ارشيف- أخبار السودان

فتحي مادبو: لا تراجع عن إقامة المؤتمر العام لحزب الامة في مايو

الخرطوم: إبراهيم عبد الرازق
أكد رئيس الهيئة العليا للتحضير للمؤتمر العام لحزب الامة بقيادة مبارك الفاضل فتحي حسن عثمان مادبو، إقامة المؤتمر العام للحزب في مايو المقبل، وشدد على عدم التراجع عن ذلك التوقيت.
ونفى مادبو في حوار مع (الجريدة) ينشر بالداخل عدم رغبتهم في الضغط علي حزب الامة القومي، وقال (واجبنا السياسي نحو البلد يتطلب مواصلة العمل)، واضاف (الظروف التي تعيشها البلاد اليوم تحتم علينا مواصلة نشاطنا، ولتجاوز حالة التراخي والسيولة اعلنا عن حزب الامة بقيادة مبارك الفاضل).
ووجه مادبو انتقادات للجنة لم الشمل برئاسة فضل الله برمة ناصر بالامة القومي، واتهمها بالعمل على إقصاء قيادات معينة، ووصف في الوقت ذاته اتهام حزب الامة القيادة الجماعية برئاسة الصادق الهادي، لهم بالسطو على اسم الحزب، بغير الصحيح، وأوضح ان حزبه (الامة) دون اضافة أية عبارة اخرى هو الحزب الذي ظل يعمل منذ العام 1954م.

الجريدة

محتوى إعلاني

تعليق واحد

  1. كلكم متخلفين وتاجروا باسم المهدي كنتو بتبيعو الجنه بالمتر لاتباعكم في زمن الغفله وعلي مدي التاريخ تسرقوا انتفاضات الشعب وتقضوا الوقت في معارك تعويضات ال. المهدى انتهي عهد الرجعيه
    انت وولد الصادق مشاركين الكيزان تفرق آيه لو مبارك انضم وهو أساسا كوز تذكرو انو دا القرن الواحد والعشرون لا مكان للتوريث ولا مكان للكهنوت لن تضحكوا علي الشعب الغلبان مره اخري
    واحد بلغ من العمر اارذله وهرب للقاهره منتظر انتفاضه ويجي متلب رئيس وهاك يا تعويضات ومطالبات لا دا بعدك. الكيزان مازالو يدفعون لكم كما كانو ىدفعون للهالك ابو النسب مدمر السودان
    والله بلد هامله لعنه الله عليكم قال ال المهدي قال مش كده وبس الحبيب فلان والحبيبه المنصوره وال البيت لا ياشيخ

  2. عندي ليكم إقتراح يا أحزاب اللمة: سمعوا أسماء أحزابكم كما تشاءون: بحزب الأمة ،حزب الأمة القومي ، القيادة الجماعية الوطني ، البطني وهلمجرا وورونا شطارتكم والحشاش بملا شبكتو وبطلو العوة والنبيح( والعبرة بالنهايات) ولا تنسو أن الحراك والمرونة في المواقف هام وضروؤي وأنتم علي أعتاب إنتخابات قادمة قريبا ولن يكون هناك عذر أو مبرر لمقاطعتها وإلا ذهبتم أنتم ومناصيريكم إلي الرف وإلي الأبد11111111111

  3. يا أولاد المهدى حكايتكم شنو دواس . وعزة الامام المهدى لو حضركم لقضي عليكم واحد واحد رجل الحزب مؤسس الحزب من 45 الصديق وأبيه عبدالرحمن وتلاه إبنهم الصادق ألحقيقة الاعتراف بها واجب مهما إختلفتوا أخيرا نقول الصادق هو المؤسس وما طرأ من مؤسسات قانونيه وضع اجندة على نمط الأحزاب الديمقراطيه الغربيه
    والغريب فى الأمر أن السيد مبارك نفيه من الحزب ويطالب بعقد المؤتمر فى مايو
    نعرف هو قاعدة وين الان

    أنصارية

  4. فتحي مادبو .. مبارك موقفو ما واضح إنت الوداك معاهو شنو .. إنت خريج الخرطوم وكنت قيادة طلابية واعية ورجل مثقف ومستنير فليه يا شفت تمشي مع تجار السياسة الوسخة؟ مبارك الفاضل ده هو المعط التجمع الوطني الديمقراطي لمن كان التجمع فيهو رجا والوقت داك كان مباري صاحبك المحنن دقنو الجنو يمرق ويدخل داك .. ومن زمااااان يا فتحي باع القصة فليه ياخي توسخ يديك معاهو .. أكتر ما أخاف منو كمواطن إنو يبقوك وزير .. مش لأنك ما كفوء للوزارة بس لأنك وقتها بتكون زول أرزقي زي أي كدندارة .. يومتها جابو صاحبك حسن في التلفزيون ههههههه والله بقى ما شاء الله تبارك الله ليهو جضوم وبطنو من السحت بدت تكبر شوية وقال اللمبي ده زول نبيه ووزارة الحكم المحلي وزارة مهولة وأعباءها خرافية ..
    هووووي يا فتحي أبعد من مبارك ده .. إنت زول كويس ياخ وشلاليفك كبار فلماذا ياخ تنداح في متاهات اللاوعي السرمدي وتبدا تغزل من أحلامنا حبال ماشرو .. ليه ياخي

  5. الجيافين في ولائم الانقاذ اين (واجبنا السياسي نحو البلد يتطلب مواصلة العمل)، واضاف (الظروف التي تعيشها البلاد اليوم تحتم علينا مواصلة نشاطنا، ولتجاوز حالة التراخي والسيولة اعلنا عن حزب الامة بقيادة مبارك الفاضل)
    لقد إنتهت عهود احزاب القرون الوسطي الإقطاعية.

  6. فتحي مادبو .. مبارك موقفو ما واضح إنت الوداك معاهو شنو .. إنت خريج الخرطوم وكنت قيادة طلابية واعية ورجل مثقف ومستنير فليه يا شفت تمشي مع تجار السياسة الوسخة؟ مبارك الفاضل ده هو المعط التجمع الوطني الديمقراطي لمن كان التجمع فيهو رجا والوقت داك كان مباري صاحبك المحنن دقنو الجنو يمرق ويدخل داك .. ومن زمااااان يا فتحي باع القصة فليه ياخي توسخ يديك معاهو .. أكتر ما أخاف منو كمواطن إنو يبقوك وزير .. مش لأنك ما كفوء للوزارة بس لأنك وقتها بتكون زول أرزقي زي أي كدندارة .. يومتها جابو صاحبك حسن في التلفزيون ههههههه والله بقى ما شاء الله تبارك الله ليهو جضوم وبطنو من السحت بدت تكبر شوية وقال اللمبي ده زول نبيه ووزارة الحكم المحلي وزارة مهولة وأعباءها خرافية ..
    هووووي يا فتحي أبعد من مبارك ده .. إنت زول كويس ياخ وشلاليفك كبار فلماذا ياخ تنداح في متاهات اللاوعي السرمدي وتبدا تغزل من أحلامنا حبال ماشرو .. ليه ياخي

  7. الجيافين في ولائم الانقاذ اين (واجبنا السياسي نحو البلد يتطلب مواصلة العمل)، واضاف (الظروف التي تعيشها البلاد اليوم تحتم علينا مواصلة نشاطنا، ولتجاوز حالة التراخي والسيولة اعلنا عن حزب الامة بقيادة مبارك الفاضل)
    لقد إنتهت عهود احزاب القرون الوسطي الإقطاعية.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..