سجن وتغريم صبي شج رأس رجل عاكس شقيقته
بحري – أصدرت محكمة الأسرة والطفل بحري حكما قضى بالسجن شهرا في مواجهة صبي لضربه رجلا بزجاجة في رأسه لأنه عاكس شقيقته أثناء سيرهما في الشارع العام، وألزمت المحكمة المدان بدفع غرامة (500) جنيه ودفع مبلغ (1.640) جنيه تكاليف العلاج، وحسب الاتهامات التي قدمت بها الشرطة المدان للمخاكمة بأن بلاغا دونه الشاكي لدى الشرطة قال فيه بأن المدان اعتدى عليه وضربه بزجاجة على رأسه ما سبب له الجراح مما استدعى نقله للمستشفى بموجب أورنيك جنائي لتلقي العلاج. باشرت الشرطة تحرياتها وألقت القبض على المدان، وأخضعته لتحقيقات أقر خلالها بأنه والشاكي كانا يسيران في الشارع العام وقام المجني عليه بمعاكسة شقيقته الأمر الذي دفعه لأن يتناول زجاجة ويسدد له ضربة، واعترف المدان أمام المحكمة بجريمته واتهمته المحكمة بتسبيب الأذى الجسيم وأوقعت عليه عقوبة السجن والغرامة ودفع تكاليف العلاج للشاكي
اليوم التالي
عافي منك والله راجل ولد رجال وراضع لبن امك صح … السجن بتاع ناس الحكومة دي شهادة برجولتك والله وغيرتك على شرفك … اكتر حاجة عجبتي فيك اعترافك امام المحكمة بضربك للخائب دا
هسا يا خوانا حسب القصة المنشورة دي المفروض يتحاكم و يتعاقب منو التافه الحقير العاكس البت ولا اخوها الدافع عنها و عن شرفو و شرف سودانيتو والله فعلا عدالة مافي و لازم الوسخ الحقير دا يكون ليهو علاقة بالمؤتمر الواطي عشان القضاء الاوطى منو يحاكم و يعاقب ليهو زول دافع عن شرفو و شرف اختو و الغريبة مافي محامي عندو شرف في البلد دي عشان يتولى الدفاع عن الولد دا .. و دا ياهو الدايرينو الكيزان و نحن ساكتين زول تمتهن كرامتو و شرفو و لما يدافع عنو يدخلوهو السجن و ليهو حق حرامي الازاعة و التلفزيون يتبجح و ليهو حق مطلوب العدالة الدولية يتراقص فهذا زمان المهازل و حسبنا الله و نعم الوكيل .
اعان الله الرجل الصبى وفك اسره ولو فعل كل شخص مع الظلمة هذا السلوك لعاد السودان الى سيرته الاولى ولتوارى اهل الفحش عن الانظار واصتقام الوطن