طلاب وطالبات يزينون شوارع بحري بأقدام تنادي بركل نظام البشير

الثورة بدأت فهيا للعصيان المدنى الكامل

الثورة …. انطلقت …. شعارات ترددها ….. القلوب ….

الله يحفظكم يا أمل بكرة خجلتونا عملتو المفروض كان نعملو قبل 27 سنة قبل ما يولدوكم يا أبطال
حتي الأطفال أصحاب الفطرة السليمة التي لم تتلوث بالحزبية و الجهوية رافضة هذا النظام. إستحوووووا و أتركونا حيث وجدتونا عام 89 نمشي المقابر ولا نمشي السما الأحمر برضو أحسن من سنوات حكمكم العجاف ضوقتونا فيها الحنضل.

انتبهوا ايها السادة :: الثورة انطلقت .. وبدينا ان شاء الله وانها لثورة حتى النصر .. بسم الله نبدأ بسم الله نبدأ ,,بعد ما خرج التلاميذ اليوم تكون ثورتنا انطلقت .. بعد الان نقول للكيزان شوفوا ليك طريقة للخروج .. لانه اذا وجدنا واحد منكم موجود لن يكون الا القصاص .. وقصاصنا سيكون شديد اليم ..

اني ارى جيوش الشعب السوداني المظلوم من الكيزان بدأ لهيبها يلفح وهديرها يتلاطم وسيلها بدأ يجرف الظلم ..ستكون بإذن الله ثورة قوية عارمة .. ستكون بحول الله انتفاضة مجيدة .. انها الثورة ايها الجبناء لا تبقي ولا تذر .. ارى الكيزان يتهامسون في حذر يتشاورن في الامر بعضهم يقول لا مفر والاخر قد فر والى مالزيا المستقر ..

لكى يستطيع المارد ان يتحرك لابد من تحرك الاطراف اولا وهذا ما يحدث الان وهذه هى البداية الحقيقية للتغيير.ستكون الصدمة الاولى عندما تختلط الامال بالاوهام امال العيش الكريم واوهام المرتب الضعيف عندما تسقط القيمة فى اليوم الاول ..ويبقى فراغ عريض من الايام …..التجار يظنون انهم احسن حالا ولكن ..الواقع سيكون مريرا فمن يشترى منهم غير اصحاب المرتبات.ستعيش العاصمة حالة مخاض متعسر ..ولكنها ستولد فى الاخر …مهما كان الجنين .فالبطن السياسى متضخم .وكيفما كانت الولادة ..نسال الله ان يجنبنا استخدام المشرط …لقد حررت الحكومة فاتورة النهاية …..والحساب ولد

لكم التحية أيها الابطال المناضلون ..

معا لاسقاط الدكتاتور الفاسد,,,

معا لاسقاط الكيزان الفسقة اللصوص..

معا من أجل الحرية..

وكانت ساعة النصر إكتمال النضأأأأأأأأأأأأأأأأأأأال

شبابك تشابك شديد الزحام
اراهم وراهم غبار الحياه

لكل ثوره رجال زانتم الثوار

السلام عليكم.✋🏻

قبل اي حاجة اقرا الرسالة كويس واستوعبها وقول بسم الله في الاول وابدا انشر
حملة جاييك يا سودان ✌
يا اخوانا انا ح اتكلم بي لغة عامية كدة عشان الناس كوووولها تفهم لانو احنا محتاجين لي اي فرد في السودان احنا محتاجين ليكم يا موظفين ويا رجال الاعمال وذوي الاعمال الحرة والطلبة واي مواطن سوداني محتاجين وقفتو معانا عشان نقدر نغير ونحقق مرادنا
طيب بي صورة اوضح :-
انا بتكلم عن العصيان المدني يا اخوانا اقوي حاكم في العالم حكومتو بتسقط بعصيان مدني نقطة سطر جديد
عارفين عصيان مدني يعني شنو ؟
تعالو افهمكم واحدة واحدة : عصيان مدني يعني كل حاجة في البلد ح تقيف يعني الحكومة اذا اتنفذ عصيان مدني اذا صمدت يومين التالت م بتقدر والجيش ح يدخل ويستلم الحكم.. عصيان مدني يعني نتائج مضمونة 1000% وابصم بالعشرة ..
طيب سؤال تاني ليه اخترنا العصيان المدني ؟؟؟
لانو يا اخوانا اذا طلعنا مظاهرات م ح نلقي شي غير الضرب والعنف والقتل من قبل جهاز الامن.. و ح نخسر اكتر من ما احنا خسرانين .. في أم ح تفقد ولدها الوحيد وفي اطفال ح يتربو ايتام – طيب ليه دة كلو واحنا بي يدنا الحل الناجح ومن غير خسائر نقطة سطر جديد
ح يتنفذ كيف ومتين ؟؟
اول نقطة لازم تتفهم انو م عايزين تخاذل من مواطن سوداني واحد لانو بيفرق و(ايد لي ايد تجدع بعيد) (في الاتحاد قوة) و (تابي الرماح اذا اجتمعنا تكسرا واذا افترقنا تكسرت احاادا)
لاازم الشعب كلوو يقيف وقفة رجل واحد.. ماف موظف يتخاذل عشان وضعو كويس لانك اذا وضعك كويس في اخوك ح يمووت وفي جاررك م قادر ياكل ولا يتعالج… نحنا بنترجاكم يا اخوانا اي موظف اي عامل ارجوووووكم عشانا وعشانكم وعشان اولادك وعشان السودان تقيفو معانا
طيب الوقت ؟؟
لو قلت بكرة او بعدو ماف فائدة لانو الرسالة م ح تكوم وصلت للشعب السوداني كلوو.. انا عايزة لما لما الوقت المحدد يجي.. يكون اي مواطن قرأ رسالتي دي واتخذ قرار انو هو معانا.
يوم 27/11 اللي هو يوم الاحد من الاسبوع القادم مااف موؤسسة ولا اي بقالة ولا صيدلية ولا جامعة ولا مدرسة ح تكون شغالة نقطة سطر جديد
ح نعيش كيف 3 ايام من غير م نطلع ؟؟
عارفة الوضع صعب وفي كتير مننا البعيش بي قوت يومو بس لو قلت بسم الله وختيت الرحمن في قلبك ويوم السبت مشيت جبت شوية حاجات للبيت ( دقيق – لحمة – عيش)
بتعيشو و الله والعيشة عمرها م غلبت زول..
يا اخوانا والله العظيم حاجة نتيجتها مضمونة ومن غير خسائر يعني الشرطة مستحيل تجيك في البيت تضربك عشان انت م طلعت ولا شنووو ؟؟؟
ارجع اكرر واقول واعيد :-
م عايزين يوم السبت يجي من غير ما اي مواطن سوداني تكون وصلتو رسالتي دي.. ومواقع التواصل الاجتماعي سهلت الموضوع.. كل العليك( نسخ + لصق) في صفحتك في اي قروب خاشي فيهو لي اي زول مضاف عندك في الواتس- الفيس -التويتر
عايزة الرسالة دي تلف العالم مش السودان..
عشان يوم يحصل التغيير كلكم تقولو الفضل لينا م قصرنا
بمجرد م تنشر الرسالة علي قدر م الله يديك وتساندنا يوم الاحد … والله والله حياتنا كلنا ح تتغير
يا اخوانا انا بترجي السودان م عايزين تخاذل.. م عايزين تخاذل.. م عايزين تخاذل..
مهما كان عملك بيفرق م تقول دكاني ح يعمل شنوو ؟
بيعمل انا عارفة ومتاكدة بس قول بسم الله
وربنا معانا وربنا علي الظالم
والله اكبر
الله اكبر
الله اكبر
ولا اله الا الله
عرفنا طريقنا وماشين فيهو ح ننجح غصبا عن اي حاجة ✌
وطنا حبيبنا رغم البين
جاييك يا سودان عشان انقذك 😃
عشان خلاص عرفت الطريق ✌

يا شعبا لهبك ثوريتك
تلقى مرادك والفي نيتك
عمق إحساسك بحريتك
يبقى ملامح في ذريتك

أنتم الأمل .. حفظكم الله من كل سوء … هانت إن شاء الله