قوانين النظام العام هي كرباج الكيزان لترويع الشعب السوداني
قوانين النظام العام هي كرباج الكيزان لترويع الشعب السوداني
عبد الواحد احمد ابراهيم
[email][email protected][/email]
ملحوظة: ان هذه القوانين قوانين النظام العام وامن المجتمع لم تتوقف وسوف لن تتوقف ابداً مهما تدخلت منظمات المجتمع المدني محلية وعالمية ومهما ظلت تنادي المنظمات الحقوقيةالداخلية والخارجية طالما هناك في حكومة كيزان وطالما هناك في مستفيد من تركيع هذا الشعب واهانته وذله………. لن تتوقف هذه القوانين الا بانبعاث ضمير هذه الامة وصحيانها لدك حصون الدكتاتورية والشمولية الاصولية والصلف الذي تمارسه حكومةالبشير وكنسها من الوجود
القاضي لشرطي البلاغات
اسمك مين
فلان بن فلان
ساكن وين
الحتة الفلانية
رتبتك شنو
رقيب شرطة
بتقرأ وتكتب
نعم
ضع يدك علي المصحف
الشرطي يكاد يلامس المصحف مع رهبة بينة وواضحة ويلقنه شرطي من شرطة المحاكم يقف خلفه بسم الله الرحمن الرحيم …. اقول الحق كل الحق …… ألخ
القاضي للمتهم الاول
اسمك مين
فلان الفلاني
عمرك كم
35 سنة
ساكن وين
في الحتة الفلانية
قبيلتك شنو؟
م …..
شغال شنو
الشغل الفلاني
بتقرا وتكتب
نعم
الحاصل شنو
حصل كذا وكذا وكذا
وانت للمتهم الثاني اسمك مين
علان ابن فرتكان
عمرك كم
37 سنة
ساكن وين
في الحتة الفلانية
قبيلتك شنو؟
ش….
. شغال شنو
الشغل الفلاني
بتقرا وتكتب
نعم
الحاصل شنو؟
حصل كذا وكذا
القاضي يرفع وينظر في كتيب صغير كان الي جانب منه علي منضدته الفخمه بقاعة المحكمة ثم يدون علي ورقة البلاع ويقرأ …. حكمت المحكمة بموجب المادة 69 من قانون العقوبات السوداني علي كل منكم بدفع مبلغ اربعمائة ج سوداني( 400000ج بالقديم)…. ويصيح شرطي المحكمة رافعا يده ليضعها علي جانب جبينه و ضارباً أرضية المكتب محكمة…… وينفض الحضور تاركاً القاعة
يخرج خلفهم القاضي الي باهة المحكمة لمشاهدة جلد شاربي الخمر الذين اعتقلهم شرطي النظام العام وباتو بحراسة المحكمة ليلة الامس قبل ان يحضروا الي قاعة المحكمة ويحاكموا تحت قانون ومواد الجلد والسجن ليأمر هذا القاضي شرطي المحكمة بالاستمرار في الجلد دون توقف مع نشوة وتلذذ وكبرياء وتعالي واضخ منه
هكذا هي محاكم النظام العام التي يستغلها الكيزان في تجريم السودانيين وتخويفهم تحت مواد مفصلة وتعمل خصيصاً كل يوم وكل ساعة لترويع البشر وبمسميات الازعاج العام للدولة وشرب الخمر والمظاهرات والتجمعات علي ان يقوم قضاة مدربين خصيصاً بتنفيذ تلك القوانين يومياً وتتولي الشرطة مسألة تطبيقها والزام المواطنين المساكين الشرفاء اما بدفع الغرامة او السجن اوالانصياع للجلد في قاعة المحكمة امام اعين من يشاء من الفضوليين في منظر اهاني علني واحتقار مقصود لشرائح المجتمع التي تقع فريسة في ايدي شرطة النظام العام نتيجة مشاجرة او مظاهرة او مداهمة لبيت خمر او تحرش من احد افراد الشرطة لاحد الناس واستهدافه وجرجرته لتجريمه وايقاعه تحت طائلة تلك المواد
مسكين هذا الشعب السوداني …….. فان عمل هذه القوانين والمواد وبصورة يومية منذ أكثر من 23 عام ساهم بصورة كبيرة في تغيير السلوك العام لمعظم السودانيين رحم الله الشعب السوداني واذل الكيزان
كلامك صاح الناس ديل اسوء خلق الله ، كلامك دا زكرني بقصه في شارع النيل حصلت معاي ( كان في 6 بنات كده قاعدين و كانو شكلهم بحتفلو بعيد ميلاد واحده فيهم و كانو جايبين معاهم اكل و تورته و حاجات زي دي و ما كان معاهم اولاد و كانو لابسين لبس محتشم و محجبات كمان المهم جا بوكس بتاع النظام العام علي ما اعتقد ماري و في واحد شاغل واحده فيهم و ردت ليهو قالت ليه يا حيوان وقف و نزل ملازم من البوكس و دفقو ليهم الاكل و التورته و قبض علي 3 بنات و احنا كنا زي 10 شباب كنا قاعدين قريب ليهم لكن ما بنعرفهم المهم مشينا عليهم و البنات كانو ببكو و واحده ضربت لابوها و العساكر بشتمو فيهم بابشع الشتايم ، لما جينا وسالناهم الملازم قال انو البنات ديل عملو ازعاج عام و فيهم 3 لابسين بناطلين و انتو زاتكم حنفتح فيكم بلاغ بتاع ازعاج عام و حنجلدكم و عندنا قزازه عرقي و بنقو لو قليتو ادبكم زياده حنركبكم بقضيه مخدرات و سكر واحنا قلنا ليه اعمل العايزو اثناء ما بتكلم معانا جا عمك سايق كامري و معاه واحد بكلاش وعمك شايل في يده مسدس و طلع لواء في الجيش ابو واحده من البنات المهم عمك دا كفتهم جنس كفيت لما الملازم خشمو ورم ) و انا صورتا الكفيت دا فيديو و قاعد في الميموري كارد عندي ، بغض النظر عن ان اسلوب الراجل دا ما صاح لكن في بلد زي و شرطه متخلفه و همجيه اي زول يتهجمو عليه ياخد حقه بالضراع زي ماقال الحقير نافع .