باقان أموم : شمال السودان تخلي عن طلبه الحصول على 22.8 دولار للبرميل..لقد تراجعوا رسميا.. سندفع رسوم عبور ورسوم استخدام خط الانابيب .. اتفقنا على تشكيل لجنة مشتركة من البنكين المركزيين لتبديل العملة القديمة.
جوبا (رويترز) – قال جنوب السودان يوم السبت انه يلحظ تقدما في تسوية نزاعين مع الخرطوم بشأن تقاسم ايرادات النفط واطلاق عملتين جديدتين وذلك في نبرة تصالحية بعد اتهامه خصم الحرب الاهلية السابق باشعال حرب اقتصادية.
وقال باقان أموم الامين العام للحركة الشعبية لتحرير السودان الحاكمة في الجنوب ان جنوب السودان سيدفع رسوما تنسجم مع المعايير العالمية مقابل استخدام خطوط أنابيب تصدير النفط في الشمال بعد تخلي السودان عن طلبه الحصول على 22.8 دولار للبرميل.
ونال جنوب السودان استقلاله في التاسع من يوليو تموز وأخذ معه 75 بالمئة من انتاج السودان من النفط البالغ 500 ألف برميل يوميا والذي يعد شريان الحياة الاقتصادية للشمال والجنوب.
وسيكون على جنوب السودان أن يدفع للخرطوم رسوما مقابل نقل انتاجه من النفط عبر خط أنابيب الى ميناء السودان الوحيد على البحر الاحمر لكن الطرفين لم يتفقا بعد على كيفية توزيع ايرادات النفط التي كانت تقسم مناصفة.
وقال أموم ان الخرطوم سحبت طلبا سابقا للحصول على 22.8 دولار للبرميل مقابل حق استخدام خط الانابيب أي نحو 20 بالمئة من قيمة النفط المصدر وذلك بعد اجراء محادثات ثنائية جديدة في العاصمة الاثيوبية أديس أبابا.
وأبلغ أموم الصحفيين بعد عودته الى عاصمة الجنوب جوبا أن الجانبين يريدان حل جمليع القضايا العالقة بحلول 30 سبتمبر أيلول. كان دبلوماسيون غربيون يأملون في التوصل الى اتفاق قبل استقلال الجنوب.
وقال "سندفع رسوما لاستخدام خط الانابيب … وسندفع أيضا رسوم عبور تتفق مع المماراسات والمعايير العالمية" لكنه لم يذكر كم سيدفع الجنوب.
وقال "أنهت تلك المباحثات محاولة لفرض رسوم اضافية استثنائية من جانب حكومة الخرطوم التي أعلنت أنها ستفرض 22.8 دولار للبرميل … لقد تراجعوا رسميا عن ذلك الموقف."
ولم يصدر رد فعل فوري عن حكومة الشمال التي لم تؤكد طلب الحصول على 8ر 22 دولار للبرميل الذي أعلنه الجنوب يوم الاثنين عندما وصفه بأنه "سرقة في وضح النهار".
وقد يهدد الخلاف على تقاسم ايرادات النفط بتعطيل تدفق الخام من البلد الذي يعد مصدرا مهما الى الصين واليابان.
وحصل الجنوب على استقلاله في استفتاء أجرى في يناير كانون الثاني بموجب اتفاق سلام وقع عام 2005 ووضع حدا لعقود من الحرب الاهلية مع الشمال.
ويقول المحللون ان رصد ايرادات النفط ظل يفتقر الى الشفافية في السودان الذي عاني لسنوات من الحرب والتضخم والفساد وعقوبات تجارية أمريكية.
وقال أموم ان البلدين يبحثان أيضا سبل بناء الثقة في عملتيهما الجديدتين.
وبدأ الشمال والجنوب طرح عملة جديدة في يوليو تموز دون تنسيق في خطوة تعرض كلا الطرفين لمخاطر محتملة. ويقول الشمال ان الجنيه السوداني في الجنوب سيصبح بلا قيمة الامر الذي قد يضر بالدولة الجديدة بشدة.
لكن أي محاولة من الجنوب لتصدير العملة القديمة الى الشمال قد تزيد الضغوط التضخمية القوية أصلا هناك.
وقال أموم "اتفقنا على تشكيل لجنة مشتركة من البنكين المركزيين بحيث يجري احلال واستبدال جنيه جنوب السودان (الجديد) بالجنيه السوداني (القديم) وأيضا تحويل الجنيه السوداني في الخرطوم بطريقة تتسم بالشفافية."
وقال "سيخضع الجنيه القديم لنظام ادارة بالغ الوضوح بحيث لا يحدث اغراق للسوق بالجنيه السوداني."
ويقول البنك المركزي السوداني ان مستعد لاجراء مزيد من المحادثات لكنه سيسرع عملية احلال العملة القديمة اذا لم تسفر المفاوضات عن شيء.
واضافة الى القضايا الاقتصادية يواجه البلدان مشكلة ترسيم حدودهما الطويلة وانهاء العنف في بعض المناطق الحدودية وايجاد حل لمشكلة منطقة أبيي المتنازع عليها بين الشمال والجنوب
التــــــحيه لــلـــــــــقائـــد والـــــمـــناضــــــل بـــاقــــــــان أمــــــــــــوم أكــــــــــــيــــــج.
أنا نفسى اعرف ايه العلاقة الابدية لهذه الحكومة مع التراجع الدائم عن قراراتها
تم سحب العرض الاول 22.80 دولار المقدم سابقا وتم تقديم عرض آخر جديد لنج زي دولة جنوب السودان وتم الموافقه عليه من قبل امريكا اولا وحكومة الجنوب ثانيا وعجباني ثانيا دي لانو بسبب باقان تم الموافقه على العرض الثاني وهو عارف ليه .
لك التحية القائد الفذ آموم … كنا نعلم مسبقاً آن تصريحات بل تصرفات المؤتمرجية هو سرقة فى وضح النهار و آنها آيضاً فرفره مذبوح ….
و هاهم قد بلعو تصريحاتهم عند آول جلسة مفاوضات …..
بس أهم حاجة ما توقعواأي إتفاق مع أي لجنة أو وفد مفاوض يقوده حمار الدكاترة لأنه لم يعد له أي وزن أو كلمة في حكومة المخنسين إلا إذا كان الأمر متعلق بشئون المرأة بين الدولتين حيث عهدت إليه شئون المرأة في النظاممع ناس رجاء حسصن خليفة والله تشاف أرجل منه
كتب المبدع ابو علي
(نفسى اعرف ايه العلاقة الابدية لهذه الحكومة مع التراجع الدائم عن قراراتها )
لو عرفت يا اخي فلا تبخل علينا لنفهم اي نوع من البشر يحكمنا
نتمنى على الحكومه أن تتعامل مع (حكومة الجنوب) بشكلٍ خاص أسوةً بالاخوه فى دولة (تشاد ) الجاره فلازالت حكومتنا الرشيده تتولى رعايه الشعب (الشادى) أكثر من أدريس دبى ( لشىء فى نفس الجماعه) المتنفذه
فبالله عليكم من الاولى والاجدر بالرعايه ( تشاد ) ولا دولة ( جنوب السودان ) الناشئه …
ذهبت القيادة وشاركت وهنأت وباركت ووعدت بالدعم والمؤآزره
نتمنى أن يتجاوز الجميع الصغائر والضغائن لحلحلة القضايا المعلقه فى رقابنا ليوم القيامه ..
كما نتمنى على مهندسى نيفاشا أن يثبتوا شجاعه لانهاء الملفات المتبقيه بذات الشجاعه التى وقعوا بها نيفاشا التى نفشت ريشنا وريش البلد ..
وكل رمضان وبلدنا وأهلنا بألف خير
الجعلى الدندر
اتمنى ان يحافظوا على حسن الجوار لان السودان هو الخسران من النزاعات اما هم فى مأمن من ذلك اى الحكومات
الشغلة زي قصة صاحبين فقيرين معدمين ومفلسين إتشاكلوا وقالوا يقسموا العندهم وكل زول يمشي في حاله وطلع ماعندهم غير عراقي وسروال واحد لبس العراقي بدون سروال وواحد لبس السروال بدون عراقي ويا ناس باقان خليتوا للبشير العراقي ولا السروال ولا دايرين تشيلوا الأتنين وتخلوا الزول أمفكو كدي كلكم قولوا خير وبطلوا الطمع وانا خايف لا الجنوب يستفيد ولا الشمال يستفيد واصلو نحن السودانيين مافي شئ ضرانا غير الغتاتة وبارك الله فيمن فاد واستفاد بيضوا النية وطيبوا النفوس وخلوا الخير يعم كل الشعبين الجنوبي والشمالي وما حدث من شقاق وخلاف سببه تغييب إرادة الشعب السوداني جنوبي وشمالي وهيمنة الحركة الشعبية وشريكها المؤتمر الوطني على مجريات الأحداث ويكفي ما حدث فلا تبذروا بيننا بذور الكراهية والأحقاد ودعونا نعيش اخوة متجاورين في محبة وسلام .
north sudan at the verge of bankruptcy
باقان ألذى قال عنه سلفاكير بأنه سرق ألملايين وحولها للخارج
يا ساري الليل تعرف حاجه اسمها المغفل النافع يا اخي الناس ده قالو ليكم ما دايرنكم و الشمالين كلهم استعماريون برضو تشكرو فيهم ناس بجد غريبه
يا أخينا (إنتو مجانين)..قصتك ده قصة قديمة جداً..الجنوب والجنوبيين ملهومش أيّ دعوة بيها لانّ بطل هذه القصة هو (الأدروب)..عليك بالله شوف ليك موضوع مسلية تتسلي بيها
بالله بعد هووووراط الكيزان داك
وقالوا 32.8 دولار للبرميل وما بتنازل عنها أبداً
وحديث باقان سخيف
وووو…..الخ
بصرررراحة باقان صعب ومؤدب الـ….
( ) ( ) ( ) ( )
الحاجة المعلنه والمعروفه ان الحكومة طلبت 32 دولار للبرميل فمن اين اتي باقان ب ال23 دولار وهل تم الاتفاق علي سعر حتي الان ام انه تشويش واثارة غبار عرف بها باقان
التحية والتجلة والسمو والرفعة والنصر والحبور للقائد الفذ باقان أموم والخزي والعار والهزيمة والأنكسار والذل والخذلان للقادة السياسيين والعسكريين لمؤسسة الجلابة التاريخية
يا عمر صاحب التعليق الاول دا طبعتكم الخلانة نفصل منكم لانكم دائما تثيروا المشاكل الان لو سالتك هل تفهم في السياسة انا بلقي كيسك فاضي بتعرف شئ عن السياسة لكن لانكم تقولوا انتوا عرب ومسلمين عارفين كل شئ هل انت زهبت الي اثيوبيا مع الوفد ولا دا كلام الطير في الباقير
أكد الرئيس السوداني المشير عمر البشير عدم قبول الحكومة السودانية لاي شروط من حكومة جنوب السودان بشأن البترول ، وحدد ثلاثة خيارات في الاطار ، اما إستمرار قسمة البترول أو يأخذ الشمال حقه في الرسوم والضرائب علي كل برميل يمر بأراضيه (وهذا يعني في حدود مبلغ قسمة البترول) أو إغلاق الخط الناقل للبترول.
ومن ثم رضوا بالـ 20%
ومن ثم قالوا ما عندنا مانع نتفاوض
اخونا في الله قالو باقان ده مافي طائرة تخمو توصلوا السبقه
شوكة حوت لا مبلوعة ولا بتفوت
تجكي النكته أنو واحد جنوبي جا الخرطوم جديد فقام أخوه يوصي فيه المندكورو في السوق ما يغشوك أية حاجة عايز تشتريها أدفع النص بس يعني لو قال ليك 100 جنية قول ليهو 50 بس ولو قال 40 تدفع 20 بس، صاحبنا مشى يشتري جزمة من السوق قال كم السعر بتاع المحل رد 200 جنية
قال لا 100 جنية بس بتاع المحل قال 100 ما بتخارج خلاص جيب 140 رد الجنوبي 70 بس بتاع المحل قال هسة ما قلت 100 خلاص جيب ال 100 رد الجنوبي لا 50 بس بتاع المحل خلاص وصل الحد قال ليهو عليك الله شيلها مجان رد الجنوبي لا فردة واحده بس :D :D :D :D
هذه عقلية الجنوبيين يرفض سعر الدولة مع انو أقل من السعر العالمي في نفس الوقت ماعايزين يحددوا كم السعر المناسب
الاتفاقات الاقتصادية جزء من سوق الله اكبر كل يطالب نسقف معين ثم يحدث النقاش والاتفاق على حل يرضى الطرفين ولا سيما ان هنالك قضايا اخرى تحتاج الى تنازلات من الجانبين وغريب امر هؤلاء الذين يلومون الحكومة على تراجعها عن 22.8 دولار للبرميل
الحمد لله انشاء الله دوام السلام يا رب
لازم نعترف انو حكومتنا حاقدة وحاسدة وما بتمشي لي قدام . واهو ضيعونا والسودان راح في ستين داهية . والبشير طلع كذاب وهوراط . والمعاهو طلعوا ما عندهم كلمة . والنسوان اخير منهم . الله يلعن ابو دي بلد . ماشة للخلف بسبب تخلف هولاء القتلة واللصوص .
عكاز الصينيين صعب .. نهروا الجماعه وهددوهم بايقاف جميع الاستثمارات … وانهار المشير وزمرته .. ما قلتو نوبه ..
يا جماعة خلونا نأكد من أن كلام باقان صيحيح أم لا … يمكن كلامو غير دقيق ولم يتم أي تفاق حول الموضوع . مش ألأول نشوف رأي الحكومة (المؤتمر الوطني) شنو ؟.
الى المعلق محمد حسن احمد
الكلمة التى ترددها كثيرا ومغرم بيها هى الثاء وليس بالسين اتعلم اولا وصفك الذى تصف به الباقين
موضوع العملة دا بسيط
اى طرف يغير العملة القديمة التى يمتلكها للعملة الجديدة التى اصدرها دون ان يصدر اى طرف العملة القديمة الى الطرف الاخر .
حرب العملات تمنع
العملة القديمة حقت السودان كله جنوبا وشمالا وهى ليست ملكا للشمال فقط كما يظن االجنوبيون .
كل طرف يغير عملته ويبيد القديمة .
هو باقان لحاله .. والله الزرعة جون قرنق في السودان ما يطلع ليوم الدين الا بسودان جديد قبلتم ام ابيتم ، الا تفقهون يا اهل السودان ، فكر جون قرنق غزا العالم دعك عن السودان، الآن يطالبون المصرين بمصر جديد ، والليبيون يطالبون بلبيا جديدة والسوريين واليمنين كما يطالبونا بتوزيع الثروة والسلطة والعدالة الاجتماعية، ايه التعند ده ، لماذا لايكون هناك سودان جديد ونخلص ذي خلق الله لماذا دائما ناتي متأخرين يعني الشوعيون اتفقنا معهم ام اختلفنا منذ عشرون عام يطالبون بالاعتراف بالتنوع الثقافي والديني والاستفادة منه لبناء السودان وبعد خراب مالطا دحين جاي دكتور نافع والبشير يعملوا مؤتمر للنسوان عشان يتكلموا في التنوع الاثني والثقافي والديني في السودان، وأكيد بعد عشر سنوات حيجوا الجماعة ومعاهم كل مرتزقة السياسة في الشمال ويقولوا لينا مؤتمر للسودان الجديد، والله جون قرنق ده ما يموت مائة سنة يعني وراكم وراكم
دحين الله يحلكم من اولاد قرنق وباقان اموم مثالا والله يوديكم البحر ويجيبكم عطشى ، يعني البترول راح راح وعليه العوض ومنه العوض يا اهل العوض.
هذا التنازل متوقع و ما تصريحات الحكومة الا هروبا الي الأمام . اذ لايمكن لدولة أن تطالب برسوم تقدر ب 20% من سعر البرميل و أعتقد أن موقف الجنوبيين كان قوي جدا و رفضوا أي مساومة أو تنازل لأنهم يتفهمون الوضع الأقتصادي المنهار في الشمال و مدي حوجة المؤتمر الوطني للمال لذلك استطاعوا تركيع المؤتمر الوطني و جعلوه يقبل برسوم تتفق مع المعايير الدولية.المهم في الأمر أنتصر الجنويين في هذه المعركة.و العار لكم أيهاالمؤتمرجية
باقان بقي عضم!!! قال تم الاتفاق ولم يصرح!!كم وكيف عشان مايفضح حكومتنا وطبعا بكون دي شرطهم!! ذي عساكر عبود والسد!! اسه بكون الاتفاق تعبرواتصدروا النفط باي تمن !!بس كلموا لينا الامريكان يرفعوا ايدم مننا ويخلوا لينا الكراسي دي!!!وبلاش حكاية لاهاي دي!! والشعب نحنه منقدر عليهو !!شوية لحس كوع!! وكم مليار للحبايب من الصيحاحه والامور بتسير!! خلونا نتمتع بالهبشناه زمان!! ويشتري النسوان فلل واراضي في كافوري والمنشية!! ودرة الخليج وماليزيا!!ولو اديتونا اكام مليون دولار راتب للجماعة!زين!! هو نحنه بعنليكم نص البلد حنختلف علي شوية ملايين!! ياباقان انت ماعارف مندكرو ده بيحب نسوان ودولار وكلام كتير!! وممكن يكضب كتير!!لكن بخاف من امريكا والسجن!!!
لو المؤتمرجيه ديل قالو ما دايرين ال 32 دولار دي يلقو قروش وين