الرئيس لوكاشينكو: يتساءل عن أسباب الأزمة الاقتصادية بالسودان رغم انتاجه (80) طناً ذهباً
البرلمان: سارة تاج السر
اعلن رئيس دولة بيلاروسيا، ألكسندر لوكاشينكو، جاهزية بلاده لدعم السودان والعمل سوياً لتطوير إقتصاده وقال لدى مخاطبته البرلمان امس، (نحن لم ولن نخون احداً ولن نخونكم ابداً)، واضاف (عليكم ان تعلموا ان رئيس بيلاروسيا ليس كرئيس الولايات المتحدة، وما نعد به نوفي به)، وتابع (سوف نجعل عملنا معكم اكثر من عملكم مع موسكو وبكين).
وابدى لوكاشينكو، انزعاجه من تدهور الوضع الاقتصادي بالسودان، وتساءل عن اسباب الازمة الاقتصادية في بلد ينتج 80 طناً من الذهب، وبه اكثر من 100 مليون رأس من الماشية، وتابع مخاطباً النواب (انا اسألكم كم تنتجون من اللحوم المصنعة من هذه الماشية؟)، وأكد اتفاقه مع رئيس الجمهورية المشير عمر البشير، على تشييد مصنعين للحوم لتحقيق الاكتفاء الذاتي داخلياً والتصدير لافريقيا التي وصفها بمستقبل العالم.
وأعاب لوكاشينكو على السودانيين بطء الحركة، وطالب بزيادتها بنسبة 100% وابدى استعداده لقيام مصانع لانتاج الجرارات والشاحنات، السيارات الخفيفية ومستشفيات على الطراز البيلاروسي ومصانع ادوية وقمر صناعي، وقال (لو تحتاجون هذا قولوا ذلك نستطيع ان نبني مثل هذه المصانع هنا)، وأردف (كل ما تودون انشاءه سننشؤه لكم وما ننتجه نبيعه سوياً داخل وخارج السودان، ولفت الى ان المناخ مناسب للصناعة في السودان.
وامهل الرئيس البيلاروسي اللجنة الوزارية بين البلدين مابين شهر الى 3 اشهر لتنفيذ ما اتفق عليه الرئيسان، وأكد ان دولته تأتي في المرتبة الخامسة في مجال الرعاية الصحية الاولية، متفوقة على الصين وروسيا وامريكا، والمرتبة السابعة في مجال صناعة الالبان واللحوم والطاقة النووية على مستوى العالم، وقال ان بلاده مفتوحة، ودعا النواب لزيارتها، واشار ان بيلاروسيا تملك كل ما يجعل السودان دولة تاريخية.
وقابل النواب خطاب الرئيس الزائر بصفقات طويلة قبل ان ينهي حديثه الذي استمر اكثر من نصف ساعة.
الجريدة
نواب الصفقة …تصفقوا على خيبتكم
لقد سألكم سؤالا ذكيا :كيف تكون هناك أزمة اقتصادية والسودان ينتج 80 طن ذهب (( هل هذا صحيح ؟ )) وبه 100 مليون رأس ماشية ولم يقل تجري فيه انهار وبه مساحات مهولة صالحة للزراعة …ورغم ذلك يعاني أزمة اقتصادية ..وتصفقون !! يا من أجزتو قبل يومين قانون يسمح لقوات الدعم السريع أن تكون منعزلة عن وزارة الدفاع ..هل هذا معقول … هل توجد مثل هذه الممارسات في أي بلد في العالم ؟؟؟ هل أنتم تمثلون شعب السودان ؟؟وهل أنتم أعلى سلطة تشريعية في دولة السودان ؟؟ هل لديكم ذرة من الوطنية ؟؟
تخبطكم وحكومتكم أغرى الدول لاعادة استعمار هذا البلد الهامل
لا حول ولا قوة الا بالله
مسكين هو قايل نفسه يتكلم مع بشر يفقهون هذه العمم تخفي المخاط الذي تحتها..
لو انت عندك كل العلم ده جاي للطير ديل ل شنو
تصدق يا لوكاشينكو والله العظيم (وماطالبني حليفة) إنو أنا زاتي مندهش ومنزعج وأتساءل زيك كده مش عن الذهب والثروة الحيوانية وبس أنا أتساءل عن قروش البترول راحت وين ؟ والسكة حديد وين ؟ ومشروع الجزيرة وين ؟ وصادرات الأقطان وين؟ هي جات علي كده يا لوكاشينكو !! عليك الله خليني في شجوني !!!
هسع إنت مندهش من الذهب بس وعايز تعمل مصانع جرارات وسيارات ومستشفيات وقمر صناعي !! صدقني بكرة إلا تجي وتتساءل مندهشا : أين ذهبت مصانع جراراتنا وسياراتنا ؟ بل أين ذهب قمرنا الصناعي الذي سلمناه لكم؟!!!
بلاروسيا دى مش الجاب منها وزير الدفاع بالنظر الدبابات منتهية الصلاحية ؟ والزول دا كلامه كدا زى الكيزان كله كضب . بكرة تسمع بى كارورى عمل عمل شركة تعدين وصناعة وتصدير الذهب !! ننتج 80 طن من الذهب ؟
والله تدخل جرار واحد يتقاسموه بيناتهم ديل عاوزين مصالحههم وما بهمهم
مصلحة السودان والله تبارى الكيزان ديل يلحقوك امات طه .ديل زى ماقلت
80 طن من الذهب بتمشى وين و100مليون راس من الماشية بتمشى وين خليك
راجل مفتح ديل تماسيح بياكلوا الاخضر واليابس .والله عرضك دا بسيل اللعاب
وممكن البلد تستفيد منه لكن اجل هذا الموضوع شويه الناس ديل ايامهم قلت
وبشه حالته الصحيه متدهورة من اكل السحت ودعوات المظاليم عليه000
يا اه للدرجة دي الراجل دا ممكون
طيب ما ينتظرغلغاية ما ترامب يصل يوم عشرين ونشوف البشير وثلته وهؤلاء النواب المصفقون حا يوقعوا معاه شنو
دا ظهر منين وفي الوقت الضائع وفجاة اكتشف انو في بلد في الكرة الارضية اسمو السودان وبينتج 80 طن دهب وعندي ثروة حيوانية 100 مليون راس
ال80طن من الذهب يا اخوى نصفه لابساهو وداد وربعه فى خزانة البنوك البريطانية
ولو عاوز تتأكد اسأل جمال الوالى والربع الباقى مقسم بين الجماعة 00
هذا الرئيس يبدو من كلامه ، إنه بريء وصاحب نفس عالية وأمينة.
هو مفتكر السودان عبارة عن دولة وبه حكومة ، وما عارف ، عندنا بلطجية ونصابين وقتله وسفاحين. أيضا هذا الرئيس مفروض يكون عارف وسامع إنو السودان بيحكمو سفاح ومطلوب للمحكمة الدولية ، هو وبعض وزرائه.
هذا الرئيس عليه أن يتجه لدولة أخرى ، ثم يعود بعد سماعه خبر زوال حكومة الإنقاذ المشئومة.
الاسئله السئلا الرئيس للمسئولين الشعب السوداني بسئل ليهو 27 سنه الموارد دي بتمشي وين
السؤال لبشير 80طن دهب مع اقتصاد منهار
والجواب عندنا وهو الفساد الفساد
المشكلة ليست في “ولفت الى ان المناخ مناسب للصناعة في السودان.” المشكلة في ناس حقنا …………. تتأكل الضحي الأعلى …. غيرك كان أشطر…..
ياعمك …80 طن من الذهب فى بنوك ماليزيا وعند الحراميه القدامك ..
عايز تعرف السبب بتاع الحاله الاقتصاديه ..؟
حكومه دجاله وشعب جبان ….ده هو السبب
العوير وخايب الرجا
(وابدى لوكاشينكو، انزعاجه من تدهور الوضع الاقتصادي بالسودان، وتساءل عن اسباب الازمة الاقتصادية في بلد ينتج 80 طناً من الذهب، وبه اكثر من 100 مليون رأس من الماشية،)
ودا سؤال تسأله يا لوكاشينكو !!! الغنماية في الشارع عارفه السبب والقرد يمكن يجاوب عليه
ساءل عن اسباب الازمة الاقتصادية في بلد ينتج 80 طناً من الذهب، لاجابه بنخدر الناس والله حالنا بائس بشكل مرعب يعني بنتجمل بس مابنكدب!بعدين حت لو عندنا ٨٠طن حتسوي شنوا…نعطي الحرميه ولاالعسكر.ولاالغاز.. ولاالرغيف خليها مستوره
الرئيس البيلاروسي اكيد ما جاي السودان يعمل شغل وماعندو فكرة عن السودان شنوو؟ والا يكون زول درويش ساي
في رايي الزول دا قاري الوضع تمام وعارف الكيزان هم شنو وغباءهم السياسي والاقتصادي الزول دا داير يستفيد ما اكتر. ولو كان نيتو سمحه فاحسن حاجه يعملا للشعب السوداني انو يختا الكيزان ديل وما اظن انو ماعارف الحنك دا
هذا هو حال البلد الغريب يسال
بلد فقط من انتاج الذهب ما مفروف تكون فقيره
خلي الزراعة والبترول والثروه الحيوانية
عليك الله ديل مش مفروض يولعو فيهم كلهم من بشيرهم لي اصغر كويز حايم
لوكاشنكا ديكتاتور ومزور انتخابات معروف في أوربا ومحارب لنظامه الاستبدادى, بألطبع شاعر بأنه بين زملاء في المهنة, شبهينا واتلاقينا.
السبب…………………….
الفسااااااااااااااااااااااااد….
النههههههههههههههههههههههههههب…..
السرررررررررررررررررررقه…………
اللغغغغغغغغغغغغغغغغغغغغغغغغغغغغغف….