حاج ماجد سوار و الأمريكان … وزير شباب السودان طلع غلطان.

دا طلع حاج ماجن ح م ار من اين اتى هولاء

قوم شوف ليك ترمس بيعه ولا اقترح عليك ان تسافرالى افغانستان او ايران او الى شمال نيجيريا لكى تكون فى استضافة بوكو حرام:cool: :lool: :mad:

هوي ارع بقيدك العب بعيد بعيد من الامريكان ديل هوس هوسسسسسسسسسسس

( مشيراً إلى أن وزير الرياضة لم يسلم وزارة الخارجية أي شكوى باليد حول الواقعة كما تجاوزها عند تقديمه طلب التأشيرة قبل أسبوع من موعد المؤتمر في حين تشترط واشنطون تقديم طلبها قبل أسبوعين لإكمال إجراءات الفحص وهو الإجراء الذي يسري على كل الراغبين للسفر لأمريكا سواء أكانوا دبلوماسيين أو مواطنين.)

يعنى فهلوة ساكت ………….. انت فاكر نفسك فى بلاد …. تعرفنى انا منو ؟…….. بعدين انت كيف تجاوز وزارة الخارجية …… يعنى انت ما مقتنع بود كرتى دا ولا شنو؟ ……..بعدين يا سوار …… انت عايز اجلك يجى بسرعة ولا شنو؟ ما امريكا دى حرقت علمها وقلت انو عذابها دنت؟ ……….. واللة يا دبو عرفت نفسى انا دا …… وبقية شعب السودانى جبناء حقيقيين ……. يعنى جنس عينتكم دول الفرتكو لينا بلد وحكمونا 21 سنة؟ ……… من اي امة خرجنا بهذا الضعف؟

بس عشان تعرفوا انو البيحكمونا ديل ناس جهلاء وأغبياء لا بيعرفوا العمل السياسي ولا الدبلوماسيي وقايلين الحكومات كلها ذي حكومتم الفاسده يدخلوا المصريين بدون تأشيرة ويتعالوا على الناس ذي ما دايرين لكن يا المغفل الحمار دي أمريكا ما بتقدر تعمل عليها حركاتك وتعاليك البتتعالاهو على الشعب السوداني المسكين . بعدين وين المؤسسية في العمل الحكومي ولا كل كوز بيعمل الداير يعملوا بدون مراجعة أو رغيب ولا حسيب . نتمنى ان يتقدم البشكير بطلب سفر إلى أمريكا وأعدك حا يوافقو ليهو على طول بس هو لو راجل كدي إسويها

وزير بدرجة غقير

loosing face is really bad everyone hates it, however, those kind of people don?t have dignity or they may never heard about, thus, we shouldn?t blame them?. Because he forgot that he is representing a country and he jut thought about him self?..imagine the people who are leading our country?.( he should know united stated states is not a night club or massage place everyone goes to it, united states is not like other rubbish countries you can have your entry visa in their airports,?.huh?Minister?.right man ON the right position?)

اعتقد ان هؤلاء الشباب صغار السن لايعرفون حجم السودان دوليا.والافكيف يقفون مثل هذا الموقف مطالبين بنقل المنظمة من نيويورك واخر ينادى بالمعاملة بالمثل …….الخ من هذه الترهات.ياسادة ياكرام السودان فى عهدكم الميمون اصبح ااضيع من الايتام فى مادبة اللئام.حيث تقزم هذا المارد الجبار فصار نصف دولة لايؤبه لهاكثيرا.بحيث اصبح ياتى بالاحباش ليحمون ابناءه من شر ابنائه .بل والله صار ملطشة فى كل المحافل . لايغرنكم هذه المؤتمرات مدفوعة الثمن ولاهذه النفخات العنترية فنحن فى الحقيقة اضعف من ذلك بمراحل .وهؤلاء الذين يطالبون بالمعاملة بالمثل هم نفسهم الذى يرتمى رئيسنا تحت ارجلهم طالبا منهم الامن والامان. وهم نفسهم الذين يرسلون ابناءهم لهم ان كان للعلم على حساب محمد وابكر وادروب الغلابا اوللعلاج على حساب اطفال الانيميا والملاريا والفشل الكلوى وغيره وغيره وكان الله فى عون هذا الوطن الجريح

ده زول لا يفهم برتوكولات و لا احترم نفسه. قايل نفسوا مسافر الجزيرة.

:cool: :cool: :cool: :cool: :cool: تحرقون علم الدولة وتدخلونه بدون حواجز , لانكم جعلتوا انفسكم ارهابيين في السودان , هذا هو نتائج مسيراتكم الجهادية ضد امريكا و التي تدعونه بدولة كافرة . ماذا تريدون في دولة الكفار كما تقولونه في مسيزاتكم ؟ ;) ;) ;) ;)

هههههههههههههههههههههه حاج ماجد غبي للدرجة دي ؟!!!!!!!!!

وزراء الغفلة…من لا يستحقون حتى الاحترام…سوار بلطجى كلية القانون الذى صفع استاذه لا يصلح لهكذا منصب

ما قلنا :

فقه السترة أحسن لينا من دراب "حاج ماجد سوار"

ملحوظة:

إمكن (واعوذ بالله من إمكن) الأمريكان خايفين حاج ماجد لمن

يصل واشنطن يدي وزيرة الخارجية "ام كف" في جضما الكبير دا ..

أصلو الراجل "متعوده …. دايما ..!!"

ويمكن دا يكون في شرع الأمريكان من باب درأ المفسدة …

شنو العرفو بالدبلوماسسية (شن عرف الحمير اكل الجنزبيل) دة مجرد دباب

كل صباح جديد يطالعنا مستجدي السياسة بنكتة أو غلطة لوكانت في العالم المتحضر لإستقال فيها الوزير …
بالفعل من ضرب معلمه كف حمار لن يتعلم أبجديات السياسة حتى لو قبع في الوزارة 100 عام …
…

ههه ووين امريكا لمى جدادك وليكم تسلحنا 000 ايها الدباب الديك الرغبه الاكيده فى زيارة ماما امريكا؟؟؟؟ اخص فو عليكم ياكيزان يا منافقين يادجالين تموتوا وتتمرمقوا فى تراب امريكا ولينا نحن تشتغلوا شتائم

لا تعليق …………… فقط ههههههههههههههههههههههههههههههههه

منتهى الغبـــــاء ، وزير لايعرف بروتوكولات السفر كيف تم تعيينه ؟ هو الراجل دا ما طلع من السودان قبل كدة أصلاً ؟ هسي زي دا أفرض ادوه التأشيرة ؟ حيمشي يقول شنو أصــــــــلاً ؟

يا لطييييييييييييييييف ..!!

الاخ المجاهد حاج ماجد سوار رجل مثقف ودبلوماسى هو اكبر من عمره بكثير ومشهود له الذكاء والحكمة ورجاحة العقل وامريكا تحارب الاذكياء من ابناء شعبنا بغرض الاستحواذ عليهم وجعلهم يلفون فى فلكه حتى يعلموا شباب الامة الاسلامية معانى الجهاد وتحرير القدس المحتلة الذى هو ات باذن الله على يد شباب السودان الذى يقودهم الاستاذ حاج ماجد السوار وما تناقلته بعض الصحف عن الاجراءات مجرد كذب ليس الا الرفض لاسباب سياسية استراتيجية

ههههههههههه……..هآآآآآآآآآآآآآآآآآآآي

واللـــــــه دي قــــــــــــــصة ……..ونهايــتــها لــــــــــــــــسه

المعلق المدعو الراوي اخوك المجاهد حاج ماجد والمشهود له بالذكاء والحكمة ماشي امريكا لي شنو ؟ اخوك دة ماعامل مجاهد خليهو يسافر الي قطاع غزة والضفة خليهو يمشي يجاهد هناك قال مجاهد اكبر كذاب ومنافق ذمان دة موش كان بقول امريكا روسيا قد دني عزابها ؟؟؟؟ واطي عفن .

صدقنى انا المسكين ده كان اقتنعت بالجهاد ما برجع الا طابق بت ولا ولد حور
و لا اظنها هى لله

الدباب قبل اكون وزير مفترض ادخل دورة في فن الأتوكيت والدبلماسية انت فاكر نفسك ماشي زيارة لاهل في الاقاليم دي امريكا ترسل طلبك عن طريق الانترنيت قبل 15 يوم هم بفحصوا الجواز بالملمتر بعد ذلك يقرروا امنحوك او لا. وبعدين وزارة الخارجية قسم التنسيق عملوها لي شنو يا دباب لكن انا في تقديري الناس ديل عارفين من زمان الزول كفت استاذه في الجامعة ولا عملوا ليهو اي حاجة خائفين اطق ليهو واحد ام كف لذلك قالوا الشر بره وبعيد ومالنا والعواليق جنس الدباب؟؟؟؟؟؟؟؟؟

الزول ده بكون لسه سنه اولى سياسه :cool: :cool:

يا جماعة الخير شوفوا الهبنقة الاسمه الراوي قال شنو :

((حتى يعلموا شباب الامة الاسلامية معانى الجهاد وتحرير القدس المحتلة الذى هو ات باذن الله على يد شباب السودان الذى يقودهم الاستاذ حاج ماجد السوار ))

القدس خليهو في محله واسرائيل خليها في محلها وكت جات قريبة عندنا هنا مالو المجاهد بتاعك سوار واتباعه من الشباب المجاهدين ما نزلوا لينا الطيارة الضربت اهلنا في بورتسودان والكم وثمانين واحد الكتلوهم في الحدود الاثيوبية …

اصحى يا بريش ده كان زمان النفاق والدجل بتاعكم باسم الدين والشريعة والجهاد انكشفت عورتكم وقعدتوا في النقعة …

ما لا يعرفه الكثيرون عن حاج ماجد سوار .. أن أمريكا ربما تذكرت أن ماجد سوار كان من الدبابين الذين أذاقوا الجنوبيين أيام صيف العبور والجهاد والاستشهاد .. فضلاً عن المظاهرات التي كان يقودها أمام السفارة الأمريكية وإحراق الأعلام الأمريكية أكثر من مرة .. لذا منعت استقباله، فضلاً عن الرجل من أبناء جنوب كردفان ومتهم بالإيعاز لمليشيات الدفاع الشعبي اثناء زيارته لإحدى المناطق لاشهر الماضي بقتل العديد من أعيان ذلك البلد

كلهم طينة واحدة وزير يتصرف علي هواة بدون برتكول كلهم ذي بعض ذي ما افتكروا ان دولة السودان هم اخيارها وهم الاولي بخيرها وهي ملك حر لهم دون غيرهم وكذلك مال السودان هذة عقلية اهل الانقاذ سواء كانو في موقع المسؤلية او في موقع الحراسة الدستور والبرتوكول الديلوماسي والقضاء الحر كلهم مغيبييين والصحافة اما مستاجرة او في السجن وكذلك الاعلام الجماعة هارشين هرشة شديدة لانو اي انقلاب ضدهم معناة الموت لانو هم موتوا من ثار ضدهم وهنا مربط الفرس تصرفات طائشة وتصريحات نارية ولا رقيب ولا حسيب دولة مدغمسة وحكومة اكثر دغمسة – لما ذا لايرجعو لمحاسبة الذات ومساءلة المخطئين واطلاق يد السلطة الرابعة لردع المخربين والمختلسين واهل المحسوبية لكان زاد الدعم لهم اكثر واكثر خاصة في عهد الاحزاب الكرتونية الموجودة حاليا علي الساحة السياسية السودانية ولكن اري العناد والاصرار علي الخطا والسير الي المجهول هو ديدنهم مما سيقود البلاد الي الصوملة والعياذ باللة

همجيه …دولة الهمج!!!!!!!!!!!!!
ليس لديهم ضوابط وقواعد او اجراءات الدبلوماسيه….ديدنتهم

الخلاصة تشير لغياب التعامل المؤسسي من قبل حاج ماجد ?سواء كان تعامل مع الحادث باعتباره وزيراً اتحادياً أو قيادياً بالوطني- وجنوحه لاتخاذ القرار منفرداً وهو ما تسبب في إحراج الحكومة السودانية دبلوماسياً وشخصه سياسياً.

من كان للاسلاميين عقلا يقيسون بهم الامور قبل التورط فيها هم لايجيدون الا النعيق ب(هي لله هي لله ) او لالسلطة قد عملنا ……………….اذاكنت من المتابعين لكل تصريحات الانقاذييين طوار 22 سنة ستجدهم اغبي الناس واحقرهم وهو ممن سبق لسانهم عقلهم ؟؟؟؟؟؟؟؟؟؟؟؟؟؟؟؟

سوداني سافر للخارج يحضر معرض "ادمغة" وشاف كل دماغ بالمعرض مقابله سعر ,الياباني بالف دولار والالماني بثلاث مائة يورو وشاف مخ ((الكوز)) بمئة الف يورو ,,,
تعجب وسال عن السبب !!!جاوبه مدير المعرض تعرف كم جمجمة كوز تفتح حتي تلاقي مخ واحد !!!