ريفرز النيجيري يشكو في باسكال ويطالب بإبعاد المريخ من دوري أبطال أفريقيا
القاهرة ـ
تقدم نادي ريفرز النيجيري بشكوى ضد المريخ طاعناً في قانونية مشاركة لاعبه المجنس باسكال واوا، واستند ريفرز في شكواه على ذات الحثيثات التي استند إليها هلال كادوقلي في شكواه في ذات اللاعب بسبب مشاركته في المباراة التي جمعت بين الفريقين وكسبها المريخ بهدف، مثلما دعم النادي النيجيري شكواه بالمستندات نفسها، وتحصلت الصحيفة على معلومات مؤكدة بأن المعلومات والمستندات وصلت إلى النادي النيجيري من السودان عبر البريد الإلكتروني، حيث طالب ريفرز في شكواه بإبعاد المريخ من مجموعات الأبطال واعتماد تأهله. يذكر أن الأحمر كسب مباراته في مواجهة ريفرز باستاده بأربعة أهداف متخطياً النتيجة التي سجلها النيجيري في داره، وتأهل لمجموعات الأبطال.
اليوم التالي
من نتائج الفوضى الإدارية
رسلوها ناس الهلال طبعا .. معناها خايفين من الشماته لانهم حيطلعوا من المجموعات بفضيحة وعا فين انو المريخ احسن منهم
عملوها الهلالاب … الرشاشات
وطنية معدومة
ليس المهم من ارسل المعلومات بل المهم هل هى صحيحة ام خطا وان كانت صحيحة من الذى تسبب في الوقوع فى الخطا يجب محاسبته على ذلك ثم عزله.هكذا تعالج اامشاكل وتؤخذ العبر والدروس للمستقبل .لكن حكاية ديل هلالاب ولا ديل حاقدين دى ياها الجابت انديتنا والفريق القومى للحضيض
هو اصلا المريخ طالع طالع.. اكيد اعلامي من اعلامي المريخ المعارضين.. للادارة ولغارزيتو** الهلال اكبر من كدا.. الهلال بعتبر المريخ دا اخوه الصغير جدا عشان كدا الاخو الكبير بيخاف على اخوه الصغير وبيكون بحامي ليهو في الشارع لو زول دقاهو لانه قاصر بيقيف معاهو وبعلموا لحدي ما يشتد عوده ** وغير كدا بسبب مشاركات الزعيم الهلالي في هذه البطولات الافريقية كثيراً زادات غلة الاندية السودانية وبذلك مسك الهلال اخوه الصغير من يده وذهب به إلى البطولة الافريقية التي يعتبر المريخ ومعه كم فريق من احدث الفرق التي اصبحت تلعب في هذه البطولة وتصل لدوري المجموعات** لذلك الهلال لم يكن في يوم من الايام هذا ديدنه ولا طبعه.. لان شعار الهلال[ الله الوطن الهلال] الهلال اصلا عارف المريخ لو كان في مستوى برشلونة بطلع من البطولة.. هل المريخ الحالي افضل من مريخ الاعوام السابقة؟ لو الاجابة بلا؟ انا بقول ليكم الاتي:-
طيب إلى أي مرحلة وصل في محاولاته الاثنين السابقيتن؟!! وماهي الانجازات؟؟!! انا بشوف احسن تركزوا في البطولة العربية ما عايزة مجهود كبير..
هو الهلال دا يسوي ليكم شنو اكثر من كدا؟؟ بيديكم لاعبيهم تشاركوا بيهم في البطولة دي كمان لاعبين جاهزين وكانوا اساسيين معه.. وبرضو رغم فقدانه لخمس اعمدة رئيسية واداكم ليهو برضو بيلعب في البطولة دي..
بقت عليكم [مارقين تحننوا ولاعبين تحننوا] بطلوا الردح ونشوف اخر الشكوى شنو؟؟ ان كان من ناس هلال كادوقلي ولا الفريق النيجري.
هذا نموذج للخيانة الوطنية فى أوْضَح تجلِّياتها.مثل هذا الشعب يستحق أن يحكمه الكيزان.