول اى دكتاتور هو رمز عزة وسيادة!!!

طيب، كان ترسلوا وداد أحسن بدل الجهجهة دي كلها:eek: :eek:
حلاااااة الجقلبة في الكيزان
أررركز يا عمر

وخلي خوفك البشهدنبو أخواتك

ابو نون على الطلاق عافى منك تب .

الرئيس البشير فخر لكل سوداني
وبطنا جابتك والله مابتندم مايكا فارس ميوم الغابه
والله ويشهد الله انا نحبك في الله ونقدم ارواحنا واموالنا وعلمنا متي ما دعا داعي الجهاد.. ابشر بالخير ابشر بالخير ابشر بالخير