مجادعات رسائل في الواتساب .. بين شعراء الشمالية بمناسبة زيارة البشير
مجادعات بين شعراء الشمالية بمناسبة زيارة البشير
ود ابرهيم قال….
شن بنسوي بي جيت البشير للدبه
لا بعالج قضايه ولا بزيل الحبه
دايمن في القرار زي الطفل يدبه
بس فالح رقيص دقولو ياخد تبه
✍🏻✍🏻✍🏻✍🏻✍🏻✍🏻✍🏻✍🏻
الملك..قال..
جيتو كما العدم مافيها خيري ي صُحبه
كيف يفتح هو مستشفانه وماجاب صبه
زول هاوي الرقيص كسّر بلالي الرُكبه
مني انا ليهو ولي اتباعو مليون تُبه
✍🏻✍🏻✍🏻✍🏻✍🏻✍🏻✍🏻✍🏻✍🏻
مجنونك قال…
احسن لايجينا االبرزاله معبه
السالب حقوقنا وبي دمانا اتربه
الزول البهز وسطو. وبياخد شبه
حقو. اول يجينا نقابلو بي مرزبه
✍🏻✍🏻✍🏻✍🏻✍🏻✍🏻✍🏻✍🏻✍🏻
كجنكي قال
جيتو بلا فوائد وما بيفكلو كُربه
من دون البلاد مظلومة فيها الدبه
جيتو كما العدم مافيها شي يتخبأ
يتوعد و يفوت ما بنستفيد الـ. حبة
✍🏻✍🏻✍🏻✍🏻✍🏻✍🏻✍🏻✍🏻✍🏻
الملك قال….
اكلو حقوقنا واتلافوها منصب ورتُبه
يلعبو من زمان بس وين نهاية اللعبه
يوعدو فينا نحرس ونرجي ليها الكضبه
مانصح الوطن كيفن بتصحي الدبه
✍🏻✍🏻✍🏻✍🏻✍🏻✍🏻✍🏻✍🏻✍🏻
مجنونك قال….
شعبك يابشير ( بالطيبه ) قلبو. معبه
والموت البشيل بيقابلو ما ببتخبه
دحين احسن تحس ياجعلي ارحم حبه
خاف يوم الوعيد يوم الخلوق متكبه
✍🏻✍🏻✍🏻✍🏻✍🏻✍🏻✍🏻✍🏻✍🏻ود ابرهيم قال…
زيك يا بشير والله ما بيتحبه
في جواك كوم حقدن دفين ومخبه
كرهوك الكبار واليحبي يادب شبه
ياخي شويه افهم دل حبالك حبه
✍🏻✍🏻✍🏻✍🏻✍🏻✍🏻✍🏻✍🏻✍🏻
كجنكي قال…
جيتك يا البشير ما منها أبداً صالح
ياخي اقعد مكانك و منو اوعى تبارح
للدبة أن مشيتا أكيد وراك مصالح
ماشي تغشهم شعباً كريم ومسامح
✍🏻✍🏻✍🏻✍🏻✍🏻✍🏻✍🏻✍🏻✍🏻
ود ابرهيم قال…
من ماجينا اتا عرفنا حكمك طالح
اتا والمعاك جت ناس قروش ومصالح
الضعفاء المساكين حقهن جت رايح
ليكم يوم يبين فيهو انتو تبقو فضايح
✍🏻✍🏻✍🏻✍🏻✍🏻✍🏻✍🏻✍🏻✍🏻
مجنونك قال.
ياالشايل عصايتك. ولي عبايتك شالح
شايفك في الرقص والعرضه يازول فالح
دام الزول ده بلعب ولعبو جت للصالح
ارح. خلونا. نمرق وعوم نشقو المالح
✍🏻✍🏻✍🏻✍🏻✍🏻✍🏻✍🏻✍🏻✍🏻
الملك قال
يارب العباد رازق البطير والسابح
كِتر ظُلم البشر كترت معاهو مشارح
ي البصاقعه دمر لي ثمود قوم صالح
نطف ها البلد من الملونا فضايح
✍🏻✍🏻✍🏻✍🏻✍🏻✍🏻✍🏻
جدو قال
ارحم ياكريم نجينا ديلا جوارح
يسلبو في الوطن ماخلو فيهو ملامح
كل الكان جميل اتلاشا اصبح واضح
يغنيك السؤال والحال اكيد صار شارح
دا البشير بي تشريفو الدبه
الصغير والكبير لي لقاء هبا
ديل اهل الشهامة والكرم اهل الدبه
والقلوب من يوما ملايانة ليك محبة
اقدل وارقص يارئيس مابجيك الحبة
دا البشير بي تشريفو الدبه
الصغير والكبير لي لقاء هبا
ديل اهل الشهامة والكرم اهل الدبه
والقلوب من يوما ملايانة ليك محبة
اقدل وارقص يارئيس مابجيك الحبة
لو عندك كرامة وعزة
ما كان رقصت رقيص العويل الفاضح
كان بقيت ذى الرجال
مش شايل عصاك تتمايل وللرقيص فالح
فيفى عبدو رجعت لصوابا
قالت البشير ما خلى لينا مصالح
الجعلية منك اتبرت
قالت ما فينا وبينا راجل طالح
نحن اولاد ملوك وعز
للكرباج بنركز ورقيص الرجال فاضح
اسمع يا زول ( المك وكنجكي )الدبه
في معرفة الرجال الظاهر ما بتعرفوا الحبه
نحن عزار ونكرم ضيفنا ان عدوا ظاهر أو مخبه
تفداك النفوس يا بشير الليلة شرفت الدبه
لمهاجر
******
أزيدكم في الشعر بيت
***
يا الشليق الديما هازي عصايتك
وشالح في البلاد في الدم
غرقانة ديمة عبايتك
عولاقآ غشيم عدم الأدب تربايتك
وقفنالك عديل قومناها نحن قيامتك
****
رايكم شنو ؟ في الجدعة دي
بديكم العافية قلب واحد وشعب واحد
با البشير العوقه ورايك تالف
الشعب قال كلمتو ومنك مو خايف
كترت الكلام والرقيص الهايف
ليك يوم والعود راجيك ياعجوز باعايف
والله زبطوه واعطوه حقو . مابحس حشرة فقد. رجعت عليه بدليل الحال المشاهد وماتعلمه الناس عنه . السوال هل الاسلام اتاح للمسلم تصغير الاخرين بدون. جهة حق خاصة لو كانوا مسلمين وليس فيهم بدع كفرية . سعادة الحشرة كل التبجح والتفلت الذى قاله على المنابر وفى المحافل رجع اليه فانه صاحب جهل مركب بربه ودينه ورسول الله صل الله عليه وسلم .
ماقصرتو ياشعراء الشماليه اديتوه حقه وزياده
احسن ترحيب بعدم المحبه هههههه
احيكم واللة
تحية لشعراء بلادي
المهاجر
******
في نيجيريا وراك
خليت ضراطك فايح
ومن جوهانسبيرق شردتا
يا الكبة مليتنا فضايح
شاحد ربي الكريم تاني
ماتلقى فيزة سايح
من متين بنخاف نقابل جارنا
أهل الكرم والجود في الدنيا كابا ثمارنا
والليلة ياسفاح صبحتو كيفن حالنا
التحية لشعراء بلادي
لو عندك كرامة وعزة
ما كان رقصت رقيص العويل الفاضح
كان بقيت ذى الرجال
مش شايل عصاك تتمايل وللرقيص فالح
فيفى عبدو رجعت لصوابا
قالت البشير ما خلى لينا مصالح
الجعلية منك اتبرت
قالت ما فينا وبينا راجل طالح
نحن اولاد ملوك وعز
للكرباج بنركز ورقيص الرجال فاضح
اسمع يا زول ( المك وكنجكي )الدبه
في معرفة الرجال الظاهر ما بتعرفوا الحبه
نحن عزار ونكرم ضيفنا ان عدوا ظاهر أو مخبه
تفداك النفوس يا بشير الليلة شرفت الدبه
لمهاجر
******
أزيدكم في الشعر بيت
***
يا الشليق الديما هازي عصايتك
وشالح في البلاد في الدم
غرقانة ديمة عبايتك
عولاقآ غشيم عدم الأدب تربايتك
وقفنالك عديل قومناها نحن قيامتك
****
رايكم شنو ؟ في الجدعة دي
بديكم العافية قلب واحد وشعب واحد
با البشير العوقه ورايك تالف
الشعب قال كلمتو ومنك مو خايف
كترت الكلام والرقيص الهايف
ليك يوم والعود راجيك ياعجوز باعايف
والله زبطوه واعطوه حقو . مابحس حشرة فقد. رجعت عليه بدليل الحال المشاهد وماتعلمه الناس عنه . السوال هل الاسلام اتاح للمسلم تصغير الاخرين بدون. جهة حق خاصة لو كانوا مسلمين وليس فيهم بدع كفرية . سعادة الحشرة كل التبجح والتفلت الذى قاله على المنابر وفى المحافل رجع اليه فانه صاحب جهل مركب بربه ودينه ورسول الله صل الله عليه وسلم .
ماقصرتو ياشعراء الشماليه اديتوه حقه وزياده
احسن ترحيب بعدم المحبه هههههه
احيكم واللة
تحية لشعراء بلادي
المهاجر
******
في نيجيريا وراك
خليت ضراطك فايح
ومن جوهانسبيرق شردتا
يا الكبة مليتنا فضايح
شاحد ربي الكريم تاني
ماتلقى فيزة سايح
من متين بنخاف نقابل جارنا
أهل الكرم والجود في الدنيا كابا ثمارنا
والليلة ياسفاح صبحتو كيفن حالنا
التحية لشعراء بلادي