فنان يوقف الحفل بعد اكتشافه أن العروس ((خطيبته))..!ا
الخرطوم
توقف فنان شاب عن إكمال وصلته الغنائية فى إحدى الحفلات وأنخرط فى نوبة بكاء حار، عندما أكتشف أن العروس التي يغني فى حفل زفافها ليست سوى الفتاة التي يرتبط معها بعلاقة عاطفية والتي أتفق معها على الزواج.
وتعود تفاصيل الواقعة التي شهدتها احدى الأحياء العريقة بالخرطوم، والتي رواها شاهد عيان، إلى أن علاقة قوية جداً ربطت بين الفنان والعروس التي أوهمته أنها سترتبط به وصرف عليها كثيراً من الأموال، وفى احد الأيام استأذنته الفتاة فى أن تسافر إلى قريتها فى الأرياف لتمهد لذويها موضوع خطوبتها، وكان الفنان (المكلوم) ينتظرها على أحر من الجمر إلا أن غيابها طال وهاتفها المحمول مغلق وتملكته الحيرة فى أمر غيابها المفاجئ، ولم يتبدد قلقه عليها حتى جاء يوم اتفق فيه مع احد الأشخاص على إحياء حفل لأحد أصدقائه فى احد الأحياء، وعندما حان ميقات حفل الزفاف صعد الفنان إلى خشبة المسرح وبدا فى وصلته الغنائية بـ(مزاج رايق) حتى حانت لحظة دخول العروسين إلى الساحة الحفل، وعندما تمعن الفنان فى وجه العروس التي كانت تتأبط ذراع عريسها أكتشف أنها خطيبته فتاة أحلامه الغنائية، فما كان منه سوى التوقف من فوره عن الغناء وانخرط فى نوبة بكاء حار وهو يتمتم بعبارة (ليه..؟) وهو الأمر الذي أثار دهشة واستغراب الحضور وانسحب الفنان (المغدور) يجرجر أرجله التي لم تقو على احتمال (الشاكوش) القوي على الهواء مباشرة وركب سيارته منطلقاً بها فى اتجاه منزله تاركاً الجميع خلفه فاغرين أفواههم والاستغراب والعجب يعصفان بأدمغة المعازيم، وحيرة أهالي العروسين فى الإتيان بفنان غيرة لإكمال بقية (حفل زفاف).
وعندما علم البعض بمصيبة الفنان تعاطفوا معه واستنكر آخرون تصرفه وقالوا أنها كان علية إكمال الحفل، بينما اكتفي آخرون بالتعليق الساخر على الواقعة وقالوا: (كان يكمل الحفل بأغنية زيدان إبراهيم (فى الليلة ديك)).
صحيفة فنون
ههههههههههههههه…ذكرتونى (واحد لقى ليهو بنت صغيرة مشردة وداها رباها لما كبرت طلعت امو ) ده ما فيلم هندى …والله بقينا هنود
ليه كدة؟ الظلم دة؟
البت دي صحي ما عندها ضمير مفتكرة العرس لعب ولا شنو تتفق مع واحد وبعدين تتديهو شاكوش ياخي حرام عليك حقا إن كيدهن عظيم
انا لو مكان العريس بطلقا طوالي وبدون تردد,,لان من تتصرف بهذه الطريقة انسانة خائنة عهود الوفاء ولن تكون ابدا زوجة وفية,,لاكين يبدو ان ايات القران الكريم ابدا ما بتقع الواطة,,
الزاني لا ينكح الا زانية,,,والخبيثون للخبيثات
لو كنت مكانه لغنيت في الليلة ديك عندها ساغني بصدق ولربما تعطف علي وتحن للنداء
سيعلم من تزوجها انها صاحبة مصلحة عاجلا ام اجلا اما صاحبى المكلوم هذاء فليحمد الله فهو فنان ان استغل هذاء الدرس فسيجد نفسه وقد جمع فى رصيده الكثير من المعجبين والمعجبات وربما واحدة مخلصة امينة تحبه وترعاه وتدعمه:crazy:
دا شاكوش من احرا الشواكيش في العالم و الفنان هو زاتو بتاع دراما و عامل فيها الود سوما العاشق كان ياكولا لبادي و يقبض كشكوشو و يتخارج ولا كان ياخد بكيتو دي في بيتو, بس برضو والله حرام الزول دا كان حابيها بالجد , زي ما قال مديري دايما يا ابني اجوز التي تحبك مش الي تحبها انت
"الصدمة" ..
قد تفعل بك شيئان : اما ان تدمرك !!
او ان تصنع منك شخص اقوي يصعب انهزامه !!
وبيدك الاختيار
ههههههههه واللة قصة ما خلاص ما قسمة وبس
هاهاهاها
كان يواصل الحفلة ويغني ليها غلطة كانت غرامي ليك
بتاعة وردي
كامل تعاطفنا مع الفنان الشاب
ناس الفنون عندهم فنون ذى بتاعة السيرك بتوتر الاعصاب وتجعلك مشدود ومتوتر .. فنان محترم يمتهن الفن يتفاجأ بأن عروسه ( تأبطت شرا ) فالتهنئه للفنان العجيب أن فلت من الشرك ونصيحتى ليهو ركز فى العدادت والغناء الهابط خاصة (ناس ورا ورا ورا ) اللى أرجعونا للورا وبقينا كلنا ورا ورا فى التعليم ورا ورا وفى التربيه ورا وفى الاخلاق ورا وبقينا أمه ورا وماف زول برمى قدام وورا مأمن ..
وأنسى قصة العِرس وخليك فى الحب بس ..واذا جاى تبحث عن السعاده فى العرس تكون غلطان دى الشىء الوحيد المفقود فى العرس .. هى دعوه للعزوبيه وللعزابه وللحريه اذا عاوز تكمل النص … النص التانى مابتلم فيهو .. واذا عاوز تجيب عيال (أم جويلى) ماذنبهم وانت ماشاورتهم .. ليه بتكرر الغلط …
باكر تعرس أبوها يقوليك ماش وين يازول؟ أنت بعد ماعرست لسه بتشكر وبتمجد فى النسوان أنت بتتوب متين من الشغله دى؟
عموماً ابارك للفنان ان جاءته الرحمه ونفد بجلده ومالك ومال القرايه (أم دق )
(الجعلى البعدى يومو كلو خنق مع نسابتو وجيران نسابتو والغسال الجنب نسابتو)
هذا شيء تعودنا عليه كثيرا من النساء في الاونة الاخيرة الغدر والخيانة اصبحت من شيم النساء/كان مفروض مايمشي يخلى الغنى كان يمشي يضربها قدام كل المعازيم عشان تصبح عظة لكل النساء
:mad: :mad: :mad: ;( ;( ;( ;( ;( :mad: :mad: :mad: :mad: :mad: :mad: :mad: ;( ;( :mad: :mad: ;( ;( ;( :mad: :mad: ;( ;(
أقول سبحان الله أين قيم الشعب السوداني المسلم الغيور على عرضه هذه قصة أشبه بقصص المسلسلات كيف تكون هذه الفتاة هي خطيبته وهو لايعرف عنها شئ ولا يعرف أهلها ولا يعرف أين يسكنون هذا كله كلام فارغ وقلة أدب عديل ياناس قولوا كلام يدخل المخ
دة ود مرة مطلوقة فنان شنو المابعرف بيت خطيبتة دى حدوتة ذى لحس كوع نافع بعد ضربة الكرسى
اخ منكم يابنات الزمن دا .. واحد للحب وتانى للتسلية والفسحة وتالت للمصاريف والرابع للزواج
NOW YOU HAVE THE VACCINE FOR STUPIDTY
NO ONE WILL HEART YOU AGAIN
BECAUSE YOU WONT FEEL A THING
BE GOOD
ا .الى الاخ الفنان البكاي المشوكش …… الحمد لله البت دي بكتك هسه ، صدقني لو كنت اتزوجتها كان راح تبكي طول عمرك ، الله فكاك منها والظاهر امك داعية ليك ، وبعدين تعال هنا انت مالك ومال الزواج لو نظرت حواليك وبتامل في الرجال المتزوجين بتلقاهم كلهم بيبكوا جنس بكاء وفي منهم بجعر عديل كده ، هو البكاء ده إلا بالدموع ، اسمع كلام اخوك وسيبك من العواره دي ، زواج شنو وكلام فارغ شنو ، واذا كنت مصر تتهابل وتتزوج ما يهمك البنات راقدات تبش وعجور بس تبقى راجل بعدين مش بعد سنة سنتين تطفش من البيت . اللهم اني بلغت اللهم فاشد ، والسلام على من اتبع الهدى ………….
الفنان أخذ شاكوش من خطيبتة وقريبا ينسى ويجد غيرا
ولكن شاكوش سلفاكير للبشير وقصة والوحدة الجاذبة البنسيها ليهو شنو
ششششششششششششششينة منك على الاقل كان تسأل الحفلة بي منو والفنان الجاي يغني ليك دا منو ولا دي تكون حركة من العريس عاوز يجسك يا اما خاتيها للفنان
احتمال البنت تكون مظلومه . :eek: قالت ليهو نتزوج الان قال ليها الفنان ما بقدر الان عندي ميزانيه والبنيه التحتيه وما العماره لسع ما كملت وهلم جر و ممكن نتزوج بعد 5 سنوات وامكن لا الفنان ما عاوز يفقد المعجبات .فقامت البنت زهجت منو وقالت احسن الحق باقي عمري بدل ما احلم بالسراب.;( . لانوا مستحيل البنت متاكد انوا فنان غني وعندوا ملايين الدنيا ؟ تخليهوا وتبحث عن فقير الا عرفت انوا الفنان ما بتاع عرس و بتاع لعب وبس وكفايه ضحك علي الدقون ولي شنو:confused: :confused: :confused: :confused:
اؤيد بشدة ما قاله الاعزاء:
الاخ (الجعلى البعدى يومو خنق)
والاخ (أ بدين دول دوت)
كلامكهم كله حكم ودرر وحقاتق.
يقطع العرس ويقطع سنينه ويقطع اليوم الفكرنا فيهو ندفن روحنا وهي حية …
لا تظنوا ن موقفي هذا نابع من تعاسة زوجية او عدم سعادة مع زوجتي
كلا .. وحاشا والف كلا ..
انه موقف ينطلق من اشياء هي ابعد من ذلك
بل هو راي مبدئي يتعلق بالفكرة من اساسها
يعني انا اعتقد ان اجمل سنوات العمر هي التي تقضيها وانت عازب … حر .. طليق .. تطير تركّ علي كيف كيفك
واتعس اللحظات .. طبعا دي معروفة …!
أن اكبر غلطة يقع فيها الشاب انه يحفر قبره بيده ويفكر يتزوج
وقديما قال الفيلسوف: ما احلي الحرية وما احلي العزوبية …
وتاني نقول يقطع العرس ويقطع سنينه
التهاني الحارة للفنان .. لان ربنا شافه وحفظه من الوقوع في بئر خائنة العهود
والتعازي القلبية لعريس الغفلة … وبنقول ليهو ربنا يعينك
البنت دي واعية جداً ، وجدت أن هذا الفنان له خمس فتيات غيرها ، والبنت بنت عرس وليست بنت لعب ، ولذا قررت أن تنسحب من لعبة الكراسي ، وأن تلحق نفسها مبكراً ، وأن ابن قريتها خير لها ألف مرة من هذا الشاب اللعوب ، وهي التي اختارت الفنان ليحي لها ، ولتلقن الفنان درساً لن ينساه ، وليعلم أن العرس ليس لعب
ليس دفاعا عن الفتاة بل هي حقيقة ان هي احست ان الفنان جاااااد وعاوز يتزوجها اكيد ما كان عملت كده.بعدين هي عاوزة تتزوج يعني تتستر وما عاوزة طلعة ونزلة في الفاضي تبقي غلطانة يعني؟تأكدوا ان مافي بت ما عاوزة تتزوج وتتستر وفي الاخر فان الموضوع يعتمد علي شخصية الولد اذا كان جاد فان يقطع عرق ويسيح دم يعني يمشي لاهلها والا لا يلومن الا نفسه. :rolleyes:
يا بتنا الشمالية من كندا انتي ليه تتحيزي لبنات جنسك وتخلي جانب اولاد ادم تاكله الانقاذ …
يا شمالية الشاكوش صعب وخاصة لمن تكون البنية فتانه وجذابه ….
رحمة باولاد عمومتك يا بت الشمالية يا كندية ….
والله العروس باااالغت عديييييييييييييل ماكان توريهو ولا تكون اكلت قروشو وفكتو عكس الهوا زى مابعملن اليومين ديل ويرموها فى الحالة الاقتصادية .اسفى عليهن بنات حواء
أؤيد بشدة اخوانا الجعلي وتود وما أجمل الحرية … سؤال بسييييييييييط : العرس دا السمح فيهو شنو ؟؟ الشهر الأول ؟؟؟ أها وتاني ؟؟؟؟ يا زول احمد الله وأحلف من الشغلة دي ..:mad: :mad: :mad: يا الجعلي يا أخوي اظنها حلاوية نجيضة المكرهاك دي :lool: :lool: :lool: :lool: :lool: تحياتي للأهل بالدندر
والله عافيه منك يا قريبتى,,,تلقي قعد يتفهلم عليها لما قالت لى نعرس وقعد يقول ليها امى قالت الا تبنى وود اخوى فى المستشفى ما لاقيين ليهو متبرع بي كلى وما باعرف شنو حركات الجرجره بتاعة اولاد الزمن دا,,كمان عشان تغيظو عرست ونادتو يغنى فى عرسها يعنى قعدتو فى علبو ,,,عااافيه منك قويه
زي ماقال اخوانا عرس شنو / لي ترتبط بي وحدة وتعيش معاها الى الابد بالرغم من انه يمكنك الارتباط بي 20 وحدة كل يوم مع وحدة تشيل دي وتجدع ديك وتقعد تجرب فيهن ذي الشباشب المابعجبك اجدعو ولايهمك
;) ;) ;) ;) ;) ;) ;) ;) ;) ;) ;) ;) ;) ;) ;) ;) ;) ;) ;)
ان كيدكهن عظيم والله
والله حرام عليك لما كان بيصرف عليك كان احسن واحد في ناظرك
والحين اكيد العريس الجديد مريش علشان كده خليتي الحب وجريتي مع الجديد الجديد شدييييييييييد
لا ينجبر قلب علي قلب = الله يعوضك بالاحسن منها-منكن خوووووووف يا بنات
انا بس عندي سؤال محيرني البنات لمن يكونوا دايرين يزوغوا ويدونا شاكوش – المانع شنو نقعد زي العالم المتحضر ونفرتق من بعض بدل الشاكوش البجي في الضلمة دة
كما تدين تدان الفنان ده شوكش كم فتاة?:cool: ;) :lool: :mad:
ههههههههه احي احي يا الفنان والله انا بكيت قبالك.نصيحة ليك مني خليك في التجاري احسن وابعد من الترخيص(العررررس)البنات مشكلة مشكلة.لكن يافنان جد وسعته.ربنا يعينك.:lool: :lool: :lool: :lool: :lool:
الحكايه فيها ان احتمال كبير اختيار الفنان تم من قبل البنت عشان عاوزه تغيظو واكيد صاحبنا اتكبر عليها فى شى فحاولت تثبت ليهو انها هناك الف من يتمناها مسكين قالوا صاحبنا بكى وبعدين معام ما تجمد ومال 0
دي اول مرة الواحد يضحك من جوه قلبو من فترة طويله اه عليك يابلد
انا في تقديري ان هذا الفنان قبي جدا لان كيف يبكي لانسان ماعندها ادنى تقدير للحب
سودانيات ما عندهن الكلمة ولا يعرفن الحب…….هدفهن جرى وراء المال وغش الشباب.
غايتو الناس الماخدين شواكيش ظهروا شديييد وبانو هاهاه تعيشو وتاخدو غيرها,,,,,ويا حلو لو البنات شباشب انتو جزم والمشكله انو احنا ما بنقدر نمشي حفايا""انشا الله تفهم"" وتلقي شبشب على مزاجك
سؤال…. ليه الاولاد لما واحده تدي واحد فيهم شاكوش وتفكوا عكس الهوا تبقى واحده خاينة وغدارة ولما الواحد يدى ستين بت شاكوش يبقى دون جوان واشفت واحد وماجابتو ولاده..لا .. وتلقاه فرحان وقاعد يقشر لاصحابو انو معلق عشرين واحده واقعين فى غرامو..والقاعدين يلعنوا فى اليوم الاتزوجو فيه ديل ,,والله لو ماعاجبكم العرس الحل فى يدكم ..ولا شنو..بعدين مافى زول كان جبركم برااااكم سكيتو البنات ديل لما نفسكم قام ..لكن مافى واحد عندو الجرأه يخلع ..عشان بأختصار مااااابتقدروا تعيشوا من غير نسوان لسبب واحد علشان مافى غير النسوان بيستحمل قرف الرجال..:lool:
:confused: والله يا ناس فنون عملتوها ظاهرة عديل كده .. سمعنا بنجر الخشب وشتلة الليمون بس أول مرة نسمع بنجر خبر بالشكل ده .. باين الكتب الخبر من جماعة "الخيال الواسع" .. معقولة بس واحد يتفاجأ بخطيبته اتزوجت .. يعني وين كان الفترة دي كلها في زمن النت والموبايل .. ثم ثانيا جاء في سياق الخبر: فى احد الأيام استأذنته الفتاة فى أن تسافر إلى قريتها فى الأرياف لتمهد لذويها موضوع خطوبتها،
كيف يكون خطيبها وهي لسة عايزة تمهد لذويها موضوع خطوبتها، وبالله ده منطق العروس من الارياف والعرس في الخرطوم
سبحان الله والله يا ناس فنون عندكم جنس نجري بتعرفوا براكم، يعني حتى النجري ما بتحبكوا مزبوط ..ياخي احترموا عقول القراء .. أنا أستغرب هذا النوع من الصحافة كيف لها أن تصدر وهناك جهات يقال أنها رقابية ولا أدري أي شيء تراقبه ومثل هذا الغثاء يكتب وينشر ولا يوجد أدنى إحترام لعقلية القاري .. بالله عليكم أرحمونا من هذا الهراء وأكل |أموال الناس بالباطل
والله الظاهر عليهو دة فيلم هندي وبعدين القصة دى من خيال خصب جدا تنفع مسلسل تركى هاهاهاى
تأليف رائع يستحق صاحبه جائزة بيت الفنون للتأليف الروائى الحزين…..بطلو لعب بعقول الناس و استخفاف بهم بهذه القصص الوهميه و شوفوا غلاء الاسعار فى رمضان
يا ناس صحيفة فنون…اخباركم علي قدر مستوي عقلياتكم…وشكلكم كدا كنتو بتاعين افلام هندية وبطل راح وبطل جا ولاقي اخوه بعد زمن وخاين…والله حضيض