حكاية ( تعال نغيظ أوكامبو )..!ا

بل ما الذى نكسبه أصلا من وجود هذا "الرئيس".

خطوط عريضه عن زيارة السيد رئيس الجمهورية للصين خيار وفقوس
اولا :-تم استقبال السيد الرئيس والوفد الوزارى المرافق لسيادته بواسطه نائب وزير الخارجيه الصينى -نعم رئيس الوزراء وان جياباو ووزير الخارجيه ووزراء آخرون فى زيارة لألمانيا ولكن هوجن تاو موجود بالبلاد -فلما يستقبل رئيس دولة ووزراء حكومتة بواسطة نائب وزير?
ثانيا:-حتى الآن وانا اشاهد تلفزيون الصين المركزى cctv news -لم يرد نبأ او خبر زيارة الرئيس السودانى للصين.
ثالثا:- ونحن مقيمين فى بكين وعلى مقربة من السفارة السودانية والكل يعرفنا الا انه لم توجه لنا الدعوة لحضور لقاء الجالية ~حيث تم توجيه الدعوة فقط للطلاب الواصلين ~حيث قامت السفارة بمهاتفتهم وتوجيه الدعوة الرسمية لحضورهم والتكفل بتذاكر سفرهم ذهابا وايابا اقامه فندق ………?.
سبحان الله~السنا بسودانيون مثلهم لندعى لمقابلة رئيسنا

يا باشمهندس ….. صاحبك البشير فاز في شوط اللاعبين ووصل الصين …..المشكلة في شوط المدربين صاحبك حيعمل شنو مع (مورينهو اوكامبو) وحيرجع كييييف؟ وكيف الرجوع لزول قنع؟
يا باشمهندس ياخي حرام عليك….. كلم لينا صاحبك ود الخضر (الذي لا يظلم عنده احد) خليهو يرجع الكشك للزول الكان داير ينتحر ولسة ما انتحر والاولادو طشة ولسة ما رجعوا…… كلموا يرجع الكشك علييييييييييييييك الله وربنا يرجع ليكم البشير بالسلامة وترتاحوا من بوظان الاعصاب الانتو فيهو ده

مع خالص احترامنا لرمز بلدنا بس المفروض هو كمان يحترم نفسه ويبطل العناد ضد كل العالم وينتبه لبلادة ويتصالح مع الشعب بحل مشكلة دارفور ومشاركة الجميع في سلطة انتقالية وبعدها تجرى انتخابات عامه….ربما اذا فعل البشير ذلك فيكون قد صحح ما وقع فية من اخطاء.

يازول البشير جاى كدارى جهزوا موية الملح عشان كرعينه بتكون إتورمت .. تانى يابشير السجم من كافورى ماتتحرك لحدى مايجوا يسوقوك زى الكلب الزنقوه فى الطاحونه .. أرنب أفريقيا إتزنق يارجاله … سبحان الله شاهدت خطابه للجاليه فى الصين .. الزول ده مخلوع خلعه والخوفه الخشت فيه ما أطنها تمرق بسهوله وياوداد جاك بلا الزول ده تانى مابنوم .. ويجى قدام الغلابه فى بورتسودان والقضارف يجعر لينا .. وفى الطياره شخ فى هدومه من الخوفه .. ويامرغنى بكره لمن يرحع وإن شاءالله مايرجع ناس الإنقاذ يعملوا لينا رحعتع ولافتح مكه أو كأنه حرر القدس .. عالم بليده

انته يا بتاع الصين القال مافي زول وجه ليك دعوه انته اي انسان سوداني سوا كان طالب او مبعوث او فرد من افراد الجاليه وجهت له الدعوه

تغيظوا اوكابوا لمن المجرم يلقى نفسه جوة الجك

ياجماعة أنتو المرتشتشارين الكتار ديل شغلهم شنو. يا اما ماعارفين يدوهو اشتشارات يا اما هو ما شغال بي كلامهم وفي الحالتين مافي داعي ليهم. الله لا جاب عقابكم

دا فيلم تركى بأخراج وبطولة (جعلى) من (عندياتنا) سؤلنا ألهام ما ألرسالة اللى عاوز (ألجعلى) بتاع المؤتمر الوطنى يوصلا (راعى الضأن فى بادية الصعيد فى الدندر القويسى) عارف انه (الصين) رتبت للزياره (فالجعلى) أدخل نفسه فى معمعه لا داع لها ولا فائدة ترتجى منها فأزمة ألداخل لا تتم حلحلتها مع دولة الصين وايران ومحور الشر فالجعلى البعدى يومو خنق ماف زول حريص على رجعتو تب كما ورد فى بعض التعليقات ربما ستكون هديته للشعب السودانى الفضل بأنه ليس (بنورييقا) فلو اراد المجتمع الدولى الى هو ( الولايات المتحدة) القبض عليه (لفعلت) فلا داع للبطولات الزائفة والمزيفة أنشالله زولنا يرجع بالسلامة وترجع ايامنا الجميلة فمن غيره سيجعل لاحتفالات ال30 يونيو لها طعم وليالى الاسراء والمعراج من ايران لتركمانستان ( تركمان دى وين) جنب افغانستان؟ ليحكى لنا رحلاته المكوكيه ونسمع قاموسه بتاع ( نقد عينو ونقطع أصبعو) دا رئيس ولا ( طهار) شغال قد وقطع ياحليلك يافتحى الضو الراجل الضو أدعوا معاى معاى اللهم من اراد بقيادتنا شراً فجعل الشر على يديه آمين أصالةً عن نفسى وعن سائر عموم وقبائل وعشائر وبطون وأفخاذ(دار جعل) نعلنها اللهم اجعله من سكان السعودية ليكون قريباً ورفيقاً (لزين الهاربين بن على) و(على صالح اليمن) وأجعل رفيقه عبدالرحيم وبكرى معه ليؤنسه ويصلى معه الجمعه بمسجد (النور) فرع جده ياعثمان ميرغنى أنت شهرت بالجعلى نحنا ناس مابنرضى اكتب بأسلوب راقٍ يليق بك وبسمعة قلمك سؤالى كيف أجازت لك الرقابة القبلية والبعديه هذا الموضوع أنت رجل مثير للعجب … وللدهشه ( الجعلى الدندر القويسى )

مصادر مطلعة تقول ان كل الاجواء حول الخطوط المودية الي الصين تمت مراقبتها باحدث طائرات التجسس لمراقبة عبور طائرة الرئيس السوداني البشير وانه سيتم اجبارها للهبوط اطراريا في مطار في قاعدة امريكية في افغانستان ومن ثم القبض علي الرئيس السوداني المطلوب دوليا وتقول بعض الانباء ان طائرة البشير قد اتخذت طريقا عبر الاجواء الهندية ومن ثم الي الصين مما جعل بريطانيا تستدعي السفير الهندي في لندن للاستجواب في هذا الامر ويقول محللون اوربيون ان البشير الان قد اصبح في قبضة المحكمة الجنائية امرا محتوما ورحج اخرون ان الرئيس السوداني سوف يستغل طائرة مدينة عادية في رحلة العودة للسودان حيث كشف مصدر امني ان الرئيس السوداني قد وصل الي بكين في متن طائرة مدنية تابعة للخطوط الايرانية وكان ضمن ركاب الدرجة الاولي وكان قد وصل الي الصين بعد وصول طائرته
الرئاسية.

نقلا عن صحيفة بريطانية

والله أنا خايف من الرحلات المجازفية دى تكون مسبوك من على عثمان طه للتخلص من البشير وزمرته وينفرد بالحكاية هو معروف بوضع الشراكات فى الطائرات وتصفية أصحابة كما تم تصفية شيخه الكبير وإزاحته عن الحكم وتصفية الزبير وشمس الدين ومجذوب الخليفة لهدف الوصول الى القمة .طبعا أتشال عيونه مثل قوش ورفاقه أصبح الوضع معه صعب للوصول الى الرئاسة مع وجود نافع .. الايام قادم سوف نرى ما يخبئه القدر ..صاحب مصطلحات … المؤسس والمركز والتنظيم والتمكين والشورى مصطلح مكرر 22 سنة القصد منه كبت حريات الشعب والانصياع والاذلال لإرادتهم المتسلط على رقبة المواطن…

والله مافى داعى للتلتله دى كلها وهو نحن ناقصين بلاوى ذى ماقال مافى ناس قريعتى راحت من المستشارين والنواب والوزارء كل يوم واحد ناطى فى الصين مكان يرسل واحد والله الكيزان ديل ماعندهم ثقة فى بعض حتى فى الزيارات الخارجية ؟؟؟؟؟؟؟؟؟؟؟؟؟؟؟؟؟؟؟

والله ياريس الله يعينك وترجع تانى للبلوى الاجياك فى البلاد دى هى شوية ونحن ناقصين بلاوى ؟:mad: :mad: :mad: :mad:

يا عثمان افندى …………شايف فى كلامك اليوم عن المغامرة الموهومه دى فى ظاهرو حرص ………و باطنو التوجس و الخوف على مصير توهمتوه لرئيسكم !!!!!

يا خى والله فى الدنيا دى ما فى زول شغال بالفارغه زيكم ………..و اوكامبو العامل ليكم زلعه ده الان شغال بخيّط هدوم العيد ( السجن) لعمك القذافى وشايفو ما فاضى و اكييييد ياعثمان هو واثق من انو لما يجى اليوم لا يقدم ولا يؤخر وزولكم يكون امرو فـنـيـتـو !!!! انت ما سمعت قادة الصرب وقعوا فى الشرك كيف و الا ما سمعت قريبكم تشارلس تيلور قبضو كيف ؟؟؟؟؟ بعدين تذكر فى سيناريو تانى الناس ديل يوم ما يقرروا القبض على الرئيس ممكن يجو عديل كده بالطياره وبمشو ليهو فى بكانو و ياخدو معاهم لا من شاف ولا من درى و عشان ما تقول كلامى ده تخريف اذكرك بسيناريو القبض على الزعيم الكردى عبد الله اوجلان فى مخبائه فى كمبالا ……… اوكامبو و الامريكان النجسين ديل بتميزو عننا بالصفات المفترض تكون عندنا ولكن للاسف ما كده…….. الصبر……..

المهم الناس الزيكم القلم فى ايدو بدل شغل الاثاره و الهرجله تهدئوا الناس وتورّو الناس المخارج مش انتو تغرقوا فى الاول !!!! و نفس الجلبه والعويل والعباطه و الارتباك عند المسؤولين فى البرلمان والمؤتمر الوطنى !!!!! دايما فى تراثنا لما تقع مصيبه بكون هناك العقّال البهدئوا الناس ويذكروهم بالحق و المشيئة الالاهيه مش كلهم بجعروا بصوت واحد متشابه عالى النبره و الغريبه افك ساكت و دموع تماسيح !!!!!!!!!!!!!!!!!!! و الله يكون فى العون …….

كلّما اقول الجمله دى تـنـط لى قدام عيونى صورة صاحبك الوالى ود الخدر……….. الما بنظلم عندو زول……… و المارجع للزول الما انتحر………….. كشكو……… و……….اولادو………. الطشو

المسرحية نشهد أنها غامضة ومحبكوة ومسبكة تمام وعلى نار إيرانية فارسية هادئة

اذا كان القوات التي تحاول خطف الطائرة لا تعرف موعد تحليق الطائرة من أرض إيران

المجوسية فكيف فاتها الموعد المحدد والمعلن للإقلاع من الخرطوم والعبور عبر البحر

الأحمر المتواجد فيه خليط من القوات البحرية ثم الأجواء العربية المليئة بالقواعد

الأمريكية ثم الخليج العربي وبه الأسطول الخامس الأمريكي كل هذه تفشل في خطف

هذا الطائر لتأتي ضجة إعلامية غير مسبوقة على مستوى عالمي ويأتي التسريب

عن خطة خطف من قبل الكونجرس ولم يمر على الحدث ساعات فهل تم التخطيط

في الهواء الطلق ؟؟؟

لا شك سيستفيد الرئيس المطارد وبطل الفليم من هذا الحدث كامل الفائدة والبلاد تعيش

إحتقان شديد تعددت أسبابه وهناك إنفصال يطرق الأبواب وتصاعد في نبرة السخط

والغضب من الفساد والإفساد والأسعار والجبايات والقرارات الهوجاء التي في

الغالب ينكث الريس منها على عقبيه وسيشكر الأمريكان على هذه الهدية القيمة جداً

يا عثمان ميرغنى

يا أخى هو إنتوا عندكم إحساس عشان تحسوا بالحرج؟؟؟ تحسبوا لعب ..شليل ترتار وقيرة؟؟؟ ده قرار دولى ..وراهو حكومات ليها تقلها فى العالم…الرئيس قايل نفسو فى القضارف واللا هيا…ده عبر بحور لايمكنه الإستهتار بالمجتمع الدولى هكذا..

فى السودان ناس ود الخدر ..صاحبك الما رجع للراجل الما إنتحر كشكو وأولادو الطشو ممكن يمهد ليهو الطريق للرمى لى قدام ..لكن برة الوضع غير..

وبالمناسبة الجماعة بتاعين الركشة ….رجعوا الكاميرا واللا لسه؟؟ ياربى ديل يكون جماعة الطيب دلوكة!!!!!

والله يا عثمان ميرغنى ..كان وريتنى قصة صاحب الكشك حصل فيها شنو ..أعوضك بكاميرا جديدة تحدد مواصفاتا إنت….كلام رجـــــــــــــال

انت ياسيد دعوات ده وزعتها انت انا في الصين والله ما جاتني اي دعوة هسي ان في شنغهاي ماكذب يا
؟

He is not a President in the first place..!! he is a reckless idiot , bloody murderer

لا حول ولا قوة الا بالله العظيم .

أيعقل ان يكون رئيس اطيب واعظم واكرم شعب مطاردا هكذا يتلبد من مكان لمكان كى لا يقع فى براثن اوكامبو ؟
هل هو مجرم حرب ومتهم بالابادة العرقية الجماعية ؟
اذا كان كذلك فيجب محاكمته لا يهم اين فالعدالة واحدة فى الجنائية او غيرها .
هل هو برئ ؟
اذا اين الدبلوماسة السودانية والاعلام واصدقاء السودان ومن اين اكتسبنا عداء كل شعوب الارض .
السؤال =

هل البشير هو الانسب ليكن رئيسا للسودان ؟ انتظر اجابتكم يا اعزاء .

نافع علي نافع مصر علي اهانة الريس من حيث لايدري هو الذي قام بترتيب هذه الزيارة ليقول لمن يسعون لخلافته الريس موجود وبامكانه طلب الدعم من الصين البعيد والا فانا موجود …………….. اقول للاخوة قراء الراكوبة تخيلوا هذا المريض راضع الصديد علي راسنا رئيس….

شى غريب جدا كابتن طائرة الرئاسة بتاعت الرقاص عمر البشير اجنبى وغير سودانى ولماذا السؤال الموجه لناس كتائب

حتى لو كان قرار إتهام البشير بواسطة المحكمة الجنائية مغلفا بنية سياسية فلن يسلم البشير من المحكمة الجنائية إلا إن أخذ الله إليه وديعته. بمعنى إما ناس أبو العفين يرسلوه فى طائرة إبراهيم شمس الدين أو يسلموه طوعا للمحاكمة و الأولى هى الأرجح و الليالى من الزمان حبالى.

الغرب لا يريد ان يقبض البشير و اذا اراد فقصة الطائرات اللى بتضرب بورتسودان و ما فى زول سمع بيها او شافها ما بعيدة…طائرة مجهولة تطلق صاروخ صغير على طائرة الاسد النتر على بعد 10 كيلو من الخرطوم …خليك من المسافات البعيدة و يروح فى خبر كان و يجى ابوريالة يقول و الله لسه ما عارفين حاجة

والله يا خالد حسن صحكتني في العوير البقي مصحكه اصلا ومشمت فينا العالم كله

(( مر أسد أعمى على رجل عرف بالخوف الشديد من من كل متوحش حتى الحمير,, بعد مرور الأسد ,, سألة أحد المشاهدين للموقف,, يا أبو الرجال ألأسد دا عملت ليهو شنو .. ما هبشك,, قال ليهو,, أنا واقف لا من شاف ولا من درى جا الأسد (هرا) لى فى لباسى,,,,))

أقترح: شراء أو استئجار مقاتلات من نوع أف 16 والشبح حتى يتم تأمين تحليق الطائرة الرئاسية فى الأجواء العالمية ,, ما مهم التكلفة ,, ميزانية الدولة لسنة أو سنتين,, المهم نغيظ أوكامبو ونحفظ للدولة هيبتها,,

لكن ما تنسوا يا عثمان أخوى تفقدوا (بنطلون أسد أفريقيا) بعد كل سفرية,,

قال (( تعال نغيط اوكامبو ) قال
عثمان ميرغني والفجور في الخصومه

امريكاعندها حاملات طائرات في البحر الاحمر لو عايزه تعمل حاجه ما منتظره البشير يصل للاجواء الاسيويه لانها تفهم في السياسه الدولية اولاً وثانيا تعلم ان البشير مدي تعليمات للكابتن والكابتن موافق عليها ان الطائرة ما تنزل عند اي اعتراض ولو اطلقوا عليها النار . بس حبت تادبه شويه لانه في شرق السودان طول لسانه عليهم ابو كنكوج فالت ده .

زيارة البشير سلاح ذو حدين فيه مصلحة للسودان بالاتفاقيات التجاريه واثبات ان هناك دول كثيره مع السودان وفي نفس الوقت فيه ازلاال للشعب السوداني ويشمت فينا العرب الوسخانين ناس العربية والجزيرة وجريدة الشرق الاوسط الحياة وغيرهم .

اعتقد ان الصين بهذه الدعوة استعملت البشير حجر شطرنج في لعبتها مع امريكيا وناس البشير ما بيفهموا في السياسه الخارجيه ما هي الصين التي مررت قرار الجنائيه في مجلس الامن بعدم التصويت وعدم استخدام الفيتو بالرقم من ان السودان هو الذي دخل الصين لافريقيا ومستلمه السودان كله على حسابها

البشير ما كان محتاج يمشي هذه الرحلة في هذا الوقت والبلد تتقطع أوصالها. باعتقادي الخاص أن الرئيس يريد أن يجعل من زيارته للصين هذه كآخر زيارة له قبل ان يركب التونسية ويغادر الى لاهاي لأنه وحسب تحليل الخبراء فأنه بعد التاسع من الشهر القادم لا يستطيع الرئيس أن يركب اي طائرة في داخل السودان او خارجه.

الموضوع الثاني هو كيف يحتفل البشير بعيد الانقاذ رقم 22 وعودته من الصين ما معروف تكون كيف . يعني الجماعة لازم يشوفوا ليهم اخراج لهذه المسرحية.

يقال ان الرئيس نميري كان عندما يريد ان يسافر في رحلة خارج السودان يجمع كل قادة الجيش ليؤدوا القسم امامه بأن لا يقوموا باي انقلاب عليه خلال فترة غيابه وهذا ما يفسر تردد سوار الذهب عندما قامت الانتفاضة. لا أدري ما اذا كان البشير يعمل نفس الشيء مع على عثمان وبقية الزمرة ، لكن الذي أعرفه ويعرفه عمر البشير أن هو اداء القسم بالنسبة لهواء الابالسة مثل شراب الماء .

المدعو ((nido azo)) قلتا عن الناس المغربين نحنا حاقدين الكيزان …ياسيدي انتا شكلك متشنفع من تظامك الحضاري الابنطاحي …ياسيدي نحقد علي شنو قول لى انتا ياسيد الفاهمين نظامك دة عمل شنو غير ما فتت وقسم البلد من جنوبها الى غربها نظامك قتل وشرد الملاين من شعبة تظامك الفاسد تربع عرش الدووول الاكثر فسادا والاكثر فقرا والاكثرا جوعا بين دول العالم…. باسم الدين والاسلام والمسلمين قاتل شعبة وادخل العنصرية والجهوئية حتي صار التوظيف حسب القبلية والانتماء00000لاتتزايد علينا بولائك للوطن ولا تتحدث من هم العملاء الحقيقين انهم امثالك وامثال كلابك في المشروووع الحضاري علينكم اللعنة اين ما حليتم00000يالله عليك اختشي والشعب شبع من اسطوانة عملاء وخونة وشعارتكم الدنية ((الشيطانية))00000

هذه الزياره ليرى العالم بان السودان له عزه وكرامه ورئيسه لايخاف من الجبناء

كده يا اخونا تعالوا نتفاكر هل تصدقوا انو الطائره وصلت بدون ضمانات من امريكا
اكيد الامريكان ادوهم الضو الاخضر