يا ناس الامن .. اختشو علي دمكم

آه – وآه عليكم يا الشعب السوداني الله يصبركم – الله يصبركم – وكمان معاكم المغتربييييين منتظرين كرامات البشير لإعفائنا من السيارات – وترخيص العيشه للشعب السوداني .

تخريمه : أنشاءالله تكونوا أشتريتو خروووف الضحية .

الله علي الظالم

لذيذ والله

ناس الامن ما حيحسو بينا و ماحيطلعوا لانهم قادرين يشتروا كيلو الطماطم البي 40 الف و كيلو اللحمه البي 55 الف . غايتو ربنا يصبر الناس لانو الحاله بقت بطاله ، ياخي انا امبارح جمب بيتنا لقيت واحد كان معاي في المدرسه زمان اتونست معاه حكا لي حاجات تبكي الحجر اول حاجه زول يتيم و امه عيانه و عنده 3 اخوان صغار شغال في الهدف مرتبه ما بكفي اسبوع ، قال لي احنا كهربتنا خلصت ليها 3 يوم و مافي اكل و مافي مصاريف للاولاد يمشو المدرسه و ماعنده وش يقابل بتاع الدكان لانه الحساب تقل ياخي معجون اسنان و صابون ما قادر يشتريه قال بقي ياكل وجبه واحده عشان يوفر لاهله حق وجبتين ، هدومه باعا ، لما سالته حتعمل شنو قال لي انا عندي بنطلونين و تلفون قديم سعره ما اكتر من 100 جنيه و بايظ كمان ماشي ابيعههم في السوق و لو ما اتباع انا حامشي ارمي روحي من الكوبري لانه مافي اي طريقه نجيب بيها اكل للشفع ديل غير كده ، و اثناء مااحنا بنتكلم في الديراما دي جا واحد سايق عربيه انفنتي بيضا سعرها ما اقل من 3 مليون جنيه بالجديد 3 مليار بالقديم ، و لابس جلابيه بيضا و نضيفه و ساعه ماركه و مركوب غالي اثار التنعم و الراحه في وشه شكله زي الكان في ساونا ، اها وقف جمب ارض يادوب ببنو فيها برج كبير ، نادا واحد اتكلم معاه دقيقتين و بعد شويه مشي بالعربيه ، اتخيلوا الزول دا طلع منو ؟ ( ابو اماني ) موسي هلال الجنجويدي المجرم حيبني برج في ناصر شارع اوماك و اشتري الارض بي 2 مليار بقروشنا و قروش الغلابه في تشاد ، و لسه كمان حيبني بكم ؟ شفت كيف يا بوشي تقول لي طماطم وباميه و ما بعرفو شنو ديل يا اخوي قلوبهم ماتت من زمان و لا بهم شعبهم و لا بخافو رب العالمين ادمنو الحرام و الحرام اتعود عليهم مافي يوم حيعملوا لينا حاجه ، لو ما احنا طلعنا حنموت من الجوع .

بوشي سلام …
هم من ناحية ما عايشين معاك طبعاً ما عايشين معاك، هم عايشين جنبك ساكت بس، ما هو أصله الفروقات في الأسعار اللي ذكرتها دي ماشية ليهم هم بطرق مباشرة و غير مباشرة، ياكلوا الحنضل إن شاء الله.

تحياتنا للوالدة أدام الله عليها الصحة و العافية و راحة البال، لكن راحة البال تجيها من وين معاك يا بوشي؟

أريت يطلعو يعرفو يقرأو

بأمانه يا البوشي كنت بحترمك شديد لكن ياريت ما كنت عرفتك منتمي لي حزب البعث كفاية اللي شفتو في بشار مع شعبه بالطائرات يقصف في الابرياء عايز يحكم منو طيب بيوت خاوية على عروشها ، والشفتو في صدام حسين بإستخدامه للكيماوي ضد شعبه وقتله لمن يخالفه الرأي في الحال وعايزين كمان تصلوا للحكم وتطبقوا فينا نفس نوع العذاب . علشان ما تقولوا انا جداد الكتروني افضل لينا الطغمة الحاكمة شغالة تاكل لنفسها ما عايزة زول ياكل معاها لكن البعثين بياكلوا وبقلتوا موت جماعي علينا وعلى اعداءنا .

اتفق معك في رسالتك ياخي ياخي ياخي دي انه ناس الامن يحترموا البشرية وما يعاقبوا الشخص في رائه انا ما عايز البشير مش على كيفي .؟؟؟؟؟ يخلوني اقول رائي وما بجبر الناس انه يكرهوا البشير معاي المهم راي في فلان وعلان بقولوه في وشه ولو واثق من نفسه ما بهمه رايي بدوره يقنعني انه عكس ما اقوله عنه مش يستخدم كلاب الامن وليه تصلوا لاسر السياسيين علشان تكسروا شوكتهم ما فعلوه بوالدتك لم يرضينا جميعاً بالتاكيد .

اها ياريت تسع كلامي وتترك الحزبية دي لانه اساسا حزبي وحزبك وسيدي وسيدك دي ما جايبة حقها خليك كسوداني مستقيل همه الوطن مش همه حزبه والحزب يعني التشرزم كل شلة تسوي ليها حزب وتضيع في وقتها بالندوات المكررة والتنظيرات ولما يصلوا للحكم كل واحد يفكر في الخم واللغف وينسى ويبيع القضية .

بلا حزب بعث بلا دمويين

خبر عاجل سقوط طائره عسكريه غرب امدرمان ووفاة 13 ونجاة 9

لك هذه القصة الاخ الناضل بوشى هذه قصة حقيقة حدثة فى مدينة ود مدنى عام 1992و1993 بمعتقلات جهاز الامن بحى 114 وهى تم اعتقال احد المناضلين ان لم تخنى الذاكرة اسمه عبد الله وكان معلما وكان ينتمى للحزب الشيوعى كانت مهمة افراد جهاز الامن هى التحقيق معه ومحاولة معرفة خلايا الحزب الشيوعى النشطة فى مدنى فتم اعتقاله بعدالاشتبه فيه واظنها لم تكن المرة الاولى له فى الاعتقال ولكن هذه المرة كانت اطول ومختلفة كليا لماذا تم فيها لاول مرة سلاح الترهيب والتعزيب والتهديد بالاغتصاب لانهم جربوهومع المناضل بدر الدين وهى باغتصابه عدة مرات مما افقده عقله فقام بزبح زوجته ووالدها فى مأساة من مآسى النظام الحالى
تم تعزيب المناضل عبد الله تعزيب رهيب وكان صمود عبد الله صمود الاسود والجبال كان يقاوم الالم التعزيب بإلقاء قصائد الشعر المقاوم اشعار محجوب شريف وحميد وغيرهم وكان له صوت جهور والقاء جميل احد افراد الامن كان معجب بهذا الرجل لصموده ومواجهته لهم بهذا العمل البديع فهو فى قمة مأساته يردد يا شعبنا ياولدنا احبنا يامن منحت قلبنا ثباتك الاصيل وغيرها نشأة حوار فى الاول بين عبدالله والامنجى وشوية شوية تحول الى نقاش فقام عبد الله بتجنيد كادر جهاز الامن من داخل معتقل 114 وقد كان لهذا الكادر دور فعال فى عمل الحزب بمدينة مدنى

الى الام وثورة

السلام عليكم. انت إنسان مفلس وما تفتكر بالأساليب الغير مهذبه حا تقود مجموعه معاك لحل قضايا السودان الحبيب . أولا محتاج تتعلم احترام الغير بغض النظر عن من هو ويكون الانتقاد بأسلوب جميل . وإلله يهديك

الاخ البوشي خليط في خطك الانت ابتديتو لا ارى مثل هذا الكلام الركيك الا انتقاص لمكانتك فبدل ان تسترجي هؤلاء اكتب عنهم معن ماعانيت وانت بالمعتقل لكي تزيد الحدة التي بلغت الزروة الان . لا اطيل ولكن كن رمزا ً اكتب شي عن مايدور داخل الاروقة لكي يعرف العالم سؤهم