بكري حسن صالح : الجبايات التي تفرضها الولايات تعطل الإنتاج
انتقد النائب الأول للرئيس السوداني بكري حسن صالح، الرسوم والجبايات التي تفرضها الولايات، مبيناً أنها تعطل الإنتاج ولا تفيد المركز والولايات، داعياً إلى زيادة الإنتاج والإنتاجية للخروج بالاقتصاد الوطني إلى بر الأمان، خاصة في مجال الزراعة.
وقال، لدى مخاطبته الاجتماع الـ 16 لمفوضية تخصيص ومراقبة الإيرادات المالية، إن الاجتماع من شأنه مناقشة الأداء وتطويره بالولايات، داعياً إلى التنسيق المحكم بين المركز والولايات في ما يلي الجوانب المالية. وأوضح أنه رغم الظروف الاقتصادية التي تمر بها البلاد، إلا أن التزام المركز نحو الولايات لم ينقص.
وأضاف “رغم انخفاض أسعار النفط وخروج بترول الجنوب والحصار الاقتصادي والبنكي تم الوفاء بكثير من الالتزامات في العام 2016”.
ووجَّه صالح بجعل موازنة العام 2017 موازنة شاملة، مشدداً على ضرورة الإيفاء بتعويضات العاملين بالولايات في الوقت المحدد مع إحكام الرقابة على كشوفات المرتبات وعدم تجنيب الإيرادات.
وأكد رئيس المفوضية أحمد محمد علي فشاشوية التزام المفوضية بكل ما خطط له في العام 2016، منوهاً إلى إنجاز التحويلات الجارية للولايات بنسبة 100 بالمائة، وكذلك التعويض الزراعي في ما فاق التحويل التنموي نسبة الـ 50 بالمائة.
شبكة الشروق
منذ 27 سنة كنا بنقول الكلام ده يا دووووب فهمته يا بكري !
خلاص شبعتو ولا شنو.
بكرى يا فقرى الليلة الشديدة دى من وين الردوم و لا كافندبى؟
وشهد شاهد من اهلها
حسه دا ياتو صنف البخليك تقول
كلام زي دا…
ضربت في وتر حساس في حكاية الجبايات ،الحكومة بقت عايشة من جيب المواطن غلا اسعار وكمان جبايات يعني نحنا شغالين لي حسابكم ،،،اشتغل لي عمك وامشي ملوص لي امك اتقوا الله في خلقه
طيب ما تلغيها يا مستر بكري. موش انت نائب الرئيس. ولك مطلق الصلاحيات في إصدار القرارات التي ترونها مناسبة. أمركم عجيب وما عندكم همة ولا شغلة غير إطلاق تصريحات عجيبة. اعمل من سكات وإلا اعترف بالفشل. كرهتونا عيشتنا
اشهد انك ماصدقت التي تفرضه الجهات الاتحادية هي من تدمر الاقتصاد الظرائب الجمارك البنك المركزي وزارة الاستثمار الاتحادية من اكبر المعطلين للانتاج والاستثمار بالسودان السودان اغنى دول العالم العربي ماعدى العراق اغنى من السعودية ولاكن الحكومة الاتحادية هي المفقرة للشعب والمستثمرين دعوا المستثمرين بس تشتغل بحرية باموال داخلة من الخارج بلاش القيود منوع مممنوع لجان وراء لجان ووو
هو الكلام بفلوس!!!
انت عارف يا سيد بكري
اول حاجة دي ما جبايات دي اتاوات عديل كده
والحمد لله انك وصلت لقناعة انها بتعطل الانتاج
واسمعها نقولها ليك عديل
المزارعين تركوا الزراعه
والرعاة هجروا المراعي
والصناع تركوا المصانع
كله بسبب بلطجة المحليات والجباة العتاة ( الباشبوزق)
وحاجة بسيطة نلفت نظرك ليها
امشي اي محلية واطلب ان يقف الجباة صف طابور
وعاين شوف المؤخرات والكروش
بدون زول مايقول ليك حرف حتفهم كل حاجة
الأخ بكرى حسن صالح
أنت الوحيد فى الجماعة المعاك ديل الذى لم تتفوه بكلمه تسىء لإنسان السودان لذا سأخاطبك بتحية الأسلام
السلام عليكم ورحمة الله وبركاته
يعجبنى فيك ماسك خشمك وما بتفلت ولا تسىء لشعبك لكن دا لا يعفيك أنك شريك معهم فى جرم تعذيب وتجويع الشعب السودانى وتدمير البلد
قلت ( الرسوم والجبايات التي تفرضها الولايات، مبيناً أنها تعطل الإنتاج ولا تفيد المركز والولايات )
الولايات دى فيها مدارس ومستشفيات وشفخانات وانت شايف ما يخصص للصحة والتعليم لا يغطى نسبة 5% من الأحتياجات اضف الى ذلك ان الولاة والمعتمدين الذين يجبون هذه الجبايات لهم اطماع زى ناس المركز ولازم يلهفوا مع اللاهفين
لو ميزانية بدر الدين محمود الذى كان بيضحك وهو فى مكتبك قبل يومين ماعارففرحان ليه يمكن عشان خيبته الكبيرة فى الميزانية ام عجزا تجاوز ال 18 مليار ، لو الميزانية بها مخصصات تعليم وصحة ورعاية اجتماعية لكل ولاية ولكل محلية لكان للمركز عليها كلمه ويقول بالصوت المليان اديناكم كل حاجتكم البيقلع قرش جباية من مواطن نحن حنسخن القرش فى النار ونكوى بيهو سواد عينه عشان يعمى ويقف عن الجباية
يا سيد بكرى مادام انتو قاعدين فى القصر بهذا الوضع المترهل ومكنكشين فى الحكم وماعاوزين تعملوا سلام الانتاج مش حيزيد والواردات ستظل اضعاف الصادرات والوضع سيظل معجز
الحل فى الحل
الله يرضى عليك صبحها مقلوبه وسلمها مجلس حكم استشارى من 12 رجل عدل ينوبك ثواب خلاص بلغت الحلقوم وزولك دا ما فى أمل يتراجع من الفيه والسبب ناس الجنائية قاطعين قلبه عشان كده قال سيسلمها عيسي ونحن منتظرين نكير يحلنا