خلونا شُطَّار في الفرح( قصيدة)
بسم الله الرحمن الرحيم
رغم الذي..رغم التي..
رغم اللي كان
رغم الغبار ..رغم الضباب ..
رغم الدُخَان
رغم السَموم..رغم الهموم..
جور الزمان
خلونا شطار في الفرح..
نفتح صدورنا على العبير
كورال مع الطير والفراش
والزهر والحقل النضير
بي عام جديد..نفرح نطير
قدر الظروف
بي كيس تسالي مع الوليف
بي بسمة حلوة مع الصباح
أو قهوة أو كوب من عصير
نتهادى بيهو ..نغني ليهو..وبي أمل..
نمزج حنين الدنيا فيهو..
وقفانا للزمن العبوس..
نرفع شعار
لا حزن ممدود لى وطن
بل بالأمل تشرق شموس
جوانا طاقات للفرح
للإنتصار
لي لقمة لى كل الجياع
كراسة لى تلميذ ..على سور مدرسة
لى حبة بتشيل الصداع
لا دانة بتشتت أسر..
لا غارة بتصادر أمان
قمرية تصدح بي نشيد
وطن الجدود..اليوم نرفع راية استقلالنا
والعدل والحرية غنوتنا التي..
تهب الصغار..معنى الحياة
خلونا شطار في الفرح
خلونا شطار في الفرح
معمر حسن محمد نور
1/1/2016
بي عام جديد..نفرح نطير
قدر الظروف
بي كيس تسالي مع الوليف