داعية مصري يفتي بجواز أكل "لحوم الجن"
أجاز داعيةٌ مصريٌّ أكل لحوم الجن في فتوى تمّ تسريبُها عبر موقع"يوتيوب" وأثارت الكثير من الجدل.
وبحسب صحيفة "الاتحاد" الإماراتية، استند الداعية المصري محمد الزغبي في فتواه، إلى تشكل الجن في صورة الإبل والماشية. ودلّل على ذلك بعدم جواز الصلاة في أماكن وجود الإبل لأنها موطن للعفاريت.
وقال الزغبي في ردٍّ عن سؤالٍ عن شرعية أكل الإبل وبداخلها شياطين وجن: إن الجن يأخذ وقتاً غير معروف بالنسبة للإنس في التشكُّل، ولا يراه أغلب الناس. وأضاف: نحن نأخذ بما صح من المنقول لا بما تستحسنه العقول، لذا فمن الجائز أكلها دون أن يقع ضررٌ على آكلها.
وكالات
شيء عجيب! هسا يا ناس في زول سمع بي كلام ذي دا؟ لحوم جن؟ هم ذاتهم الجن ديل عندهم لحوم؟ نعيش ونشوف . لكن الشيخ دا لو قاصد اننا ضبحنا بعير مسكون و اكلناهو في الحالة دي نكون اكلنا لحمة البعير دا! أنا غايتو ما فاهمة شيء
الله يهديك يا شيخ الظاهر عليك اشتهيت اللحم بشدة
وكيف يمكننا التفريق بين هذي وتلك ؟؟؟؟؟
j شىء واحد بس اقولوا ==الناس فى شنو والحسناية فى شنو
اذا لقيت ليك جن اكلو يا مهوس
الزول دا بيخطرف يقول في شنو. هو الجن قاعد ليك لحد ما تاكلو؟ حاجة عجيبة يعني أمور الافتاء الضرورية أنتهت خلاص عشان تغشلونا كما بالجان الساكنين الابل؟
طيب لو كان جن كافر ممكن اكل لحمو ولا لا وهل يشرط الذبح الاسلامي ؟؟
المصريين عندهم غرام مع اللحمه لانهم مالاقينها ماسمعتو عادل امام لما قال (واللحمه دي حاياكلوها امتا ياخال)
كلام سمح بس ما وضح لينا اصغر عمر لاكل الجن معروف انو السواسيو ما بيتاكلن والحملان الصغار اها "الجنينات" الدابن قايمات ؟ كيف
غايتو جنس شي
ربنا يتولانا برحمتو دا علي الطلاق كان لقالو تلطشة في قفاهو كان عرف الله سمح والجن سمح .
والله يا جماعة الدنيا دي شكلها قربت تنتهي . بالله عليك شوف حال العالم بقي كيف موت وقتل وثورات وظلم وفساد وعدم الاعتراف بالاخر وكمان فتاوي خارم بارم بالله عليكم بالكتاب والسنة واقوال الصحابة وانسونا من المتشيخين ديل. حسبنا الله ونعم الوكيل
خلاص التقول اللحمة بقت رااااقدة والناس شبعت فيها :rolleyes: كيلو الضان ب26جنيه:cool: هههههه لحم الجن بكون بكم :lool:
لا حول ولا قوة الا بالله
المتعافي هسه بكون بفكر انه يستثمر في لحم الجن
يعمل مشاريع للحم الجن ويبث ليكم اعلان في قناة النيل الازرق فيه غنيه لذيذة بتقول كدا :-
اكل لحم الجن ونوم متهني
عشان بكرة تصحى بدري
واعلن لكم اخواني الاعزاء بأن الفنانة عوضيه عذاب قبلت وبعد تعب شديد تغني هذه الكلمات الثره وكشفت عن مفاجاه بأن البومها الجديد سيحمل عنوان هذه الاغنيه
والي اللقاء في حلقات قادمه
هذا يعني ان ابوي كان من ركاب الجن؟ وقد كان له جمل بشاري اصهب يمتطية من الصباح ويشق به الفيافي بحثاً عن الزرق
ما هذه التخاريف في زمن ؟
الزول ده يمكن مجنون ( طيب لو لقينا جن ودايرين نضبحوا بالطريقه الاسلاميه وقلنا بسم الله الرحمن الرحيم الجن ده ما بيختفى ؟! . يا جماعة أنا عازمكم جن كارب الليلة .
(الجن الرسمى) الزول يقوم يعرس ويقومو نسابتو (يأكلو لحمو) والجميع ينظروا ليك شذراً وتأففاً دا الجنون بعينه والعرس بقى (أكل لحم ساكت) ولو الغاز قطع يقولوا الراجل دا مجنون ويقعدوا يأكلوا فى (لحمك) قلنا نعرس نشوف السعاده دى كيفنها لقينا القصة كلها مراسيل جيب جيب واذا اعتذرت أو اعترضت تقول أم العيال الراجل جن وتقعد مع أمها تأكل فى لحمك .. (مش دا ياهو الكلام بتاع الشيخ أب دقن القاعد فوق دا) (جن ولحم) نحنا فى الدندر بنأكل لحم (الحاشى) كل يوم وما أحلى كبده الابل بالشطه والتوم والفول السودانى ويوم واحد مالاقانى جن واذا يوم لاقيتو أكيد أرحم من جنون هلوسة ترزية الفتاوى الجدد ديل الجن الرسمى نقعد نقرأ ونكتب فى هلوسه المهلوسيين الجدد . عمك أب دقن دا خريج شنو؟ اسمو محمد الزغبى دا أخو نوال الزغبى؟ولا نوال … ولا نوال …. ولا نوال ………………..
تشكل الجن في صورة الإبل والماشية ؟ بمعنى إنو التيس ،الغنم ،الخروف كلو راكبو جن ؟ ياخونا أنا تهته شوية ورونا الحاصل شنو مع الشيوخ ديل ولا أنا سيجارتي قوية ؟
يا جماعة الراجل حل ليكم مشكلة اللحمة تاني دايرين شنو؟ طيب ما كان تطلع الفتوي دي من زمان ياخي لانو بالرغم من توفر الجن لكن نحن كنا قايلين لحمو حرام …. جزاك الله خير يا شيخ لاثارتك هذا الموضوع المهم الذي يخدم الامة في مشارق الارض ومغاربها