مصطفى عثمان إسماعيل: الإقتصاد السوداني (معوج وغير منضبط)
البرلمان : سارة تاج السر
وصف رئيس بعثة السودان بجنيف مصطفي عثمان اسماعيل، الاقتصاد السوداني، بـ (المعوج وغير المنضبط) واقر بعدم قدرة السلع والمنتجات الوطنية على دخول الاسواق العالمية، بينما اكد ان التفاوض مع منظمة التجارة العالمية يسير بصورة مهنية بحتة لم تتدخل فيه السياسة كما جرى سابقا.ً
ورهن اسماعيل نجاح إنضمام السودان للمنظمة العالمية، بالالتزام بالبرنامج الموضوع، واضاف (اذا فشلنا في الالتزام، بالطبع لن نتمكن من الإنضمام لها) وشدد خلال تصريحات صحفية بالبرلمان امس، على أهمية الانضمام للمنظمة، واردف (اقتصادنا بالطريقة الماشي بيها دي لو ما دخلناهو المنظمة ما حينضبط ويرتكز على اسس سليمة).
واشار إسماعيل الى نجاح السودان في الاجابة على اكتر من (200) سؤال طرحهم فريق التفاوض من جملة (224) .
وذكر ان إشكالية الاقتصاد السوداني تتمثل في زيادة الانتاج والنوعية والعجز عن دخول الاسواق العالمية نتيجة لعدم توفيق اوضاعه حسب القوانين الدولية، واضاف (اقتصادنا معوج لان الاستيراد اكثر من التصدير).
واعلن رئيس البعثة عن تراجع الدعاوى الكاذبة التي تبثها بعض المنظمات الدولية، بشان انتهاكات حقوق الانسان في السودان، وقال: (هذا لايعني استسلامها، فهي لم تجد الاجواء مؤاتية لكي تواصل اكاذبيها عن حقوق الانسان)، وحذر بانها لاتزال تتربص بالحكومة، فيما أوضح ان العلاقة بين البعثة والجالية السودانية بجنيف اصبحت (سالكة) ويسودها (التفاهم) ويلتقوا في المناسبات والاعياد والتنويرات .
الجريدة
بلد فوضى والله زول وصل لي درجة وزىر خارجية ترجعوا تاني لي درجة سفير دي ما بتحصل الا في السودان دي اسمها شك الكوشتينة و الترضياااااات ,شتات جمعتنا الظروف و هي كفيلة با تفرفنا نحن سودانيون الشتات و المنافي يس الحمدلله قسمتنا كدة و قدرنا كدة .
بس عليك الله شنو هو الما معوش و منظبط في السودان, ; كل واحد يغني على هواه في البلد دي , ونرجع ونقول إذا كان رب البيت بالدف ضاربٌ فشيمة أهل البت الرقص ِ , بلد و حاكمها طرطور يعني حتكون شنو يعني , الله يرحمك يا أبعاج كانت كلمتو ما بتتردة مع جميع سلبياته إلا إنو كان عازينا و عازي المرأة السودانية حسع المرأة السودانية بقت تبيع الشاي في الشارع و دة قاعد في القصر يعاين , قال إسثتمار قال لاخير في إسثتمار ما بستفيد منه المواطن , الله المسعان وخالص .
بلد فوضى والله زول وصل لي درجة وزىر خارجية ترجعوا تاني لي درجة سفير دي ما بتحصل الا في السودان دي اسمها شك الكوشتينة و الترضياااااات ,شتات جمعتنا الظروف و هي كفيلة با تفرفنا نحن سودانيون الشتات و المنافي يس الحمدلله قسمتنا كدة و قدرنا كدة .
بس عليك الله شنو هو الما معوش و منظبط في السودان, ; كل واحد يغني على هواه في البلد دي , ونرجع ونقول إذا كان رب البيت بالدف ضاربٌ فشيمة أهل البت الرقص ِ , بلد و حاكمها طرطور يعني حتكون شنو يعني , الله يرحمك يا أبعاج كانت كلمتو ما بتتردة مع جميع سلبياته إلا إنو كان عازينا و عازي المرأة السودانية حسع المرأة السودانية بقت تبيع الشاي في الشارع و دة قاعد في القصر يعاين , قال إسثتمار قال لاخير في إسثتمار ما بستفيد منه المواطن , الله المسعان وخالص .
ياطبيب امشي شوف المرضى في المسبشفيات وين بلا علاقات اقتصادية وسياسية معاك
وما هي علاقة اعواج الاقتصاد ياعوجاج العظام؟
انت داير تفهم السودانيين ديل شنو يعني بالدارجية بتاعتك دي!
والضبط الاقتصادي دا اسال منو ناس الناتج القومي الاجمالي وصندوق المدفوعات والمديونية والمقايس والموازين (احصاء-مالية-مصارف…) قاعد في المؤتمر الوطني دا بعد ما جابوك من بريطانيا واتخرجت في كليةالطب لي وزارة الخارجية مباشر كدا سويت للخارجية السودانية شنو غير التطبيل والنجر للحكومة؟ نمن بودوك جنيف عشان تتوسط لراعايا حكومتك المطلوبين سيئة السمعة في (الابادة-الارهاب-صندوق النقد الدولي-الحظر الاقتادي….)