نظام البشير : تفاؤل حذر لمحادثات رفع العقوبات الامريكية
(سونا) – كشف مساعد رئيس الجمهورية المهندس إبراهيم محمود حامد نائب رئيس المؤتمر الوطني لشئون الحزب عن محادثات سودانية امريكية بشأن العقوبات الاقتصادية المفروضة علي السودان.
وابدي في التنوير الذي قدمه لقادة العمل الاعلامي بنادي النفط مساء اليوم تفاؤل حذر من توصل هذه المحادثات لاتفاق لرفع العقوبات على خلفية الوعود الامريكية السابقة للحكومة السودانية المتعلقة برفع العقوبات ولم يتم الايفاء بها.. وقال ان رفع العقوبات مسئولية الرئيس الامريكي ، مشيرا الي ان السودان تحدث مع الجانب الامريكي في تنفيذه لوقف الحرب ومكافحة الإرهاب ومحاربة الاتجار بالبشر وموضوع جنوب السودان. بينما عرقلت امريكا مسألة اعفاء ديون السودان ومنع السودان من الحصول علي اربعة مليار دولار نتيجة للانفصال.
يا جماعه انتو دايرين تفهموا البولوتيكا الامريكية والاسرائيلية ولا عايزين تغشوا نفسكم ساكت
ياجماعه بعد ان تم فصل الجنوب بالابتزاز بالمحكمة الجنائية وحركات نيفاشا والبرتوكولات الثلاثة كده بقى الجنوب او دولة الجنوب من اختصاص اسرائيل وكمان معاهو اختصاص دولة السودان .. اها قاموا ولعوا دارفور والنيل الازرق وجبال النوبة… وبقى مافي مخرج الا اثيوبيا قدامنه واديناها كل حاجة ودخلت شعبها لبلدنا فوضى واوانطة ساكت وكمان ايدنا ليها قيام سد النهضة الاسرائيلي .. اها دولة جنوب السودان تعبت اسرائيل بحروبها القبلية بين مشار وسلفاكير واسرائيل عايزة تستفيد من البترول الجاها ساهل وعايزه تبني سد في الجنوب زي بتاع اثيوبيا ولكنها وقعت فريسة دعم حكومة الجنوب لمتمردي السودان والعكس دعم السودان لمتمردي دولة الجنوب … وبعد ضربات جوية للسودان وبعد العين الحمره واليد الطويلة قالت اسرائيل تجرب البولوتيكا ونسقت مع امريكا اها قالوا احسن نمد الجزرة للسودان لامن يفرح وينحني كويس نديهو بالعصا الغليظة في مؤخرته
ما تحلموا لا امريكا ولا اسرائيل بيطبعوا معاكم ده لعب ساكت وماسكين ليكم المطلوبات لتحسين العلاقات ولو قال المؤتمر الوطني ينفذ 1% من المطلوبات دي تاني يوم بيدق الدلجه
فهمتوا بالسهل الممتنع كده ولا لسه نزيد
امريكا كلامها واضح لن ترفع عن الاخوان المسلمين الحظر طالما ان الزئيس مطلوب للعدالة وان هناك حرب تدور رحاها في اجزاء متفرقة من البلاد
اذن اذا اراد هذا الحزب خيرا للشعب فعليه اعادة الدولة المخطوفة بانقلاب منذ1989
وارجاع الديموقراطية
واي كلام غير كده تطمين للشعب ليطول عمر النظام المعزول دوليا وداخليا