فرفور : مسيرة (اغانى و اغانى) لن تتوقف .. و البرنامج تجاوز مرحلة إثبات وجوده و جماهيريته ..!!

هذا المتوهم مدعى الغناء يحسب نفسه سبب نجاح البرنامج وهو يفتى فيه ويحلل ..
السبب الاساسى فى نجاح البرنامج هو العملاق السر قدور الشاعر المجيد المبدع والذاكرة المتقده والقبول الفطرى واشهد ان كل من يتابع البرنامج تابعه لاجل الاستمتاع بالسرد والحضور والغفشه الظريفة للعملاق اما المطنطع فرفور وكم فتاة اخرى الحلقة الاضعف فيه بل خصما على البرنامج وسبب النقد والاخذ والرد بالاداء السئ والحركات المبتزله
السؤال من انتقد وصادر البرنامج هم مفتيين المؤتمر الوطنى الانقاذيين واستجاب لهم (كمال المدعى حقنه ) وانت واحدا منهم هل هم على حق ام انت افتينا فى هذه اما الغناء فاتركه لاصحابه

نحن لسنا فى حوجة للغناء فى هذا الوقت الذى يموت فية اهلنا فى دارفور وجنوب كردفان والشمالية ضد السدود التى تصب فى مصلحة مصر واهلنا فى الشرق الذين يموتون من سوء التغذية والسل لذا نحن فى حوجة لبرامج نبكى فية ما حل بوطننا من البؤس والشقاء بعد ان يزول هذا النظام كل من يريد الغناء فليغنى كما شاء ولكن هذا الوقت الصعيب لا يساعد على الغناء بل يساعد على البكاء الى حين ينتفض الشعب ويصحو من عفوتة.

ياخوانا داما الفنان الكان بغني يوم انفصال الجوب ولاتشابهت علينا البقر.

شعب فاشل وهمو الغناء وشباب مايص همو الرقيص والدندنة على اغاني ((قنبلة )) و((ورا ورا ورا)) عليك الله شبابنا منتهي والفن مات بسبب الصعاليك ديل والله اغانيهم هابطة عليك (( لو قايلة ريدتنا زي مهند ونور تبقي عيانة ودايرة ليك دكتور )) دا شنو ولا (( الدنيا نت وايميل عسول ياكوكتيل )) والله انا عايز اعرف يعني خلص الكلام في الدنيا ؟؟؟؟ونسة بس وتقولو شبابنا شباب شنو كلو واحد لابس ليهو غوايش وسبح وسلاسل وجيبو فاضية وجعان ويشحت السجاير ويفتش في الحفلات ؟؟؟؟ تقولو ثورة وشعب يثور شعبك الاغلبية فيهو من الشباب 60 الى 70 % ومامنهم فايدة وماليهم كلمة وجبناء فلاحتهم يتعاورو ويتفاصحو قدام البنات عليك الله شباب يضاربو ويبكو زي النسوان عشان حسين الصادق ماجاهم الحفلة وركبهم ماسورة كبيرة ؟؟؟ شباب السودان صعاليق وجبناء ومايصين همهم الجكس وفتيش الخراب والغناء والرقيص