صابر محمد الحسن: مشاكل السودان لن تحل برفع العقوبات دون حزمة إصلاحات
الخرطوم: نادية محمد علي
أكد محافظ بنك السودان الأسبق د. صابر محمد الحسن، ان رفع العقوبات الاقتصادية الامريكية لن يغير الاوضاع ويحل مشاكل السودان الاقتصادية، ما لم تنفذ الحكومة حزمة من الاصلاحات تتعلق بدعم الانتاج والصادرات، اضافة الى تخطي الاجراءات البروقراطية التي عطلت الاستثمارات الاجنبية وقطاع الصادرات، وترشيد الاستهلاك ودعم الصناعة والزراعة.
وأشار صابر الى أن الاقتصاد السوداني عانى وتم تجاوز الحظر بتكلفة عالية تمثلت في معاناة المواطن وتزايد العطالة، وأقر بارتكاب الدولة لعدة اخطاء تمثلت في تأخير العمل بالاصلاحات الاقتصادية وعدم مواكبة السياسات المالية للتطورات الداخلية والخارجية، ورأى ان الدولة ارتكبت اخطاءً في السياسة الاقتصادية كان يمكن تفاديها، وأسهمت في الوضع الحالي للاقتصاد السوداني.
وتوقع صابر عودة أسعار الدولار للارتفاع خلال اسبوع الى اسبوعين، في حالة عدم اتخاذ الدولة سياسات مالية تضمن تثبيت سعر الصرف، ووصف النظام الضريبي الحالي بأنه (عشوائي) ويفتقد الى المرونة اللازمة، ونعته بغير العادل للمواطن والدولة على السواء.
ولفت محافظ بنك السودان الأسبق الى أن اموال البترول استهلكت في بناء الطرق والكباري والسدود والمرتبات، وقال (كان يمكن ان توظف بصورة افضل لتأسيس بنية انتاجية لمستقبل الاجيال القادمة).
الجريدة
ماكنت محافظ البنك المركزى وساهمت فى السياسة الاقتصادية ولهفت من دولارات الشعب الواحد يشيلو من المنصب يقعد ينظر
كنت مسؤل ماسك بنك السودان عمرك كلو وين حلولك سيبنا من التنظير بتاعك. وشوف شركاتك وشركات ولدك كفاية
الزيك هم الضيعو البلد
((ولفت محافظ بنك السودان الأسبق الى أن اموال البترول استهلكت في بناء الطرق والكباري والسدود والمرتبات))
لا بالله العب غيرها
الكباري والسدود اتبنت من القروض .. قروش البترول دخلت جيوب الكيزان والجنوبيين .. كدي فتش جيبك يا بتاع الدولار انت ..
صابر ده مش كان جزء من منظومة هذا النظام الحاكم ليش ما اقام علي هذة الاصلاحات
يابن اللذين !! الان وقد عصيت من قبل ؟ الم تكن مسئول السياسة النقدية بهذه الدولة ؟
وانت ماعارف سياسة علي عثمان لتدمير السودان؟؟ اموال بترول شنو البوظفوها في بنية تحتية الكيزان عايزين الاجيال التالية لاتجد شئ اسمه السودان وانتي نايم وين ولا قاعد تلبع في الدولارات وماجايب خبر
هو لم يتوقع رفع الحظر بهذه السرعه وكان مستمتع بالوضع المقروض على الدولة وتحمل تكاليفها وهو احد السماسرة يوم كان محافظ واليوم رئيس اللجنة الاقتصادية بالمؤتمر الوطنى وللاسف فضح نفسه واساء للثقة التى اعطيت له وما قاله معيب اذا صدق ولايمكن ان يكون افاداته حتى من راعى بقر ناهيك ات يكون من رجل كان محافظا بل عميد محافظى بنك السودان لطول فترته وشانه شان الحكمة القاتل يكشف ولو بعد حين والمنافق ينكشف ولو طال
الكلام ما تقولوا زمان لما كنت راكب سفينة الانقاذ. أي واحد فيهم يفقد وظيفته يبدأ يطلع في عيوب النظام.
ورأى ان الدولة ارتكبت اخطاءً في السياسة الاقتصادية كان يمكن تفاديها، وأسهمت في الوضع الحالي للاقتصاد السوداني.
(كان يمكن ان توظف بصورة افضل لتأسيس بنية انتاجية لمستقبل الاجيال القادمة).
واين كنت ياصابر عندما كنت نافذا فى بنك السودان ؟؟
وصلتنا رسائل عن طريق الواتساب لخبر تم نشره فى جريدة الشرق الاوسط فى عام 1997
ويتضمن قائمة باسماء اعضاء حكومة المؤتمر الوطنى وارصدتهم البنكية التى تم حظرها بالدولار , فكانت الارقام تشيب لها الولدان فمثلا رصيد عمر البشير وقتها مائة ثمانية واربعون مليون دولار – وانوه هنا بان الشعب السودانى كان يعتقد بانه نزيها فى ذلك الوقت – والترابى مليار ومئتان وخمسون مليون دولار والزبير محمد صالح وعبدالرحيم ويوسف عبدالفتاح والقائمة تطول باجمالى حوالى ستة مليار دولار
واين كنت ياصابر عندما كنت نافذا فى بنك السودان ؟؟ ام تريد ان تقول بان تلك كانت مدخراتهم من جراء خدمتهم الطويلة ؟؟؟ توقعنا ان تقولها صراحة بان فساد الحكام كان ولايزال السبب الرئيسى فى تدهور الاقتصاد , بدلا ان تقول – بان الدولة ارتكبت اخطاء فى السياسة الاقتصادية !!فكنت حريفا ياصابر اكتنزت الدولارات وغيرها من العملات الصعبة فى بيتك حتى سطى عليها اللصوص
واذا كان الخبر غير صحيحا الذى نشرته تلك الصحيفة لماذا لم يرفعوا عليها دعوة قضائية فى وقتها ؟؟
عمك ده زعلان ساي بدورلو منصب
الا تستحي وتخجل أيها الصابر المكابر ؟؟؟ ألست أنت من سرقت من منزله ببري قبل شهور قليلة الاف الدولارات واليوروهات والعملات الحرة الأخرى ؟؟؟؟؟؟
محافظ البنك المركزي السابق ويحتفظ ويكدس في منزله العملات الحرة بالالاف المؤلفة وعايز يجي يحاضرنا في الاقتصاد .
تخجل وللا نخجل ليك ؟
نسيت يا دكتور صابر دورك في تدمير الإقتصاد عندما وافقت وبصمت على سياسات الترابي وعبد الرحيم حمدي بدءً من تغيير العملة الذي أفقر الشعب ونهبتم جزء كبير من ماله. هل نسيت كيف كنت ترسل موظفيك لإيداع العملات الأجنبية المحملة في حقائب السفر في بنوك دول الخليج وتحديداً البحرين.. ؟ هل نسيت إستيلائك على أرض المسجد المجاور لمنزلكم باللاماب ونقله شرق الشارع ؟؟ إن أقبح أعمالك هو قبولك بمنصب مدير بنك مصري وأنت تحمل كل أسرار الإقتصاد السوداني بعد أن قضيت عمراً مديداً مديراً لبنك السودان وعلمت أسراره وخباياه ؟؟ إعتذارك ما بفيدك ودموعك ما بتعيدك والعملته كان بإيدك فلا مجال لنقد نتائج أعمالك الآن فلن تجدي لمسح جرائمكم
المهاجر
* * * * *
يا أخوانا الموضوع واضح رفع العقوبات عن السودان
شئ ضروري وملح ، لكن في وجهة نظري لو أن السماء أمرت ذهبآ وبترول ودولارات لن يستفيد منها المواطن من شئ طالما هذه العصابة المجرمة جاثمة على صدورنا ،فيجب مواصلة النضال لإسقاطها والتخلص منها لنبني سودان الوحدة والقوة والرفعة والكرامة والنماء.
الثورة الثورة والعصيان المدني والمقاطعة الشاملة لكل
لن تقوم لكم قائمة ولو امطرت السماء لكم ذهبا وفضة مالم تفعلوا اربعة اشياء اولا مكافحة الفساد بكافة اشكاله وانواعه ودي من سابع المستحيلات طبعا ثانيا اعادة قطاع الزراعة والصناعة بصورة فاعلة ودي انتو طبعا برضو مشكوك في قدرتكم علي فعلها وايضا اعادة قطاعات كالسكك الحديدية وقطاع النقل الجوي والبحري ثالثا وقف الحروبات العبثية ودي برضو مشكوك في قدرتكم علي فعلها لانكم وقعتم اتفاق سلام 2005 واثناء توقيعه اشعلتم حرب في دارفور في 2003 وفي النيل الازرق وجنوب كردفان 2011 ومازالت مستمرة رابعا بسط الحريات وده برضو من سابع المستحيلات….وحنشوف اذا تخليتم عن نظام الاخوان المسلمين الارهابي ولالا وده برضو من سابع المستحيلات لانكم مازلتم تؤؤون كمية معتبرة ومقدرة منهم تشملكم انتم انفسكم وان غدا لناظره قريب
ودوركم ( العاملين عليها ) في استهلاكها بشراء عشرات الاراضى السكنية بالمخططات الحديثة الغالية وتسجيلها بأسماء عديدة …. وشراء العملة الصعبة بالسعر الرسمى وتكديسها وتهريبها للخارج …
مايستحي صابر والله الكيزان ديل عينهم قوية لهط اللهطي دة كله وجاء ينظرقال الحكومة ارتكبت اخطاءالحكومة ارتكبت فسااااد مش اخطاء
الان حصحص الحق …. انا دمرت الاقتصاد السودانى ..انا …صابر
دا مش عمك السرقو الدولارات من بيتو؟ الشيطان يعظ!!
ياخي بالله اتلهي على عينك “وشط أب”..انت اللقى امكانيات وصلاحيات مثلك منو وفي زمن كان يمكن ان تنجز شيئا … ولكنك اضعتها ًجايي الليلة تتفلسف ،،،أحسن تخليك في عالم تجارة الدولار الى ان يقضي الله أمره والذي ترونه بعيدا ونراه قريبا
ما كنت تقول الكلام ده و انت المحافظ – الواحد ما يقول الحق إلا و هو بره المنظومة الملعونة – عالم جبانات
يادوبك صحيت .. now wake up على قول الهنود
هكذا هم لا يفصحون إلا بعد ترك الوظيفة .. فلا تدري هل هو زعل ؟ أم تثبيت مواقف ؟
وفاكرين الكلام ده بمشي علينا
أظن كل واحد من الكيزان ديل عقلو بفيق من سكرة الحكم بمجرد ما يلقى نفسو خارج المناصب الحكومية ..
وبرضو عايز يكذب!!
الطرق والجسور كلها نعلم إنها بنوها بقروض خارجية .. ومش صعب أضعف الناس عقلاً أن يعرف ده من الإنترنت !! والبنك المركزي هو الذي يضمن القروض الخارجية لأي دولة.. إنت ما كنت محافظ بنك السودان؟؟؟
لعنة الله عليكم ..
دكتور صابر انضم للمؤتمر الشعبي ولا شنو؟
وينو كان عمارك لمن كنتا محافظ البنك المركزي ؟ و لماذا مسئؤلونا ينظرون و يغردون خارج السرب بمجرد فقدهم للوظائف؟أم أن اليقين يأتيهم في سنوات اليأس و القحط ؟؟؟
كل من لفظته الانقاد اصبح غير راضى عت السياسات التى صنعها .رجع دولارات الشعب وتعال اتكلم
” كانت مجموعة من اللصوص قد تسللت إلى شقة يستخدمها القيادي البارز بحزب البشير ومحافظ بنك السودان السابق ورئيس القطاع الإقتصادي بالحزب صابر محمد الحسن، كمقر لادارة اعماله، وتمكنت من سرقة (28) ألف يورو و(32) ألف دولار، بجانب بعض المبالغ بالعملة المحلية والعملات الاجنبية “
صابررررررررررررررررررر الكافر الأعور والعياذ بالله 11؟
سبحان الله! صابر محمد الحسن، يفتي في شأن مشاكل السودان الأقتصادية وهو أكبر حرامي رسمي في السودان وهو أحد أسباب جميع مشاكل السودان الاقتصادية!
سبحان الله! صابر محمد الحسن، يفتي في شأن مشاكل السودان الأقتصادية وهو أكبر حرامي رسمي في السودان وهو أحد أسباب جميع مشاكل السودان الاقتصادية!