أخبار السودان

أمانة عليك..قصيدة للشاعر الأستاذ /أزهري محمد علي

ياتايه الخطي
أمانة عليك كم في الخط
خطاوي علي الوجع عديتا
في السكة المشيتا غلط
شعائر إقامتها وصليتا
لا نزلت عليك خيرات
لا أخضرت مشاعرك قط
وكم في الخط
رهاف قاموا الولاد الهجعة
لطاف مرقن بنات الوجعة
لعبن (ليا ) جنب الخط
وقعدن يشخبتن في الرجعة
رسمن في الغمام لوحات
ملامح لي وطن طيب
ونكران ذات
وبت في غيمة بتمشط
براحات الغنا الواسعات
وكتبن فى الهوي وشطبن
تلات تسعات
اتمغي البحر في الميعة
واتحين سحاب العينة
في لهات التراب نقط
منقط كان أمام الغفلة
منقط من هنا وهنا ملقط
ناااعم والكلام طاعم
يبين تحت التبن ارقط
ينوم فوق الجرح منحل
يقوم ذي الحبن في محل
دحين يااورطة كيف الحل
وكم في الخط
مفخخة خطبتو الملغومة
تشيلها تصلحا الحيكومة
تصديق كضبتا الموهومة
تزيد في غيها وتنحط
نزيد في غينا وننحط
غيبوبة دوار السلطة
والهوس العلينا هبط
سكرانة المنابر طينة
سكرانة المداين الهايصة
واشباح القري المسكينة
سكران التراب والموية
السهلة ودواهي الغابة
أحزاب الهوي الكضابة
والحيكومة وقفت لط
شتات والسامر انفضى
شتات كان نابا كان نرضي
مرقنا ودمنا اتفرق
ولد شايلنو للايام
مسك شارع المطار شرق
لمحناو ذى خبر عاجل
ذي رفة حمام زاجل
يامنسلي من ضلف الضلام في الليل
تعال بالباب أكان راجل
واركز اوعي تدرق
من القبلي السحابو ربط
من العبادي يوم ينصرا
في وش السماء وينمط
وكم في الخط
أمانة عليك ياوطن الكرام
أسمعنا ليه اشمعنا
نحن مرقنا قدمنا الشعوب الحرة
في درب النضال ورجعنا
نحن نزلنا لي آخر درك وطلعنا
أجمل من ملائكة رحمة
فجينا الضلام ولعنا
قلنا الجاتنا في وليداتنا
جات أن شاء الله تنفعنا
نحن بكينا يوم بيت القزاز جدعنا
لا ادتنا الشوارع عين
لاصابت نفوسنا اللعنة
علمناك عناق اللهفة
والحرف البرود المعني
علمنا الثبات والوقفة
وعلم نصلك المسموم
يعلم فجة الطعنة
وكم في الخط
خلاص تاني المطر شالت
خلاص تاني المطر ختت
بركة وخير وبركة أخير
براك يالاهي سميتا
براك فتحتها الخيران
علي الناس الطلع زيتا
كمل رايا وفلت من ايدا رأس خيتا
علي الهملة وقطعت الرأس
وقع في راسها رأس بيتا
هاياريتها
لو شافوك في النيابات
مشمر في الوحل جيتا
وجيدن يامطر جيتا
وجد ليها البلاد بالجاتا
جلابة الجن والجنادب والجراد
وجلجلة الجلالات والجنود والجنجويد
نبدي ونعيد
كل السماحات روحت
خلتنا لي بأس الحديد
كل المصائب في أمان
هل من مزيد هل من مزيد
هل من بوادر رجعة للماضي البعيد
هل من قصائد اومكائد اومصائد
تاني للدقشو الصعيد
ياعالي المقام طالت عليك الكرسة
والجوك في الضلام
سرقوا المباهج خلسة
تشكي وتستغيث إلا البحس ماحسا
مات جلدو اندبغ ماظن يحس بالقرصة
نتاح الضرس المابتحلو الجرسة
يديك السهر ويقعد يتاورك لسا
داريهو الوجع بين اللسان واللثة
والداير القلع احسن تلخلخو هسا
قبل الطير تقوم يالمابتعرف الخسة
في الطابور تنود تدقس تنوم في الحصة
غايتو علي العموم خلصت خلاص القصة
مات بطل الفلم وطلعت حبيبتو اللصة
وقمنا انصرفنا علي عجل
ساسقنا بين ساسا ويسوس
ونحن امتحنا بلا خجل
وسقطنا في كل الدروس
كم من لصوص حايمة بتلوص
ودونا لي آخر درك
باعونا بي وسخ الفلوس
كم من نفوس خانت نفوس
بيناتا قاسم مشترك
طافت علي نار المجوس
حاولنا نتفادا الشرك
وقعنا في فخ النصوص
قاتلنا في غير معترك
دهستنا غارات البسوس
وكم في الخط
أمانة عليك يابلد السماح سامحيني
مجبور مرقتك من ضراي
في الليل يجهجهك السقط
ريح العوارض تلفحك
من أيدي تمشى سقط لقط
وأمانة عليك كم في الخط.

تعليق واحد

  1. أجمل وأروع ثمّ أبلغ ما قِيل … هنا … عن الأسف الجزيل : –

    (هل من بوادر رجعة للماضي البعيد
    هل من قصائد أو مكائد أو مصائد
    تاني للدقشو الصعيد)

    لكن عزاءنا ما قيل عن الأمل البديل: الصعيد بيرَبّي الفيل

    إلى أنّ نكسّر حائط برلين الإقتساميّين المبني على التضليل

  2. هسي الفاضي في الحيكومة يقرا كلامك ده ويفسروا منو .. يا ناس ياهو ده نظام فوق العادة الوهم العايشين فيهو بتاع زمن ده انتهى العالم ماشي والنظام دائر في التروس ابتكروا حلول حتى القصيد جامدة نفس الموسيقى ونفس الدوزنه لمن اتعسمت حواسنا

  3. لك التحية الاستاذ أزهري محمد علي وليت أهل الاسلاموية السياسية يقرأون هذه القصيدة جيداً وبتمعن وتذهُن لما فيها من غزارة في اللغة ورشاقة في اللفظة وبلاغة في التوصيف ومتسع في حمل العبارات الفصيحة على ما يسمى دارجة وهي ليست كذلك فاللغة العربية رغم عدم عروبة دمنا خالصا الا أنها الاغنى ولتدرك ذلك خذ كل لون شعري غنائي للفنانين منذ الحقيبة الى جيل ناس مصطفى سيد احمد والخالدي والامين عبدالغفار وقارنه بمن حولنا من دول تلاحظ فخامة اللغة وفن الوصف واللعب بالالفاظ وحملها على أوجه لا يفهمه ولن يفهمه الا من عاش في الارض التي أنبتت هذا الشعر التحية للاحرار مقدسي روح الانسان،، ” سوداني وخليك سوداني”

  4. ما اروعك ايها الشاعر النبيل ،،، متعك الله بالصحة والعافية وحفظك ايقونة مضيئة تحمل هم الوطن المذبوح من الوريد الى الوريد ،، المنهوب حد العدم ، والسلام على احبائك الصناديد من رحل ومن ينتظر وما بدل نبديلا ، مصطفى ،، محجوب ،، حميد ،، القدال وغيرهم،،،
    والقصيدة مهداة لشاعر (انا ورندة قفلنا البرندة ) عله يحس بوجع اهله و يعرف ما هي رسالة الشعر) ،، لك كل الحب وكل الاحترام والتقدير ايها السامق دوما”

  5. ياازهري يا ازهري ازهر الله دربك وحفك بالرياحين…منتهي الروعة واﻻبداع…غايتو غلبنا الكلام…لم يبق لي اﻻ ان اقول متعك الله بالصحة والعافية ورحم والديك…تحياتي الخالصة والسلام…

  6. يا سلام يا استاذ أزهري علي هذا الابداع.
    الآن نفتقد أستاذنا الراحل مصطفي سيد احمد. له الرحمة.
    ليته كان معنا ليتحفنا بأروع الالحان والأداء.

  7. #خربشة_برلومية:
    … بنحلم بوطن أجمل … طلعت خربشة فبراير علي قلبي snow … إبتسامة أمل
    بسمة … نص :
    فوبيا السذاجة والوهم
    ابردي ياخ …
    ما خلاص كفاك
    أطلعي من صفاى
    دقيقة بس …
    … وبهديك إبتسامة
    مدخل:
    إبتسامة أمل …
    سأبتسم رغم الظــــــروف
    قرف فات حد الوصـــوف
    وخانة كتاباتي الحـــــروف
    ضاعـــت قوافــــي الكلام
    فـــي لحظة مــا قبل الختام
    ومـــل إحساســـــي الوهـم
    مات الضمير في ثانية نـام
    ومن تاني عاد لرشدو قـام
    وانا ما زلـــت مبتسم
    ومستمر في الإبتسام
    صدقة في حق الوطن حتي القيام
    بسمة … مدخل جديد …
    وطن في اخر طريق خروج الروح
    مجابد في مشيهو هبوب الريح
    مقاوم بأمل… نشوة فرح
    بظهور مصد للريح
    وطن …
    يقـاوم فــــي الأنين
    حامل جراحـــات السنين
    مطعون الظهر بيد المخزلين
    انهد حيل ادمن ترهات المستوهمين
    ومن السذاجة الشعب راقد راقد مستكين
    بسمة … مدخل ثاني …
    تقتلني السذاجة
    في ظل فساد وإنهيار الدولة
    لا يستكين إلا ضعاف النفس والنخوة
    لا تجد من يؤيد لها إلا اصحاب المصالح والشهوة
    لا يستحق العيش من قال نعم في وجهة من قالوا لا لهذه البلوة
    عار عليك عار للوطن عار كبير
    مات الضمير
    وضاع المصير
    باعو الكرامة بالدولار
    وأدمنا ياخ سكن القبـــور
    بس ما خطير سكن القبور لو الشعب قرر للعبور
    والشعب قـادر للعبــور
    لو أراد يصنع قدر
    صحو الضمير
    كونوا أحرار
    عشان نثور … نصنع مصرنا ومن جديد … نصنع وطن

    … يتبع

    بريسدينت مصعب آدم
    (2/فبراير/ 2017)

  8. شكرا يا حامل الوجعة … إن شاء الله ربنا يفرج عننا الهم والغم ونشوف صبح جميل .. إنّا والله شعب طيب خلوق ليس لنا في عنف تجار الدين محقهم الله وسحقهم ودام الشعب السوداني

  9. لك التحية شاعرنا الفخيم الصنديد ومتعك الله بالصحة والعافية. دوما معبرا بما يجيش في صدور أبناء شعبك – الذين يبادلونك حبا بحب – وهكذا يكون الأديب والفنان الحقيقي الذي ينحاز دوما الي قضايا شعبه . وشكرا لك مرة أخري
    النابلسي موسي الجعلي

  10. آسف لضيق الوقت … لكن القصيدة تستحق التأمّل … عدّة مرّات …. قبل التعليق …

    الأمانة

    يا سلام على أجمل وأروع ثمّ أبلغ ما قِيل
    هنا بين ثنايا قصيدة أزهري محمّد علي … عن الأسف الجزيل
    (هل من بوادر رجعة للماضي البعيد … هل من قصائد أو مكائد أو مصائد
    تاني للدقشو الصعيد) لكن عزاءنا ما قيل في تراثنا القِبيل وأملنا البديل:الصعيد بيرَبّي الفيل
    إلى أنّ نكسّر حائط برلين الإقتساميّين المبني على التضليل بدونما قواعد
    حائط واهمين مُقتسمين للطين … واهِن وهمي مبني بدونما طين
    لن يقصم بلداً واحد … عريضاً بطول النيل

  11. أجمل وأروع ثمّ أبلغ ما قِيل … هنا … عن الأسف الجزيل : –

    (هل من بوادر رجعة للماضي البعيد
    هل من قصائد أو مكائد أو مصائد
    تاني للدقشو الصعيد)

    لكن عزاءنا ما قيل عن الأمل البديل: الصعيد بيرَبّي الفيل

    إلى أنّ نكسّر حائط برلين الإقتساميّين المبني على التضليل

  12. هسي الفاضي في الحيكومة يقرا كلامك ده ويفسروا منو .. يا ناس ياهو ده نظام فوق العادة الوهم العايشين فيهو بتاع زمن ده انتهى العالم ماشي والنظام دائر في التروس ابتكروا حلول حتى القصيد جامدة نفس الموسيقى ونفس الدوزنه لمن اتعسمت حواسنا

  13. لك التحية الاستاذ أزهري محمد علي وليت أهل الاسلاموية السياسية يقرأون هذه القصيدة جيداً وبتمعن وتذهُن لما فيها من غزارة في اللغة ورشاقة في اللفظة وبلاغة في التوصيف ومتسع في حمل العبارات الفصيحة على ما يسمى دارجة وهي ليست كذلك فاللغة العربية رغم عدم عروبة دمنا خالصا الا أنها الاغنى ولتدرك ذلك خذ كل لون شعري غنائي للفنانين منذ الحقيبة الى جيل ناس مصطفى سيد احمد والخالدي والامين عبدالغفار وقارنه بمن حولنا من دول تلاحظ فخامة اللغة وفن الوصف واللعب بالالفاظ وحملها على أوجه لا يفهمه ولن يفهمه الا من عاش في الارض التي أنبتت هذا الشعر التحية للاحرار مقدسي روح الانسان،، ” سوداني وخليك سوداني”

  14. ما اروعك ايها الشاعر النبيل ،،، متعك الله بالصحة والعافية وحفظك ايقونة مضيئة تحمل هم الوطن المذبوح من الوريد الى الوريد ،، المنهوب حد العدم ، والسلام على احبائك الصناديد من رحل ومن ينتظر وما بدل نبديلا ، مصطفى ،، محجوب ،، حميد ،، القدال وغيرهم،،،
    والقصيدة مهداة لشاعر (انا ورندة قفلنا البرندة ) عله يحس بوجع اهله و يعرف ما هي رسالة الشعر) ،، لك كل الحب وكل الاحترام والتقدير ايها السامق دوما”

  15. ياازهري يا ازهري ازهر الله دربك وحفك بالرياحين…منتهي الروعة واﻻبداع…غايتو غلبنا الكلام…لم يبق لي اﻻ ان اقول متعك الله بالصحة والعافية ورحم والديك…تحياتي الخالصة والسلام…

  16. يا سلام يا استاذ أزهري علي هذا الابداع.
    الآن نفتقد أستاذنا الراحل مصطفي سيد احمد. له الرحمة.
    ليته كان معنا ليتحفنا بأروع الالحان والأداء.

  17. #خربشة_برلومية:
    … بنحلم بوطن أجمل … طلعت خربشة فبراير علي قلبي snow … إبتسامة أمل
    بسمة … نص :
    فوبيا السذاجة والوهم
    ابردي ياخ …
    ما خلاص كفاك
    أطلعي من صفاى
    دقيقة بس …
    … وبهديك إبتسامة
    مدخل:
    إبتسامة أمل …
    سأبتسم رغم الظــــــروف
    قرف فات حد الوصـــوف
    وخانة كتاباتي الحـــــروف
    ضاعـــت قوافــــي الكلام
    فـــي لحظة مــا قبل الختام
    ومـــل إحساســـــي الوهـم
    مات الضمير في ثانية نـام
    ومن تاني عاد لرشدو قـام
    وانا ما زلـــت مبتسم
    ومستمر في الإبتسام
    صدقة في حق الوطن حتي القيام
    بسمة … مدخل جديد …
    وطن في اخر طريق خروج الروح
    مجابد في مشيهو هبوب الريح
    مقاوم بأمل… نشوة فرح
    بظهور مصد للريح
    وطن …
    يقـاوم فــــي الأنين
    حامل جراحـــات السنين
    مطعون الظهر بيد المخزلين
    انهد حيل ادمن ترهات المستوهمين
    ومن السذاجة الشعب راقد راقد مستكين
    بسمة … مدخل ثاني …
    تقتلني السذاجة
    في ظل فساد وإنهيار الدولة
    لا يستكين إلا ضعاف النفس والنخوة
    لا تجد من يؤيد لها إلا اصحاب المصالح والشهوة
    لا يستحق العيش من قال نعم في وجهة من قالوا لا لهذه البلوة
    عار عليك عار للوطن عار كبير
    مات الضمير
    وضاع المصير
    باعو الكرامة بالدولار
    وأدمنا ياخ سكن القبـــور
    بس ما خطير سكن القبور لو الشعب قرر للعبور
    والشعب قـادر للعبــور
    لو أراد يصنع قدر
    صحو الضمير
    كونوا أحرار
    عشان نثور … نصنع مصرنا ومن جديد … نصنع وطن

    … يتبع

    بريسدينت مصعب آدم
    (2/فبراير/ 2017)

  18. شكرا يا حامل الوجعة … إن شاء الله ربنا يفرج عننا الهم والغم ونشوف صبح جميل .. إنّا والله شعب طيب خلوق ليس لنا في عنف تجار الدين محقهم الله وسحقهم ودام الشعب السوداني

  19. لك التحية شاعرنا الفخيم الصنديد ومتعك الله بالصحة والعافية. دوما معبرا بما يجيش في صدور أبناء شعبك – الذين يبادلونك حبا بحب – وهكذا يكون الأديب والفنان الحقيقي الذي ينحاز دوما الي قضايا شعبه . وشكرا لك مرة أخري
    النابلسي موسي الجعلي

  20. آسف لضيق الوقت … لكن القصيدة تستحق التأمّل … عدّة مرّات …. قبل التعليق …

    الأمانة

    يا سلام على أجمل وأروع ثمّ أبلغ ما قِيل
    هنا بين ثنايا قصيدة أزهري محمّد علي … عن الأسف الجزيل
    (هل من بوادر رجعة للماضي البعيد … هل من قصائد أو مكائد أو مصائد
    تاني للدقشو الصعيد) لكن عزاءنا ما قيل في تراثنا القِبيل وأملنا البديل:الصعيد بيرَبّي الفيل
    إلى أنّ نكسّر حائط برلين الإقتساميّين المبني على التضليل بدونما قواعد
    حائط واهمين مُقتسمين للطين … واهِن وهمي مبني بدونما طين
    لن يقصم بلداً واحد … عريضاً بطول النيل

  21. يا ازهري اصبحت شاعر الوطن وصوت الغلابة بعد رحيل محجوب شريف وحميد وكانوا سعيدين بوجودك بينهم وكنت خير من يستلم الاختام وارجو ان تجهز وتدعم من يستحق بعدك استلام الاختام بعد عمر طويل.

  22. يا ازهري اصبحت شاعر الوطن وصوت الغلابة بعد رحيل محجوب شريف وحميد وكانوا سعيدين بوجودك بينهم وكنت خير من يستلم الاختام وارجو ان تجهز وتدعم من يستحق بعدك استلام الاختام بعد عمر طويل.

  23. ازهري فخامة الكلمه وقوة المعني والصراحة في زمن الخوف والخنوع عشت علما يسجل لك التاريخ في انصع صفحاته ونسجل لك في دواخلنا انك كنت رجلا

  24. ازهري فخامة الكلمه وقوة المعني والصراحة في زمن الخوف والخنوع عشت علما يسجل لك التاريخ في انصع صفحاته ونسجل لك في دواخلنا انك كنت رجلا

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..