مخالفات وإبتزاز …وفساد سلطة رابعة ..!.. وزارة المالية صدقت لإبن وزير المالية بمبلغ( 32.391.70 دولارا).. مستشار رئاسي يحاول ابتزاز وزارة المالية بوثيقة العلاج – شاهد صورة –
إليكم
الطاهر ساتي
** ما بين وزير المالية ومستشار رئيس الجمهورية ليس بقضية سياسية، ولكنها قضية مخالفات مالية وإدارية، وكذلك إبتزاز، ثم القضية كشفت بعض أوجه الفساد بالسلطة الرابعة..لقد نجح زميلنا – بالوطن – عبد الباقي جبارة، في رصد وتوثيق القضية بمهنية عالية أدانت فيها كل الأطراف.. وزارة المالية صدقت لإبن وزير المالية بمبلغ( 32.391.70 دولارا)، للعلاج – شفاه الله – بالولايات المتحدة الأمريكية، وذلك خصما من إيراد بعثة السودان الدبلوماسية بأمريكا، وعلى أن يكون المبلغ خصما من بند العلاج بالخارج للعام المالي الحالي، أوهكذا يقول نص الوثيقة التي تحمل توقيع منى أبوحراز، وكيل وزارة المالية بالإنابة، والمعنونة لوزارة الخارجية..!!
** لوزير المالية تبرير لمحتوى الوثيقة، نصه : لم أطلب من الوزارة أو أية جهة بدفع تكاليف علاج إبني، بل وزارة المالية هي التي طالبت وزارة الخارجية – دون علمي – بدفع ذاك المبلغ، وعلاج إبني حق يكفله الدستورواللوائح، أوهكذا تبريره .. وعليه، نعم للوزير وأسرته حق العلاج بالداخل والخارج على حساب الدولة، حسب نصوص اللوائح العامة، وما في ذلك شك..ولكن تلك اللوائح تنظم هذا الحق، وللأسف لم تتبع وزارة المالية تلك اللوائح المنظمة ..الأمانة العامة لمجلس الوزراء هي الجهة المناط بها علاج الدستوريين وأسرهم، بالداخل في مستشفى ساهرون وبالخارج حسب توصية القومسيون الطبي، وذلك خصما من بند العلاج بمجلس الوزراء ، وليس خصما من موارد وميزانيات السفارات..أوراق نجل الوزير – شفاه الله – لم تمر بأمانة ذاك المجلس، وكذلك لم تمر بإدارة مستشفى ساهرون، وأيضا لم تمر بالقومسيون الطبي، ثم تلك التكاليف لم تصرف من بند العلاج بمجلس الوزراء، ولكن من إيراد البعثة الدبلوماسية بأمريكا ، أي قبل أن توردها تلك البعثة في حساب وزارة المالية..وإن كان بغير علم الوزير تم ذاك الإجراء – حسب حديثه – أو بعلمه، فان وزارته إرتكبت حزمة مخالفات مالية وإدارية تستدعي التحقيق والمحاسبة وإسترجاع هذا المبلغ.. وكذلك مساءلة ومحاسبة الوزير، إن كان يعلم أولايعلم ..!!
** ثم الطامة الأخرى، هي الوثيقة التالية..( الأخت العزيزة منى أبوحراز، لك الود والتحية، هناك أمر هام وضروري يتعلق بابن السيد الوزير وعلاجه بالخارج وبإمضائك..وجدت هذه الأوراق مع أحد الصحفيين وأوقفته لكم، والموضوع يحتاج إلى معالجة، سأمر عليك لاحقا اليوم..أوراقنا مع الأخت إنعام، نرجو أن ترى طريقها النور..مع تحياتي، د. أحمد )..هكذا الوثيقة، تفسيرها أن الدكتور أحمد بلال، مستشار رئيس الجمهورية، وجد وثيقة علاج إبن وزير المالية عند أحد الصحفيين، وأقنع الصحفي بعدم نشرها، ووافق الصحفي على ذلك مقابل (معالجة الأمر)..ولكن المستشار لم يخطر وكيل الوزارة بالإنابة بما فعله مع الصحفي حبا فيها ولا تقديرا لها، بل فعل لتدفع وزارة المالية مبلغ ( 100 مليون جنيها) لقرية سيادته، وكانت الوزارة قد تبرعت بالمبلغ لقرية المستشار وتلكأت في الإلتزام به..وعليه، الإبتزاز يتجلى في وثيقة مستشار الرئيس بشكل قبيح..إذ تقول تلك الوثيقة بالبلدى كدة : ( يا جماعة انتو خالفتو اللوائح بعلاج ولد الوزير، وفي صحفي كان عاوز ينشر المخالفة لكن أنا منعتو..يلا أدوني المية مليون حقت قريتي عشان نلم الموضوع ده )، هكذا تفسير خطاب المستشار المعنون لوزارة المالية..إبتزاز رخيص، وتصرف غير مسؤول من مستشار رئيس الجمهورية.. لوكان مسؤلا لذهب بتلك الوثيقة إلى رئيس الجمهورية أو نائبه مع خطاب فحواه ( للعلم والإفادة )..ولوكان صادقا مع الله ثم نفسه وأهل بلده لما منع الصحفي من نشرها..ولو كان مسؤولا لما لمح لوكيل الوزارة بأن تلك المخالفة يمكن معالجتها بشئ غير القانون، أي ( ممكن نلمها مع بعض ونسكت الصحفي، وكل شئ بي تمنو)..هذا المستشار الذي يفسد السلطة الرابعة ويخفي الحقائق عن الرأي العام ويبتز المخالفين للقانون غير مؤهل بأن يكون مستشارا لرئيس جمهورية البلد..!!
** على كل حال، هذه قضية – كما القضايا السابقة – سوف تتبخر وقائعها بكل شخوصها من سطح الأحداث خلال هذا الأسبوع، وسوف تتناساها ذاكرة الصحف ولن تجد طريقا إلى دروب التحقيق والمحاسبة..ولذلك، لن نطالب بالتحقيق والمحاسبة، بل نطالب بترقية كل العارفين بوزارة المالية، وزيرا كان أو وكيلا، وكذلك مستشار رئيس الجمهورية، بحيث يكونوا أكثر نفوذا وأفدح مخالفة وأقبح إبتزازا في حكومة الجمهورية الثانية.. ولكن ثمة سؤال لسادة لجنة الإعلام بالبرلمان ومجلس الصحافة وإتحاد الصحفيين : هل من رد فعل في قضية فيها مستشار الرئيس يعترف – كتابة بخط يده – بأنه نجح في إقناع أحد الصحفيين بعدم نشر وثيقة مخالفة حدثت في وزارة المالية ؟.. فالقضية ليست بمخالفات وزارة أوإبتزاز مستشار فقط، بل فساد السلطة الرابعة يتجلى في سطور وثائقهم.. أها، ح تعملوا شنو يا فتحي شيلا ويا شمو ويا تيتاوي ؟.. إذا تواصل صمتكم، بلاتحقيق يكشف هذا الصحفي المشار إليه ورئيس تحريره وصحيفتهما، سوف نطالب بترقيتكم أيضا، لتكونوا أفضل حماة ل ( مفسدي السلطة الرابعة)…!!
الطاهر ساتى
[email protected]
نقلا عن السوداني
[/ALIGN]
لا حول ولا قوة الا بالله.الناس ديل لصوص.
لا حول ولا قوة الا بالله.الناس ديل لصوص.
تحياتي الطاهر ساتي …زي ما قلت اه بعد القضية بقت واضحة فساد موثق برضوا حا يقولوا زي ما قال رئيس البرطمان أحمد ابراهيم لا يوجد فساد….نشيكهم لي الله..
الظاهر يا ساتي وزير (العواسه ) دا فاته الميري لما كان والي في دارفور وجاي يتمرغ في ترابه بعد بقي وزير ماليه
يا جماعة ده كلو معروف !! ما وريتونا الصحفي أخد كم ؟. بلا يخمكم كلكم .
اسال الله ان يهلك هذه الحكومة فردا فردا ، الهم احصهم عددا واقتلهم بددا ولا تغادر منهم احدا .
كان الاجدر بالرجل المؤمن ان يعالج ابنه بمستشفى رويال كير ببرى
بدلآ عن امريكا عدوة الاسلام والتى لا نثق فى علاجها وقد يتسبب
فى مضاعفات فى اذن الابن قد تحرمه من الاستماع لاحاديث الشيخ
الكارورى.
حاميها حراميها…..
الله يعينك يا السودان…
ومن قال لك ان هذا الرجل المدعو احمد بلال كان صادقا مع الله ثم نفسه وأهل بلده!!!!؟؟ لهذا الحد انت جااهل؟
,,,,,,,,,,,,,,,,,,,,,,,,,,,,,,,
الكلام ليك يامولانا احمد ابراهيم الطاهر الموريتانى
دة الفساد الظاهر بالصدفة
اوراقنا مع الاحت انعام يقصد بها تصديق المائة مليون لقريتة هذا حديث المستشار بالعربى كدة طلعو لينا المية مليون عشان نستر فضيحة ابن الوزير
الجديد شنو في الموضوع ما البلد دي من زمان (22 سنة)ماشة بالفهلوة دي ولازم تكون حرامي او نصاب عشان تمشي لقدام ويكونو ماسكين عليك حاجة كمان لزوم الطاعة وكده
لكن تعمل فيها شريف ونزيه ما بتنفع معاهم
ياودساتى دى كلها 32الف دولار مقوم بيها الدنيا ومعاها شوية فساد كدة وحاجات تانية حاميانى يلخى دى حاجان بسيطة يكمن اغمال فقه السترة فيها………………………… فمافى داعى للفضائح وستر الجنازة واجب
ديل شرزمة حرامية ومفسدين واللة الدين فى جهة وهم فى حهة
انت ياالوزير دايرين نعرف الحريق دة شنو الذى حدث فى القرية وهل اذا حدث حريق لقري السودان ممكن نطالب وزارة المالية مباشرة بالمساعد ولا دة كسب سياسى تاة ورخيص زيكم
هذة شريعتكم ايها الحرامية واللة الكفار احسن منكم الف مرة
واللة حالكم لاتنعدل ايها المسلمون المفسدين الى يوم القيامة
شعارات فارغة ايها المفسدين
دايرين دولة القانون وليست الدولة الدينية القبلية الفاسدة
لقد قام السيد وزرير المالية بعدد من الاجراءات المالية التي فسرها لنا بأنها
إصلاح للاقتصاد الوطني وهي :
1- إيقاف إستيراد العربات المستعملة
2- إيقاف إستيراد الاثاثات من الخارج
3- حل شركة النصر وكردفان وغيرها من الشركات
والان هل يسكت المتضررين وهم في الاساس جبهجية كبار وتماسيح سوق
والادهي من ذلك كانت هذه القرارات جاهزه ولم يمررها السيد عوض الجاز
لكن عملك علي محمود دقس ومررها والان يدفع الثمن اي الحفر بداء من الداخل :D :D
الاخ الطاهر ياريت لو وجدنا عشرة بس من أمثالك لقيادة هــــــذا الوطن المشلول المتقطع المريض بما فية منفعيات شخصية وكل واحد يفكر في نفسو وبس قريتي وبس وبعدين دأ الموضوع المائة لهذا الوزير مافي زول عاقل يحاسبو ولا يسألو دا شنو دا والمواطن مالاقي أي علاج في المستشفيات يجي دا يتعالج بمبلغ زي دا الافضل القروش دي يجيبو بيها علاج والا يسفرو بيها لي امريكا هي امريكا دي زاتا مفروض ترفض كلام زي دا دي مهزلة
لله درك يابلد ياوطن مغلوب علي أمرك
اتمنى من الكيزان ومن لف لفهم ان يكثروا من الفساد وينهلوا من المال العام اكثر وان يفقروا الدولة والناس واتمنى ان يقف الشعب السوداني في الشارع ويمد يده ولم يجد من يعطيه لان كل الشعب فقير
هذا كله لان الشعب ساكت زي البهائم…ويستاهلوا البحصل فيهم واتمنى ان تضيق اكثر
السيد مستشار الرئيس إتحادي عديل كده يا جماعة
ياطاهرنا حمدلله علي سلامتك …..هس الزول يقول شنو ؟يتحسر علي شنو ؟ويخلي شنو ؟الفساد حتي السلطة الرابعة والخامس والمية زاتو !!!!!!ياناس بالجد كده في حاجة اسمها السودان في الدنيا دي ؟
يا راجل دي حاجة يسيطة—– ياريت تكون الخالفتات بهذا المستوى ——
انتو ناس طيبين ولا سذج ؟؟؟؟؟ أأأأأّ؟؟
يا أخوان إسمعوا منى الوصية….زى ما إتفقنا
المعلقاتى المطبلاتى ….لاتعيروه إهتماماً
أظــــــــــــنكم فاهمنى
أبناء ( الشرفاء) من وزراء ومستشاري الدولة الرسالية يعالجون بأمريكا وغيرها من الدول ( الكافرة) بينما أبناء ( الضعفاء) من الشعب السوداني يموتون بدون أن يتحصلوا علي علاج .. تذكروا كيف مات كذا طفل بسبب إنعدام علاج الكبد ؟ وكيف ذلك الوالد بمستشفي بحري الذي صعد لصهريج الماء بقصد الإنتحار إن لم يعالج المستشفي إبنه وهو لم يقدر علي تسديد مبلغ زهيد لقاء علاج إبنه .. وكيف أن مستشفي الذرة الآن تنقصه المواد الكيماوية اللازمة للعلاج ؟؟؟
انظروا ما بين أحوال أبناء المسئولين والوزراء في حكومة المؤتمر وبين أبناء وأطفال دارفور وجنوب كردفان وحتي داخل مدينة الخرطوم كيف يكون حالهم؟؟
نسأل الله الشفاء للجميع أبناء وزراء وأبناء الشعب الفقير لكن الذي نقوله أن الحرام الذي يأكله المسئولين والوزراء يمتد لأبنائهم فردا فردا وسيظهر عليهم وعلي أبنائهم وفي النهاية لن يجدوا شيئا ينتفعون به في دنياهم ولا أخراهم.
أليس هذا الوزير هو الذي كان ينادي بسياسة التقشف ويطالب المواطنين بأكل الكسرة !!!!!
يكفي الأخ الطاهر كشفهم وتعريتهم لكننا كشعب مقتنعون بأنه ليس هنالك قانون ولا قضاء ولا حياء في هذا البلد المنكوب!!!!!!
نعم هؤلاء هم الاسلامويون ان اعجبتكم طريقتهم في الحكم وحفظ المال العام
اذا وجدوا منبرا في مسجد او غيره انبروا خطباء وطفقوا يشتمون الناس ويتهمونهم بعدم الامانة وعدم الالتزام بالدين والكفر وكل جريرة
واذا جاءت الانتخابات زوروها وبرروا ذلك لخاصتهم بان ذلك جهاد لتمكينهم من الحكم لتطبيق الشريعة
واذا كان لهم ما ارادوا اخذوا في الابتزاز والسرقة ومخالفة كل الضوابط واحكام الدين
اذا لم يتقى الحاكم الله فى اموال الدولةاموال الفقراء و المساكين فكيف سيلاقى ربه عن قريب. يوم ترى الناس سكارى و ما هم بسكارى ولكن عذاب الله شديد.
اللهم دمر الكيزان جميعا
اللهم دمر الكيزان جميعا
اللهم دمر الكيزان جميعا
اللهم دمر الكيزان جميعا
اللهم دمر الكيزان جميعا
اللهم دمر الكيزان جميعا
اللهم دمر الكيزان جميعا
البشير لا يصلح ليكون حاكما على هذا البلد ……………
لانه لا يعتد بقراراته ولا بهيبته وهذا واضح للعيان !!!!!!!!!!!!!!!!!!!!!
كان الله في عون الشعب السوداني …………….
((إختطاف طلبة وقتلهم …….. وتشريد الآمنين من منازلهم….. جثث أمام المنزل متروكة
أمام الأبواب …………… ))
وين بتروح من الله ….. كيف تلاقي الله سبحانه وتعالى يوم لا ينفع مالاً ولا بنوب……….
كيف تنوم الليالي …………… يا المؤتمن على الشعب ومقدراته …………. لا تكن مقفل ..
خليك راجل ود رجال ………………..
سبحان الله الكيذان يصعدون أسؤ ما عندهم من عناصر يعنى بنك السودان و وزارة المالية مكان الفساد ينتهى عهد الجوكية نأتى الى عهد المخصصات — بالله يا وزير الماليه ورئيسك الحرامى لو كان هذا مال ورثتموه عن والدكم لفعلتم كل هذا الحرام الذى انتم فيه والغون .
قبل البترول كان الشعب يدفع فاتورة الحرب والحمد لله عايشين نتعالج – جاء البترول وقفز الفقر الى اكثر من 50%
السبب واضع تأكل الحكومة وأقرباء رئيس الحكومه ثم اعضاء المجلس وأقربائهم ولا ننسى مستشارى الرئيس -ثم حكومات الأقاليم وبعد ذلك لحراسهم
قال سيدنا نوح مخاطبا ربه إنك إن تزرهم يضلوا عبادك ولا يلدوا إلا فاجرا كفارا
أتظنون ان هؤلاء يأتوكم بخير وقد أكلوا مال الحرام هم وأبنائهم — والله هؤلاء لا يفهمون الحرام الذى يقود الى الفحشاء
هؤلاء لا يصلحون أبدا وينطبق عليهم ما قاله نوح أنه لا خير فيهم ولا خير فى ذريتهم التى يربونها بالحرام وهم يتلون الكتاب ويدعون تحمل المسؤلية
نسألك يا ربى أن تأخذهم أخذ عزيز مقتدر ونسألك ألا تسلط علينا بذنوبنا من لا يخافك ولا يرحمنا مثل هؤلاء القوم
امين يا قهار يا ذو الجلال والإكرام
لله درك يا وطن وزير المالية وابنه نهب نهب نهب اللهم خلصنا من هؤلاء الظلمه والناس تموت من دون علاج اللهم ارنا عجائب قدرتك فيهم
أتقي الله في نفسك والاخرين يا ساتي
وزير المالية والدكتو احمد البلال عثمان أشرف من الشرف وهم أهل ورع وصدق وامانة وانا متأكد ان الوزير كان حيرجع المبلغ لخزانة الدولة لمن ظروفوا تتصلح… ولعلمك وزير المالية شأنه شأن معظم الوزراء مفلس وزيتو طالع وما عندو غير حديدة الحكومة وبيت الحكومة الحيشيلوهو منو بعد فترة وزارتو تنتهي… ما تفتكر القبة تحتها فكي!!
وبعدين إذا كان الوزير يعاني ظنك الحياة فهل ده معناتو انو ولدو يموت بدون علاج؟ يعني دايرين الحكومة توفر ليكم العلاج مجاني وأبناءهم يموتو بالمرض لأن والدهم مشغول بمشاكل السودان ومافضي حتي يأخذ إبنه للمستشفي؟ يأخي إتقوا الله في الناس وهموهم.
والاهم من ده كلو أنو الحصل هو إتباع لفقه السترة الامرنا بيهو دينا وزي ما قال الرسول (ص): إستتروا علي قضاء حوائجكم بالكتمان… يعني سيادتك الان بنشرك للكلام الفارغ ده بتخالف نبيك ودينك وتشجع الناس أنهم يولعوا النار في البلد الاصلاً مولعة ونصها حينقسم بعد 4 يوم…. بالله بلدك نصها حينقسم بعد 4 يوم وأنت شغال لي في قالوا وقلنا ؟؟
لك الله ياسودان
لك الله يامواطن السودان
وماخفي اعظم
قال نحارب الفساد قال
والله الكلام الكتير رفع لينا الضغط والسكرى عشان كده خلينا الكلام وندعو عليهم من لا ينام اللهم اضرب الظالشعب شرا اللهم عليك بهم اللهم لا حيلة لنا الا انت اللهم اللهم احصهم عددا وشردهم المين بالظالمين اللهم شتت شملهم وبدد جمعهم اللهم ان ابو العفين وزبانيته ارادو بهذا مددا اللهم انهم استحلوا مالنا وحلالنا و ارضنا اللهم انهم ضيقوا على عبادك فعليك بهم اللهم عليك بهم
قالو لو بيت ابوك خرب شيل ليك منو شعبة وده الحاصل فى البلد ونحن نتفرج
لله درك يا وطن
ابـــــــــــــوعــــــــــمــــــــــــر
هي لله هي لله آآآآآآآآآآآآآآآآآآآآآآآآآآآه يا بلد
الاخ ساتي والشرفاء من ابناء السلطه الرابعه لكم كل الود اما حالة الفساد اصبحت لا تحتاج الي اثبات واذا كان راس اهل البيت لدف ضارب فشيمت اهل البيت الرقص والطرب اه نشتكي راس اهل البيت لي منوا(الله) لذلك الفساد اصبح ينخر في جسد السودان من بداية اول حكومه وطنيه ان صح التعبير (وطنيه) اي بعد خروج الانجليز لذلك سوف يحيق الدمار بنا طلما لم يجتس الفساد من جذوره لانه ظلم والله لا يقبل الظلم حيث يقول وعزتي وجلالي لانصرنك فالامر ات لا محاله وان لناظره قريب
حسبي الله ونعم الوكيل
يجب كنس ملة الفساد ومحاسبتهم …..
انا لله وانا اليه راجعون
الاستاذ: ساتي لك التحية
لاحياة لمن تنادي
دي بندق في بحر الفساد ولكنها وقود في ثورة التغير القادمة
الناس تموت في مستشفى الخرطوم من الاهمال وولدك أنت يا زير الكسرة يتعالج في أمريكا وعلي حساب الدولة … شاحد ربي الكريم السويتوهو في العباد يلاقيكم في جناكم ويدخل عليكم بالساحق والماحق والبلاء المتلاحق..
أخخخخخخخخخخخخخخخخخخخخخخخخخخخ
حسبي الله ونعم الوكيل في كل الابالسةز
لا إله إلا الله…ولا حول ولاقوة إلا بالله
يا أخوانا …يا طــــــــــاااااهر……ريد المزيد من فضح هؤلاء اللصوص المبتزين
ده ما كلام القنابير ذات نفسو على قول أستاذنا صلاح عووضة
الشريف الشيخ وزير بيت مال الإنقاذ قال بان بعض الأخوة فى السفارة طلبوا منه ألا يدفع شيئاً بمبدا فهمهم ( قدم السبت ..تلقى الأحد ) وكلو بى تمنو..وقد قاموا بواجبهم كسفارة.شايفين سفاراتنا فى الخارج؟؟ينهشون من لحمنا الحى فى الضرائب والمساهمات والزكوات والدمغات ويتصرفون فيها كما يحلوا لهم وتوزع هبات وحفلات ورحلات وإجازات وعلاجات ولا عزاء للمغتربين.
تصديق الشيك صدر فى يوم 31/5/2011 ..قبل شهر بس!!!ممهوراً بتوقيع وكيل وزارة المال (بالإنابة).لااحظو ليس بتوقيع الوكيل شخصياً.( ملعوبة )
ياسيادتك..عايزنا نصدق إنو منى أبو حراز..صدقت الشيك دون علمكم؟؟( طيب هاك جِزْ القنابير دى )
وزير بيت مال الإنقاذ يعلج ثقب ( بأُذن أحد أبنائه ) بتكلفة (32.391.70) دولار بس!!!!!
دفعت من حر مال المغتربين فى سفارة البشير بأميريكا.وعند عودته أبرز الفواتير بنفس التكلفة (32.391.70) دولار تانى من خزينة مال الشعب الذى تم بيع جزء من أطفاله لضيق سعة يد أسرهم فى تربيتهم .
سؤال: كيف ؟؟ ومتى؟؟ تم دفع تكاليف العلاج الذى تم بالأردن؟؟
هناك الكثير من أطفال بلدى يعانون من ثقوب فى الآذان والقلوب والأجهزة الهضمية والعقول وسوء التغذية والسرطانات بأنواعها والفشل الكلوى وإلتهاب الكبد الوبائى والملاريا والتيفوئيد والسل والربو والأمية..و( أكل الكِسرة )
وحين يُسأل اللص الظريف ( أرسين لوبين ) هل يرى فى الأمر إبتزاز؟ يرد بكل وقاحة:
ماذا ترون أنتم ؟؟ نحن نرى الإبتزاز نهجكم ..وحكمكم الفاجرالفاسق .الفاسد ..المبتز
الذى إستباح طيبة وسماحة هذا الشعب المسالم بآيات كتاب الله البينات وأحاديث رسوله الكريم وشعاراتكم الكاذبة المنافقة( هى لله ) لتعيثوا فى الأرض مفسدين.
أيها الشعب الفضل هذا نموذج واحد من قادة التوجه الحضارى الذين تم فرضهم لإدارة شئونكم ومصالحكم بفقه الأنتماء الحزبى والتمكين وبإسم الدين للهط المال العام بفقه السترة فماذا أنتم فاعلون؟؟؟
يا الطاهر ساتي : بقولوا المستشار مؤتمن : فإذا كان دا مستشار رئيس الجمهورية فعلى الجمهورية السلام . المستشار حرامي ومجرم , ووزير المالية ووكلاء ووكيلات وزارته حرامية ولا أمان لهم , والبلد بايظة من كبارا.
يبقى حتشكي مين لمين ؟؟؟؟؟
ما في إلا نرفع أكف الضراعة لله: اللهم عليك بهم فإنهم لا يعجزونك .. اللهم عليك بهم فإنهم لا يعجزونك .. اللهم عليك بهم فإنهم لا يعجزونك .. اللهم احصهم عددا واقتلهم بددا ولا تغادر منهم أحدا.
حسبنا الله ونعم الوكيل.
الطاهر ساتي / صباح الخير ياخوي بعد شغلة الغتغتة مابتنفع .. البلد دي خلاص انهارت والفساد اتجذر فيها ويومن قرب الجماعة ديل يرونها بعيدا ونراه قريبا .. فلو سمحت ورونا الصحفي والصحيفة ورئيس تحريرو منو ؟؟
يا جماعة الخير نحن وين فى السودان ولا جمهورية فسادستان . يا اخى دا كلام عجيب كما كان يقول جدى رحمه الله. الله يكون فى عون الشعب السودانى والله العظيم دا قمة الفساد الذى ليس له مثيل ابدا و الله الواحد بستحى من نفسه انو ينتمى الى دولة بهذا الفساد. اللهم يا مسير السحاب ويا هازم الاحزاب ظلل علينا سحب رحمتك وارحمنا وتولنا وتب علينا ونجنا من القوم الظالمين يارب يا حنان يا منان برحمتك نستغيث .
ابن العامل والغفير خليهم يموتوا لان الشعب جبان هذا وماخفية اعظم ياشعب السودان
عفارم عليك يا ود ساتي
هذا المقال لا بد من أن يطيح برؤؤس كبيرة إن لم نقل الحكومة
أو رأس غليس ( ود ساتي )
كسرة
كسرة بتاع إييييه ( كما قال جبرا )
ولا حاجة حتحصل للحيكومة . بس الله يستر علي البطل الشجاع ود ساتي
الأخ الطاهر
لك التحية
1/أصحاب الأيادي المتوضئة ديل كلهم عبارة عن شلة بتاعت نشالين وحرامية
الوزير فاسد وأخذ ما لايستحقة وهذه لا تحتاج لشطارة وبيقول أن علاج إبنه حق
يكفله الدستور ، دستور مين وبطيخ أيه الي إنت جاي تكلمنا عنو ؟ الدستور ده
بتعرفوه بس لما رأس السوط يصلكم ، والغلابة المشحططين مابين وزارة المالية
والقمسيون الطبي بتكاليف علاج إقل من تكلفة علاج إبن الحرامي ده ديل دستورهم
بتاع زار ولا شنو؟
2/ المستشار ده لا عندو حريق ولا يحزنون دي مسرحية من مسرحيات أولاد …….
عايز يبتز الوزارة ويكب المية مليون في جيبو ؟
3/ لا ح تكون هنالك مساءلة ولا زفت لآنهم كلهم من طينة واحدة.
4/ نسأل الله أن يعذبهم بأموال السحت هذه في الدنيا قبل الآخرة… آمين
ديييييييييييييييييييييييييييييييييشك ؟؟؟؟؟
دا كللللللللللللللللللللللللللللللللللو فى السودان؟؟
لا اله الا انت سبحانك انى كنت من الظالمين ..
يعني نتوقع شنوا من الزول ده
السودان اصلا ما فقير …….. لكنه مفقر بي جيوش من اللصوص والمجرمين , الاسلاميين
يا ناس لاتتعجبوا فالاخلاق في وطني ذبحت من زمان عندما تسلط عاينا الترابي ووزع مال الشعب وكذلك مناصب الشعب واطمئن الجميع لن يكون هناك تحقيقا فالفساد كبير وهوواضح في ولاية سنار فالوالي هناك يتصرف وكأن الولاية ملك ابيه عفوا ابه لايملك شيئا وقد يكون من ضمن فرقة الشمباتة للغناء الخدمات متردية الى ابعد الحدود وهو غارق في الكايدات والنواب يخافون على 0000اللهم ياذي العزة والجبروت من غش امتنا ارنا فيه انتقامك في الدنيا قبل الآخرة آمين وياوالي سنار سيأتي يوم الحساب وستدفع حقوقنا واعد بذتك وعدا غير مكذوب
ياصحافة الخرطوم .انتوا ما عندكم موضوع غير وزير المالية …. ما تشوفوا أخوانكم ناس أسامة عبدالله اليضرب يمين شمال ود. عوض الجاز ولا انتو ما تتابعوا الشماليين الدستوريين… هسع اسامة عبدالله ده يستحق يبقي وزير؟
لا حوله ول قوه الا بالله……………………………………..
الاطفال في مستشفيات بيموتو من سوء التغذيه و عدم الدواء. لعجز وزاره الماليه……….ولد واحد يتعالج ب 23 الف دولار ……
اللهم ان الظالم مهما كان سلطانه لا يمتنع منك فسبحانك أنت مدركه أينما سلك، وقادر عليه أينما لجأ، فمعاذ المظلوم بك، وتوكّل المقهور عليك، اللهم أنى أستغيث بك بعدما خذلني كل مغيث من البشر، وأستصرخك إذا قعد عنى كل نصير من عبادك، وأطرق بابك بعد ما أغلقت الأبواب المرجوة، اللهم انك تعلم ما حلّ بي قبل أن أشكوه إليك، فلك الحمد سميعاً بصيراً لطيفاً قديراً
شباب ده مش وزير الكسره – وين الكسرة والعواسه
,والله انتم شعب طيب اوى وعوير كمان ………… يا اخى البلد رئيسها حراميها منتظرين يحاسب ليكم الحرامية ؟ والله حلم الجوعان عيش
الأهبل الإسمه أحمد عثمان طاهر ، إنت يا مغفل ولا حرامي زي الجماعة ، تدافع عن الباطل وكمان تبرر ليهم الفساد .
طيب ما يدوا أي واحد من الشعب السوداني 32 ألف دولار سلفية ولما تتحسن أحوالهم يرجعوها ……………………………………..زز سلفية آل
اسال الله ان يهلك هذه الحكومة فردا فردا ، الهم احصهم عددا واقتلهم بددا ولا تغادر منهم احدا
أخوى الزول الكان سمح: السلام عليكم ……………….. وصيتك على عينى وعلى رأسى بس داير
أعقب على كلام الأخ بتاع التعليق القال أنو الوزير يعانى من (ظنك العيش) هههههههههههههه
يااااااااااااربى ظنك العيش البيعانى منو الوزير دا زى حقنا ولا أكعب شوية ؟؟؟؟؟ وعشان ظنى
ما يكون سئ فى السيد الوزير أقول ليهو هاك أقراء:
افتتح مستشفي رويال كير العالمية..البشير: العلاج بالخارج (ميتة وخراب ديار)
صحيفة أخر لحظة
البشير: العلاج بالخارج استنزاف لموارد الدولة
البشير يوجه (القمسيون) الطبي بالتشدد في الموافقة على علاج السودانيين بالخارج
الصحافة
افتتح مستشفي رويال كير العالمي..البشير يوجه (القمسيون) الطبي بالتشدد في الموافقة على علاج السودانيين بالخارج
يوجد من أمن العقوبة…
ساء الأدب..
وكلهم قليلين أدب
ربما الصحفى من منطقة أو قرية المستشار.بس ان شاء الله القرية استفادت . لغاية مارينا اصلحها .
ماذا تبقي لتقديم هذا المستشار للمحاكم …والدليل علي فساده وجرمه بخط يده وهذه قضية في القانون واضحه ولا لبس فيها حتي لا يخرج لنا المسئول الحكومي صاحب فقه الستر بتصريح…
اما السيد الوزيرصاحب ال 3 بيوت و ال3 نساء فلا يحتاج لتعليق فقضاياه الكثيرة شاهد ضده وشاهد علي فساده وغض الطرف من الخطأ منه جرم اضافي يحسب عليه وليس له ودائما مبرراته تأتي سازجه لان ما يقترفه لا يمكن تبريره وقضية الصحفي ومحاولته تكميم فمه واخذه القانون بيده واعتقاله كانت كافية لاقالته دون النظر لبقية الموضوع وسيكون هناك المزيد وسيفضحهم الله واحدا واحد ان شاء الله ولن ينفع فقه الستر لانه اريد به باطل…
الشعب السوداني يرجع ياكل الكسرة ووزير المالية يعالج ابنه في امريكا واحمد الطاهر يقول مافي فساد لان ناس الانقاذ كلهم فقراء وحافظين المصحف اما الرئيس غير موجود نهائيا ومهمته الرقيص فقط والشعب السوداني صابر .
طبعا… البلد كلها فاسدة و منتهية.. و نصيحتى لى كل سودانى لو عندو طريقة إعمل جواز إحتياطى.. البتاعة دى ما معروف موديانا وين..
الحاجة التانية.. هل وزير المالية دة الوحيد الفاسد.. اكيد لا.. بس ليه هو دايما بتتلقى حاجات عليو..مرة الجواب الموقعوا بتاع مخصصات مدير سوق الأوراق المالية و الثانى هسة دة بتاع علاج إبنه.. يعنى هسة المذكرة بتاعت المستشار دى الصورها أكيد واحد من الوزارة… فالحكاية هنا ما حرفنة صحافة بقدر ماهى حفر للوزير من شخصيات واصلة.. ودونكم غيره من الفاسدين إبتدأ من الهرم بس وين شطارة الصحفيين هناك..؟
دى بلد حفرة كبيرة.. الله يكون فى العون
نتمني الشفاء العاجل لكل سوداني بغض النظر عن الانساب والوظائف وتكاليف العلاج ونترحم علي موتانا في الشوارع والاذقه والخيران والخرابات فهم ايضا ابناؤنا ومسؤلين امام الله يوم البعث ماذا قدمنا لهم في دنياهم وهم في اشد الحوجه والعون بعد فقدانهم للاهل والدار وابسط مقومات الحياه
هذا المستشار الذي يفسد السلطة الرابعة ويخفي الحقائق عن الرأي العام ويبتز المخالفين للقانون غير مؤهل بأن يكون مستشارا لرئيس جمهورية البلد..!!
الطاهر ساتي انت جادي في السطرين ديل ؟؟؟!!! يعني الرئيس مؤهل أنه يكون في منصبه؟ القصة دي عادية …غيض من فيض المسيرة القاصدة واللبع بلا فهم ….
المستفز كلامك عن فساد السلطة الرابعة …الجديد شنو؟؟ ما كلها فساد من سياسة لي رياضة لي بيزنس …لن أجنح للتشكيك في مصداقيتك لكن اعمل عقلك وانتبه هذا هو المقدار الذي تريد الحكومه اظهاره للرأي العام منذ افتتاح العرض المسرح المسمى مفوضية الفساد ..بمعدل قضيتين شهريا للتنفيس وعشرات التصريحات لإعادة الشحن وما بينهما نهب يجري على قدم وساق.
المساكين يموتو بالملاريا
اين العدل:lool: :eek:
يا أخ أحمد عثمان الطاهر
عايز أسألك لانو الامر اختلط علي والله
هل انت بي كلامك ده قاصد انك تستعمل اسلوب ساخر ولا انت …….. ,؟
مع الاعتذار للاخوة- انا آسف جدا
شيخنا الكريم الورع محمد ابراهيم الطاهر
هل وصل لك هذا الفساد
ام لم تتحقق
وكفى
ان لجهنم ذفرات
لا يوجد فساد ان كان هذا العلاج يقدم لكل مريض سوداني
اما ان كان لا يقدم لكل مريض سوداني
فالله يتولى الكل
البلد بلدكم و المال مالكم و اسرحوا على كيفكم بس فى رب بيحاسب
ما حكومه فاسدة و برلمان ضلالى …
فى مساجدنا تلقى الامام ليس ما تم السلام تلقى المسجد كله وقف يطلب المساعدة واحد ابنه محتاج لعملية و اخربنته و اخر زوجته و اخرامه و و و
وطبعا العملية بالشئ الفلانى و يكون مشى ديوان الزكاة و انتوا عارفين تعالى بكرة تعال بعد بكرة و المسلسل الذى لا ينتهى لكن هل المريض
يقدر يصبر والله العظيم لو كافر شاف حالنا ده يحن علينا لكن حكومة
التوجه الحضارى عامله اضان الحامل طرشه ,والله العظيم مصيبة
و حلت بالسودان تووووووووف عليكم, اللهم رقدم رقدة اريل شارون
ومازال السيد الرئيس يبكي لانه لا يدرى بحجم الفساد الذى يحمية هو وقبيله…لك الله يابلد …
دايرين تقولوا لينا المتمردين ديل مجرمين مخالفين للقانون ماليهم حق يتمردوا اذا كان التمرد علي القانون عينك عينك بعدين اي زول في البلد دي محتاج اذا كان المال العام بلا رقيب فكل مواطن ليهو الحق ان ينتهج السياسة ويتمرد عشان يعيش ووو.وبتاع المالية قال هو لايعلم ودي وزارته طيب هو عارف شنو ؟ وتمت مخاطبة الخارجية باي صفة ؟ اذا كان الدستوريين وعائلاتهم بتعالجوا في ساهرون وغيرها من مستشفيات
عاجل الشفاء للولد و عقبال دارفور ياود البلد ..
محمد على- نيالا
e-mail:[email protected]
رئيس الوزراء البريطاني ديفيد كاميرون و الوفد المرافق له في زيارة لدولة الامارات ، يركب طيران الامارات و في الدرجة السياحية .
عندها عرض الإماراتيون ، وهم أهل كرم وضيافة ، على رئيس الوزراء البريطاني ، أن يحصل على مقاعد في مقصورة الدرجة الأولى ، رفض بلطف ، مؤكداً أن بلاده التي تمر بأزمة اقتصادية ، تقتضي ربط الأحزمة ، تستدعي أن
…يكون هو القدوة في تخفيض الانفاق الحكومي
بلاااااااا تعلييييييييييييييق;( ;( ;( ;(
الظاهر ان الرجل متخصص في ابتزاز النساء
اخى الطاهر ساتى
اطن الموضوع ده لوكان عن شايقى ولاجعلى كان اصبح الموضوع مفخرة للوطن لكن عشان الوزير غرابى كترت سكاكينكم ما الحرامية كتار والوثائق اكتر والبلد غربت من زمان
نتمنى أن تكون العملية نجحت والولد رجع ليه السمع .
عشان إسمع كلام الغلابة وكسرة أبوه في موضوع الكسرةالرهيفة .
والله يا جماعة كان مفترض العملية دي يعملوها للوزير نفسة عشان يسمعنا مرة.
أتأمرون الناس البر وتنسون أنفسكم !!!
الله يكون فى عونك يابلد …….
هل تعلموا اخوتى ان هنالك قانون يكفل لاى شخص شغل منصب دستورى اتحادى ام ولائى يحق له العلاج هو اسرته مدى الحياة مجانا فى المستشفيات المدنية والعسكرية و هذا القانون سارى …..
انا شاهد على ان هنالك وزير سابق بولاية كسلا ترك العمل الدستورى قبل اكثر من 10 اعوام و يرسل فواتير علاجه هو و اسرته و تصدق له ….
اللهم ظلمونا و انت فى كرسى عدل فخذ بحق كل من حرموه حقه اروى لكم قصة هى غصة فى حلقى منذ كنت طبيبة حديثة التخرج فى الحوادث حضرت طفلة 8 سنوات بحريق من بابور جاز كانت تحاول اشعاله لتحضر الشاى لوالدها امها كانت فى عمل يومية و كذلك والدها عامل بسيط المهم كانت حالتها سيئة جدا و تدهورت صحتها لانها كانت بحاجة لعناية خاصة بالجروح مما ادى لالتهاب و تسمم فى الدم و اخيرا مشاكل فى الكلى و طبعا كانت تواجههم مشاكل متعددة اولا امها فقدت مصدر رزقها لوجودها فى المستشفى مع طفلتها و كذلك الوالد قلت موارده لغيابه المتكرر و لم يستطع ان يوف بتكاليف العلاج اضف لذلك تشرد بقية الاطفال عند الجيران و الاقارب و رغم اننا كنا سودانيين بجد تصورو طوال بقائهم فى المستشفى كانو يعتمدو فى الاكل و التكاليف البسيطة على المرافقين الموجودين فى العنبرمعهم و قدمنا كل التسهيلات التى سمح بها نظام المستشفى حينها و بعض الادوية كان يحضرها اطبا ءالعنبر لكن مع ذلك لم نستطع تغطية كل التكاليف و الكشف التكافلى كان شبه يومى لومضة وهذا اسمهاو اخيرا احتاجت لعملية اضطرت اهلها لبيع اى شى موجود فى بيتهم حتى العنقريب و رغم المحاولات لم نستطع اسعافها و فقدناها فى يوم اسيف ابكى مستشفى الخرطوم عن بكرة ابيها لانها كانت تنازع فى سكرات الموت و هى تنادى يما عليك الله ودونى العملية حتى بعد مرور 17 سنة ما زلت اذكر صوتها و منظرها و انا ابكى اثناء كتابتى هذه الحروف .روح ماتت لاجل عملية ب 176 جنيه و ابن وزير المالية يتعالج فى واشنطن ب32 الف دولار ….الله الله عليكم يا ظلمة
اتقى الله يا سعادة الوزير … الخلافة الراشدة التى تتشدقون ادعاءا بالاقتداء بها فعلت الاتى عندما علم اصحابها مخالفة المصدر للشريعة … لقد ادخل سيدنا ابوبكر الصديق – رضى الله عنه و ادخل يده فى حلقه مستفرغا كل ما فى بطنه لاستخراج لقمة اكلها و شك فى مصدرها . و امير الموءمنين نزع من ابنته عقدا استعارته من بيت مال الموءمنين اعتمادا على انها لا اساحقه شرعا .. اما الدكتور فقد خان شيوخه و قادته فى الحزب الاتحادى الاصل فماذا ترجون منه
اتمني لابنك العافية
المعلقين لايعرفون معاناة وزير المالية في بلد به مليون مقاتل
وجيوش من الدستوريين
انا اتفهم حجم معاناتك سيدي الوزير
والمبلغ مش كتير علي ولدك
ولا علي معاناتك بس اتمني ان تكون فعلا مهموم بهمومنا
عشان كدة حللوا الربا من داخل المجلس الوطنى.؟ نساْ ل الله الهداية للجميع::lool:
المستشار الرئاسى احمد بلال عثمان النبى تحكى لينا عن قصة الرشوة الاستلمتها فى دبى و كيف اتسرقت الرشوة ومن سرقها الى كل من لا يعلم الرشوة سرقوها بنات الليل لو عاوزيين ابسط ليكم اكثر (الشكش سرقوا مبلغ الرشوة) و اذا كنت ما عارفيين سكوا الموضوع و تعرفوا اكتر.
واللة لصوص ونهابين وهمباتة
الاخ/ ود الدقس ، الخطأ لا يمكن تبريره بان الشخص من الجهة الفلانية. هذا الوزير قربيبي و انا مطلقا لم و لن اويدة فى مثل هذا العمل. كان الاولى به دعوة اهله و اصدقاءة لعمل تبرعات له او يبع بيته فى المجاهدين لعلاج ابنه. لكن رحمة بهؤلاء المساكين من السودانيين ، لا يمكن ان انفق 32 الف دولار عى شيئ شخصي و اسدده من مال الدولة و لو كان ذلك حقا من حقوقى و وضع فى دستور الدولة. هذا الرجل ليس لصا وهذه شهادة لله و على ما نعرفة ( و من يكتم الشهادة فانه اثم قلبه) ( و من اظلم ممن كتم شهادة عنده من الله) ، فهو لعدم لصوصيتة يحاول ان يستغل كل من يعتبره حقا مشروعا له. هنا يكمن لب الموضوع ، القادة لا يتصرفون هكذا . مع كل الشواهد التي تدل بان العصبة الجهوية التي فى الحكم تسرق الدولة و مقدراتها نهارا جهارا ، لكن هذا لا يعطي الشرفاء ، اي كانت جهتهم،و مهما كانوا ، ان يتصرفوا بالمثل من اللصوية او بالبلاهة التي يمارسها وزير المالية اعلاه. دولته يحكمها الانانيون و اللصوص و الناقصون و المنتقصون و الجبناء و الاغبياء ، لا يمكن ان يكون لها شأن ، مهما علا زعيق و نعيق شعبها .
دة ابن وزير وهاكم دة والدتى مريضه يشهد الله بصداع مزمن او نصفى بعد كمية من الفحوصات بالمستشفيات الولاية {عطبرة}وصرف جوالات الحبوب التى مدتها منتهية ليها سنين علمت لها التهاب مزمن فى الكلى قررنا ان ناتى بها لمحل الريس بنوم والطيارة بتقوم ذهبنا الى السلاح الطبى ببطاقه اخى لانة يعمل هناك بالتامين الصحى
قابلنا الطبيب العادى الفحص طلع تمام قلنا الحمد لله -بعد هبشت فى الكمبيوتر قالت تمشى المحوله عشان نطلع من الحوادث وندخل المحوله بتاع الباب حلف بالتبقيهو كوز مايدخلنا دة باب الموظفين ونحنا ومعانا الحاجة نمشى بى غادى يعنى نطلع برة الحوادث ونصل قصر الشباب والاطفال حتى ندخل من جديد عشان ندفع رسوم العبور للصحة والعافيه علماً بان اخى معهم لانه ماعندو كبير فى السلاح الطبى وزول نكرة بمعنى الكلمة -وصلنا المحوله بعد ساعة والحاجه صابرة وتسال لسع ماوصلنا المحوله دى ؟ قالت انا تعبت عاينت اقرب بيتش {رصيف }جلست عليه قالت امشى شوف الحجز وتعال وارينا كان مامشيت لقيت انو زمن حجزى يوم 25/7/2011 حتى يتم لها مقابله الاخصائى فقط لو كانت حالتها غير مستغرة اما اذا كانت حالتها مستقرة مابقابلك الطبيب الاخصائى دة حسب كلام الطبيبة .
اها رايكم شنو والدتى لاابوها وزير ولااخوها مدير ناس غبش من الله ولى الله تموت بالكلى ولا مغسة سااااكت على ولدها الذى افنى عمرة واقل حاجه يقدمها ليها انتظار شهر حتى تقابل سيادتو/ اللواء احمد بابكر كبلو اخصائى الكلى والباطنية .
شفتو المغايس والمرائر افيدونى بالحل شنو ؟؟؟؟
– بعدين القعاد فى البلد مابنفع مع ناس الاقاليم .
موضوع تافة لايستحق المزكور وزير مالية وهذا يدل علي نظافة الرجل لانة ماعندة حق العلاج ومن حقة كوظيفة وكل شي باوراق رسمية والفنانيين وغيرهم اتعالجو ياعالم شوفو مواضيع اكبر من ذلك
ياجماعة مافى داعى للشوشرة الميلغ دا اعتبروة دين على الوزيروحايسددو ليكم 500دولار500دولارلاحدى مايحلكم بس قولو الله يكثر السفريات
انا قبل كم يوم سمعت اب جاعورة بيقول مافى فساد والعندو مستند يقدمو وفى صحفى ولق لق لق لق قعد يلقلق كانو بيحل مشكله 000 اها قل ليو ورينا ح تعمل شنو يا بتاع لاهى
وفد على الخليفة عمر بن عبد العزيز رسولٌ من بعض الآفاق.
فلما دخل دعا عمرُ بشمعة غليظة فأُوقدت. وكان الوقت ليلاً.
وجعل عمر يسأله عن حال أهل البلد، وكيف سيرة العامل، وكيف الأسعار، وكيف أبناء
المهاجرين والأنصار، وأبناء السبيل والفقراء،
فأنبأه الرسول بجميع ما عَلِمَ من أمر تلك المملكة. فلما فَرَغَ عمر من مسألته،
قال الرسول له: يا أمير المؤمنين كيف حالُك في نفسك وبَدَنك، وكيف عيالك؟
فنفخ عمر الشمعة فأطفأها،
وقال: يا غلام، عَلَيّ بسراج.
فأتى بفتيلة لا تكاد تضيء فعجب الرسول لإطفائه الشمعة
وقال: يا أمير المؤمنين، فعلتَ أمرًا حيّرني.
قال: وما هو؟
قال: إطفاؤك الشمعة عند مسألتي إياك عن حالك؟
قال: الشمعة التي أطفأتُها هي من مال الله ومال المسلمين، وكنت أسألك عن أمرهم
وحوائجهم وهي موقدة، فلما صرتَ لشأني وأمر عيالي أطفأتُ نار المسلمين!!!!!
ما رأي علماء السلطان الذين يعتلون المنابر دون اذن منا و يحدثوننا عن الدولة الرسالية
وكتائب المجاهدين واعداء الوطن من الشيوعين والعلمانين ..ووووو النقة والنفاق….
هل دينهم هو دين خليفة المسلمين عمر بن عبد العزيز نفسه ام جاؤنا بدين جديد ؟؟
أخخخخخخخخخخخخخخخخخخخخخخ
اللهم أشف جميع مرضى المسلمين.
كان ينبغي على الوزير أن يسلك الطريق الصحيح لعلاج إبنه بالخارج ولكي يبرئ ذمته يجب عليه إعادة المال العام أو بعضه جزاء للمخالفة.
الوزير رجل نزيه على الأرجح بشهادة البعض ولكن صدقوني أن الفساد يبدأ بمثل هذه الممارسات وربما يكون صادقا بعدم علمه لأن الشباك تنصب ببراعة لجر كل نزيه للفساد ولكي "تكسر عينه" لأن وجود نزيه بين فاسدين قلق عظيم.
انتوا الحكومة دي ماتلم ورقها دة
ياجماعه سؤال هل تم شفاء أبن السيد الوزير وده المهم فى الموضوع -كيف عشان نقفل حكايه الاردن ديه ونودى الناس تانى امريكا واوربا محل العلم -شايفكم انشغلتوا عن الموضوع الاساسى وهو نتيجه العلاج-
ولكن ثمة سؤال لسادة لجنة الإعلام بالبرلمان ومجلس الصحافة وإتحاد الصحفيين : هل من رد فعل في قضية فيها مستشار الرئيس يعترف – كتابة بخط يده – بأنه نجح في إقناع أحد الصحفيين بعدم نشر وثيقة مخالفة حدثت في وزارة المالية ؟.. فالقضية ليست بمخالفات وزارة أوإبتزاز مستشار فقط، بل فساد السلطة الرابعة يتجلى في سطور وثائقهم..
وما الغريب في الأمر فقد باعت صحيفة التيار من قبل قضية المغترب السوداني خالد ووالدته لمصلحة المستشار زاته وهمشت قضيته من أجل بضعة مواضيع وعدها بها المستشار في حال قامت بتمييع القضية وقد فعلت بجدارة ، ونسي الجميع أمر المغترب المسكين ولم تتحرك الحكومة بأية أجراء ناحية المستشار لآن الطرف الآخر مجرد مواطن مسكين خدعه مستشار ربما تمت ترقيته لمهارته الفائقة في خداع غير المنتمين لهذه الحكومة الفاسدة اولا يشغل وظيفة هامة في حكومة الإنقاذ . سوف تموت هذه القضية كسابقتها التي فجرها الصحفي النزيه الطاهر كماونسيها هو أيضا
تمنياتنا بالشفاء لإبن الوزير ولا عزاء لعامة الشعب فليمت الجميع إيه يعني !!
طيب رد الحكومه شنو ولا احتفظو بحق الرد؟؟
ياود ساتى والله شجاع لكن ياخوى شوف ليك جحر ادخل فيه (قبل الليل مايجى)الله يحفظك
يا جماعة الوزير دا حالو مكشوف مالو
نصيحة مني شوف اخوانك الوزراء الاخرين بيعملو شنو وأعمل زيهم
عشان ترتاح وتريحنا معك!!!!!!!!
قروش شنو عند الحريم (بدور منى دى وصلونى ليها)
والله حرام عليكم لمتين استحم الشعب السودان اخطاء الحكومة من بيع دماء الشهداء لفصل جزء عزيز من ارضنا والان سرقت اموال الشعب السودانى العفيف النقى بعدا دى نهاية الحكومة على الشعب السودانى ان يحدد مصير حياتو بعد 9/7/2011م اما ان يواصل مع السفاحين والحرامية اما ان يعد نفسة لثورة شعبية وان يحاسب الحرامية ويقدمهم لمحاسبة ان يقدموا لمحكمة الجنائية الدولية لتحاسب 51شخص .
وسخ
المشكلة في عقلية الكيزان، إنو ده ما فساد!!
بالعكس!
تصديق مني ابوحراز لابن الوزير في ثقافتهم قمة الولاء لعضويتهم!
وتوقيف احمد بلال للصحفي قمة الاخلاص للنظام ضد منتقديه!
ومساعدة احمد بلال لاهل قريتو دون الاخرين قمة الوفاء!
يا عاااااالم الناس دي اخلاقهم براهم
انعل ابو السلك ياااااااخ
والله لكم يوم ياحرامية يانصابين نشفتو البلد والشعب .. ماقادرين توفرو حق الاسبرين للمواطن الغلبان وتتعالجو فى الخارج ب 33 ألف دولار وفى أمريكا كمان الله الله أنتقم منهم يارب وزير المالية معرس مثنى وثلاث ورباع والواحد شاب مكموت بالفحولة عاطل عن العمل ما لاقي الواحدة أنظرو الى المقابلات التى تمت فى بيت وزير المالية التحف العجيبة والكراسى الجخ واللالى والنجف المعلقة على الاسقف والجدران هل إن جلستم فى بيوت أبائكم وأمهاتكم يأتيكم هذا النعيم يا خونة الامانة يا مرتزقة يا معدومى الضمير والحس يجب محاكمة وزير المالية بالتجاوزات المالية وما خفية أعظم ومن يحاسب من شر البلية مايضحك ويتكلم عن الشفافية وترشيد أستهلاك الوزراء وهو الهامور الكبير بالوعة المال العام وإنكشف أمره من مدير سوق الاوراق المالية ودى أدانة تانية والبحث عن كيف سربت الوثيقة الرسمية وناسى موضوع السرقة وغسيل الاموال الذى يمارسه من موقع سلطته الرسمية .. الله يهون قواصى الشعب بحاكم عادل يختص حق الشعب منهم يارب أمين …
حوار بين وزيرين سوداني وامريكي :
السوداني كيف تسرقون شعوبكم ؟؟
الامريكي : شايف المشروع دا ؟؟
السوداني : نعم
الامريكي :هذا يتكلف مليار دولار ..لكن نصرح انه يكلف مليار ونصف
السوداني : شايف المشروع دا ؟؟
الامريكي :لا لا اري شيء
السوداني : يا عيني عليك دا بكلف ب5 مليارات
هي للة هي للة هي لله لا لسلطة لا للسلطة ولاللجاه هكذا كانوا يهتفوا واين ؟؟؟؟فببيت من بيوت الله ومتى ؟؟؟؟؟؟؟ بعد صلاة الجمعة بعد عودته من الصين كيف وصل بهم الاستهذا بالدين ولكن (يمكرون ويمكر الله والله خير الماكرين) عندما اتوا السلطه قالوا عند الحكومه التي اسقطوها ( انهم نسوا الله فانساهم انفسهم) وياليتكم نسيتوا الله فقط بل عصيتم وعستم في الارض فسادا . كيف يجروا انسان في قلبه ذرة ايمان علي ان يطعم اهل بيته حرام وينام ملئه جفونه وهو عالم في الدين يدعوا الناس للفضيله وهو بعيدا عنها اشدة البعد والله لقد ظلم نفسه قبل ان يظلم الاخرين. ( وإن تدع مثقلة إلى حملها لا يحمل منه شيء ولو كان ذا قربى ) …
ولله ولله ولله ابنك الذي عالجته باحرام لا يحمل عن شيء من ذنوبك هذه يوم القامه وان دعوته الي ذاك . ونحن ندعوا الله ان يعجل في يوم حسابكم امين يارب العالمين
لك كل التحية استاذ الطاهر ساتي وكما عودتنا ها انت تفاجئنا من جديد بمهنيتك العالية جدا واللتي نفتقدها في وسائطنا الاعلامية ، ولكن عندي تساؤل وهو لماذا ل تنشر مثل هذه الاعمدة في الصحف السيارة طالما انها حقيقية ومهنية ومطابقة للواقع
رينا يشفي ولده
بس اهم حاجه ما تكونوا سالتوا قدام الناس =دي تكاليف علاجك ولدك?= ما تحرجوا الراجل ساي يا جماعه..جروا بجمبه كده واسالوا
ياوزير لوكنت تعلم فانت كذاب بل مختلس ولو كنت كما قلت لاتعلم (وطاتنا اصبحت) كيف لاتعلم دى 100مليون دى 35 بقره حلوب تسدحاجه 35اسره فى7افراد يا وزير عمر بن عبدالعزيزاطفأ اللمبه (ام خيط )(حبوبه ونسينى) طفأ السراج لانه من جاز بيت المال واوقد اللمبه الخاصه به وسامر جليسه (هى لله يجب ان نراهاتمشى وتتكلم ) انصحك بارجاع المبلغ والاستقاله اما المستشار فامره عجب (والله دا كلام عجيب الناس ديل كلهم فى الموضوع ده كلهم حمله شهادات وكبار فى السن وكمان مليانين قروش) ايه يعنى لو تبرع هذا ب ال 100 وذاك عالج ابنه من جيبه حا يفلسوا يعنى وبعدين يا منى ويا كل من وقع لو المريض اغبش تربالى شماشى راعى مزارع عامل من عامه الناس كان يا منى وقعتى بدون علم الوزير اتقواالله:confused:
والله يا عمر البشير نحنا خايفين عليك من النصابين الحولك ، لكن فساد هؤلاء لا يعفيك من المسئولية ،أمام الله فكلكم راعى وكللكم مسئول عن رعيته ، فساد هؤلاء الذين يتشبسون بالسلطة والذين قسموا السودان بحجة إحلال السلام ، وحالياً أصبح الوضع أكثر تعقيداً تقسيم بلد وعدم سلام ، وسرقة أموال الغلابة الناس بموتوا بالملاريا وأولاد المسئولين يتعالجوا فى أمريكا بدون المرور على القنوات المتبعة فى مثل هذه الحالات ، والله يا البشير الرأى كل هذه الشلة الفاسدة ترميها فى الزبالة وخليها عسكرية صافية
كنت اقود عربة خلف مستشفي امدرمان قبالة بيت الخليفة واثناء مروري شاهدته طالبة نزلت من حافلة وفجأة وقعت داخل الخور شمال ساحة المولد وكنت الوحيد\ الذي شاهد المنظر اوقفت العربة ورفعتها من الحفرة وذهبت بها الي المستشفي وطلبت من الطبيب ان يفحصها ويسمع اقوالها لكي لا يحصل أي طاري وفعلاً طلب منا الطبيب بعمل صورة وذهبنا للصورة قالوا في رسوم زلام تدفع وكنت لااحمل مبلغ كافي وقلنا ليهم معندنا قروش كافية للصورة قالوا امشوا مكتب التأمين الاجتماعي وذهبنا ولم نجد أي شخص في المكتب وطال انتظارنا ورجعنا للاخت بتاعة الصورة قلنا ليها لم نجد أحد في التأمين وقالت لازم الرسوم واترجيناها وقلت ليها لوكانت عارفه انها حايحصل ليها حادث كانت جات معاها قروش لكن المشكلة انها ماعارفه واترجينها وفي النهاية الاخت عملت الصورة لكن بعد وعود من المريضة وأخذت منها بطاقة الجامعة لازوم ضمان وكان الله في عونك يا بلد
اذا كان كان ده ابن وزير الماليه سرق نصف اقتصاد البلد من اجل العلاج بالخارجمعنها الرئيس هرب الي ماليزيا كل فلوس السودان الله ينطقم منك يالبشير انت وناسك الحرميه
هذه قمة جبل الجليد وما خفي اعظم…… والله دي حكومة في تاريخ الانسانية من زمن سيدنا ادم……. اما نحن فنستحق بجدارة لقب الشعب الخانع المستكين والذليل… قال صلي الله عليه وسلم ان الناس اذا راوا الظالم فلم ياخذوا علي يديه اوشك الله ان يعمهم بعقابه……. سكوتنا هو الذي يشجعهم علي اكل اموالنا بالباطل ….هذه ليست اول قضية فساد ولن تكون الاخيرة طالما الناس ساكتة
انت يا وزير المالية ما بتتوب ما عارف الناس دي بقت ما بترحم، البوديك تعمل عملة زي دي شنو، والله الواحد بقى يحن عليك من الزرزرة البزرزروك ليها خلق الله الزهجانين ديل، والله انا في مكانك استقيل طوالي… ولا واحد قال ليك ولدك سلامتو ما في…. ربنا يشفيهو ويشفي جميع المرضى… لكن عمايلك دي حقو تبطلها عشان ما تدينا فرصة فيك…
ده ولد المرة الاولى ولا الثانية ولا الثالثة, الكبيرة ولا الصغيرة؟
والسؤال هو الصحفى ليه مشى للمستشار اصلا ؟؟؟ علاقته معاه شنو ؟؟وهى المسألة التى حاولت يا ساتى القفز فوقها ؟؟؟؟؟؟؟
اننا ان كنا سنتعاطف مع ابن الوزير المريض فاننا في ذلك ننطلق من الانسانية التي نتشارك فيه مع كل ابناءنا المرضى من اطفال السودان، لكن الامر شاهد على ان المرجعية الاخلاقية لحكم الانقاذ والكيزان منتهي وفاقد للبوصلة الانسانية التي يتأسس عليها العقد الاجتماعي للدولة كمفهوم.
أنني اتسائل أين أولئك المتداخلين الذين مجدوا وهللوا للرئيس في بوستات غزوة الصين وخطاب الكراهية بمسجد كافوري؟ اننا نشفق عليكم فالعدل اساس الحكم وحكم الانقاذ والجبهة لم يكن فيه يوماً عدلاً!
نصيحة: كونوا اكثر انسانية ..تكونوا اكثر حكمة ..تكونوا اكثر عدلا.. تكونوا اقدر على الحكم!
الوزير متزوج قريبتي واهم شيء انو الولد ما ولدها والوزير ما غلطان ولا حاجة في علاج ابنه او الاتفاق مع سوق الاوراق المالية فهو يعول اسرة من ثلاثة نسوان باولادهم ، كيف يأمن مستقبلهم ، والخطأ هو خطأ الصحافة والمتشارين امثال احمد ابراهيم الطاهر بيقفلوا عين ويفتحوا عين اما الذمة فهيي لستك وانتو المزعلكم شنو البلد بلدهم وهم سيادها وعينكم للضل وتطعنوا في ضلوا امشوا اتكلموا مع وداد بابكر او الجاز او نافع او عبدالرحمن الخضر والقائمة تطول .
قالوا وزير العدل زول كويس ما تمشوا تشتكوا ليه ……. يا جماعة الازمة في السودان ازمة ضمير وكل واجد تبوأ مركز لابد من استغلال مركزه .
ابن الوزير لا ذنب له والعيب في الشعب السوداني الذي يري مثل هذا الفساد سواء من الوزير او الرئيس او حاشيته او منتسبي الحكومة ومخالفات جهاز الامن والوزراء بلا استثناء ، ومع ذلك يسكت الشعب ولا يتحرك ويكتفي بالتلميح عبر الصحف الالكترونية فقط .
عليكم السلام يا شعب السودان الذي كان
حرام :eek: ( ) اتقؤ الله
وزارة المالية اللعب فيها كله في يد مني أبوحراز، شخصيا جربت الإنتظار والمداومة بالشهور يوميا في الوزارة بغرض الحصول علي توقيعها بغرض الحصول علي إعفاء جمركي لمستوردات منظمة طوعية تعمل في دارفور والمستوردات أغلبها أدوية وغذاء للأطفال، وكانت ترفض وتتمنع مع أنها كانت تذهب لأمريكا علي حساب الوزارة كما نذهب نحن للكلاكلة .. الآن هي تخطط لأن تصبح وزيرة المالية في الجمهورية الثانية ..
دعاء على حكومة عمر البشير الظالمة
اعفص هنا
http://www.youtube.com/watch?v=nywUFtAGY6o
لعنة الله على الكيزان تجار الدين المنافقين
قالوا متألم شوية ياخى بعد الشر عليك
النضارة الفي شبابك والطفولة الفي عينيك
والقلوب الحايمة حولك يا حلو تتمنى ليك
بكره تشفى وبكرة نفرح يا حبيب ( الشعب ) بيك
ياخى بعد الشر عليك
انت ما شبه الدموع انت ما شبه العذاب
انت ما كلك عواطف انت ما كلك شباب
العمر عندك أسير والعمر غيرك سراب
ياخى ياخي بعد الشر عليك
مافي حل !!!مش المسبار ده او المسشار اتحادي!!! وترضيه وكده وعايم في حكومة السماسره!! مافي فايده البحر من امامكم ومن خلفكم!!! ومعليش الوزير لايدري !!! القاعدين ليها شنو اذا وزير ماليتكم لايدري ذي ماقال القذافي زمان !!مالسودانيين ماعندهم قروش وعاملين وزارة مالية!!!اسه نحنه وزيرنا لايدري وقاعدين منتظرين الحكومه بتسوي شنو بعد الانفصال!!!:lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: ومعليش ياود ساتي ناس الوطن ديل من زمان مشهورين بالابتزاز بس نسو شنو!! هو في سلطة اولي عشان يكون في رابعة!!!
أظن وبعض الظن إثم إن هذا الرجل قد جئ به لهذا المنصب ليس إعتباطا فقد يكون فى مهمه كبيره وإكتشف الورطه فحاول أن يأخذ المقابل..فقبل أيام كانت قصته والصحفى وسوق الأوراق الماليه ومديره الذى لو تم عمل الموكيت لمنزله ومكتبه من القروش لكان هنالك باقى والذين يتناولون هذا الأمر كدلاله على الفساد وخراب الذمم أظنهم لم يرو من البعير إلا أذنيه فالذهب الذى فشل تخزينه فى لندن حكايه والعمارات حكاوى .والله وأقسم بالله من كانت لديه قناعه بأن هؤلاء القوم يؤمنون بالله واليوم الآخر ويكنزون هذه الملايين فأنا أفتى أن لاإيمان لمن يقتنع بإيمانهم ولو ساروا على سطح الماء..;(
المشكلة وين طيب دة عادى الاستاذ الطاهر ساتى اشفق عليك ان تموت كمد لو حملت هموم شعبى
اسهل شئ تعملو ترقوا تيتاوى . وفتحى شيلا باع واشتروة السعر كم مش مهم المصلحة الشخصية مقابل ماتبقى من الشعب السودانى