صحَّة الرئيس زي الفل..!!

الرئيس مريض ولا احد يؤكد والبلد في حالة موت سريري منذ 23 عاما

لاننا محتاجين ليك يا عووضه عليك الله ما تكتب فى الموضوع ده تانى الناس ديل راسهم ضارب اليومين ديل و راجين زلة لسان من اى زول عشان يتفشوا فيهو و عموما لا شماته فى المرض و الموت اللهم اشفنا جميعا و تولنا برحمتك …….امين يا رب العالمين

ليس من العيب يايااستاذنا الفاضل عووضة من الكلام عمن يخلف الرئيس او الوزير فى حالة مرضه فهذا شأن مهم فلا يجوز السكوت عن خليفة اى رئيس فى حالة وهنه او مرضه او وفاته اذا كان شيخ القبيلة يتكلم الناس عن خليفته فى حالة مرضه فما ببالك برئيس يمسك بزمام الامور ولا كلمة لغيره فى كل كبيرة وصغيرة .

هل اصبح السودان هو البشير؟؟
بقيت طبال وكسار تلج!!

ماعندك موضوع اي حاجه مدخل فيها المصريين!!!!!!!!!
لوماعندك موضوع هادف ماتكتب .. ريحنا من هطرقاتك دي
بلا يخم انت ورئيسك!!!!!!!!!!!!1

السودان لن يتعافى طالما هذه الزمرة وهاتفيهم موجودة

عزيزى ود عووضه مبدع كعادتك والرئيس صحته ذى الفل؟!! الله يطمنك ياشيييخ!!على كل حال الرساله وصلت و(حنوم قفا) وبالله عليك خليك متابع الموضوع ده بالذات إنشاء الله كان تخلى القدامك والوراك وعن (كثب)كمان وبلغنا اول بأول تطورات صحه فخامتو لان امره وصحتو بالنسبة لنا مهمه وده (عشرة عمر!!) وكما تعلم انت لو سعيت (كلب) وربيتو فى كنفك ما بهون عليك لو ضاع ولا صدمتو سياره وتقعد منكد لعدة أيام ده إذا ما كنت من النوع الدمعتو مخزنه خلف الجفون!! فما بالك فى رئيس جاءنا (عميدا) وجثم على صدورنا وصدور الذين خلفونا حتى صار (مشيرا) والزول ده تأكد لنا بما لا يدع مجالا للشك إنه ولوف بالحيل وما هاين عليه يفارقنا كلو ..كلو ومن فرط حبه لنا هاهو الان يصدر لنا خاله ليكون وريث له بعد ان يسترد صاحب الامانه أمانته !! ولا إدرى إذا كان قد كتب على الشعب السودان أن يتحمل (فنى تلفونات) عوضا عن عميد جيش وعشان نكون واضحين وبصراحه كده فى نوع كلاب بتوالف معاك وبيوالف عليك ولكن بينى وبينكم فى نوع كلاب أجارك الله ما بتقدر تعاين ليها فى عيونا ساكت وإلا ستين الف عفريت يقعدوا ينططوا قدامك ونسأل الله أن يمنع عنا نوع مثل هذه الكلاب وحسب علمى أن (حدائق القصر)بسم الله ما شاء الله ولا حول ولا قوة واللهم لا جسد!! والمتربصون بنا كثيرين والله يكضب الشينه…وعلى كل حال مقالتك واضحه والعايز يفهم..يفهم!!والمافاهم عنو ما فهم والله يكون فى عونو وما عندنا ليه كلام غير ده نقولو ليه !!.

إقتباس;
((*سودان (صحته زي الفل)!!!!!))..

دى ما ح تلقاها يا ود عووضة طالما مريضك دة متحكر فيها و مكنكش للطيش .. و طالما جماعته يبيعون و يشترون فى البلد و فى دينها كما يحلو لهم ..

عموماً ,
كدى شوف لينا حكاية زولكم نقيب الصحفيين السودانيين ( تيتاوي) و خطابه الرسلو لرئيس وزراء تونس يطالبه فيه بالحريات الصحفية !!
http://www.alrakoba.net/news-action-show-id-75285.htm

فعلاً زولك دة عايش فى كوكب آخر عن حق و حقيقة و كأن الصحافة فى السودان عندها حريات أكتر من سويسرة ..
عالم تخاف ما تختشيش , على قول عادل إمام .

رئيسنا زينة و حالف ما يدلينا … و لان رئيسنا المشير البشير لم تلد النساء مثله و هو وحيد زمانه و فريد عصره، و هو باب العلم و الذكاء ، و لانه من انقذنا – من ايه مش عارف- و هو الذي قاد البلاد و ارخجها من وهدتها و عزلتها حتى اصبحت بلادنا بفضل الله ثم بذكاء و فكر رئيسنا المشير اقوى بلاد الدنيا و اصبح شعبها من اكثر شعوب العالم ثراءا و رفاهية ، و بعد ان وحد البلاد و نشر السلام و الامن حتى اصبح الصغار يلعبون في الشوارع اما بيوتهم دون الخوف من الخطف و الاغتصاب، و نشر مشيرنا العدل في ارجاء السودان و اخضر الزرع حتى صرنا سلة غذاء العالم و اصبحنا اكبر مصدري المواشي و حتى نافست صناعاتنا صناعات الصين،
لذلك مثل هذا الرئيس لا يوجد له خلف، و ليس في بلاد السودان من يمكن ان يحل محله او ينجز مثل ما انجز لذلك يصبح الحديث عن مرضه قضية كبيرة عند حزبه الحاكم و تصبح مسالة خلافته مشكلة عويصة اذ ليس بين بني السودان من يملك من التاهيل ما يؤهله لخلافة الرئيس

صحَّة الرئيس زي الفل..!! اها صحه الخال الرئاسي كيف