غازي الصادق وزيراً للإعلام خلفاً لمسار وحسبو خلفا له فى السياحة
الخرطوم (سونا ) أصدر السيد رئيس الجمهورية المشير عمر حسن أحمد البشير مراسيم جمهورية عين بموجبها السيد غازي الصادق عبدالرحيم وزيرا للإعلام والسيد حسبو محمد عبدالرحمن وزيرا للسياحة والآثار والحياة البرية .
وزير الإعلام غازي الصادق في سطور :
يتولى الأستاذ غازي الصادق عبد الرحيم منصب الأمين العام لحزب الأمة الفدرالي .
مناصب دستورية سابقة :
-وزيراً للشئون الإجتماعية بولاية النيل الأبيض .
-رئيس اللجنة العليا لتعويضات مشروع سكر النيل الأبيض .
-تخرج غازي الصادق في جامعة شبين الكوم بجمهورية مصر العربية كلية الهندسة الزراعية.
– من مواليد الجزيرة أبابا بولاية النيل الأبيض .
– بدأ حياته العملية في وظيف مهندس في الشركة العربية للإستثمار الزراعي بولاية النيل الأزرق كان ضمن الكوادر الشبابية لحزب الأمة القومي وعضو مكتب سياسي عام 2002م.
أحمد وحاج أحمد
ديل لا حزب أمة لا يحزنون ديل غواصات قديمة وهم سبب البلاوي ،،،،، جلال الدقير ومسار وسبدرات وقبلهم ممن تقوت بهم الانقاذ ،،، والغريب في الامر لا يتعظون من تعامل الحكومة مع زملاءهم السابقون والاستهتار بهم وفصلهم أو إجبارهم على تقديم استقالاتهم بطرق مذلة ومهينة بعد الاستهلاك،،، سودان تعبان أوي ،،،،، سودان وايد تعبان،،،،، سودان بهوت تعبان ،،، أين المثقفون أين المستنيرون أين الوطنيون
هذا مايفعله المؤتمر الوطني حتى بحلفائه
داير يضرب مسار حتى في (حزيبه)
يايوم بكرة ماتسرع تخفف لي نار وجدي
ودالنيل بدتها
والثورة انطلقت
وسناء ودوها وين؟ هم الاتنين قالوا يكحلوها عموها.
الرجل الصحيح في المكان المناسب كلية زراعة لوزارة الاعلام قرار موفق مبروووك و الى الامام
انا ما كنت فاكر في زول بيقبل يبقي وزير تاني بعد وضع مسار وزير بدون صلاحيات (كمبارس) وزير لايستطيع محاسبة ومسائل موظفيه وزير لا يعلم بشئون وزارته طيب حا يعمل شنو بس يركب عربية وياخذ راتب شهري ، استقالة مسار وسام وتاج تقلده في حياته السياسية . ولا اتوقع خير من الوزير الجديد لأنه قبل ان يكون وزيراً من اجل الراتب والامتيازات
مبروك لغازي الصادق الوزارة وربنا يعينه ونرجو منك ان تحاسب المفسدين والمدسسين في الوزارة اول تحاسب عوض جادين من منطلق كل متهم برئ مايقول ليك هو من البدريين واولي من قرا بيان المشؤم وسرقت فاطمة بنت محمد قطعت يدها لكن ناس لم يجدوا هذا الحديث لانهم شغالين بفقه الانقاذيين البدريين
كل دور اذا ما تم ينقلب
ابعد من اقين اب كرعين واقبض الراتب والمخصصات وكبر دماغك زي ما بقولوا اولاد مية بمبة ولا تهتم للصغائر عشان تجيك القروش بالكوم ياود شبين الكوم.
ااااااااااخر وزير اعلام
والكورة في الزمن الضائع لكن الحكم ماصفر لسه
لا شى يثير الدهشة فى تحدى جادين لمسار
لاشى يثير الدهشة فى مناكفة سناء لمسار
لاشى يثر الدهشة فى انحياز البشير لجادين ضد مسار
لاشى يثير الدهشة فى ايقاف لجنة التحقيق التى كونها مسار
فمسار يا سادتى لم كن من البدرين
لم يتكمن مسار فى الفترة التى قضاها ان (يمسك ) العصبة الانقاذية من الايادى الموجعة .
مسار ليس بالشخص الذى يمكن لن يضحى البشير من اجل بمن (جهز ) اكذوبته فى صبيحة ذاك اليوم الاسود
ضعف موقف مسار بخروجه من بت طاعة حزب الامة ومعاداته بتفلتاته اللفظية لكل حركات دارفور وعدم انتماءه لجسم ذات ثقل سياسى او مسلح تتخوف منه الانقاذ او تضع له الالف الحسايات .
استيعابه داخل الكعكة الوزارية لم يكن نابع من قناعة انقاذية بحكومة ذات قاعدة عريضة بل كان احد الخطوات الشيطانية الرخصية التى قصد منها تفكيك الاحزاب وشراء زمم منتسبيها لذلك بقاء ورحيل مسار ورفاقه من المخدوعين لا يعنى للانقذيين شى بعد ان اغضبت الاحزاب واغتالت المتسضعفين منها سياساً.
سيدي الوزير غازي احسن الوزارة السابقة من انتكون ببغاء للجبهة والسفاحيناحسن السياحة من الافك والدجل
معليش اخونا مسار ده كله من الجعجعة و الكبكبة بتاعك انا و انا واناوصلت حدوا و قعدت الزم بيتك انت منو تشيل ليك زول عينو الرئيس ؟بالله عليك يوم واحد سمعت حاسبوا مسؤل فى تجاوزات مالية ؟يا سلطان زمانك انت فالح لينا فى الجعجعة بس!!!
والله لو فى حاجة جديدة كنت اتكلمت فيها
كانك يازيت ما غزيت
قال دا حزب الامة الفدرالي قال
يازول ما تتعقل وماتشغل البال
قبال لك مسار برطع فيها وجـال
وآخرتا بشبش فشق فوقو هر وبال
التخلص من مسار كان لا بد منه- لقد ظهر خلال ازمة هجليج بمظهر ضعيف جدا وصاحبت تصريحاته الكثير من “الهترشة” والكلام الغير مفهوم- فكان لا بد من افتعال ازمة للتخلص منه. ان الكثيرين من اعضاء احزاب الامة المنشقة من حزب الامة القومي غير مؤهلين لقيادة “كارو” وخلال سنوات الانقاذ العجاف ظلوا بدون عمل وضاقت بهم الاحوال المعيشية وعندما جاءت فكرة المشاركة في “حكومة لحم الراس وجمع الناس” لم يتردد هؤلاء في المشاركة لتحسين اوضاعهم – فتسلق مثل مسار ونهار وغازي الصادق وغيرهم من العاطلين عن العمل. لماذا وزارة الاعلام؟ لان كل عضو في حزب المؤتمر يملك حق التحدث باسم وزارة الاعلام. أعتقد ان الوزير الجديد سوف يكون تحت رحمة عوض جادين وسناء حمد ليضمن استمراره في الوزارة – لو كان هذا الوزير الجديد عاقلا لطرح على نفسه سؤالا واحدا قبل ان يقبل التعيين: لماذا لم ينتظر رئيس الجمهورية نتائج لجنة التحقيق ثم يفصل الاشكال القائم بين عوض جادين ومسار؟؟؟! هنالك سببين الاول هو اجبار مسار على تقديم استقالته اما الثاني لا يعلمه الا البشير واعضاء حزبه فقط.
الاسماء دي بجيوبيها من وين
اول مرة نسمع بها
ربنا يكون في عونك يا سودانا البقيت ملتشة
وزير الآعلام دة يا أخوانا مش (الناحق) باسم الحكومة؟ وشغال جوة المطبخ؟ طيب ليه بجيبو ناس أم جكو .. في الأول الزهاوي .. وبعدين مسار .. وهسع غازي!! يعني كل منشقي حزب الأمة! وبعدين الزول دة قاري هندسة زراعية شنو علاقتو بالاعلام .. يعني أي زول بعرف بتكلم كويس بختوه في الوزارة دي؟ صاح والله ما المتعافي طبيب وشغال في الزراعة وغازي صلاح الدين برضو طبيب وشغال فليسوف ومنظر .. ولا الولد داك مصطفى اسماعيل .. كلو صابون.
انا طمعان في كرم الريئس عمر البشير في ان أكون وزير للأعلام
انا خريج كلية الاعلام بدرجة امتياز وسائق ركشة حقت ناس البيت لأكثر من عامين وعندي خبرة في
النقة الكثيرة أسال كل ما يركب معاي في الركشة كان امرة ـ رجل ـ صغير ـ كبير الا ونستهم نقيت
معاهم واقنعتهم بان الحكومة احسن حكومة سائقين ماكلين شاربين وحتي الشاي (شوف الخير ده في
المحطة الواحدة تلقي 32 ست شاي) وبقول دائما ان الرئيس عمر حبوب بيرقص في كل المناسبات بتاعت
الناس العامة ومناسبة الست وداد الودودة وكمان راي في الولد عوض جادين زول ماشاء الله عيني
باردة رجل ممتاز ويعني شنو!! اذا شال ليه حبت فكة يعني شنو!! مقابل تضحيته وكمان انا معجب
بأسم عوض جادين نِعم العوض ،، عوضنا الله بعوض وكماد جادي جدا حتي سمي بـ عوض جادين الرجل صراحة
فالح وكمان ماعندي مانع اسمع كلامه
أتقدم بطلبي لسيادة الرئيس الكلس
[يا جماعة نفسي اركب عربية فارهة ما يسألني بتاع المرور بل يمشي قدامي بالنجدة ويفتح لي
الدرب من ناس العربات الحكارين ديل دائماً عافصنين ناس الركشات
(يا ســــــــــــــــــــلام وانسي زمن الركشة ناس المرور بتاعين الرشاوي وناس العربات
الحكارين دائماً بحكرو بي و ح اسكن ناس البيت الخرطوم بدلاً من الريف الشمالي الامدرمان فيها
حاجة يا سعادة الرئيس كان فيها حاجة خلاص نسكن في الريف بس خلي ابوي رئيس المؤتمر الوطني
وبتاع اللجنة الشعبية وامي خليها تسافر تتعالج خارج السودان ان شاء الله في روسيااو الصين
حبيبتا ان ما قلت امريكا )]
انا كنت مرشح ندي القلعة يلا كلو ماشي اساسا مافي حد سامعنا