أنا ماشية المطار استقبل الرئيس

شكرا شريفه شرف الدين واي كلمه تبدا بالشين بكسرها وليس بفتحها حتى لالا يساء بي الظن

يبدو لي جليا انك انسانه ذات عزيمه من مجرد الاسم و لعلك اخذتيه من احد والديك والوالد اقرب للصواب .. شكرا للمقال برغم رمزيته الرائعه ..

تانى ما بيقدر يتكلم
الله في
عقبال الكذابين الباقيين

أستاذة/ شريفة لقد أفتقدنا قلمك الرشيق وكتاباتك التى تدخل الدفء فى أوصالنا وتعطينا كل الأمل بأن الغد مشرق وأن 23 عاما من عمرنا قدمضت ونحن ننزف دما ودموعا وحسرة على ماضاع من أرض أستبيحت من الجيران ونضرب من السماء ولا ندرى من فعل ذلك وبم.23عاما ونحن نجر خيبتنا وتتقاذفنا الظنون هل سنرسوا لبر امن أم نتصومل.يا أختاه الموضوع ليس الهمبول عاد معافى أم مات الموضوع كبير وخطير فلو كان بموته خلاص لنا لفرحنا وطربنا وأنتشينا بدون خمر ورقصنا فى الشوارع بل الموضوع هو أجتثاث كل بقية العصبة وعمل غسيل لجيل نمى فى عصر التتر وأزالة كل أفكارهم التى علموهم لها حتى يرجع المجتمع السودانى لصحته لما قبل ال23 عام العجفاء.

بصراحة والحق يقال موضوع الاستقبال دا مافي اي داعي ليهو…وانا هسه قاعد في المكتب والساعة تسعة صباحا سمعت بعض الموظفات قالو ماشين بيوتهم لانو في مسيرة لاستقبال الرئيس!!!!! يعني بكل بساطة يوم عمل ضائع.

ذهابك للمطار سوف يكون امتحان حقيقي لشعبية الرئيس ويضعها على المحك، حيث ستنصرف وسائل الاعلام وعدساتها اليك بدلا عن الرئيس، ولا بد أن اللجنة المنظمة قد دخلت (في حيص بيص) الآن بعد قراءتها لخبر نيتك الذهاب للمطار، غايتو .. ربنا يكضب الشينة

لقد عاد وإن إحتفلنا فأحتفالنا سيكون فرحة بأننا إرتحنا من تلك الطب الجوفاء المشحونة بالأكاذيب والوعود الزائفة والمشحونة بالبغضاء والعنصرية …
نسال الله أن يصْمِتهُ وإلى الأبد …

مشى يا شريفة الله يحفظك, لو عندى حق المواصلات كنت مشيت.

يابت شرف الدين الموديك تكوسي في المطار شنو عندك دلوكة أو ربابة أو نقارة أومن شباب البلد الفنانين أم طردوكي من الشغل للصالح العام أم كنتي من المظلومين الجايين يقدموا العفو أم أنتي من المشردين من أحياء اليرموك أم أنتي مؤتمروطنية عندك شال جديد بي تطريزة لنج أم أنتي عندك سبحة طويلة و مرقوعة خضراء أم أنتي جاية من الصباح دايرة تفكي الريق في بحبوحة الوطني و يا كايساليكي عريس يدبل بيك أو يتلت أو يربع بيك عشان يديك مزرعة و شقة و لا ندكروزر مظلل و إمكن يديك قطعة ارض في كافوري حسب المؤهلات العندك
دمتي كاتبة رصينة بهذه الرمزية التجريدية

حوالي 300 ألف من أهل دارفور يرقصون طربا في قبورهم ترحيبا بقاتلهم الهمام ، و حوالي 10 آلاف بنية مجلودة لإنها كانت لابسة بنطلون ستهز و تبشر بقدوم التيس أقصد الفطيس لا ياخ أقصد الرئيس ، و حوالي 5 مليون من الذين لا يجدون حق الفطور و يرسلون أبناءهم للمدارس جعانين و بملابس مشرطة ، هؤلاء يشعرون بفرح غامر بقدوم التيس أقصد الرئيس … كتار الفرحانين بجية التيس أقصد الرئيس ، ماك براكي يا الكنداكة بت شرف الدين ، الله يحفظك .

انه موحد السودان موقف الحروب صانع المعجزة الاقتصادية فى السودان والآن صادراتنا الزراعية والحيوانية بعشرات المليارات فى السنة والناس ما لاقية عمالة حتى استعانوا بالعمالة المصرية والآسيوية فى الزراعة والصناعة الزراعية والتحويلية!!!انه منشىء جيش قوى مهاب خلى الاجانب يتركوا اراضينا الاحتلوها وبدون حرب انه طارد الجنود الاجانب من السودان ومافى غير الجيش السودانى يحمى الوطن والمواطن انه خالق الاستقرار السياسى والدستورى والحرية للمواطنين انه لا يعرف غير السودان والسودانيين ولا ينحاز لحزب او حركة محلية او عالمية يعرف المواطن السودانى وبس مهما كان عرقه او دينه انه خالق النهضة التعليمية وخلى جامعاتنا من اوائل الجامعات فى المنطقة العربية والافريقية وقضى على الامراض من خلال برامج الرعاية الصحية القومية!!!انه مثل سلطان عمان ماعندغير الوطن والمواطن ولا يعرف المغامرات الغير محسوبة وتؤذى الوطن والمواطن ويعمل فى صمت وهدفه الاول الوطن والمواطن ومن غير جلبة انه قضى على الفساد(تعويض اراضى ام دوم) واصلح الخدمة المدنية وقضى على صفوف الرغيف والبنزين!!!فى حاجة تانى انا نسيتها؟؟؟ ومن يقول بغير ذلك ما هو الا عميل لاسرائيل وامريكا وخاين للوطن!!!! هبوا الى استقباله فما عرف السودان وحدة وحرية وازدهارا طوال تاريخه الا فى عهده الميمون!!!! ولا ينكر ذلك الا مكابر!!!!

الشعب الجاحد مفروض كان يساهم في شراء عربية مكشوفة طراز رولزرويس ويصطف الرجال علي جانبي الطريق من المطار الي مكان اقامة فخامتو وهم يحملون اكليل الغار والنساء يحملون سلال بها ورود وفل ويلقونها عليه مع اطلاق الزغاريد …نعم رئيسنا المفدي وصاحب نهضة السودان يستحق اكثر من ذلك

انا هسا جاي من المطار والشعب السوداني عن بكرة ابيه هناك ويهتفو.(يا شانقنا …اريتو حلقنا)

اشتقنا كتيييييييييييير للخطب “الكديسة” عفوا “اسعد افريقا” ونناشد لكل “الحشرات” ان يكونو في الاستقبال والماجاي الاستقبال “تحت الجزمة” ويجرب ” لحس الكوع” فارجو الا يفوتكم سماع اول تغريدة بلمبة صوت سعودي جديدة لنج تركيب صيني

ما وريتونا الراجل جاب ليكم سبح للأستغفار إنشاء الله ….!!!؟؟؟