اللواء عبد الرحمن الصادق المهدي يكمل مراسم خطبته على مها كمال الدين – صورة

من حقه أن يحب، يخطب أو يتزوج. و لكن ليس من حقه أن يشارك الأخوان المسلمين قهر الشعب أو السكوت على إذلالهم للشعب. هذه إنتهازية و تلذذ بمعاناة الشعب

ألف مبروك يا خايب الرجا

ياللا يا أم سلمة زغردي.. أخوك طلع مغبون وكمان حيفك البورة..
كده إترفع الحرج عن الأسرة الكريمة!!..

بس مش قولتوا ما عندو علاقة بالحزب ليه كاتبين الشعار وكمان قايلين عليهو أمير!!.. عشان ما تختلط علينا الأمور، هو أمير في الطائفة وللا الحزب؟؟!!.. وللا كلو من بعضو؟؟!!…

بيت مال و عيال

البنيه ماشاء اللة نجفه اعمل حسابك من بشه مايركبك طياره شمس الدين

العقد في رجب؟ .حليل عرس الكورة. ماترك عذابي.

وسط السيوف متصور

عمك دا دوبو فكر الله يكون في العون

يا عريس الموسم اوعى تمشى تتهابل تجيب الرقاص يبقى وكيل العريس او الفريق صديق الرجل الذى قربك من العصابة الى ان دخلت القصر وبعدين انشاء الله بعد الزواج ده الرقاص يعمل ليك جوب ديسكربشن يعنى وصف وظيفى لانك شغال مهرجانات وكرنفالات وصراع النوبة فى الحاج يوسف وهلمجراااااا يا قائد جيش الامة لايكفرلك خطيئة اندغامك مع عصابة الرقاص الا حملك للسلاح مرة اخرى وطرد هذه العصابة الفاجرة الماكرة فهل انت فاعل

بالله اللواء لسه ما اتزوج…… علي العموم مبروك الخطوبه

الف الف مبروك للعروسين

إمارة الإنصار هى إمارة جيوش عندما كان للأنصار جيوش
الأمير عبد الرحمن النجومى أميرا على جماعة
الأمير على ود حلو أميرا على جماعة
الأمير محمود ود أحمد أميرا على جماعة
الأمير ود الدكين وهكذا
سقطت دولة الأنصار بهزيمتهم على يد كتشنر فى كررى وتشتت جيشهم وتمت ملاحقة خليفة المهدى الذى هرب من المعركة وقتل فى أم دبيكرات ومنذ تلك الفترة لم يتم تأسيس جيش الأنصار وتحولت الى طائفة دينية مع حزب سياسي بإسم جزب الأمة اسس عبد الرحمن المهدى
كلمة أمير عند الأنصار لا قيمة ولا معنى لها لأن كبيرهم ليس ملكا على السودان حتى يكون صغارهم أمراء وليس لهم جيوش حتى يكونوا أمراء عليها وعبد الرحمن هذا فكك جيشه الذى كان أميرا عليه واصبح تابعا قابعا فى القصر يكلف بالأمور التافهه كمحاربة ختان الأناس ومارثون وسباق سباحه وسباق هجن وخيل وتشريف حفلات زين وسوداتيل التى لا تنتهى
لذا يا عبد الرحمن لا داعى لكلمة أمير
خلاص راحت عليكم وأمير عندكم بقت زى شريف عند الختمية وشهيد عند الكيزان
التلاتة ضاربات لستك جوه وبره وماشات على عجل الحديد
فلا شريف فى السودان
ولا أمير فى السودان
ولا شهيد فى السودان إلا ما علم ربى
وكلنا لأدم وأدم من تراب

الف مبروك يا امير وربنا يتم على خير وبالرفأ والبنين وان شاء الله تبكر بالصادق الصديق.

مبروك والعقبي للذين لم يتزوجوا من الوطن العزيز

الناس ديل لسع من زمن امير حيرتونا الحمد لله الفكة البورة حقته

أعمل حسابك يا عريس ما يرسلوك مشوار لجنوب كردفان او دارفور او النيل الازرق

سؤالين
من وين لقب “الأمير”؟
وكيف سبق إسمه؟

الف مبروك يا سيادة اللواء بيت مال وعيال انشاء الله .والعقبة لينا يارب وبعدين وين لقيت الفكى الكارب دا الفكة ليك العارض حتى الواحد يمشى ليه . تخيل واحد شغال دخلة لا يقل عن الف دولار وما عندو اى سبب يمنعة من الزواج اللهم الا القسمة بس وانا بعمر اللواء 53 سنة بالتمام والكمال . دعواتكم لى ياشباب

مبروك يامساعد صوارى شغلك بس حصين وسبق خيل والله مانى اركو كان مساعد حله كما وصف نفسه لكن اشرف منك – وعنده كرامه اما انت قلبك ميت كسروا يدك اختك ناس الامن وانت وبشرى اخوك تتفرجوا ولا نخوه ولا رجوله ( ديوس ) عديل

انا عايز بس اعرف الزول دة قاعد يساعد الرئيس في شنو ولا بس منصب ساكت هو وولد الميرغنى عاملين الاثنين زى ديك البطانة يودو السوق مدلدل ويجيبو مدلدل ، لا بهشو ولا بنشو ، هو أصلا ما عندو أفكار عشان اقدمها ، زول الله في سوق الله ، زمان لمان جابوهو بقى عسكرى في زمن الصادق العسكر الضباط اعترضوا لانو قرا في الأردن قالو كيف تجيبو لينا ضابط في الجيش ما قرا في الكلية الحربية السودانية لكن طبعا الصادق في يدو القلم عينو ضابط وقام برضو فكا قريبو شريف التهامى من السجن بعد ما حكموا عليهو بعد الانتفاضة في قضية البترول الشهيرة ، واهو كلو محسوبية في محاباة ، والبسطاء الأنصار المساكين في النيل الأبيض وفى بوادى دارفور وكردفان ياكلو الحمت رمت والعاملين فيها امراء في الفاضى ياكلو الحلاوة والبقلاوة والايس كريم وهم عايشين على ديلك

متين ينتفضوا البسطاء ديل واولادهم من قيود ديل

تاخرت ياعبد الرحمن لكن كل تاخيره فيها خيره الف مبروك

ألف مبروك مقدما علي الزواج وشد حيلك وربنا يوفقك للقادم : عريس جديد ومنصب ذو مسئولية كبيرة قادم حتي عندك ، ومع إنهما مهمتين صعبتين في وقت واحد ، لكنها فرصة لتسجيل إسمك في تاريخ السودان ، ومن كد وجد وللطيبات كوش وإنفرد(مثل شبابي جديد)- جدول أمورك وأنطلق

انشاء الله بيت مال وعيال وبيت المال والعباسية تقلى أم دوم كرنقو عبد الله أم دافوق المهم دا موضوع شخصى على أقل تقدير تدخل معانا السوق وتشوف الاسعار وتعرف القفة يملوها كيف وتكلف كم والولادة وتربية الاولاد وأهم شيئ المعاش يغطى وبعدين الصحة تزيد وتريح الحصين من الركوب نسبة لزيادة الوزن وتشوف ليك مصارعة حرة ولا مقعد رئاســــى فى ضل شجرة المؤتمر الوطنى الوارفة الظلال الكثيرة الافرع والاغصان – والله معاك يا سعادة اللواء أركانحرب

الف الف مبروك ان شاء الله بيت مال وعيال اخيرا فعلها الرجل هههههههههههههه

مبروك.. لكن اخدته ليك زمن طويل عشان تكون نفسك وتوفر قروش العرس .

ده راجل كبير مفروض يخجل علي زواجه الان ..الامراء الجد جد بتزوجوا اعمارهم 12 سنة ..الامراء الملتقين ديل بتزوجوا اعمارهم فوق ال 50 سنة ..سن المعاش ياالله السلامة