باقان أموم : مطالب حكومة البشير بشأن رسوم نقل النفط "سرقة في وضح النهار"…حكومة السودان أعلنت وتشارك في حرب اقتصادية على جمهورية جنوب السودان الوليدة
جوبا – قال جنوب السودان ان مطالب الشمال بفرض رسوم نقل برميل النفط تصل الى كونها "سرقة في وضح النهار".
وقال باقان اموم الامين العام للحركة الشعبية لتحرير السودان متحدثا للصحفيين يوم الاثنين "حكومة السودان أعلنت وتشارك في حرب اقتصادية على جمهورية جنوب السودان الوليدة."
ويأتي حوالي 75 في المئة من انتاج السودان من النفط البالغ 500 الف برميل يوميا من الجنوب الذي اصبح مستقلا في التاسع من يوليو تموز. والشمال فقط لديه خط انابيب ومرفأ لتصدير النفط.
واتهم حكومة السودان بإعلان "حرب اقتصادية" عليها من خلال إصدار عملة جديدة.
وقال إن الخرطوم تركت الجنوب يحمل كميات كبيرة من العملة القديمة التي أصبحت الآن عملة غير قانونية.
وأضاف أن الشمال أخل باتفاقية من خلال إصدار عملة جديدة وهي الجنيه السوداني.
ومضى قائلا إن الطرفين اتفقا سابقا على أن لا يصدر الشمال عملته الجديدة إلا بعد مرور ستة أشهر على إصدار الجنوب لعملته.
وقال أموم إن خطوة الخرطوم ستكلف الجنوب ما لا يقل عن 700 مليون دولار.
ولم يصدر تعليق فوري من الخرطوم
وكالات
من يتعامل مع الشيطان يجب ان يكون شيطانا
كان عليكم ان تتنبهو لكل الثقرات عند تعاملكم مع المؤتمر الوطني المسمى مجازا بالاسلامي نكرة الشعب السوداني ولايحملون منه صفاتا لايستطيع اخمادهم سوى الترابي لانه ابليس نفسه متخفي في زي البشر
دي سياسة وكلكم (مؤتمر وحركة) عاملين فيها منقطنها…بعدين ده بيع وشراء وبين البايع والمشتري يفتح الله ولا انت داير يخلوكم تصدروا بترولكم ببلاش وتوفروا الاموال ليكم وللحركات المتمردة؟ لكن بصراحة: ناس المؤتمر طلعوا شفاتة وعلموكم دروس: خلوكم تهربوا الجنيهات زي حكاية الحرامي الاطرش -التلب في عدة وصح ناس البيت- وبعد ده عملوا فيها نائمين وما عارفين تخطيطكم للحرب الاقتصادية…الحرب خدعة:cool:
نحن كناشطين من قبائل البقارة التي تشارك جمهورية السودان الجنوبي اطول الحدود على استعداد تام لاستلام وتسليك كل الجنيهات السودانية القديمة التي تقدر بـ (2 مليار جنيه)، وسيتم مقابلها تصدير منتجات زراعية وغابية وثورة حيوانية لدولة السودان الجنوبي، حتى تتمكن من أستراد قيمة هذه العملة من خلال تصدير هذه المنتجات.
نحن نقوم بذلك إذ يحدونا الأمل بأن يكون ذلك مقدماً لتعاون طويل الأمد، بين قبائل البقارة والسوداني الجنوبي، بحيث تساعدنا جمهورية السودان الجنوبي في تسويق الثرورة الحيوانية والغابية (الصمغ العربي) وتتولى تقديم التسهيلات البنكية وفتح الإعتمادات المستندية وتقديمات الضمانات لتصدير منتجات قبائل البقارة من خلال علاقاتها، ومنافذها إلى العالم.
وهذا التعاون سيحقق مصلحة أقتصادية وسياسية للطرفين، بحيث من خلال هكذا تعاون تستطيع قبائل البقارة من إيجاد أسواق بديلة عن الأسعار المفروضة بواسطة التجار الجلابة، وتحقيق عوائد أقتصادية مجدية ستساعد في خلق مجتمع مستقر ومستغل عن أستغلال نظام أقلية الجلابة الحاكم في الخرطوم، وفي المقابل ستتولى قبائل البقارة حراسة وتأمين الحدود الشمالية لجمهورية السودان الجنوبي ومنع أي تسلل لمرتزقة ومأجوري نظام أقلية الجلابة، لكون البقارة سيكونون يحروسون مصالحهم في المقام الأول.
الناحية الأهم، فأن فقدان نظام الفصل العنصري لأبناء أقلية الجلابة الحاكم لصادرات الثروة الحيوانية والصمغ العربي، سيعجل بأنهياره أو على الأقل لن يسيطيع أستيراد الأسلحة الفتاكة لقتل وسفك دماء الأبرياء بمناطق الهامش السودانية.
أن على أبناء الهامش السوداني أتباع كافة الوسائل العسكرية والسايسية والأقتصادية لهزيمة مؤسسة الجلابة التاريخية وتفكيك روافدها الطفيلية والإقامة على أنقاضها البالية والنتنة مؤسسات وطنية قوامها المواطنة أساس الحقوق والواجبات.
احمد البقاري
على حسب علمى وما تناقلته وسائل الاعلام ومن ضمنهم الراكوبه ان السودان الشمالى والسودان الجنوبى اتفقا على ان تسرى العمله القديمه بين البلدين وبنفس القبمه لمدة 6 اشهر ولكن الحركه الشعبيه فى حكومة دولة جنوب السودان حاولت استغفال حكومة جمهورية السودان وتوريطها اقتصاديا ومن ثم انهيارها وذلك باعلانهم لطباعة عملتهم الجديده وطرحها وتداولها فورا بل ذهبوا اكثر من ذلك بان طلبوا من حكومة الشمال استبدال عملتهم بالدولار او سوف نعمل على تدفق العمله بصوره كبيره لاغراق السوق لاضعاف الدوله ولان الدوله مؤمنه ولا يمكنها ان تلدغ من نفس الجحر مرتين احتاطت لهذا المكر السيئ واعدت العدة وطبعت العمله وبعد مفاجاة حكومة الجنوب باصدار العمله فجرت دولة الشمال مفاجاتها الداويه التى اصابت الدوله الجديده فى مقتل وهذا اول درس واقوى لكمه فى وجه الحركه الشعبيه الحاكمه لدولة جنوب السودان— لماذا يتباكى باقان الان ويتوعد كعادته وانه ودولته لاحول لهم ولا قوه وهم مازالوا سنه اولى سياسه— اما تهديد باقان بتصدير النفط عن طريق دوله اخرى فاقول له اثبتت الدراسات التى قامت بها جهات من طرف الحركه وابلغوهم ان لا مفر من التصدير الا عبر الشمال وذلك لطبيعة بترول الجنوب البارد والذى يعالج بالتسخين– وماذا عن المصافى وعن قرب عداريل من الخرطوم == كل هذا معروف ومحسوب — اما عن ايجار الخط هل يعلم باقان ان هذا الخط ايجاره دوليا يساوى اكثر من ذلك ولكن تقديرا للاخوه والجيره والعشره الت لا تهون علينا وهانت عليكم جاملناكم وسوف نظل نصدر لكم حتى تبنوا خطكم الجديد المزعوم الذى يمر ان اكتمل بمناطق غبر امنه ومعرض الخط للتخريب والتوقف وهذا يعنى فقدانكم للماء والهواء الذى هو النفط– بالمناسبة نبارك للسيد– باقان منصبه الجديد وعودته للحياه السياسيه وتصريحاته المعادبه للشمال جملة وتفصيلا—
Y ou start it ..You deserve it…So shut up.
I suggest that the goverment of Sudan should not be given fees for the latest shipment of oil in order to cover the cost of the $700 mil wasted because of them issuing their new currency and rendering the old currency in the hand of the South void. What kind of caly these people are made of! Only God knows.
الاتفاق كان أن تظل العملة موحده بين البلدين لمده ست أشهر لكن ناس الحركة عاملين فيها شفوت أعلنوا عن عملتهم الجديدة (طبعا طلعت مضروبة بسبب الفساد ) لكن الابالسة كانوا جاهزين عافي منهم في الحتة دي وفشل أهم عنصر في خطة الانهيار الاقتصادي ، أما حكاية عندكم 2 مليار جنية تعتبر أقل من النسبة المفروض يتحملها الجنوب من العملة باعتبار أن مفروض تاخذوا الثلث بحساب المساحة والربع بعدد السكان ، عملية نقل البترول الاسعار الدولية معروفة 32 دولار للبرميل كاش داون والدفع مسبقا كمان لكن عشان الجنوب دولة جديدة وبعدين عشرة سنين لن تتم المحاسبة حسب الاعراف الدولية بالحسابات الجديدة يكون السودان فقد 12 في المية فقط من دخل البترول الجنوبي في المقابل تخلصنا من رواتب ومصروفات كل الجنوبيين الكانوا يشغلوا مناصب دستورية في الدولة حسب اتفاقية تقاسم السلطة يعني بالحسبات الشمال لم يخسر ماديا بعد الانفصال
التسوى كريت تلقى فى جلدها، وكريت هذه معزة لاحدى المسنات، قامت بحك نفسها بشوال قرض، والقرض حتا جلدها.
يابقــــــان أمــــوم: لهجــتك دوماً لهجة وزير حرب وليس وزير سلام…….. إنت الآن وزير دولة تانية يعني تمثل دبلوماسية فأكبر شوية وإتعلم الحنكة والدبلوماسية.
يا سلام يا سلام يعنى نستخرج ليكم البترول ونسلمه ليكم جاهز ونخليكم تصدروا بدون رسوم من موانئنا عجيب انت ايها الباقان
معروف في سوق الله اكبر دا انك لو مشيت لي تاجر واداك سعر وشتمتو ومارد ليك شتيمتك ولفيت ولقيت سعرو منطقي وجيتو راجع بيضاعف ليك السعر .
الكلام دا ليه لانو ممكن الجنوبيين يوقفو تصدير النفط ويبيعوهو بي عقود آجلة لي حد مايبنو خط جديد لكن نفط الجنوب لي حد الانفصال طلع في حقول بترودار والنيل الابيض والوحدة وفقط حقل الوحدة مميز ونفط عدار وثارجاس تقيل شديد وفيهو شمع ودرجة API بتاعتو 19-20 عشان كدا افضل طريق ليه هو الشمال للانحدار الطبيعي والا حيكون تكلفتو عالية شديد .مماسبق اتمني من فاقان اموم يبطل شغل اركان النقاش دا ويقعد في الواطة ويحسب وبعدين علاقة المطالب بالسرقة شنو.؟؟
انا ممكن اقوليهو النص بالنص وبين البايع والشاري يفتح الله.
اتمني من الجميع استقلال الوقت والعمل فيما يفيد.
.
اوقفوا تصدير نفط الجنوب عبر الشمال وأقفلوا الحدود بحيث لايدخل منها ولايخرج منها شيئ وفكونا من المهاترات والإتهامات وخلوا باقان يشرب مايروي … لاأعرف الي متي نكون ضعفاء أمام هؤلاء الشرذمه الذين أضلونا وقاموا بتقسيم السودان كأن السودان ورثة ابيهم ..
هوي يالبقاري , يازول صمغ شنو وبقر شنو خت الكوره واطه … يابوي انت في الحسبه جلابي وبعدين الحدود البتتكلم عنها مع دولة الجنوب دي قايلا في اب ياي دي براها في حدود مع النوبه في الجبال وفي النيل الابيض وقبائل النيل الازرق .يعني حدودك مع الجنوب ما اكتر من ربع المسافه .
وبعدين الوطنية مطلوبه الناس العلقت دي كلها معارضه للحكومة دي بس بتتكلم من منطلق الوطنية , والله يجازي الكان السبب في تقسيم السودان كيمان وكل من هب ودب عايز يعمل اتفاق مع الحكومه ويبقي انتهازي ويرطب . قال صمغ قال
انشاء الله حاتشوفوا 20 الف موظف من مهندس لي فني لي محاسب الي عاملين في البترول في الجنوب قريبا حاتشوفوا وداعهم في قناه النيل الازرق اوايبوني وديل اقل راتب فيهم اكبر من راتب دستوري في الشمال وابقو رجال شوفوا ليهم وظائف
يا باقان أنت من تشعلل الحرب والسودان حر في سياساته الإقتصادية ومعروف عدائك للشمال والشمالين السودان حر في سياسته ويمكنك تصدير بترولك عن طريق أي دولة أخرى وغير من مسمى وزير سلام إلى وزير حرب أيها الحاقد
بالله عليكم الله انا دايركم تقرو تعليق البقارى عشان تشوفو الناس دى بتفكر كيف؟
الراجل ده فصل كردفان كلها مش جنوب كردفان بدليل انو هو داير اعمل تبادل تجارى مع دولة الجنوب يصدر ليهم ثروه حيوانيه وصمغ عربى مقابل الجنيه القديم وداير افتح اعتمادات مستنديه فى البنوك بتاعت الجنوب …يعنى الراجل ده حا اعمل الحاجات دى نيابه عن بنك السودان المركزى الموجود فى الخرطوم ….انت يابقارى مش حا تقدر تعمل الحاجات دى الا بعد فصل جنوب كردفان وتعمل ليك بنك مركزى فى كادقلى ولحدى ما اتحقق الشى الفى راسك ده تاكد انو العمله الجديده الطبعه الثانيه موجوده ببنك السودان والاتنين مليار الموجوده فى الجنوب زائدا الاقل من مليار الموجوده فى جبال النوبه بلها واشرب مويتها .وشكرا
نحن قبيل شن قلنا ماقلنا الطير بياكلنا.ماقلتوا نوبه.هههههههههههههههه
خرطوم باي باي هههههههههههههههههههه
ولسه الغريق قدام ياباقان . ومافي تهميش تاني ولا مواطنيين من الدرجة التانيه والاوهام العايشين فيها. راحت السكره وجات الفكره.
حكومة السودان أعلنت وتشارك في حرب اقتصادية على جمهورية جنوب السودان الوليدة
يا باقان , كنت المحرض الاول والصوت الاعلي لفصل الجنوب ,, لماذا التباكي والعويل اتشجع ياراجل وتجلد وهل كنت تحسبن المجد تمراً انت آكله … لن تبلغ المجد حتي تلعق الصبر ,, اخترتم الانفصال وكنت رأس الرمح ,
لكم دولتكم ولنا دولتنا ..
ماذا تعني محاربة الشمال لكم اقتصادياً ؟؟
ام مازلت في دلالكم ودلعكم وتيهكم القديم !!
شدوا حيلكم وابنوا دولتكم واترك هذه العنتريات والتصريحات الصبيانية التي لاتنفع بل ضررها عليكم عظيما التفتوا الي اهلكم الذين غررتم بهم ومنيتوهم بالاماني وزينتوا لهم الباطل حقاً والحق باطل
نحن في الشمال دولة ذات سيادة وانتم كذلك ,,
لقد ولي ياباقان زمن التقاعس والاتكالية
لقد ولي زمن الايدي التي تطعمكم والثدي الذي يرضعكم ,, من حقنا ان نمد متي ما نشاء ونمنع ممن نشاء ونفرض علي من نريد ,, انتم دولة ونحن دولة فالنتنافس في الكسب والصلات الطيبة ,, ودع ما عدا ذلك حتي تبني دولتكم
فاقان اموم وطن نفسه علي تنفيذ السياسه الامريكيه في السودان بدليل انه عندما قدم استقالته سارعت كونزليزا رايس بالضغط علي سلفا كير وريك مشار واعادته رغم انفهم علي الشمال فرض اي رسوم يراها والا علي فاقان البحث عن خطوط اخري لنقل النفط بعيدا عن سواحل السودان وهذا مايكلف الجنوب ثلاثه اضعاف نقله عن طريق بورسودان ولااظن ان امريكا سوف تقوم بالمساعده في بناء خط جديد بعد ازمة الدين الامريكي التي بدات تعصف بالاداره الامريكيه الجديده:cool: :eek: :rolleyes: :lool: :crazy: ;(
فرصه الكيزان في نفط الجنوب
سرقة ؟ بين البائع والمشترى يفتح الله . لو ماعاجبك السعر صدرو بالتناكر عن طريق يوغندا او كينيا ال كانو بدعموكم بالسلاح
انا لوكنت مسؤول لما سمحت لهم بالتصدير لا بالمال ولا بالمجان
الراجل محتاج وعايز يصدر عن طريق الشمال وبرضو ماعايز يخاطب بالادب .والله لم يفترى هؤلا الا لعدم وجود من يردعهم من حكومتنا الجبانة .
الاخ البقارى . الجنوب ذاتو ماقادر يصدر الا عن طريق الشمال
يريد باقان أن تحكم الحركة الشعبية جنوب السودان الحر المستقل وفي نفس الوقت أن تفرض أجندة الغرب على الشمال، وذلك من خلال التدخل في جنوب كردفان والنيل الأزرق، وأبيي، يريدون محاصرة السودان اقتصادياً وعسكرياً لتحقيق ما فشلت فيه الولايات المتحدة وبريطانيا وفرنسا وذيولها وأحلافها، ألا وهو إضعاف السودان وابتزازه وإفقاره وتمزيقه وتقسيم المقسم وتقطيع المقطع، إنهم لا يريدون سقوط حكم الجبهة ولكنهم يريدون إذلال شعب السودان خدمةً لليهود.
بالنسبة لاثار طرح العملة الجديدة على الجنوب فاهم نقطة هي التحكم في عملية حركة الاموال بين الدولتين في فترة التحول من العملة القديمة إلى الجديدة و أن تتم العملية بسرعة.الملاحظ أن أغلب المعلقين يذكرون كلاما نظريا و لكن التطبيق هو المهم فكثير من الناس كان يستبعد انفصال الجنوب عبر الاستفتاء بناء على التنظير و رأينا النتيجة.
يا باقان دى شروطنا ان عجبكم تعالو صدروا بترولكم بموانينا وان ما عجبكم صدروه بالطيران او بالبر عبر الدول الاخرى . الله فكانا منكم ما تختونا جيناكم والله جيتونا وحا نفرض رسوم صادرات لكل السلع التى تعبر لدولة الجنوب وسنؤجر لكم الكهرباء . انتم اصبحتم دولة اجنبيه ذات سياده بلاش تصريحات هوجاء؟؟؟؟؟؟؟؟؟؟
انت والله يالبقارى انا اشك فى انك تكون بقارى اصلى لانو كلامك ده ما بقولو زول شمالى وعنده وطنيه لانو ناس الحركة الشعبية اى حاجة بيعملها الشمال هم بعملوا عكسها …. بعدين باقان ذاتو لو ماعاجبو الكلام ده خليهو يموص بترولو ده ويشربو
بالمناسبة ياستاذ باقان انتم من بداتم السرقة فنحن تجار الجنوب املاكنا ومنازلنا ومزارعنا لازالت بايديكم ولم تقومو بتسليمها لنا ولكن اذا ارنا الحق فانتم لستم بقدر دهاء الموتمر الحرامي اذا سرتم خلفهم ستضيعون ولن تصلو لي اي نتائج فالاحسن ان تبدو في التفكير لبناء خط انابيب انشاء الله مع اسرائيل وتصدرو نفطكم باي مكان تاني لانو الحرامية ديل بودوكم البحر وتجو عطشانين
ما عامل فيها شيطان أموم :cool: قرصة صغيرة زي دي تخليك تولول :cool: :cool: :cool: بيعو بالجردل :cool: :cool: :cool: يبدو أن الكنترول بتاع الراكوبة الليله ماخد إجازة كل التعليقات طلعت وكأنوا شمس الحرية سطعت فجأة على الراكوبة :cool: :cool: :cool: :cool: :cool: :cool:
لقد سرقتم أنتم كل جنوب السودان من أمه الخرطوم لذا فأنت و مجموعتك الإنفصالية المتمردة على الوطن الأم تعتبروا من كبار المجرمين في العالم ضد الشعوب و الأوطان و الإنسانية .
Mr. Bagan , you have stallen all south of Sudan from its mother of Khartoum , that’s why you and your group of separation considered from the big world criminlas in the world against homes and humanity
يا جماعة الخير … أوفوا بالعهود ..
الدين بيلزمنا بان نوفي بالعهود ..
كان … إذا واحدة أسلمت وهاجرت للمدينة على الذي يتزوجها أن
يدفع لزوجها بمكة كامل "ما أنفق" عليها … بنص المصحف
هكذا يعلمنا الدين ..
أنا جنوبي : كنت بتعامل بعملة بلدي اللي مكتوب عليها أو ضمنيا عليها
تعهد بأن "أدفع لحامله ما قيمته كذا…
العملة دي عندها سند حقيقي .. ببيع بيها بقر وبشتري بيها شاي …الخ
هل بمجرد ما إنفصل تبقى العملة دي ما عندها قيمة وتضيع
شمار في مرقة ..؟؟ ليه ..؟؟ دي خيانة للتعهد الموجود على الورقة ..؟
مفروض يكون في تفاهم بين الحكومتين … حكومة الجنوب تجمع العملة دي من
الجنوبيين وتعمل بيها مقاصة مع حكومة الشمال وكل واحد يأخذ حقو …
ربما لا أكون ضليع في الإقتصاد لكن ما أود فهمه :
كيف إصدار الحكومة في الجنوب لعملتها بيضر في بالشمال ..؟
ليه الحكومة في الشمال خايفة من تسرب العملة من الجنوب ..؟؟
دا ما حقهم … يودوها وين ..؟؟
الحكومة عندنا متعودة تطبع العملة … ودا واضح من إنخفاض العملة
المستمر ( من 12 حنيه للدولار في 1989 الى 3400 في الوقت الحالي)
تضخم مستمر …
لكن إذا لقت طريقة (ملح ساي) تتخلص بيها من كتلة من النقود اللي
طبعتها يكون المنى والمراد … بتقدر تتحاشى جزء من التضخم
لكن بالسرقة … وخيانة العهود مع الجنوبيين ..
المصيبة الأكبر يا أخوان إنو الحكومة تطبع عملتها الجديدة بنفس الكمية ،
نفس الكتلة النقدية اللي زمان كانت مكفية الشمال والجنوب…
هنا معناها حكومتنا عندها عملة مافي ليها مقابل إنتاجي
والعملة حتنخفض قيمتها مع التداول …
لكنها في النهاية حتظل كتلة نقدية في يد الحكومة ..
حتصرفها مرتبات وخدمات … الخ
ودي السرقة الحقيقية ..
فهمونا يا ناس الإقتصاد
عودا حميدا مستطاب أيها البطل الجسور باقان.
ينصر دينك يا البقاري وطنيه شنو ده كلام فارغ لو في وطنيه صحيح ما كان وصلنا للاحنا فيه دا
دعوه لكل شرفاء الهامش للانضمام لحمله تضييق الخناق علي هذا المؤتمر الاوطني
ماتخاف يا أموم الجنوب قادر على ردم هذه الهوة الإقتصادية وهؤلاء يتحدثون عن جنوب السودان القديم.. مساكين والله يا جلابة
السلام عليكم يا بقارى ويا تمبول يا مجودى الجنوبى(فى جنويى اسمو مجودى) ويازتقار ويا kurbeke ويا سودانى مخلص كما تدعى ويا جنوبى كلكم لم تلوموا الحركه وحكومة الجنوب لعدم التزامها بالعهود لانها هى التى مكرت مكر السؤ ولذلك المؤتمر الوطنى داسها تحت الارض وخلاكم انتم واموم امامكم تتباكو– امامكم المغضوب عليه سوف يندم على تصريحاته واتهامه للشمال بالسرقة وهو اجنبى يسيئ لشعب ودوله اخرى — ام مازالت تراودكم الاحلام بالوحده الجاذبه للخراب والدمار والاستغلال الجنوبى للشماليين بحجة التهميش== == ابيل الير عندما ذهب لزيارة حلفا بالقطار ومر على المدن والقرى وشاف الشمال كيف تعبان وما فيهو تنميه استغرب ورجع يعاتب نميرى على ظلمه لاهله– وباقان الذى رضع من الشمال وانطلق لسانه بلغة الشمال بدأ كالسمك عندما يشيع ينط بره المويه ثم يختنق ثم يموت– يا شماليين خلافاتكم مع المؤتمر الوطنى ما تنسيكم السودان وتعاطفكم مع باقان وامثاله لن تجلب لكم من باقان وزمرتة سوى الشماته فيكم – وحاليا باقان يقرأ تعليقاتكم ويضحك عليكم وكان لقاكم لافين فى الجنوب يا ويلكم وسواد ليلكم- اذكركم ان الحركه اول من تكص عن العهد وطبعت عملتها سرا– الشمال عندو مطبعه عالميه معترف بها من الامم المنحده وليها ترخيص لطباعة اى عمله لاى دوله– ان الله مع الذين اتقوا والذين هم محسنون== اتقوا الله فى وطنكم السودان واتركوا الجنوبيين وشأنهم= وحاليا خلافاتهم بدأت تظهر على الصحف العالميه– اقرأوا مقالات الاستاذ- اسحق فى الانتباهه لكى تنتبهوا–
شكرا للتنبيه
نؤيدك فى مسألة البترول وهذا العمل ليس لان الشمال لا يملك بترول ولكنه إمعانا فى تحقيق الفصل النهائى
انت يا باقان مسكين فى السياسة مره تجر العلم ومره ايه وايه
اتمنى أن تكون قد وعيت الدرس وهووعدم ترك اي شئ جميل للجنوبين للتعامل مع الشمال
لو لم ينقطع الأمل فستقوم الحرب
أقبل بالحاصل وعليك تضريب هذه التكلفة ومد خطك جنوبا
اما قضية العملة لست المقصود بها انت بل جمع اكبر عدد من الدولارات مقابل ورق لا قيمة له
بعدين أنت تبدل هذه العملة بعملة أخرى فمل الضرر
قضية العملة هى التى كانت السبب المهم بين إثيوبيا وأرتريا وباديمى شماعة
والتاريخ يعيد نفسه
أرجوك إنتبه لبلدك وخليك من حبال الهواء
السياسة هى فن الممكن
رقم اختلافنا مع الكيزان كمان ياباقان لازم تدفع 25 دولار سعر الترحيل للبرميل ومضاف التكرير ووووو يعني عاوز مجاني ولا شوف ليك خط تكرير ومصافي ونقل وميناء وخليهم يعملوليك فري بي النسبه للعمله انت ماطبع عمله الجنوب
الأخوة الأفاضل الذين علقوا على تعليقنا رقم 3 (من الأسفل إلى الأعلى) نحن في تجمع شباب ومثقفي قبائل البقارة، وكوننا نمتلك الحدود الأطول مع جمهورية السودان الجنوبي (من حدود أفريقيا الوسطى وحتى النيل الأبيض) عازمون على أنتهاج كافة الوسائل والخطط لمحاربة مؤسسة الجلابة التاريخية، التي أقعدت هذا الوطن السوداني العملاق عن ركب التنمية والسلام والوئام نصف قرن وشنت أسوء وأغذر الحروب العنصرية على أبناءه حتى وصل عدد ضحايا الحرب السودان الرقم الأعلى على العالم والأنسانية.
لذا فأننا مصرين على أستهداف مناطق العصب في مؤسسة الجلابة التاريخية والمساهمة أقصى الأمكان في حرمانها من الصادرات الحيوية وتجفيف مصادرها من العملة الصعبة. كما سنعمل من خلال الحدود الطويلة بالمساهمة قدر الأمكان بأغراق الأسواق المحلية بالبضائع المستوردة عن طريق مواني شرق أفريقيا، حتى نستطيع تحويل قيمة صادرات الثروة الحيوانية والصمغ العربي خاصتنا إلى جنيهات سودانية وإعادة تدويرها من جهة وحرمان مؤسسة الجلابة التاريخية من عوائد الجمارك والرسوم والجبايات والقيمة المضافة التي تفرضها على الواردات.
أننا في تجمع شباب ومثقفي قبائل البقارة نعتبر محاربة مؤسسة الجلابة التاريخية وضربها في أكثر المناطق حساسية (الركب) وممارسة عمليات ضرب العصب حتى الشلل التام ومن ثم السقوط عمل أنساني نبيل وشرف وطني لا يدانى، ذلك من أنتقاما للشلالات الدماء التي سالت والأرواح أزهقت وتراب الوطن الذي تمزق بأفعال هذه المؤسسة الغذرة.
احمد البقاري
____________________________________________________________
في زمان انقاذ ( ود أب زهانة) : السودان يستورد الأبقار من اثيوبيا !!
July 26, 2011
(حريات)
كشف وزير المالية بولاية القضارف، معتصم هارون، عن استيراد (5) آلاف رأس من البقر من إثيوبيا لتركيز أسعار لحوم الأبقار التي قفزت من (18) جنيهاً إلى (24) جنيهاً للكيلو.
وقال الوزير لـصحيفة (الأهرام اليوم) إن الوزارة شرعت في ذبح (60) رأساً من البقر يومياً وتوزيعها بأسعار التركيز (18) جنيهاً للكيلو بالتنسيق مع وزارة الثروة الحيوانية بالولاية .
الجدير بالذكر ان عمر البشير ? على طريقة ود أب زهانة ? تبرع بـ (5) آلاف رأس من الأبقار لمصر من مزرعتي والي الخرطوم عبد الرحمن الخضر ووزير الزراعة عبد الحليم المتعافي .
this Bagan can not undrstaned anythings about poletical he just need to be obesid with north sudan the sudan not need your oil and the north sudan know you how to find the oil and at that tim you are in the forest with your boos Grang that he was kiled by CIA and whe have enough oil and we have por and sea but you cant able to meake new pipe line for you oil through Kinia THE Kinia bout about 21 belion $ for your new proposal pipe line go to Kinina WE DISLIKE YOU AND ALL SOUTH
انت وهم ول موهم وخل البقاره في حالهم واتكلم انت وماتكون سطحي وانا اقول لك 2 يجب بترهم باقان والطيب
يا بقاري لولا الجلابه كان سرقوا ابقاركم في نصف النهار
اصالة عن نفسى ونيابة عن عموم الجلابة اقول للسيد احمد البقارى (طظ)
جلاااااااااااااااااااااااااااااااااااااااااااااااااااااااااااااااااااااااابى وافتخر
باقان راحت ليهو عديل كدا من النهار دا مفيش اعزار شدو حيلكم وانكربو وابنو دولتكم ومكان ماتشوف عينكم تختو كراعكم لكن بعيد من الشمال شعبكم راهن عليكم من اجل السلام والتنميه والرفاهيه ما راهن عليكم في اذية السودان البترول دا مبروووووووك عليكم انشاء الله
استاذ مجودي
اولا: العمله القديمه اصدرها وتعهد بالدفع مقابلها بنك السودان المركزي الموحد قبل الانفصال ، تعهد بالدفع مقابلها من المقابل الانتاجي بما فيه ما في الجنوب من بترول و غيره من ثروات
الان جزء من هذا المقابل الانتاجي ذهب مع ذهاب الجنوب بالتالي يذهب معه الالتزام بالدفع لهذا الجزء
ثانيا : من نكص بالاتفاق وطبع عملته سرا واعلنها اولا ، ليس له الحق انو يشتكي
بالنسبه للاخ البقاري :
اعتقد و اتمنى ان تكون الحركه قد تعلمت الدرس و لن تعاود المحاوله لضرب الاقتصاد السوداني والسبب بسيط : لو لاحظ البنك المركزي تهريب اموال من الجنوب للشمال يستطيع بكل بساطه ان يهرب اضعافها للجنوب . لاحظ ان في الشمال 11 مليار وفي الجنوب 2 مليار ، اذا من القادر على اغراق الاخر…. فتأمل
1/.2/ يكفي ان الشمال اتحمل الديون وذلك على حساب شعب الشمال
3/ حكومة الشمال هي حرة في ان تصدر ما تشاء من العملات
4/ كل مشاكل الجنوب من الشمال يا اخي نحن ما صدقنا بالانفصال بعد دة ما عايزين تتفكو مننا
شكرا ليك وطني وسوداني غيور :
"الان جزء من هذا المقابل الانتاجي ذهب مع ذهاب الجنوب بالتالي يذهب معه الالتزام
بالدفع لهذا الجزء .."
ودا في راي ايضا كلام صحيح ، بس كيف نعقلو :
دا اللي مفروض حكومتنا الرشيده تعملو . تمد رجلينا قدر لحافا (إنتاجها)
تطبع فلوس قدر الإنتاج الجديد ( يعني الكتلة القديمة ناقص ما ذهب للجنوب
من بترول وبقر و …. خلافو ) .يعني بالحسبة دي مفروض الكتلة الجديدة اللي تنطبع
مفروض تكون 1/2 القديمة . لكن باين ليك دا ممكن يحصل ..؟؟
ما أظن … الشواهد كتيرة … حكومتنا ط متعوده دايما.." :
من 12 جنيه للدولار الى 3400 في الوقت الحالي. دي معظمها طباعة ساي
كدي خلينا نقول p منها طباعة .
الحكومة تطبع الفلوس وتوزعها مرتبات وخدمات .
وانت قيمة الجنيه تنخفض في يدك ( لا ناقة لك فيها ولا جمل ) .
حتى الحكومة الأمريكية اللي هي اكبر مستدين في العالم لمن يكبر
عليها الدين تخفض سعر الدولار يبقى الناس المدينين ليها خسروا بقدر التخفيض.
لكن نقطتنا الأساسية :
الجنوبي المسكين دا ، القاعد في يرول مثلا ، باع واشترى بألف
جنيه بالقروش القديمة الفيها التعهد دا (ودا تعهد شخصي فقط لحامله)
فجأة يلقى نفسو ماسك ليهو ورقة ما عندها قيمة ..؟ دي ما سرقه ..؟؟
المصيبة الكبيرة الحكومة لمن تقوم تطبع القروش الجديدة بنفس الكتلة القديمة
معناها الألف بتاعة الجنوبي الفي يرول سحبتها الحكومة منو .. سرقة يعني ..
وتقوم تصرفها مرتبات وخدمات محلية تفك بيها زنقتا ….
=========================
أما بخصوص موضوع سعر ترحيل البترول فدا فعلا : يفتح الله يستر الله .. بس
دي برضها تجارة وبترول الجنوب دا "زبون" أحسن نتعامل معاهو كويس
علشان يستمر معانا مش بكرة يحرد والصين وأمريكا يبنوا ليهم خط في سنة
واحدة ونبقى نحنا الخسرانين .. دي تجارة وشطارة
أشكرك مرة تانية لإهتمامك