فيديو: خطبة الوادع في كسلا … الكوميدي محمد تروس

#خربشة_برلومية:
#الحصار_الإقتصادي_السوداني_15ديسمبر
#السودان_العصيان_المدني_المفتوح_19ديسمبر
#عصيانا_وبانوراما_التبكي
خارج النص :
عصينا …!
مدخل اول:
ناس مساخر وناس مهازل ومجرمين
وكضابين ما يعملوا فيها مفتحين
زمنم خلاص ولي انتهي وفي الزبالة مرميين
من قلنا بسم الله وعصينا للحكومة
ومن عصينا روحها طلعت
وفضلتنا جثة سيدا مات
ناس تظاهر بالثبات
وفي جواها الخوف هو ثابت
ناس تطبل للنظام
وفي الأساس جثة هامدة وسيدا ميت
أما نحن مما قمنا لا بنطبل ولا بنطقق
جيل معارض وما حنسكت
وطول عمرنا ما حصل للحكومة قلنا صح
لا القبلنا ولا البعدنا ونحن وسطي تسعينات
شبابنا حر شبابنا واعي بالكيبورد أعلنا حرب
بدل نظاهر عشان نموت
من حكومة بلطجية وسفاحين زي كلو مره
قلنا استوب ختينا نقطة وسطر جديد
نستفيد من تجربتنا من زمان لحدي هسه
… جارى الكتابة
قلنا عصيان وإلتزمنا بالمخطط
#27_نوفمبر وكمان يومين زي ما خطط
المواطن قال مواقف للبيان جر بابو وعملو خط
والحكومة في الخزينة عدمت قروشنا من الفرع قامت تنط
بقينا عصبة متوحدين بدل شتاتنا ومن فرحنا وقفنا لط
شعب واحد شعب صامد رفعنا صوتنا وقلنا تسقط
وقلنا يلانا ونكمل في مسيرنا لخلاصنا شان ما يظبط
يوم #19_ديسمبر بـ بشارتو قرب وجانا لأمرنا يلا نربط
وقلنا تسقط يعني تسقط لا بنساوم ولا بننط
ولو تطول مدة عصيانا حكومة تسقط يعني تسقط
شباب مفرغ للنضال وطاقة فل
وما بنخاف من قبل قدمنا شهداء ونفتخر
ووقت ما تكتم تلقونا قدام الصفوف وصدورنا تفدي
جيل معارض للنظام المجرمين المفسدين خضنا التحدي
شباب مثقف ومؤمنين عشان نغيير لابد نضحي
والشوارع لا تخون شعب عاصي ومنتفض من الجحيم
…
مدخل ثاني:
…
بانوراما التبكي والدموع
في خطبة وداع
…
في البداية السلام للوطن
ولا تحية إلا لمن عصي
وقال #عصينا …
وكان يا مكان
في مكان اسمو السودان …!
في جميل الزمان زمن العصيان …!
رئيس ومعه سرب من فطيس الدجاجات السمان
ونحسبهم من الغابرين الآن …!
والناس شهود وقيل هناك كذا جالية
إنتباه … !
و سؤال برئ ؟! … وين الرقيص ياااا بشه اقصد جرسة ؟؟؟!
ووين ما سمعنا تكبير بإسم رب العالمين يااااا مؤمنين ؟؟؟!
إنضباط … وتووش نخش في القصة
والقصة واضحة في المنصة
من سماها نفسوو طالع وفيها رجفة
والعيون مرقت لبرا وعاملة دايرة
واللسان غلبوا الكلام
وفضل يكورك ويستغيث
بالجالية …
والله يعلم حصل شنو جوه البنطلون … !!
وانت فسر وما تقصر يا رفيق … وقول عصينا
… فضل يكورك ويستغيث بالجالية …
ياااا جالية الجوار …
يا حبووووووش
انقذوني يا بشر
فلا طاقتي لي بالتويتر
وثورة شباب متقدمين في التقنية
ضربو الجداد فشتتوه بترو يدي
وصوت الجداد كاك اختفتي
وحدوا الشعب والصفوف بالتقنية
فكيفي لي ان استخدم راجمة
تعلمون نحن انقاذ متأسلمة
لا نجيد سوي الدمار والقمعنة
ورفع السلاح لضرب الحشود العزلة
وقعد يهطرق زي عوير
وفضح عمايلو قدام البشر
فوق المنصة بانو قاتل ومفتخر
مصاص دماء الأبرياء
ومن جمايلو حفر قبور
ووضع البلد في الهاوية
منطق رئيس …!
قال لو رجال
تجونا برا في الشوارع
وقال مهدد … ياخ شاطر
وقعد يخرخر
بيني بينكم وتحت تحت قالا واااااي
وااااااي عديل …!
وهم شهود
لو ما مصدق أسألم …!
اخت نسيبة لا تجيب
اخوات نسيبة لا تجيب
هيي انا ما نسيت …!
مش هو قال لو جريت (هرب) يحرقن
واخوات نسيبة بيسمعن
بس خلاص حرقن زماااااااان وإنتهن
ونهاية عصيانا نحن الخلاص للوطن
…
بريسدينت مصعب البرلوم
(15/ديسمبر/2016)
#العصيان_المدني_السوداني_19ديسمبر
#عصيان_حتي_سقوط_النظام
#الحرية_للمعتقلين

هههههههههههههههههههههههههههههههههههههههههههههههههههههههههههههههههههه

تروس

ههههههههههه.. إبدااااااااع

مبدع جدا!

هههههههههههههههههههههههههههههه راااااااااااااااااااااااااائع ياتروس ….