شاهد صورة عقد عمل السيد الأمين العام لوزارة الثقافة بالخرطوم .
هنا صورة عقد عمل السيد الأمين العام لوزارة الثقافة بالخرطوم هاشم محمد محمد صالح الجاز وذلك لمقارنته بمستوى رواتب الموظفين والعمال بالسودان – علما بأن السيد المذكور اعلاه يستعمل سيارتين احداهما كامري 2011م ..والجدير بالذكر حسب المصادر ان سيادته تبلغ حوافزه الشهرية خمسة مليون جنيه..!!
هذا بالاضافة الى الراتب الاجمالي البالغ ثمانية مليون واربعمائة الف جنيه.
مع امنياتنا له بالشفاء يعاني سيادته من مرض الغضروف وبسببه لا يتمكن من الحضور الى المكتب بشكل مستمر وان حضر لا يستمر وجوده اكثر من ساعة واحدة.
ولسه ولسه ولسه
فيها شنو يعنى عقد عادى جدا جدا
دي سياسات التقشف وله بلاش الله يكون في العون الله يلعنكم ويورينا فيكم يوم
والله الاطباء عندهم حق يضربو ويعتصمو وما يشتغلو بالله واحد زى ده بنستفيد منو شنو الله يصبرنا
كل شيء لله ( شعار الجبهة الإسلامية )
يا جماعة البحصل دا حرام لكن عزاءنا الوحيد انو يومكم قرب
لم اسمع فى حياتى عن دعم اجتماعى .. و لكنهم استحدثوها … و لم اسمع بان تكون البدلات اكبر من الراتب الاساسى ..دعم الفين جنيه و الراتب الف و مائتان جنية…. و بدل اللبس ده ليه اجر شهر اجمالى …. اجمالى معناها شامل بدل السكن و المواصلات و الدعم الاجتماعى اللى بيقوله عليه …. و هذا تجاوز واضح … و ياتى من باب كبر كومك … ناتى لبدل الضيافة ….ضيافة من لمن … طيب و الدعم الاجتماعى ده لزومو شنو ….. و العلاوة الخاصة دى سببها شنو … و لماذا هى خاصة …. اى نوع من الخصوصية هذى ….. هل هى خاصة لشخصه الكريم … ام هى خاصة بالمنصب المراد شغله ….. و ان كانت خاصة بالمنصب … فلما الدعم الاجتماعى … و لما بدل الضيافة .
لا ادرى باى معيار يحددوا هؤلاء رواتب التنفيذين و الموظفين الكبار …. و لكن المعيار الدولى الخاص بمنظمة العمل الدولية هو الذى تنتهجه اغلب الدول ….. من اين اتوا بمثل هكذا بدلات ….. و حساب مكافاة نهاية الخدمة معروفة للجميع …. و ليس مرتب ثلاثة اشهر عن كل سنة …. و هل هو اجمالى ام صافى …فى الختام هذا عقد فضفاض ….. و بعد هذا تسالون لما الغلاء الطاحن الموجود فى السودان ….. مرتبات التنفيذيين هذه هى سبب البلاء و سبب التضخم الحاصل فى البلد … بالعامية …ناس بتاخد فلوس كنيرة من غير ما تنتج …. و هذا على المدى الطويل يجعل العملة بلا قيمة ….. نرجو …ثم نرجو ….ثم نرجو …. الكشف عن مرتبات جميع التنفيذين و كبار موظفى الخكومة و نشر عقوداتهم عبر الوسائل الاعلامية …. لنرى جميعا و نعلم باى معيار يتم تحديد هذة الرواتب .
العقد دا مخصص ولا صورة لكل العقود وتختلف بعد ذلك الارقام
لانه اذا كان اصل للتعاقد الحكومى فالفقره هـ فى رابعا التزامات الطرف الثانى تنص على التفرغ للوظيفة ودى حته مفقودة فى كل موظفى حكومة السودان من ريسنا الى اصغر خفير فى هذه الحكومة
كل وزرائنا يعملون ويجاهرون بذلك
اغلب الموظفين والاطباء والمعلمين يعملون بوظائف اخرى خلال الدوام الرسمى الذى تعاقدو عليه
اظن لو حسمت هذه الجزئية سيكون هناك قدر من الوظائف قد تسهم بعض الشى فى مشكلة البطالة ببلدنا الكسيح
مهام وظيفتو شنو؟؟؟
بند بدل سكن فى الفقرة ( ب ) عرفناهو…دعم سكن فى الفقرة ( د ) يعنى شنو ؟؟
والزول الإسمو السموءل داك لزومو شنو مادام فى مدير عام للوزارة دى..
والله حيرتونا!!!
بدل سكن وعرفناه ، وطيب دعم سكن دا كمان يطلع شنو ابو 1000 جنيه دا ؟ وماذا يقدم هذا الشخص للثقافة ليكون أميناً عاماً أصلاً ويتقاضى كل هذا .. ناس بتموت بالعطش وناس تنهب بلاخجل .. تفوا عليكم وعلى قلة أدبكم يا أنجاس .
المكتوب ده كله فهمناهو تب وبالعربى بس وحاة الله الفقرة رقم ز دى بدون تمثيل شنو ياربى دى بتمشى لناس الممثل الاستاذ محمد نعيم سعد ام للنقابة لاستاذ على مهدى وكمان دى عقود عادية وانتو شفتو حاجة دى سبيبة من دقن كوز ولسع الفضايح انتو مش عارفنها
والله يا هو دة النهب المصلح زاتو،،، ومن كان ينكر ذلك فليلمس رأسه مرتين وليصفع خده لكى يصحصح،،،
مجموع راتب الزول دة والبدلات 8400 جنيه،،، جنيه يصفع جنيه،،،
ثم نجى نحسب النهب:
علاوة خاصة 1200 جنيه (دى يقولوا ليهو شنو ما قلع عديل)
بدل تمثيل 1000 جنيه (أصلوا بمثل فى هوليوود)
دعم إجتماعى 2000 جنيه (الزول ضيوفو كتار من أهل البلد)
بدل عربة 750 جنيه (إضافة إلى العربتين التانيات)
المجموع 4950 جنيه،،، يعنى أكثر من نصف المرتب،،،
ثم هاكم دى:
بدل سكن 700 جنيه (دة عرفناهو أكثر من مرتب مهندس أو طبيب)
دعم سكن 1000 جنيه (دعم شنو؟؟ أصلو الراجل ما ممكن يسكن فى بيت جالوص)
طبعاً كل دا ما دخل فيهو بدل إجتماعات، بدل إشراف، بدل مأموريات فى الداخل والخارج، بدل حق الزوجة الأولى، بدل حق الزوجة التانية، بدل حق الأولاد، بدل تعليم الأولاد فى المدارس الخاصة، بدل علاج من الغضروف، بدل مساج ما أصلو الراجل عندو غضروف،،،
يا جماعة الخير المنصب دا أمين وزارة فقط فكيف يكون مرتب الوزير؟؟؟
وإذا كان الوكيل بصرف حوافز إشراف 85 مليون فقط فتخيلوا كم يكون حوافز الأمين العام والوزير؟؟؟
دة النهب المصلح زاتو بصفاتو،،،،
هو أصلو ما فى لائحة أجور،،، كل واحد ينجروا ليه حسب مقاسو وبعد ملاححة،، يا خى دى شويه زودها حبة،، والله أم العيال طلباتها كتير والأولاد لازم يقضوا الإجازة فى ماليزيا،، السنة الفاتت كانوا قريبين فى كازبلانكا،، وآهو نعمل شنو؟؟
الله سيحاسبك يا البشير،،،،،،
لكن بعد حساب أوكامبو،،،
الذي نعلمه عن عمل الإدارة الحكومية في السودان في السابق أن الوظيفة العامة لا تشغل بعقود على هذا النحو الذي رأيناه في هذه المهزلة.. وإنما تحدد وظيفة (وصف وظيفي) بمهام محددة .. ويتم التعيين فيها بناءً على أمر .. أما الرواتب والمخصصات فإنها محددة سلفاً في ما يمسى بجدول ( الدرجات الوظيفية ) من أسفل السلم الوظيفي إلى أعلاه وهذا السلم محكوم بقانون ولوائح لا تخرق لكائن من كان.. ولا تختلف مخصصات الدرجة الواحدة في وزارة الثقافة عن نظريتها في وزارة العمل وهكذا .. أما هذا الذي نشاهده الآن فهو ضرب من العبث واللعب.
( لاحظوا معي أن واجبات الوظيفة في العقد جاءت عامة وفضفاضة – فلا يوجد وصف وظيفي دقيق – بمعنى ما هي مهام المدير النحرير؟. فلك الله يا سودان في ظل حكم السموأل وأقرانه من الجاهلين…
ما لم يذكر أن هذا الجاز يعمل استاذا للاعلام باحدى الجامعات
المسألة ليست فى قيمة العقد والحوافز المصاحبة ، ولكن هذه العقودات الثنائية الخاصة التى برعت فيها حكومة المؤتمر الوطني لتعيين كوادرها ، تجعلنا نبكي ونتحسر على قانون الخدمة المدنية الذى كان يفاخر به الانجليز العالم …
هذه ليست شركة خاصة ، هذه حكومة والوظيفة عامة يجب ان يتم الترشح لشغلها خاضع لقانون وفرص متساوية … ولكن مع المؤتمر الوطني ، نبكي بس ….!!
ربنا يشفي الراجل والسودان من الغضروف !!
كمارقنة
المقارنة معدومة
فالعامل يتقاضلى بالكثير 150 – 200 جنيه والاستاذ اكثر منه بقليل
لكن كيف عايشين فالعلم عند الله
يعني العامل رتبه الشهري بجيب ليهو 5 كيلو لحمة وانتهينا
هذه صورة من الفساد الي ينادي بمحاربتها الرئيس الراقص طيب السؤال القادة الكبار من الحزب الشيطاني المستوي المهيشي كيف؟؟؟؟؟؟
اعتقد انه عقد اكثر من عادي – ليس فيه مبالغات ولا شيء خارج عن العادة.. شوفو الناس الكبار الثانيين الذين يتقاضون تعويضات بعد الاقالة واو ترك المنصب (ان وجد) – مليارات الجنيهات تعويضات ، هذه لا تساوي شيء بالنسبة للجماعة.. شوفوا د. صابر مثلاً وغيره .. والغريبة المسئول الذي تم تعويضه بالشمالية لترك المنصب وبعدها تم تعيينه في منصب آخر سوف يتركه ايضاً بعد سنة ويتم تعويضه بمبالغ طائلة…
ـــــــــــــــــــــــــــــــــــــــــــــــــــــــــــــــ
حرام عليكم…مال المساكين يضيع هدر كده…..
المشكلة انو كل البلد عارف الحاصل وهو ايضا راجي فرصة ذي دا ماشايف واحد احسن
احمد علي الامام ربنا يشفيهو، الا بشيلو فيهو شيل مابقدر اتحرك واحتمال يكون عندو حبس بول اوبتبول في ملابسو وبعد دا محتفظ بالامتيازات والنثريات والمنصب .. طيب الكيزان النصاح بلهفوا كم لكن بالجد ايام الصالح العام والتمكين والدي ربنا يديهوا العافيه تحت الضغط نزل معاش اختياري بعد خدمه
الدكتور ماهيته
ان الله يمهل ولا يهمل وسوف ياتى يوم الحساب لا محاله
تخيلوا يا سادتي أن سيدنا أبو بكر الصديق عندما تم تعيينه والياً للمسلمين وبعد أيام قليله من إنزال هذه الأمانة على عنقه لم يجد في بيته ما يسد رمق أهل بيته فحمل حملاً وذهب إلى السوق لكي يبيع ويشترى حتى يكسب قوت أبنائه فوجده عمر بن الخطاب وعلى ما أعتقد أبو عبيدة بن الجراح فسأله إلى أين يا خليفة المؤمنين فرد قائلاً والله أن هذا الحمل الذي ألزمتوني به (اي الخلافة ) شغلني عن قوت ابنائي !!!!! فتشاور عمر بن الخطاب مع الصحابة لكي يتم تعيين مبلغ من المال للخليفة تخيلوا كم حددوا له هذا المبلغ ( فقد أعطوه عطيه تساوى عطية أفقر رجل في الدولة ) ذلك لأن المنصب أساساً ليس للتمتع والرفاهية وإن أولى إنسان بالجوع حينما تجوع الرعية هو الخليفة وآخرهم للشبع هو الخليفة بعد ان يشبع كل رعاياه الله اي طراز من رجال هؤلاء …………….
عقد أكتر من عادي………
ــــــــــــــــــــــــــــــــــ
"يعاني سيادته من مرض الغضروف وبسببه لا يتمكن من الحضور الى المكتب بشكل مستمر وان حضر لا يستمر وجوده اكثر من ساعة واحدة. "
انصح الجاز ده بدكتور الباقر بتاع جريدة الخرطوم سمعت انو متخصص دلكك ومسح للكرعين والساقين والافخاذ وهو الايامات دى قاعد ساكت ماعندو شغل غير مسح الجوخ وتكسير التلج لعلى كرتى عسى ولعل يلقى ليهو شغل …
يا البشر راجيك سوال من رب العالمين الجبار القهار حيسالك عن الرعية ومن حقها وبعدين هناك فى الحساب مافى حاجة اسمها ماعرف وماقايل شايف البشحدو فى الجوامع والشوارع انت مسول منهم واى صاحب منصب انت مسول عنه يوم الحساب ( دى تزكرة وبس 9
هل كان هنالك وظيفة مدير عام وزارة الثقافة بالخرطوم فى السابق ؟؟ قبل الانقاذ يعني ..
ومن شغل هذا المنصب زمان ؟؟
وكم كان راتبه ؟؟
وهل كان لديه عقد مبروم زي بتاع صديقنا ( الجاز ) ؟؟
بالله داير اجابة على تساؤلاتى دي …..
عادي اتعودنا
إقتباس:
[علم الدين ] [ 25/07/2011 الساعة 11:39 صباحاً]
الذي نعلمه عن عمل الإدارة الحكومية في السودان في السابق أن الوظيفة العامة لا تشغل بعقود على هذا النحو الذي رأيناه في هذه المهزلة..
اتفق معك يا علم الدين … عقود الخدمة المدنية معروفة والعقود الخاصة فى السودان سابقا وفى الدول التى تحترم نفسها لا توجد إلا فى حالات نادرة حيث الحوجة الى اصحاب مؤهلات عالية جدا غير متوفرة لأداء وظائف تطابق العائد منها او تفوق المخصصات الممنوحة لصاحب العقد الخاص …. ولست ادرى ما هى مؤهلات هذا الجاز وما الذى يفعله مقابل هذا المال المنهوب
والله المبلغ تعبان شديد لو عنده مواهلات يجى الخليج ياخد ثلاثه اضعاف المبلغ
ــــــــــــــــــــــــــــــــــــــــــــ
يا abukrkour
هل توجد مؤهلات اكثر من انه جبهجي ؟؟
بالمناسبة … الفقرة (م) والمؤشر عليها المقروءة
(يمنح حوافز اللجان والمكافأت والمجالس التى يشارك فيها)
هذه ام البلاوى لان هذه الحوافز غير محددة وقد تكون جملتها السنوية اعلى من اجمالى الراتب
وطبعا المؤتمرجية يحبون اللجان والتى تنبثق منها لجان متعدده واهم شئ يكون المسؤل على رأس كل لجنه – الرئيسية والمنبثقة – والحوافز غير محدده بميزان معروف
هاشم الجاز لا يحمل في عقله شيء من العلم اللهم دكتوراه وماجستير اجيزتا من علي احمد بابكر أيام سطوة الشايقية على الجامعة الاسلامية ومؤهله الوحيد انو جبهجي لكن ايامهم قربت وهذه شهادة للامانة والتاريخ.
أولاً :
27 سبعة وعشرون عاماً قضيتها في العمل القانوني، ولأول مرة أرى أن البدل أو العلاوة من الممكن أن تفوق الراتب الأساسي..
ثانياً :
ركاكة في صياغة العقد، ينم عن ضعف في الأداءين اللغوي والمهني.
لله المشتكى
ان جده الجاز وعمه ود الجاز من كلمة جازولين ونحن نعرف قيمة الجازوليين وهذا المبلغ زهيد في زمن الانقاذ القوي الامين الذي يلحس ويبلع وانتو يا حاقدين عدد الفنانيين والفنانات دا الكترو ليكم منو غير وزارة الثقافة ولاية الخرطوم
يا اخونا التذاكر بالزاي ولا الذال
لكم الله يا أطباء السودان .. يا من سهرتم وشقيتم السنين الطوال وتعلمتم أحسن تعليم وتفوقتم فكان جزاؤكم أن ضنوا عليكم بما أنتم أهل له وفضلوا عليكم العساكر وأهل الانتماء والتنظيم فاقدي الخبرة والتجربة والمؤهل والعلم… الظلم ظلمات يوم القيامة والظالم جزاؤه في الدنيا قبل الاخرة وستدور الدوائر علي البغاة الظالمين عما قريب باذن الله
البلد بلدهم وهم أسيادها؟؟ الكيزان خلفاء الله في أرض السودان ؟؟ لم نسمع منذي قبل بأن الوظيفة العامة يتم التعاقد عليها بعقد عمل خاص كبقية مؤسسات وشركات القطاع الخاص ؟؟؟إمعانا في الستر وتطبيق فقه الستره فإن البند 4-من العقد يجعل وسيلة فض النزاع فيما يتعلق بالعقد للوسائل الودية ثم التحكيم ؟؟؟؟؟؟اللهم يامالك الملك نسألك بأسمك الأعظم أن تنزع الحكم من هؤلاء الفاسيدين الذين أفسدوا في الأرض بأسم دين الحنيف .
بعملية حسابية بسيطة مع اضافة الحوافز ال5 مليون فان راتب صديقنا الشهرى يا دوب يحصل 13 مليون واربعمائة … ودي بتكون كفاية بالنسبة له لمواجهة الظروف المعيشية الغالية فى السودان من كسرة وملاح وتعليم وطبعا علاجو ومواصلاتو مجانا ..
بمقارنة راتبه براتب العامل الذى يتقاضى 150 الف فى الشهر فان راتب صاحبنا يساوي رواتب 90 عامل !! فمن اين لهذا العامل حق الكسرة والملاح والعلاج وتعليم الاولاد والكهرباء والموية والمواصلات والدلاقين ؟؟
ولو ثبتنا ان هذا الراتب عادي فالمفترض ان يكون راتب العامل على الاقل 2 مليون .
معلومة :
راتب الطبيب الامتياز 580 الف والاخصائي 650 الى 750 الف ج …
ياحلاوة على ميزان العدل الموجود أعلى صورة العقد
حكومة فاقدة للاهلية وكذب من قال إنها بلغت سن الرشد ومعروف شرعا أن السفيه يمنع من أمواله حتي يعود إلي صوابه وعليه فإن هذه الحكومة تحتاج إلي من يهدية الى الصواب
I repeat…the nation have to stand up and declare war against those thieves ….if we keep silence ..our country would be in great danger of total collapse
السلام عليكم
يا جماعة الكلام والوصف فقط للمشكلة لا يجدي المراجع العام يصدر تقارير سنوية ، والاعلام يفضح المستور ، كل هذا والحال هو الحال. إذن المنهج الوصفي لا يجدي علينا أن نتحرك لمحاصرة هؤلاء المفسدين بالقانون، يجب على الأحزاب ومنظمات المجتمع المدني أن تحشد الخبراء القانونين لتفعيل القوانين المتعلقة بالفساد ، علينا أن نبحث في القوانين على سبيل المثال هل من حق المسئولين في الدولة إخفاء البيانات المالية المتعلقة بالمرتبات والمخصصات .. الخ. الشئ الذي أعرفه أن شركات المساهمة العامة ملزمة بنشر بياناتها المالية وأن رواتب المدراء ومخصصاتهم تنشر by note مع القوائم المالية. إذا كان هذا مع شركات المساهمة العامة فمن باب أولى أن لا يتم إخفاء البيانات المالية للجهات الحكومية (رئاسة الجمهورية ومواقع الوزارات والنواب (كل من تقلد منصب عام) يجب أن تنشر بياناتهم المالية بكل شفافية وأن تكون هذه البيانات المالية متاحة للجميع وأن يتم إعداد هذه البيانات وفق المعايير المحاسبية الدولية المتعارف عليها.. العمل في الظلام واخفاء المعلومات أكبر ثغرة مكنت الفاسدين. يجب على الاحزاب والاعلام ومنظمات المجتمع المدني أن تطلع بدورها في توعية الناس بحقوقهم الدستورية خاصة والبلاد على أعتاب دستور جديد. بعد اصلاح القوانين تأتي مرحلة تفعيل هذه القوانين. إلى أن نصل إلى مرحلة أن يتقدم أي مواطن لديه الأدلة من الذهاب للنيابة وإدانة أي فاسد. (الحقوق تنتزع ولا تعطى).
والجماعه ديل إن شاء الله بعدين بعد ما ينقلبوا يحاكمهم منو عشان يقلع مال الشعب المهدر …
عجبوني اولاد الكيزان
خلوا الغنم والخرفان
لبسو البدل والقمصان
ركبو الهمر والتوسان
سرقو البلد من زمان
من نيالا لي قيسان
…***
عجبوني الليلة جو
سرقو البلد نضفو
***
عجبوني اولاد الوالي
طول الليل لافين طوالي
نهبوا البلد باللواري
ودقسونا بالكباري
عجبوني الليلة جو نهبو البلد نضفو
عاجبني اب عينا شراره
ساس الناس بالحقاره
يوم دخل للبيت زياره
شال وداد وشال عياله
حرق ابوهم بالطياره
عجبوني الليلة جو نهبو البلد نضفو
عجبوني الليلة جو سرقو البلد وقسمو
عجبوني النفخوا الجيوب
عجبوني الفصلوا الجنوب
يوم الحاره بقولوا ووب
في لاهاي ليهم دروب
عجبوني الليلة جو نهبو البلد نضفو
عجبوني اولاد الضهاري
خلوا المنجل والطواري
نهبو الطرق والكباري
وشالو المال باللواري
عجبوني الليلة جو نهبو الوطن قمحو
منقوووول
من فساد الإنقاذ ووزارتهابما فيها وزارة العدل نجد أن المستشار القانوني المنتدب من وزارة العدل لأي وزارة مثل وزارة المالية في هذه الحالة التي أمامنا نجد أن المستشار القانوني المعني يمنح أجرا على صياغة أي عقد ذلك بالإبضافة لراتبه الشهري من وزارة العدل وبالإضافة للبدلات التي تمنحه لها لاوزارة المنتدب إليها؟ فهل يعقل أن يكون مثل هذا المستشار عادلا وحاميا للمصلحة العامة ؟؟ كيف يكون ذلك وقد أغدغت عليه وزارة المالية حارسة مال الشعب ؟؟فالمستشار القانوني لم يشأ أن يرفض توثيق هذا العقد لتعارضه مع قانون الخدمة المدنية لأنه سيفقد الطرطيبة في المالية ؟؟؟؟؟؟؟؟؟
استغفروا ربكم انه كان غفارا. يرسل السماء عليكم مدرارا0 . ويمددكم باموال وبنينويجعل لكم جنت ويجعل لكم انهرا ..:lool: :eek:
el bashir hramy kabir
حرام والله الكلام دا … لازم من التغير في اسرع وقت
تم تعييين المذكور مديرا عاما لوزارة الثقافة وهو منصب تنفيذي ينطبق عليه قانون ولائحة الخدمة العامة فهل يجوز لمن يعمل بعقد مؤقت تحمل المسؤلية الادارية والمالية لمنصب الدير العام وهل يحق له تطبيق القوانيين واللوائح لمحاسبة العامليين معه ؟
لو تم تعيين المذكور في تلك الوظيفة بالمجموعة الاولي الخاصة فلن يتعدي جملة راتبه والعلاوات والبدلات الخاصة مبلغ 4500جنيه في الشهر اسوة ببقي مدراء الوزرات الاخري ومنها وزارة المالية الموقعة للعقد بواسطة مديرها العام.
وبالعقد بدلات مستحدثة لم ترد في قرارات الوالي ومجلس الوزراء الخاصة بمخصصات المتعاقدين والمستشارين والخبراء مما يستلزم محاسبة كل من موقع وموثق العقد
شوهد هذا الموضوع 8000 الف مرة خلينا نقول 20 الف مرة,,وباقي الشعب السوداني لا يعلم هذه الحقائق,,لا يزال كثير من الناس في المجمتع(خارج تنظيم الكيزان) يعتقدون ان الكيزان انقذوا السودان من صفوف العيش والسكر ولا يوجد بديل لهم,,,يعني لو جبت العقد دا وصورت منو 20 الف نسخة,,وفريتا في السوق العربي,,ولا تفرها بس ختها في اي حتة,,الناس بتاعين شمارات براهم بجوا يشيلوها,,سيكون لها تأثير اكبر ومحرك للشارع,,لان معارضة الانترنت ضعيفة, اما في مصر البلطجي بخش نت,,هنا البخشوا نت فئة مثقفة تمثل جزء ضئيل من الشارع,,
دى بسيطة انتو ما سمعتو بمهندسى الاسكان الواحد بتخرج بى عمارتو
الزول ده كم من اهلو يملك عمارة
وما زلنا نطعن الظل لا فيلو
جــــغــــم …….. ولغــــــف …. وثقافة …. وإعلام !!!!!!!!!!!!!!!!!!!!!!!!!!!!!!!!!!!!!!!!!!!
والله تستاهلو طيرتو عبود ومنزلو دفع باقساط الجيش ونميري برضو ما لقيتو عندو غير بيت ودنوباوى الموروث من قبل عمو وجبتو بلديمقراطية اصحاب الاملاك السادة الاولياء -عشان كدة ربنا ابتلاكم من لا يخشى العيب
شقي الحال لبقع في القيد !!!!! يا جماعه الغريب شنو ؟؟؟؟ كل الكيزان الذين تم تعيينهم منذ بداية الانقاذ وكانوا مغتربين وحضروا للسودان من اجل تمكين الثورة يعملون بعقودات خاصه الظاهر للناس شي والمخفي شي آخر والموضوع ما جديد !!! الجديد في الامر بعد الاحاله او الاستغناء تصرف له كل حقوقه اضافة لتمليك السيارات الحكوميه التي كان يستخدمها وهو في الخدمة ثم يعين في وظيفة اخري بامتيازات اعلي ثم تصرف له كل الحقوق ويملك السيارات وأسألوا سعادة اللواء حسب الله وصلاح قوش عن عدد السيارات والملايين التي صرفت لهم !!!!!!!!!!
السرقات في عهد الانقاد علي المكشوف لمدخرات واموال الشعب السوداني من العصابة الحاكمة وتحت رعاية بشبش وجلاوزته وسياسة ((خلو الطبق مستور)) وانعدام الضمير والشفافية والمحاسبة والمراجعة لاموال كنزت بالجبايات من عرق الغلابة …
ليس البطولة في هذا الزمان ان يحمل الانسان سيفا ….
….ولكن البطولة الحقيقية ان يحمل الانسان ضميرا….
يا جماعة .. قبل فترة , احد المعلقين نزل رابط لفيديو علي اليوتيوب فيه دعاء علي اعضاء هذه الحكومة الفاسدة , بعدها بايام قليلة ضرب نافع في لندن .. ارجو ان يقوم باضافته مرة اخري وان يواظب علي اضافته في تعلقاته حتي يكثر الدعاء علي هذه الحكومة الفاسدة وتضرب في كل كيانها .
والله دى الحاجات البتاخر مننا المطر لانوا الحاجات دى انا متاكد بتم دون علم البشير لانوا زى دا كتير والواحد يصرف ليهوا مرتب يعين ثلاثين موظف فى مدخل الخدمة وكمان خريج جامعى …بعدين البلد دى ماحاتمشى لى قدام الا تتنظف من اصحاب المائة وظيفة لانو انا متاكد انو حايكون عندوا وظيفة تانية وعضو مجلس ادارة فى كم شركة … ارجوا ان يصل صوتنا الى البشير ..الشعب يريد منك ان تقوم بنظافة وكنس لكل اصحاب المصالح الخاصة وان تلغى حاجة اسمها تعاقد بهذه المبالغ لان هناك فقراء ومرضى احوج بهذه الاموال وامثال هذاالشخص اكتفى وهذا المكان احوج به خريج يريد ان يبنى حياته ورجوا ان تعود الخدمه المدنية لسابق عهدها قبل الانقاذ حتى يتدرج الموظف حتى يصل الى الدرجات العليا من السلم الوظيفى … ارجوا ان تعود الانقاذ لرشدها قبل ان تعود بامر الجماهير ….
ابشرى ابشرى يا نهلة الشايقية :D :D :D :D :D :D :confused:
لا حظوا ليس فى هذا العقد اى خصوم يعنى الزول دا ما بيدفع اى ضريبة دخل !!! و الفساد مش فى الوزارة دى و بس بل تعداه لديوان الضرائب المسئولين عن التحصيل الضريبى لانو ما فى دخل شخصى معفى من الضرائب و لا استثناءا …..اها النشوف هنا ناس الضرايب ديل رأيهم شنو !!!!
يا اخوانا الحسادة شنو؟ ديل ناس " مكنهم الله" من رقابكم و هم من "المجاهدين" و " التقاة" اصحاب " الايدي المتوضئة" و الذين يعملون " لربط قيم السماء بالارض"…. لو ما ادوهم قروش زي دي يربطوا القيم دي كيف؟ بالهه عليكم ترضو حكامكم " الرساليين" اصحاب " المشروع الحضاري" يكونوا مفلسين زيكم و ياخدوا مرتبات كحيانة زي العوام؟
الجماعة قالوا " هي لله" و ربنا فتح عليهم … يابوا؟
بس المحيرني الوالي الذي لا يظلم عنده احد بياخد كم اذا كان مدير عام في وزارة تابعة ليهو بياخد قدر ده حسب العقد و ما خفي اعظم؟ سعادة الوالي " المجاهد " قال راتبه اربعة الف! يا ربي سعادتو كضاب؟!
يا أخوانا كلها الحسبة دى ما بتصل ليها 8,6 مليون جنيه قديم . بس إنتو ما عارفين الضرب وين ؟ … الضرب فى حوافز اللجان والمكافآت والمجالس التى يشارك فيها …. لكن أحلى مبتكر شيطانى : الدعم الإجتماعى … والعلاوة الخاصة ….. يا حليلك با أبو الزهور .. كثير ما كان عربتك بلزوها لز …. حسبنا الله عليكم .. يا جليل يا رحيم أكشف عنا هذه الغمة عاجلا ً لا أجلا ً ..
لك الله ياوطنى
عفارم عليك يا(نهله) ياست يا نخله سخنتى الساحه أول ما قريت البوست جريت عكازى واخدت لى عرضه كاربه خاصة فى المقطع التالى
عجبوني الليلة جو
سرقو البلد نضفو
على الطلاق نضفوا نضافه جد .. خلوا ذى الصحن الصينى كلو شق وطق
عجبوني النفخوا الجيوب
عجبوني الفصلوا الجنوب
يوم الحاره بقولوا ووب
والاخير خلى عرقى يصب (عجبوني الليلة جو نهبو الوطن قمحو )
والاغنيه مهداه لماما وبابا والجد شعبان عبدالرحيم مع احلى الاغانى والامانى
الجعلى البعدى يومو خنق زعلان من الناس اللى نهبو البلد وما أدونا التكتح ..
حسبي الله ونعم الوكيل يا حرامية يا اولاد الحرامية من المستشار بتاعكم للشهود تهبتو البلد وفضيتوها وخميتو حق الغلابة الله لا جاب باقيكم ولا جعل منكم خلفة (رئيسكم قسم السودان ونهب البلد ولحدي الان ما لاقي ليهو ولد يشيل اسمو )
نسأل الله العلي القدير قبل دخول الشهر المبارك نسمع عنكم في قفص اوكامبو
انتو يا جماعه ما جايبين خبر. سمعتو بحاجه اسمها جياد؟ جياد عندها مجلس اداره يتكون من البشير ونائبه والوزراء الاتحادين وغيرهم من زوار الليل (طبعا مجلس فخرى فقط). والله حكى لى جارى وهو يعمل حارس شخصى لواحد من الوزراء (الكلام دا سنة 2002) بانه ارسله الوزير لاستلام نصيبه من جياد (حيث يصرف لهم حافز مجلس الاداره الفخرى كل ستة اشهر)فكان حافز كل منهم 350 مليون من ابجاعوره هبنقه زمانو(البشير)حتى اخرهم. خليك فاكر الكلام ده سنه 2002 حينها كنت طالب بكليه الطب زكرت الكلام دا لكيزان الجامعه فما كان منهم الا ان اعلنو على الجهاد وباقى الكلام معروف. وبعد دا يقولو ليك ابجاعوره نزيه وماعارف الحاصل!!! هو لو كان نزيه ليه ساكت على الحراميه ؟؟ ولا خايف يتفضح .ما مشكله فضيحة الاخره راجياك ياهبنقه.
سبحان الله معاشاتنا الشهريه بالكاد 150 الف جنيه بالقديم وياما فى الدنيا مظاليم
ياريت القروش دي يثقفو بيها الناس بدل ما يصرفوها في بتاع الثقافة دا، عامل بالمثل البيقول من برة هلة هلة و من جوة يعلم الله ، و لو ما اتصرفت في الثقافة كان تتصرف في المرضي و الجيعانين ، حرام عليك ، تدخل عليك بالساحق و الماحق و البلا المتلاحق انت و حكومتك.هسع تلقا يبني بيها بيوت و يجيب العفش من دبي و ابو ظبي و يرسل اولادو يتعلمو في ماليزيا :mad:
والله يا أخوانا قريت كل تعليقاتكم بعناية شديدة وللأصف لقيتكم نسطحين شديد .. يا أخوانا والله والله والله العظيم إحنا يتعرف الناس ديل معرفة شخصية ..والله العظيم المذكور هنا دا قسما لايسوي شي وجايين تحتجو علي سفاسف.. يا أخوانا البلد دي إتنهبت خلاص وكمان إتنهبت ثروة الف جيل لقدام.. واسمعوني يا أخوانا .. انا بطني طامة طامة من الشفتو في الدنيا دي بس قسمة ربنا اشوفو بعيني يعني لاسمعتا لاجابوهو لي.. تحديداً أقدر اقوليكم إنو الثروة الإتنهبت ولسا بتتنهب.. أقدرا بي مبلغ 50 قوقل والقوقل دا أعلي رقم عرفتو البشرية بعد المليار تقريبا الف مليار دا القوقل الواحد.. طبعا يا أخوانا الكلام دا بالدولار.. هي لله هي لله …هي لله… اقول شنو بعد دا بس شطيتكم علي الله يالضفتو النعمة والنسوان بعد النشاف والحرمان.. والمشكلة الشعب خلاص ببح
DAM
IT IS THE SAME LIKE MY CONTRACT
FRIST I THOUGHT YOU ARE TALKING A BOUT ME
EMPLOYEE
M16
اولا مجموع الراتب كلة الشهري غير العلاوات السنوية هو 8 مليون واربعمائة الف يعني المبلغ ما شئ خرافي انا بعمل في السعودية بصرف راتب 9الف ريال وانا مهندس يعني هو في منصب يستحق المبلغ بغض النظر عن هو جدير بالمنصب ده ولا لا وده شئ تاني المشكلة انو يكون بصرف بدل سكن وبدل عربية ويكون ساكن في بيت حكومة وعندو عربية حكومية هنا تكون المصيبة وحتي الكهرباء تكون مجانية في البيت الحكومة والله اعلم ماذا تاني يتلقي من الحكومة وبعدين ربنا موجود وكل زول اكل مال الشعب الغلبان ده حيشوف في عيالة قبل الاخرة وصدوقني ربنا يمهل ولا يهمل واتقوا الله يا كيزان ثوره الانقاذ التي نحس في بعض الاحيان جاءت وبال علي الشعب السوداني
يا اخوانا انا عندي سؤال,هل هؤلاء جاؤا الي خدمة الشعب ام لإستخدامه؟وكل هذه المبالغ الباهظة مكافأة لثقافة [ورا ورا وحرامي القلوب تلب ] واعلموا ايها السادة ان اي منصب مرموق في دولة الانقاز هذه ان صاحبة من ادنى اهل طبقته اخلاقاً وتقل النسبة كلما تواضعت الوظيفة
صدقوني القاعدين في الحكومة الأن ، أتمني أن لا يحدث انقلاب ويتغير النظام ويروحوا الجماعة ديل ويجو غيرهم .. والمشكلة في غيرهم حيكونوا حلويين في البداية وصدقوني لما يتوهطوا في الكرسي يقلبوا صفحات الجماعة السبقوهم ويلاقوا مرتباتهم وأمتيازاتهم بالهوبر حيقولو يعني هم أحسن مننا وتبدأ الدائرة تدور .
عشان كده أعطي العيش لخبازه حتي ولو أكل نصه @@@@@@@@@@@
يا حليلك يا عثمان دقنة وعلي عبداللطيف وعبداللطيف الماظ ووداد بابكر وشعبان عبدالرحيم وعوضيه عزالدين والبروفيسرة ناديه بت القلعة
ههههههههههههههههههههههههههههههههههههههههههه لاتعليق
تذايدت في الفترة الاخيرة التسريبات التي تكشف فساد هذا النظام … وهي دليل صحة عند البعض وتصفية حسابات عند البعض الاخر …
تسربت اليوم ايضا وثيقة هامة وخطيرة مصدرها جهاز الامن ونشرها موقع سوداني نقتطف منا بعضا مما جاء بشان تهكير موقع سوداني شهير
ما جاء بالوثيقة المسربة
(((د) ? مهاجمة المعارضين الذين يقفون ضد القانون عبر المواقع الالكترونية بنفس النهج الذي يتبعونه في ذلك ونوضح للمتصفحين للموقع انهم يعملون لخدمات جهات ( في النص مكتوبة خطأ املائياً- ججهات ) معادية للوطن ، والتركيز سوف يكون على المنتدى العام بموقع سودانيز أونلاين لأنه أكثر المواقع المعادية لخطنا .
(ه)- العمل على طمس المواضيع المطروحة بالمنتديات الالكترونية ضد القانون من المعارضين له حتى لا تحقق مواضيعهم أي نجاح كان يخططون له .
(و)- في حالة وجود حملة قوية ضد القانون عبر موقع (سودانيز أونلاين) ، يمكننا أن نقوم بعمل فني لتعطيل الموقع مؤقتاً بعملية هاكرز ، تقوم بها دائرة التقانة أو بقفل الموقع عبر الهيئة القومية للاتصالات لفترة ( في النص مكتوبة لفتروة) محدودة .))
والله نحن نستاهل اكثر من كده معقول عقد فى هذه الدرجه من الاهميه وبهذه المبالغ وباشراف هذه الكوكبه من علماء زمن الانقاذ ان يكون هناك خطأاملائى مثل الموجود فى البند " ك" من التزامات الطرف الاول:mad: :mad: :mad: :mad: :mad: :mad: :mad: :mad:
دة اكل اموال الناس موش يعمل قضروف يعمل اى حاجة
The logical question is that which are the basis or the system on which this Contract is based.Usually there are regulations that govern the employment in the government or a company.The second question is that has this position been advertised to select the best and most suitable candidate or it is a mere personal direct selection.It is sad that the resources are delivered to particular persons with no regard to others who are more qualified to hold these public positions.It seems there are domestic expatriates in the Sudan who enjoy excellent position while most of those abroad are struggling to retain their poorly paying jobs.
اخوتي الكرام للاسف تم ارسال هذا العقد قبل 3أسابيع للشيخ سعد احمد سعد صاحب عمود اهل المسألة بصحيفة الانتباهه ولاحمد المصطفي بالانتباهه وهو من كتاب الراكوبة ايضا وايضا ارسل لبيت الاسرار باخر لحظة ولم ينشر حتي الان مع انهم يدعون الشفافية في القلم وسيف ابودجانة وما ادراك ونصائح للرئيس ………..الخ.
اين انتم يارجال اتيتم للوزارات والمناصب وخرجتم خالي الوفاض امثال مندور والحاج عطا المنان وشرف الدين بانقا وهاشم هارون وغلام الدين كان كل همكم مصلحة العباد والعباد.
الاخ الرئيس – الاخ الوالي نعلم انكم لاتعلمون شئ عن هذة العقود ولكن بعد ان علمتم يجي الاصلاح السرييييييييييييييييييييييييييييييييييييييييييييييييييييييييييييييييييييييييييييييييييييييييييييع
والله ولي التوفيييييييييييييييييييييييييييييييق لنا ولكم
كان الله في عون السودان من هؤلاء الجرذان والعقد كله أخطاء إملائية علاوة على رائحة الفساد التي تفوح منه والبلد ليها حق ما تتقدم وكلمة تذاكر تكتب بالذال يا ناس الإنقاذ وليس تزاكر وعليه تكتب عليه وليس علية يا ناس الإنقاذ والعقد يعتبر جزءاً لايتجزأ وليس جزء لايتجزأ يا ناس الإنقاذ والجنيه يكتب جنيه وليس جنية يا ناس الإنقاذ الجن اليركب رقابكم ويخلصنا منكم ومن فسادكم يا ناس الإنقاذ .
الحسادة سنو يا جماعة الراجل دة راتبه 1300 جنيه راتب عادي ممكن أي خريج جامعي ياخدو وباقي الحاجات دة يعني لازم تحكوها خالص كدة عيب عليكم يعني بدل عربة وهو عنده عربية – عادي – بدل سكن وهو يمكن يكون ساكن في بيت حكومي أو ساكن في بيته بس عايز أعرف دعم سكن دي معناها شنو
جريمة التعاقد الخاص لموظف بعد المعاش ابتدعنها حرامية الانقاذ يا اخى مدير زراعى قاعد فى الخرطوم ولا عندو حتى ماجستير يقوموا بعد ان يبلغ سن التقاعد يسوا ليهو عقد خاص بهذه الكميه المستفذه واعلى من راتبه حينما كان موظف دا كيف دا؟
ماذا نفعل فى الخريجين الجداد؟ يا اخى ناسا بتودى الزول المعاش ومجدى يعقوب فى المعاش
النظام ده بسموهو direct contracting وده لما الزول يكوون براااااااااهو ومااافى زيو يقدر يدير الموضوأ ,,, ههههههههههههههه,,, الله فى يااااااحكومه ح تروحو منو وييييين
أتفق معكم أن أصحاب العقود الخاصة فى السودان مؤهلاتهم شايقي / جعلى / دنقلاوي / مؤتمرنجى . بقية أهل السودان مهما كانت مؤهلاتهم عليهم البحث عن وظيفة ولن يجدوا .انظروا حولكم لأهلكم العاطلين عن العمل من حملة الدكتوراه والماجستير والشهادات الجامعية فى كل التخصصات يموتون غيظاً وكمداً . مسرح اللامعقول الهزلى الإنقاذي .
يا هو دا السودان !!! إنتهت دولة المؤسسات والمبادئ الوطنية القومية !!! الآن نحن فى عهد دولة التخلف والعنصرية القبلية والجهوية !!! الما عاجبوا يطق رأسه فى الحيط !!!
لا تأسفن على غدر الزمان لطالما رقصت على جثث الأسود كلاب
لاتحسبن برقصها تعلو على أسيادها تبقى الأسود أسوداً والكلاب كلاب
تموت الأسد في الغابات جوعاً ولحم الضأن تأكله الكلاب
وذو جهل قد ينام على حرير وذو علم مفارشه التراب
اننى لا اتالم من هولاء الحرامية الذين مصوا دم الشعب السودانى وسرقوا امواله بقدر ما يوجعنى الرجرجة والسوقة والدهماء والقوقاء من ابناء بلادنا الذين لاحديث لهم غير انه لا يوجد بديل لهولاء الكيزان اللصوص
متعوده دائما ,,,,,,,, يااخوانا متضايقيييييييييييييييييييييييين ليه الموضوع عادي جدا